Куттас,хоргус дьоннор
Үөрдүһэн сылдьаллар
Этиэм этэ доҕорбор
Оннук эрэ буолумаар

Соҕотох сылдьан саныыгын
Олох араас өрүттэрин
Инникитин кэнникигин саныыгын
Баҕар дьоллоох буолуом дии саныыгын

Онтон салгыы этиитин
Доҕоруом
Бэйэҥ толкуйдатар
Этэн кэбиспит тылларбыт
Өйдүү саныы сылдьаар

Владимир Бочкарев -УЛУСХАН

Ыраах ,ыраах Саха санаан Да көрбөтөх сиригэр ыксаллаах ол эрээри атын омуктары дьаһайталыы сылдьаммын 1986

Олус үчүгэйдик олороору…

Сыллар- хонуктар ааһаллар,
Олус кэмчитик үөрэбит.
Таптал диэни билбэппит,
Олох да олорбоппут.

Ханна эрэ
ыксыыбыт,
Ол сылдьан сүтэрэбит .
Дьолу наһаа күүтэбит,
Ол эрэн хомойобут.

Кырдьыгы көрдөнөбүт,
Куруук саараан тахсабыт.
Үөрүүнү да күүтэбит,
Чуҥкуйууга тиийэбит.

Туохпут даҕаны тиийбэт,
Үөһээ тахсаат түһэбит.
Сэрэнэн да тахсабыт,
Ол иһин мэлийэбит.

Сыллар устан ааһаллар,
Олох олорботох курдукпут. Барытын өйдөөхтүк оҥороору,
Олус үчүгэйдик олороору…

Бочкарев Владимир
Васильевич-Улусхан