Бэҕэһээ таксилаатым. Төһө да сарсыныгар бу дьылга бүтэһик үлэ күнэ буолбутун иһин дьон кэлиитэ-барыыта үллэҥнэс.
Махаон - Ильменская гостиница заказ киирдэ. Биир чүөчэ. Тиийэн истэхпинэ эрийдэ -Итиннэ биир дьээдьэ тахсыа, ылаар, - диэтэ.
Чахчы биир саас ортолоох киһи кэтэһэн турар, тиийбитим. Аны иккиэлэр эбит,
Сакаастаабыт чүөчэ эмиэ эрийдэ: - Чүөчэлээх буоллаҕына ылыма!
Киһибэр эттим ону

• Эсс, хайдах бу кыыс миигин кытары барсар да сабаас!

Төлөппүөннээтэ ол эрийбит дьахтарыгар, өр баҕайы тугу эрэ дакаастыы сатаата, анарааҥҥыта иннин биэрбэтэ.
Кыйаханан бардым, бириэмэ баран иһэр. Түүн икки чаас, маарыҥҥыттан сүүрэн сылайдым, дьиэбэр тиийэн утуйуом этэ.

• Доо, түргэнник быһаарыныҥ эрэ!
  Санаабар туох ааттаах атыырҕаабыт киһиний диэн сонньуйа саныыбын. Биир дьахтар ыҥырарын үрдүнэн өссө иккис дьахтар кыбыныылаах бара сатыыр.
• Дуо, чүөчэҥ күнүүлүүр быһыылаах. Хайдах икки чүөчэни кытта гостиницаҕа хоноҕун? Ыл быһаарын!
• Ээ, быраат ол чүөчэм буолбатах, эдьиийим! Вахтаттан кэллим бэҕэһээ, картам эдьиийбэр. Кини билигин онно гостиницаҕа күүтэр биһигини.
• Ээ, хата инньэ диэ! Туох айылаах султан киһиний диэн өссө күлэбин ээ, - диибин.

Кырдьык, киһи да күлүөх. Эҥин араас дьон. Айанньыт кэпсээниттэн сылыктаатахха, сырыы аайы вахтаттан кэлэн харчытын матайдыыр эбит, чүөчэлэр ыан бүтэрэллэр эбит. Ону анаан улуустан бу сырыыга эдьиийэ көрсө киирбит. Ким билэр, ким билэр туох кэпсээннээх урааҥхай эбитэ буолла?
Кэмниэ-кэнэҕэс айгыстан-айгыстан дьэ хоҥуннубут. Һуу…
Аны дьонум баран иһэн пиибэ ылыахха диэн хаайдылар. Суолга массыынабын эрийэ туттум, сураҕа ханна эрэ манна 7 школа таһыгар Пиворуб баар үһү. Оруобуна ол кэмҥэ кэннибиттэн гаи сэттэ өҥнөөх кустуга дьиримнээтэ - Баа- аап! Витц 0…. остановитесь! Б… ь! Ньаҕайдар! Барыта эһигититтэн, эһиги пиибэҕититтэн!
Ынырык ниэрбинэйдээтим. Таах сибиэ ыламмын. Явно двойнойу кэстим. Бу бырааһынньык саҕана эмиэ ыстараап!
Хата көннөрү докумуон бэрэбиэркэлээн баран ыыттылар, нормальнай саха уолаттара эбит. Тоҕо тохтототтугут диэтэххэ наһаа холустук уруулгун эрийбитиҥ холуочук дии санаабыппыт диэн аһаҕастык хайдах баарынан эттилэр. Һуу арыгы испэт үчүгэйин!
Суол хата прерывистай, пунктирдаах эбит.
Биллэн турар бу эргин туох да Пиворуб суох. Светофорга Курашова эрийэ тутаат Сайсар диэки газтаатым. Ону кытта ньаҕайдарым тэбис-тэҥҥэ ньамалаһа түстүлэр

• Тохтоо-оо! Тохтоо-оо! Бу манна кэннибитигэр баар Пиворуб! Тохтоо-оо! Хаарыан Пиворууб! Ыы- ааа! - ытыы ытаатылар, өлөр хаһыыларын кыланнылар!
  Идите н…! Бу сырыыга мин тулуйбатым!
• Туох да Пиворуб манна суо-оох! Эһи билэҕит

  дуу, мин билэбин дуу! Эһи таксилыыгыт дуу, мин дуу!

Дьэ доҕоор бэйэ бэйэбитигэр халлаан, бэлэс хайдарынан үөгүлэспэтибит дуо!
Бэл утуктаан испитим ханан да суох буолан хаалла, дэлби кыйаханан, хаһыытаһан!😅 Аж второе дыхание киирдэ!
Оттон син улам уоскуйан өр тардыллыбыттарын, заездтарын эдьиийдэринэн төлөттөрүөх буолан ыра оҥостубут Пиворубтарыгар Сайсар диэки айаннаатыбыт.
Ньаҕайдарым, испэр уже бигэтик оннук ааттаатым бу дьону, санаалара көнөн аны лиҥкир ырыанан айаннаатылар. Майа сайына да ылланна, Күөх Ньурба чараҥнара да кыс хаар ортото массыына иһигэр тылынна. Баҕалаах Пиворубтарыгар тиийдибит. Өр баҕайы буоллулар. Нэһиилэ сылгылаан киллэрдим. Биир пиибэ ылаарылар кэппиэйкэлэрин ааҕа турбуттар. Пахай олох даҕаны төлөһүө суох дьон эбиттэр.
Эдьиийдэригэр эрийдим. Хата чүөчэ миигин буруйдаата. Соруйан өр баҕайы турбут аатырдым Махаоҥҥа уонна манна, харчы аахтараары. Ыксаан бу дьонтон бэйэлэриттэн көрдөөтүм. Дьонум турулус-эрилис көрөллөр, бастарын быһа илгистэллэр, илиилэрин нэлэтэллэр. Бүттэхпит ол. Һуу түргэнник бу дьонтон босхолоно охсуохха! Гостиницаларыгар тиэртим. Эдьиийдэригэр өссө төгүл эрийдим. Улахан этиһии күүһүнэн онлайн үс эрэ мөһөөҕү биэрдэ. Онон бүттүбүт. Кырдьык да түүҥҥү таксига мээнэ киһи тулуйан сылдьыбат. Кытаанах ньиэрбэ наада….
Төһө да иккис тыын киирдэр ньиэрбэм уонна бириэмэм ити дьоҥҥо бүтэн, центрга диэри биир сакаас оҥороот, билигин бүтэһик сакаас ылан дьиэлииргэ сананным. Соруйан попутно Сайсар диэки сакаастары көрөбүн.эй эбэтээ! Оба наа! Центр - Апельсин - Сайсар! Бу баар. Ыллым.
Эдэр кыыстаах уол киирдилэр. Бастаан чуумпулар. Отур ботур тугу эрэ кэпсэтэллэр, быһаарсаллар. Кыыс тугу эрэ буруйдуур, уолун сирэй-харах анньар мин көрдөхпүнэ.
Оттон улам боруога, мөҕөр туона улаатан барда.
Эн онно уолаттардыын барбатыҥ, кими эрэ үчүгэй баҕайытык көрбүтүҥ, кэпсэппитиҥ, оннук маннык. Уол ол аайы холку бөҕө, үчүгэй иитиилээҕэ, култууралааҕа тута көстөр. Словом интеллигент. Оттон кыыспыт атааҕа тута көстөр. Уоһун чорбото2 түһүнүү. Быһыыта ханна эрэ компанияҕа дьиэҕэ доҕотторугар ыалдьыттаабыттар, онтон иһэллэр.
Уол тиэмэни уларытаары соруйан атыҥҥа көһөрдө, миигиттэн:

• Халлааммыт дьэ тымныйда ээ, иэстэһэн эрдэҕэ
• Ээ буолумуна, кэмэ да кэллэҕэ.

Уонна дьыл бүтэн эрэр буолан дуу дьон киҥэ нара холлон баран сылдьар…

• Саҥарымаҥ вообще, заткнитесь! Наһаа элбэҕи саҥараҕыт. Вообще молча сидите!

Кыыспыт хатан куолаһа чаҥкынаата. Ах бардыбыт.
Онтон доҕоор дьэ кыыспыт олох уот татыаккаланан турбата дуо!
Ах ты такой сякой! Я ж тебя любила а ты все время с друзьями,

на работе, учебе, а как же я?
Оннук дии дии уолун саайталаан барда, баттахтата,, сирэйин-хараҕын тырыта тыытта, ытаан истерикалаата, часкыйа-часкыйа. Ааранан миэхэ соччото суох балаһыанньа буолла. Массыына уҥа хаҥас дьигиһийдэ.

• Ээ, тохтооҥ эрэ!

Уол ааттыы сатаан баран ол охсон барбытыгар ыга бобо кууста, сахчыйда

• Дыа, бүт эрэ! Саатар дьонтон кыбыһын!

Ол кэмҥэ кыыс түһэр аадырыһа кэллэ.

• Да иди ты н… !, - диэн баран ааны хайа быраҕан таҕыста.
• Даа убай күүт дии, мин билигин ити кыыстан төлөппүөммүн ылан баран төлүөм дии
• эс, маарыын толору төлөөбүтүҥ дии
• ээ дуо ити кыыс олох өйбүн көтүттэ
• Дьэ доҕор быраат хайдах ити кыыһы тулуйан олороҕунуй?
• Оттон таптыыбын, ол да буоллар итиннигин билэн бу тэйэ сатыы сылдьабын
• оо..
• Оттон арахса сатыыбын да син биир туох эрэ ыыппат ээ… этиһэ-этиһэ син биир эйэлэһэ турабыт
• м-даа, оччоҕо кырдьык таптыыр эбиккин…
• чэ давай убаайка пока. Сайсарга диэри биэс мөһөөх төлөөбүтүм дии, чэ ладно хааллын. Бу кыыстыын бүтэһиктээхтик быһаарсан баран бэйэм своим ходом тиийиэм. Чэ кэлэн иһэринэн, этэҥҥэ!

Эдэр оҕолор. Барахсаттар. Этэҥҥэ эрэ сырыттылар ханнык. Ол эрээри ити уолу эмиэ да хайдах эрэ аһына санаатым ээ. Итинник атаах, уолаттар төбөлөрүн үрдүгэр ыттар кыргыттар уолаттары онно манна тиэрдиэхтэрин сөп. Үөһэттэн аллараа, өрүтэ- умсары ууга- уокка түһэртээн. Хаарыан үчүгэй, сымнаҕас үтүө майгылаах уолу арыгыһыт да оҥоруохтарын сөп. Саха - дьахтар таҥаралаах.. Ыал ийэтиттэн туох барыта олус тутулуктаах.
Лермонтова 27 - Гимеин саҥа сакаас киирдэ. Дьиэм диэки айаннаатым.
Чаҕыл