Ордугу булуллуоҕа

Сарсыардаттан уһуктаат
Ахтан киирэн барабын,
Көрө охсоору ыксыыбын,
Хаамар суолгун маныыбын.

Сөбүлүү көрөөрөй диэммин
Үчүгэмсийэ сатыыбын,
Маанытык таҥас таҥнаммын,
Кэлэ бара аалыҥныыбын.

Киэһэ биэчэргэ тиийэммин
Эн кэлэргин кэтэһэбин,
Сэҥээрбэккэ ааһа хааман,
Атын кыыһы ыҥыраҕын.

Мин таптыырбын, тоҕо бэрдэй…
Хайа муҥун таайбаккыный?
Кыһалла да сатаатарбын
Миигин өйдөөн көрбөккүнүй?

Дьэ, итинник буоллаххына,
Уол элбэх, сылдьыаҥ эбэт-ээ,
Ол туһугар кыһаллыма,
Ордугу булуллуоҕа !!!

😅

Клара Матвеева.