Ким оҥорор уонна биэрэр?
Саха Өрөспүүбүлүкэтин Үлэҕэ уонна социальнай сайдыыга министерствота.

Бу өҥөнү туһанар туһугар Госуслуги порталыгар бигэргэтиллибит (подтвержденная) тус кабинеттаах буолуохтааххыт.

• Өҥөнү ыларга личнай кабинеткар киириэххэ эбэтэр Регистрацияланыахха наада.

Өҥө туһунан кылгастык
50 000 (биэс уон тыһыынча) солкуобай кээмэйдээх төлөбүр аан бастаан ыал буолааччыларга бэриллэр.
Төлөбүрү ылар усулуобуйа:

• Иккиэн РФ гражданина буолуохтааххыт.
• Сааскыт 25-тэн итэҕэс (кыра) буолуохтаах.
• Саха Сиригэр олорор буолуохтааххыт.
• Эр-ойох буолуу 2024 сыл тохсунньу 1 күнүттэн бэттэх бэлиэтэммит буолуохтаах.

Төһө кэм иһигэр оҥоһулларый?

• Заявление бэлиэтэниитэ — 1 үлэ күнэ.
• Харчы биэрэр дуу, аккаастыыр дуу туһунан быһаарыы — 10 үлэ күнүн иһигэр.

Туох докумуон нааданый?

• Эр-ойох иккиэннэрин ааттара, төрөөбүт күннэрэ, пааспар дааннайдара уонна СНИЛС-тара.
• Харчы түһэр банк реквизиттэрэ.

Болҕой: Өскөтүн эһиги Саха Сиригэр олорор сиргит анал уопсай дьиэлэргэ (спецжилфонд) эбэтэр олороргутун суут нөҥүө бигэргэппит буоллаххытына, ол туһунан докумуоннары 3 үлэ күнүн иһигэр Социальнай көмүскэл управлениетыгар (УСЗНиТ) бэйэҕит илдьэн биэриэхтээххит.

Тоҕо аккаастыахтарын сөбүй?

• Бу иннинэ кэргэннэнэ сылдьыбыт буоллаххытына (хос ыал буолуу).
• Ыал буолар кэмҥитигэр сааскыт 25-тэн тахсыбыт буоллаҕына.
• Биир кэргэннии бу харчыны бу иннинэ ылан баран эмиэ көрдөстөҕүнэ.
• Ыал буолар кэмҥитигэр Саха Сиригэр олорбот буоллаххытына.
• Ыал буолбуккут туһунан туоһу сурук (свидетельство о браке) суох буоллаҕына.
• Сүрүнэ: Ыал буолбут күҥҥүттэн 6 ыйтан элбэх кэм ааспыт буоллаҕына.

Өҥө түмүгэ
Өскөтүн барыта сөп буоллаҕына, харчы эһиги банктааҕы счеткутугар (эбэтэр кэргэниҥ счетугар) түһүөҕэ.

Е-Якутия порталынан оҥоһуллар⤵️
Е-Якутия ссылката