Үйэбэр ордук табыллан үлэлээбит сирим Анаабырга Майаат бириискэҕэ баахтанан үлэҕэ этэ. Универсал токарынан үлэлээбитим. Үлэлиир мастарыскыайбыт сырдыга, киэҥэ куоҥа уонна станоктара элбэҕэ туох ааттаах. Сахалар иккиэ этибит даҕаны дэҥҥэ көрсөн аасыһарбыт. Өрөмүөҥҥэ быһаарыылаах үлэ толоруллар буолан дьиэбит былдьаһыктаах. 15 мүнүүтэлээх тохтобулга үлэһиттэр мустан кэпсэтэн ааһааччылар. Онно мин сынньана барбыт кэммэр нууччалар буулаабыт буолаллар. Мин тиийдэхпинэ сахалар кэлэллэр. Таһынааҕы мотористар цыахтарыгар Димон диэн уруккута боксаҕа маастар уоллуун бииргэлэһэн күөнтүүбүт. Мөккүөр суох буолар. Үлэҕэ биирдэ дьэ дьикти быһыы буолбута. Ол туһунан кэпсиим. Манна кэлиэм иннинэ мин жкх үлэлии сылдьыбытым. Хачыгаардаан, котельнайга биригэдьиирдэрэ эҥин. Ону эттэххинэ мэхээнньиктэр сапсыйан кэбиһэллэр. Табахтыы-табахтыы тугу да гымматах курдук. Дьэ, туран манна котельнай дара итальянскай фирма арыынан ититиллэр оҥоһуулааҕа сотору-сотору моһуогурар эбит. Ону сахалыы сыныйан көрбүтүм кипятильник курдуктаах. Онто кытардаҕына быыһынан арыы түргэнник кыайан ааһа охсубакка нагаарданан умайар эбит. Ону сахалыы аттаран үс российскай тэни аттаран корпуһун уларытан оҥорбутум. Кыһалҕа хатыламмат буолбута. Үлэһит уол киирэн махтаммыта. Мин напарнигым Аникин Артур диэн афганец мэхээнньиктэри кытта билсиилээх. Киниэхэ циркуляр биэрбиттэрин миэхэ аахтарбыта. Ол үлэ таһаарымтыатын хааччыйыы Балаһыанньата эбит. Ким саҥа идеяны, үлэни судургутууну айбыт тэрилтэ барыһыттан премияланыахтаах эбит. Мин аҕам Беларусь тыраахтарга баттааһыннаах сыарҕаны аан бастаан айан туһаммыт рационализатор этэ. Мин син ону-маны оҥортоон кэбиһэрим. Ол иһин Артур миэхэ көрдөрдөҕө. Ол кэмҥэ аны биир биллэр специалист командировкаҕа ыҥырыллан кэлэ сылдьара. Тиксиигэ улахан авария буолбутун туоратыспыт киһи. Ол киһини кытта кэпсэтии буолта. Мин киниттэн ыйыппытым. Бу мин оҥоһугум сөп түбэһэр дуо? —диэн. Ону киһим судургутук ходатайство суруйан биэрбитэ. Дьэ, үчүгэй. Баахта срога бүтэн Дьокуускайга хонтуораҕа кэлэн главнай инженеры көрсөн маннык баар диэн көрдөрдүм. Тоҕо эрэ :-“бу күннээҕи боростуой үлэ! Илии баттаабаппын диэн” - баран паапкатын кыбынан ханна эрэ тахсан баран хаалла. Ол хоско элбэхтэр. Биир Тула куораттан сылдьар Инженер үлэлэри м чертежтарын көрдө:-үлэҥ элбэх эбит. Биирдэрэ эмит аастаҕына ол да үчүгэй"-диэбитэ. Биир стажировка бара сылдьар уол эппитэ өйбөр хаалбыт: -" Тут вообще непонятно. Целый этаж - энергетики, другой полныйэтаж-инженеры. А тут какой-то рабочий? “…. Тойонноро аккаастаабытын

кэннэ хайыахтарай. Алҕаска оҥорон кэбиспит диэтэхтэрэ. Мин буоллаҕына дьиэбэр бараары ыксыыбын. Тыа киһитэ кэнэн буоллаҕым. Харчыга ымсыы киһи эбит диэхтэрэ диэн санаа элэс гыммыта. Тахсан барбытым. Ол хохуолу тоҕо эрэ” профессор" - диэн үрдэтэн ааттыыллар этэ. Ол кэннэ сорох мэхээнньиктэри түһэрэ сатыыллара. Биирдэ тиийбитим улахан болгарскай саамай үлэлиир токарнайбыт алдьанан турар эбит. Ону ыһаммын алдьаныытын булан оҥорон кэбиспитим. Онтум баара:-“кини алдьаппыт” диэн буолан хаалта. Омук токардара бары 6 разрядтаахтар. Миигин 5р таһаарбаттар. Арай биирдэ Морҕоҕор диэн учаастакка японскай кран охтон кумаламмыт. Ону оҥорорго токарь көрдөөтулэр. Дьиҥэ бэйэлэригэр токардаахтар. Бары саҥарбаттар куттанан. Кыайан оҥорботоххуна премияҥ быстан уонна айдаан буолуон сөп. Ону сири дойдуну көрөөрү бараммын оҥорон кэлбитим. Билигин ыччат промышленноска сыстар. Онно илин-кэлин түсүһүү хайаан да баар. Киһи үөйбэтэх өрүттэрэ даҕаны бааллар буоллаҕа. Ону мин кэлин эрэ өйдүү сылдьабын. Дьиҥэ ол кэмҥэ Анаабыр Алмаастарын тойотторо сахалар этилэр. Онон да мөккүөрү быһаартара сатыахха сөбө буолуо. Мин сопхуоска үлэлиирбэр эрдэ алдьаммыт токарнай уонна пневмомолоты оҥортообутум. Онтон Аллараа Өлүөнэтээҕи даҕаны тэрилтэҕэ эппэккэ эрэ бэйэм көхпүнэн оҥортообутум суолтата суох ааспыттара. Сөптөөхтүк кэпсэтэн, этэн эрэ баран өрөмүөннүүр сөп эбит күүрээннээх үлэ күрэҕэр. Кыраһа.