Аудиота:

    Оҕо төрөөн,сир үрдүн бааһырдаах ааттаах да, Ньукулай оҕо төрүөҕүттэн үчүгэй,, сээн,, дэнэр олоҕу көрө да илик, аҥардас ийэ өҕөтө буолан тиийбэт тирии, тарпат тараһа олохтоохтор. Кыратыттан кыһын интернат, сайын сайылык оҕото, ийэтэ барахсаҥҥа илин кэлин түһэн көмөлөһөр. Атын аҕалаах оҕолорго ымсыырар, аҕаларын кытта кус, балык, куобах булдугар бииргэ сылдьаллар…
Саатар бүгүн итирик уолаттар көрсөн дэлби,, хомпуустаатылар
—Хайа бу илдьиркэй билигин да тыыннаах эбит дуу? Эн ыттан атыныҥ икки эрэ атахтааххын, эйигин оҕустахха, тэптэххэ да сокуоҥҥа эппиэттээбэппит–
Уонна күлэн дьаллаҥнастылар, оо бу оскуоланы бииргэ бүтэрбит бэдиктэрэ, оскуолаҕа да сор хаанын сордууллара…
— Бээ тохтооҥ,мантыкаҥ оскуолаҕа сылдьан, өйдүүгүт саамай кэрэ кыыспытыгар Күннэйгэ хоһоон анаан турар ээ, Хара тураах Күөрэгэйгэ санаммытын курдук…
Хаа–хаахаа күлэн алларастаатылар.
— Уолаттар туорааҥ эрэ, ыксыы сылдьабын, сайылыкка килиэп ылан барыахтаахпын,—
— Тохтоо эрэ блээт килиэптээххин баҕастааххын, аҕал харчыгын, биһиэхэ наада–
Киирэр тахсар дьон бу холуочук уолаттар Ньукулайы хаайан анньыалыы туралларын көрөллөр да ким да наадыйбат, көрө–көрө көрбөтөҕө буолаллар, тойоттор оҕолорун кытта аахсыахтарын баҕарбаттар быһыылаах…
— Өссө эн ыарыы чэпчии тураҕын, сүөһү–
Кэннигэр турар уол сор күүскэ кэтэххэ саайда.
— Арба күндү Күннэйиҥ, хоонньоһорго аккаастаабат буола сылдьар, кытаат бэлэм хайаҕаска,ол гынан баран эйигиттэн сиргэнэрэ буолуо, сытыҥ сымарыҥ–
Ньукулай хараҕа хараҥара түстэ, кэннигэр кэтэххэ саайан баран саҥаран ньаамыргыы турбут уолу сыҥаахха саайда…
Куруук сэнээн кэлэ бара атаҕастыыр киһилэрэ, Баар суох сүрэҕин кистэлэҥин, истиҥ Иэйиитин, сиргэ буорга тэпсэрдии ырдьаҥнаспыттарыгар, айахтарын атан турар биэс уолу булгурута сөрөөн түһэртээтэ…
Мааны ыал атаах тот оҕолоро, туох кыах кэлээхтиэй, Кыра сааһыттан үлэҕэ эриллэн улааппыт Ньукулайга утарсар да кыахтара суох этэ…
Дьэ айдаан баһа төлө ыстанна, ким эрэ милиисийэҕэ биллэрбит, аны скорай эмиэ ыйылаан кэллэ…
Ньукулайы харыс да хамсппакка,саҕатыттан сахсыйан, хаппардаах хаайыыга хатаан,, хап,,гыннаран кэбистилэр…
Сыҥаах, ойоҕос тостуулаах, улаханнык кырбаммыт дьон быһаарыы биэрдилэр, Бары Ньукулайы буруйдаатылар, оонньоон күлүү гыммыппытын кырбаталаата, кыаҕын көрдөрөн, олох үҥсэн айахтара кытаран олордо…
Ньукулайтан ыйыппыттарын, идэтинэн кэтэҕин тарбанна,Күннэй туһунан биир да тылы кыбыппата…
Улахан Бүрүстүүпүнньүгү туппут аатыран, икки милииссийэ илдьэн түрмэҕэ туттардылар…
Ньукулай онон биир күн, халыҥ тимир ааннаах түрмэ олохтооҕо буолан хаалла…
Итини этэн эрдэхтэрэ,

утуйан түрдаххына туох күн күүтэн турара биллибэт диэн…

Арай биир күн Ньукулайы туох да үгүс кэпсэтиитэ суох, хайдах соһон киллэрбиттэрэй да ол курдук таһырдьа анньан кэбистилэр…
Хайа бу куораттарын олох билбэт киһи, олох эргичийэ түстэ, ханна эрэ эдьиийэ эмээхсин олорор үһү да, бу киһи ол эдьиийин диэни, хаһан эрэ оҕо сылдьан көрбүтэ да, оннооҕор маннык сырайдаах харахтаах диэн өйдөөбөт даҕаны, оҕолоро сиэннэрэ бааллара буолуо да, ол дьон сахалыы билэллэрэ да саарбах…
Аны бу киһибит, бөхтөртөн ханна барабын диэн ыйытааччы буолан, дэлби кыйахаата…
— Оройгун аллара иликпитинэ сүтэн хаал,—
Эбиитин эмэһэҕэ умса тэбэн таһаардылар…
Сиэбин хастан кыра харчы дуомнааҕын аахта, Автовокзалга барарга быһаарынна, онно тиийэн дойдутугар барар сэп көрдөнүө…
Син мунан тэнэн наадалаах сирин булла, аны киирэр тахсар дьонтон дойдутун аартыгын ыйыталаһа сатаата, биир да киһи чугаһаабыт, сор таҥас сап, өссө ол дойду иигин сааҕын сыта иҥмитэ амырыын сыт быһыылаах…
Аны кини соругар биэс алта бэйэтин курдук дьон иҥээннээтилэр, дьэ ыксал буолла…
Иҥин араастаан куота сатаата да дьоно олох күөйэ сылдьаллар, икки милииссийэ хааман дьыраҥнаһа сылдьаллар, олох наадыйбаттар, бэркэ билэр дьонноро
Ол ыксаан мучумааннана сырыттаҕын,ким эрэ симик саҥата кинини ыҥырда…
Алҕас иһиттим дии санаан эргийбэтэ,иккистээн аттыгар кэлэн ыҥырбыттарыгар дьэ эргилиннэ…
Икки кыыс, биир уол тураллар, маанылара диэн хартыынаттан түспүт дьон курдуктар, Ньукулай бэйэтин таҥаһын өҥөйөн көрдө, кыбыстан халлааннаан көтүөн, кыната суох буолан биэрдэ, сүр күүдээх буолан сиргэ тимириэн, Ол эмиэ кыайтарбата…
Күннэйи көрөн олох сүрэҕэ тохтуурга дылы гынна…
— Коля бу эн эдьиийиҥ оҕолоро, эйигин көрдүү сылдьабыт–
Инньэ гынан бэйэлэрэ массыыналаахтар эбит, массыынаҕа олорон олох иэдэйдэ, бу алдьархайдаах мааны сэпкэ,сыта сымара, буора сыыһа таммалаан, мөҕүллүбүт оҕо курдук аан таһыгар саҥата суох чөкө олордо…
— Коля тиийдэххинэ саас сааһынан кэпсиэм, эн буруйуҥ суох олох мунчаарыма, Хаһан эрэ эн миэхэ оскуолаҕа анаан айбыт хоһооҥҥун нойосуус билэбин ээ—
Ньукулай иэдэһэ тэстиэх курдук кытарда…
Эн хаамар кырдалыҥ оһуора
Тэлгэнэр сибэкки симэҕэр,
Саас тыллар Ньургуһун тэтэрэн
Мин Иэйиим Эйиэхэ ананар.

Доҕоруом бу ыытар тылларбын
Кыыһыран кый мырах ыһымаар,
Сарсыарда саһарҕа кыымынан
Эн киирэн дьурулуу көтөҕүн.

Мин истиҥ тылларбын аныыбын
Эйиэхэ сырдык суол аартыгын,
Олоххор Дьол-Үөрүү аргыстаах
Аартыгыҥ алгыһын арыйдын.

Бырастыы доҕоруом бу тылбар
Бөөрчөхтөөн Эйиэхэ ыыппыппар,
Баҕардар биир түгэн санааҥҥын
Мин Куппар сырдык Кут сипсийиэ.

Бу хоһоону миэхэ анааҥҥын,

мин мунчаарар түгэммэр наар ааҕабын, наһаа да истиҥ хоһооннору хоһуйар этиҥ дии, оскуола хаһыатыгар, бу хоһоон кэнниттэн олох сүппүтүҥ…
Эдьиийэ үөрэ көтө көрүстэ, мэктиэтигэр ытамньыйан ылла, кууһан сүүһүттэн сыллаата…
Эдьиий Балбаарыска кырдьыбыт, Ньукулай кэлбитигэр наһаа үөрдүлэр, баанньыктанан суунан тараанан атын киһи буола түстэ…
Күннэйэ эмиэ сонурҕаабыт хараҕынан баһыттан атаҕар дылы көрдө…
Коля эн мин аҕабын билэҕин, ити эн кырбаабыт уолаттаргар, эдьиийин уола сылдьыспыт, ону үлтү хаайан туохтан иирсээн буолтун истибит…
Миигин ырытан үөхпүттэрин истэн олох инфактыы сыспыт, үчүгэй адвокат булунан, дьыаланы барытын тиэрэ эргиппит…
Эн мин чиэспин көмүскээн охсуспуккар уонна силиэстийэҕэ миигин харыстаан ааппын олох ааттаабатаххар улахыын улахан, биир тылынан кыайан этиллибэт Махтал…
Эн курдук эрэллээх доҕордоохпуттан наһаа үөрэбин…
Уонна иэдэһин холбуу тутан сып сылаас уоһунан уураан ылла…
Эдьиий хараҕа ууланна.

Арыылаах, С.