Сардаана сэниэ ыалга төрөөбүтэ. Ийэлээх аҕата эрэйинэн соҕотох кыыстарын төрөтөн баран оҕоломмотохторо. Аҕата Кирилл Осипович бэйэтэ мастырыскыайдааҕа. Аҕатын биисинэһэ элбэх харчыны аҕалбат да буоллар олороллоругар тиийэрэ. Ийэтэ буолла оскуолаҕа учууталлыыра. Ол иһин дьиэ үлэтэ барыта Сардаанаҕа этэ. Төһө да төрөппүттэригэр соҕотох кыыс буоллар да букатын атаах буолбатах. Оҕолору кытта тэҥҥэ оонньуура көрүлүүрэ. Киин куораттан чугас олорор буоланнар , дьиэ кэргэнинэн өрөбүл аайы куоракка киирэллэрэ. Биирдэ оннук эмиэ куоракка киирээри бэлэмнэнэ сырыттахтарына , дьиэлэрин таһыгар хара Майбах тохтообута. Массыынаттан мааны баҕайы көстүүмнээх эр киһи тахсан баран Сардаана аҕатыгар чугаһаабыта.

• Дорооболоруҥ ! Манна биир эмит автосервис баар ду? - диэн эр киһи ыйыппыта.
• Дорообо, бу мин бэйэм автосервистаахпын. Туоххут алдьанан кэллигит ?
• Ээ, хата, бэрт эбит! Ити массыынам мотуора наһаа итийэр буолла. Уонна уһуннук айаннаатахха ускуораһа түһэн иһэр. Көрүөххүт дуо?
• Чэ , тугу сатыырбынан көрөн көрүөм - диэн Кириил Осипович сөбүлэспитэ.
• Оччоҕо билигин водителим массыынаны мастырыскыайгытыгар киллэрэн биэриэ. Уонна төлөбүр туһунан хомойумаарыҥ. Үчүгэйдик төлүөм.
• Ааккыт ким диэний? - диэн Кирилл киһитэ баран истэҕинэ айытта.
• Аркадий Спартакович Золотов диэммин. Билсиһэн кэбиһиэх.
• Мин Кириил Осипович Тихоновпын - диэт бэйэ бэйэлэрин кытта илии тутустулар.
  Ити күнтэн ыла номнуо 10 сыл ааспыта. Кирилл Осипович Аркадий Спартаковичы кытта арахсыспат доҕордуулар буолбуттара. Бииргэ бултууллара, кэргэннэрин кытта сынньана бараллара. Аркадий Спартакович улахан тойон этэ. Кини көмөтүнэн Кирилл Осипович грант бөҕөтүн кыайан , биисинэһин сайыннарбыта. Биирдэ сааскы кус саҕана Кирилл Аркадийдыын дурдаҕа олордоҕуна доҕоро киниттэн ыйыппыта:
• Кириил, кырдьык кыыһыҥ хаһын туолбутай ? Көрбөтөх ырааппыт.
• Өтөрдөөҕүтэ 20 сааһын туолбута.
• Кэрэчээн кыыс буолан тахсыбыта буолуо. Эйиэхэ маарынныыр баҕайы этэ дии! - диэт Аркадий күллэ.
• Бу да киһи ! Дьон бары ийэтигэр маарынныыр дииллэр. Миигин кытта маарыннаппаттар даҕаны - диэн баран Кирилл чэй куттан истэ.
• Оттон үөрэнэр ду?
• Үөрэҕин бүтэрбитэ , 9 бара сылдьан. Билигин оскуолаҕа стажировкалыыр. Ийэтин курдук учуутал идэлээх.
• Онтон кэргэннээх ду?
• Һоо, ол туһунан санаан да көрбөт. Кини уруккуттан сэмэй кыысчаан. Эн ол мин кыыспын хайаан ыйыттыҥ? Кэргэн ылаары гынаҕын ду?
• Бу киһи хайдах буоллуҥ? Мин эн кыыскар эһээтигэр барсабын. Уонна кэргэним Люда өлтүн кэннэ кэргэннэһэ иликпин.
• Ол хайаан кэргэннэспэккин? - диэн Кирилл интириэһиргээтэ
• Онтон мин бэйэм тулаайах

  этим буолла. Кыра эрдэхпинэ биир ыал иитэ ылбыта. Иитиэх ийэм санаата куһаҕан баҕайы этэ. Миигин наар атаҕастыыр этэ. Ол иһин уолбар оннук оҕо сааһы биэримээри кэргэннэспэтээм.

• Билигин уолуҥ номнуо 25 туолла буолбат дуо? Бэйэҥ да олоххун оҥостор кэмиҥ кэллэ ини. 52 эрэ дии.
• Сөпкө этэҕин. Дьиҥэ көссүү билигин да баар. Олортон биири ыллахпына… Чэ ол туһунан онтон. Эйиигин кытта биир кэпсэтии баар - диэт Аркадий Спартакович Кирилл Осиповичка хараҕар көрдө
• Чэ эт доҕоор !
• Кириил, эн ити кыыскын Сардаанаҕын мин уолбар Тимурга биэрэҕин дуо. Эдэр дьон ыал буолан удьуордарбытын уһатыахтара буолла. Биһиги даҕаны уруккуттан доҕордоһобут. Бастакы кэмҥэ оҕолорбутугар көмөлөһүөхпүт буолла.
• Хата үчүгэй былааннаах эбиккин. Оҕолорбутун холбоон кэбиһиэхпит.
• Чэ, за будущее наших детей - диэт Аркадий тимир куруускаларга буокканы кутуталаата.
  Нөҥүө күнүгэр доҕордуулар дьиэлэригэр барбыттара. Түүн кус бөҕөтүн ыппыттара. Хаас да элбэх этэ. Кириил дьиэтигэр тиийбитигэр кэргэнэ Өкүлүүнэ кинини күүтэн олорор эбит.
• Хайа, Кириил , бүттүгүт дуо? - диэн Өкүлүүнэ кэргэнин көрөөт ботугураан эттэ.
• Аа, бүгүн бүттүбүт. Аркадий куоракка киириэхтээх үһү. Куһу толоруну аҕаллым. Таһырдьа уурбутум. Сардаана утуйа сытар да?
• Утуйар. Бэҕэһээ хойутаан кэлбитэ.
• Чэ оччоҕо турдаҕына кэпсэтиэхпит - диэт Кириил таҥаһын устан аһыы барда.
• Кириил, кэпсээриий , туох буолла? - диэбитинэн Өкүлүүнэ кэргэнин куукунаҕа сырсан барда
• Олор , билигин барытын кэпсиэм - диэн баран Кириил салҕаата - Сардаана соҕотох дии. Ол иһин Аркадий Сардаанабытын бэйэтин уолун кытта холбуон баҕарар. Соҕотох мин сөбүлэһэбин. Аркадийы мин 10-ча сылтан ордук билэбин. Кини барытын сөпкө этэр , билэр. Ол да иһин миниистир буоллаҕа дии.
• Онтон ол Аркадий кыыспытын кэргэн ылара баара. Биһиги кини уолун туһунан тугу да билбэппит дии - дии-дии Өкүлүүнэ кэргэнин одуулаата.
• Уолун кырдьык эттэххэ , мин да билбэппин. Аркадий хаһан да кэпсээччитэ суох. Онтон Аркадий курдук ини. Чэ ол иһин эрэнэ саныахха.
• Сардаана сөбүлэһэрэ ду?
• Сөбүлэстин сөбүлэспэтин. Уонна хаһан кэргэннэнээри. Билигин ол уолга таҕыстаҕына үчүгэй буолуо. Киниэхэ даҕаны, биһиэхэ даҕаны. Уонна күтүөппүн баай буолуо буолла - диэт Кириил остуолтан тураат хоһугар утуйа барда.
  Оттон Аркадий буолла дьиэтигэр дьэ кэлбитэ. Аан таһыгар ким да көрсүбэтэҕэр дьиибэргии санаабыта.
• Катяя! - диэн дьиэҕэ бүттүү иһиллэр гына ыһытаан баран күүтэн турда.

Сотору буолаат үөһэ этээстэн орто саастаах дьахтар сүүрэн кэллэ.

• Уой, Аркадий Спартакович, кэлбиккитин истибэтэхпин.
• Билэҕин дии, мин күүтэрбин сөбүлээбэппин. Бытаан

  дьон мин таспар суох буолуохтаахтар. Аны хатыланнаҕына мин эйиигин ууратыам - диэн Аркадий кытаанахтык эттэ

• Аны хатыланыа суоҕа - диэн Катя итэҕэллээхтиҥ эттэ. Оттон Катя буолла иһигэр атыны саныыра: “Син биир ууратыа суоҕа. Хаста сүүстэ инньэ диэтэр даҕаны " диэн куттаммакка сылдьара.
  Катя Аркадий Спартаковичка 20-чэ сыл домработницалаабыта. Хаһан эрэ үөрэҕин бырахпыт Катя кыыһы дьүөгэтэ Люда үлэҕэ ыҥырбыта. Оттон Люда өлтүн кэннэ Катя ол үлэтигэр хаалан хаалбыта. Катя үлэтигэр үчүгэйэ. Начаалынньыгын сорудаҕын барытын толороро. Ол да буоллар Аркадий уолун соччо сөбүлээбэтэ. Тоҕо диэтэр биирдэ Тимур хаана оонньоон Катяны күүһүлээбитэ. Онтон ыла Катя Тимурга өр кэмҥэ көссүү буола сылдьыбыта да Тимур : “Кырдьаҕаһыҥ бэрт” диэн бырахпыта. Катя буолла бэйэтэ биир Баанньа диэн уоллааҕа. Уола эмиэ Катя курдук үлэһит бэрдэ. Оҕо эрдэҕинэ эһэлээҕэр иитиллибит буолан хара үлэни барытын сатыыра. Дьоно өлбүттэрин кэннэ Баанньа ийэтигэр кэлбитэ. Аркадий кинини эмиэ үлэһит гыммыта. Оттон Тимур Баанньаны хамначчыт саҕа оҥостон бэйэтин кытта ханна баҕарар илдьэ сылдьара.
  Аркадий аһаан бүтэн баран Катяҕа эттэ:
• Катя, сарсын аста астаар. Ыалдьыттар кэлиэхтэрэ.
• Хантан кэлэллэр?
• Тыаттан кэлэллэр ол иһин усха аһы буһараар. Ээ, арба Тимур ханна баарый?
• Тимур Аркадьевич хоһугар баар. Ким да киирбэтин диэбитэ - диэт Катя остуолу хомуйбутунан барда.
• Оттон баары Баанньа.
• Баанньа Тимур Аркадьевич сорудаҕын толоро барбыта.
  Аркадий үөһэ этээскэ тахсан баран хоһугар хааман иһэн Тимурга киирдэ.
• Нохоо, уһугун эрэ - диэт утуйа сытар уолун атаҕыттан тарда.
• Ноо, батя. Хайаатыҥ эмиэ ?
• Сарсын туох эмит дьыалалааххын дуо?
• Толору буолла - диэт Тимур салҕыы утуйан барда.
• Оччоло былааҥҥын барытын сотоор. Сарсын манна ыалдьыттар кэлиэхтэрэ. Мин доҕорун кыыһын эйиэхэ аҕалар. Ол кыыһы кэргэн ылаҕын.
• Блээ… мин билигин кэргэн ылар былааным суох этэ.
• Буоллун ол кыыһы лоп курдук ылаҕын - диэн Аркадий кытаанахтык эттэ
• Саатар ол кыраһыабай дуо? Ол кыыскыт.
• Оҕо эрдэҕинэ кыыс бэрдэ этэ… Чэ сарсын көрүөхпүт - диэн баран Аркадий уолун хоһуттан тахсан барда. Тимур орунугар ону маны саныы сытта.
  Ол кэмҥэ Сардаана төрөппүттэрин кытта чэйдии олордоҕуна аҕата :
• Сардаана, оҕом сыыһа, эн кэргэннэһэр санаалааххын ду? - диэн ыйытта.
• Аҕаа, билэҕин дии, бастаан стажировкабын ааһыам , үлэлээх буоллахпына дьэ кэргэннэһэр туһунан саныам буоллаҕа дии…
• Сардаана , оттон билигин ойох тахсыбатаххына хойутуоҥ дии. Сааһыҥ ыраатыа ким да эйиигин кэргэн ылыа суоҕа - диэн ийэтэ кыттыста.
• Ол иһин Сардаана, мин дядя Аркадийы кытта быһаарсан баран , эйиигин Аркадий

  уолугар ойох биэрэргэ сананным. Сарсын Аркадий билсиһэ таарыйа диэн бэйэтин дьиэтигэр ыҥырбыта , онно барыахпыт. Бэлэмнэнээр.

• Аҕаа, мин оннубар барытын быһааран кэбиспиккит дии. Арай ол киһини сөбүлүөм суоҕа?
• Сөбүлүөҥ-сөбүлүөҥ. Уонна баай даҕаны. Баай тот олохтоох буолуоҥ.
• Аҕаа…. - диэн Сардаана этэн истэҕинэ Кириил :
• Уонна иккистээн быһаарыллыбат. Аҕаланыма хайаама - диэн кэбистэ. Күнү быһа Сардаана ойох тахсар киһитэ хайдах буолуой дии саныы сырытта.
  Иккис күнүгэр төрөппүттэрэ күүппүт күннэрэ үүнэн кэллэ. Сарсыарда эрдэ хомунаат Сардаана төрөппүттэрин кытта куораттаабыттара. Онтон Аркадий буолла күндү ыалдьыттары көрөөрү дьиэтин иһинэн сүүрэ-көтө сылдьара. Бэлэмниэхтээх кыылын бэлэмнээн сынньана олортун кэннэ Кириилтэн смс кэлбитэ : “Центрга тиийдибит” диэн. Онуоха Аркадий өссө тиэтэйбитэ. Уолугар тахсан :
• Нохоо, бэлэмҥин дуо ? Дьоннорбут чугаһаабыттар - диэбитэ.
  Тимур пиджагын кэтэн баран аҕатыттан ыйыппыта:
• Батя, нормальнай буолбат дуо?
• Хаалтыһы баанаар - диэн Аркадий сүбэлээбитэ.
• Миэхэ хаалтыһым суох.
• Тыый, илиэхэтин - диэт Аркадий бэйэтин хоһугар бараат , хаалтыстары ылан баран уолугар аҕалла.
• Мэ, бу халлаан күөх хараҥатын баан.
• Бать, совсем да? Хайдах халлаан күөх хараҥата хара ырбаахыны уонна пиджагы кытта сөп түбэһиэй?
• Ии, мэ кыһылы оччоҕо.
• Хайгыл мафияҕа дылы. Уонна сатаан бааммаппын
• Илиэхэтин! Катя, ити уолга хаалтыһын баайан биэр эрэ - диэн баран Аркадий баран хаалла.
  Ол кэмҥэ таһырдьаттан Баанньа сүүрэн киирээт : “Ыалдьыттар кэллилэр” диэн ыһытаата.

Сардааналаах массыыналара үс этээстээх коттедж таһыгар тохтоото.

• Дьэ кэллибит - диэн аҕата эттэ.

• Сардаана, сэрэнэн таҕыс ду - диэн ийэтэ этээт массыынаттан таҕыста.
  Сардаана массыынаттан түһээт сибиэһэй салгынынан тыынан ылла. Дыбарыас саҕа улахан дьиэни көрөөт тылыттан матта.

• Оо, күндү ыалдьыттарым , дорооболоруҥ! - диэт Аркадий дьиэттэн тахсан кэллэ.

• Дорообо, Аркадий - диэн баран Кириил Аркадийдыын илии тутуста.

• Хайа , кыыспыт ити баар дуо? - диэн Аркадий Сардаана диэки көрөн баран ыйытта.

• Ити.

• Чэ дьиэҕэ киириэх - диэн баран Аркадий дьонун дьиэтигэр киллэртээтэ. Сардаана маннык улахан дьиэҕэ дьэ киирбит буолан тулатын бүттүү көрүннэ.

• Кэлиҥ манна - диэн анараа хостон Аркадий куолаһа иһилиннэ. Бары Аркадий ыҥырбыт хоһугар бардылар. Киирбиттэрэ уп-уһун остуолга ас арааһа толору турар эбит.

• Остуолга олоруохпут. Уолум сотору кэлиэ - диэн баран Аркадий куукуна диэки баран хаалла. Сардаана буолла: “Уола ханныгы эбитэ буолла?” дии саныы олордо. Ол олордохторуна Баанньа киирэн кэллэ. Ыалдьыттар кини диэки көрө түстүлэр. Сардаана , орто

  уҥуохтаах, үлэттэн харааран хаалбыт сирэйдээх уолу көрөн баран тута сөбүлээбитэ.

• Доҕоор, эн Аркадий уолаҕын дуо? - диэн Кириил ыйыппытыгар, Баанньа:

• Ээ, суох. Мин Баанньа диэммин. Аркадий Спартакович үлэһитэбин - диэн баран, аан диэки баран истэҕинэ :

• Онтон Аркадий уола ханнаный? - диэн Кириил эмиэ ыйытта.

• Тимур Аркадьевич, сотору кэлиэ - диэн баран Баанньа тахсан барда. Ол кэмҥэ Катя Тимурга хаалтыһын баайарга көмөлөһө турара.

• Чэ түргэнник баай ду хайаан ду. Миигин күүтэн ырааппыттар буолуо

• Дьэ бүттүм - диэт Катя Тимуртан тэйдэ.

• Хайдах эрэ дии. Дэриэбинэ уолугар майгынныыбын. Чэ абааһы кыылын - диэт Тимур хаалтыһын устан бырахта уонна воротнигын тимэҕин сүөрэн баран дьонноругар барда.
  Сардаана аҕата Аркадийдыын иһэн баран кыратык холуочуйда. Кыыс остуолга соҕотох олорор курдуга. Төрөппүттэрэ туспа тугу эрэ кэпсэтэллэрэ. Сотору буолаат мааны , күүтүүлээх “күтүөттэрэ” кэлбитэ. Аркадий Тимуру көрөөт уолугар чугаһаан баран эттэ:

• Дьээрэ доҕоттоор, күтүөккүт бу кэллэ. Билсэн кэбиһиҥ , мин баар суох соҕотох уолум Тимур. Үчүгэй күтүөт буолбат дуо? - диэн баран Аркадий илиитин уолун санныгар уурда.

• Үчүгэй-үчүгэй! Буолбат дуо, Сардаана? - диэн Кириил кыыһыттан ыйыппыта.
  Сардаана саҥарбакка олорбута.

• Чэ , Сардаананы наһаа баттаабаппыт. Бастаан оҕолор бэйэ-бэйэлэрин кытта билсистинэн. Буолбат дуо? - диэн Аркадий этэн баран остуолга төттөрү олордо.

• Сөпкө этэҕин , быраат! - дии-дии Кириил Аркадий диэки көрдө.
  Ол кэннэ бары аһаан баран, Кирииллээх дьиэлэригэр бараары хомунан истэхтэринэ Аркадий эттэ:

• Хайа, бу ханна бардыгыт?

• Ээ, чаас ыраатта, дьиэбитигэр айаннаары гынныбыт - диэтэ Кириил

• Эһигитин дьиэбэр хоннорботохпуна бэйэбин абааһы көрүөм, ол иһин хаалыҥ. Утуйар хос толору

• Атын дьоҥҥо хонор хайдах эрэ, билигин айаннаатахпытына сарсыарда тиийэр буолуохпут - дии-дии Кириил массыынатын сапараапкалаата

• Кириил, хаалыахха. Түүнүн айанныыр сэрэхтээх , өссө эбиитин холуочук соҕускун - диэн Өкүлүүнэ кэргэниттэн көрдөстө.

• Хаалыҥ Кириил, Сардаанаҕа дой туспа хоһу биэриэм. Онтон сарсын күнүс диэки айанныаххыт буолла.

• Чэ, иккиэн даҕаны киһини баттаатыгыт. Хаалыахпыт. Киириэх дьиэҕэ - диэн Кириил сөбүлэстэ.
  Сардаана таҥнан баран таһырдьа тахсан истэҕинэ төрөппүттэрэ төттөрү киирдилэр.

• Сардаана, манна хаалар буоллубут. Таҥаскын төттөрү уһул - диэт ийэтэ таһынан ааһан хаалла. Киэһээлик Аркадий барыларыгар хоһу биэртэлээтэ. Сардаана туспа, төрөппүттэрэ эмиэ туспа хостоохторо. Сардаана утуйар орунун таҥаһын оҥостон баран уһун баҕайы баттаҕын тараана олордо. Ол олордоҕуна хоһун аанын тоҥсуйдулар.

• Киириҥ -

  диэн Сардаана эттэ
  Эмискэ аан аһыллыытын кытта Тимур киирэн кэллэ. Сардаана Тимуру көрөөт соһуйда

• Уой, туохха кэллиҥ?

• Вообще-то, бу мин дьиэм. Ханна баҕарар сылдьыам. Эйиигиттэн ыйыппаппын. Уонна билсэ диэбит курдук кэллим.

• Аа, оччоҕо билсиһиэх. Мин Сардаана диэммин.

• Мин Тимур диэммин. Хас саастааххыный?

• Өтөр аҕай 20 туолбутум.

• Девственницаҕын ду?

• Инньэ да диэххэ сөп. Эр киһини кытта утуйа иликпин - диэн Сардаана билиннэ.

• Эн тыа кыыһа диэтэххэ , кыраһыабай баҕайыгын дии. Фигура шикарнай ваще! - дии-дии Тимур Сардаананы биилиттэн кууста.

• Уой, хайыыгын? Ыыт эрэ - дии-дии Сардаана утарса сатаата.

• Суох , ыыппаппын. Бүгүн девственницаҕын сүтэриэҥ - диэн Тимур Сардаана кулгааҕар ботугураата.

• Ыыт диибин - дии-дии Сардаана Тимур илиититтэн босхолоно сатаата.

• А Ты не чё такая, мин таптыырым курдук сытыы кыыс эбиккин.

• Ыыт диибин , эбэтэр билигин ыһытыам - диэн Сардаана Тимуру куттатта.

• Ыһытаа да , мне ваще плевать. Син биир бу дьиэ ханнык баҕарар хоһо звукоизоляциялаах - диэн баран Тимур Сардаананы оруҥҥа сууллараат уураабытынан барда. Сардаана Тимуру үтэ сатаата да буоллар кыайбата.

• Да уоскуй да! Хайгыл наар эргичиҥнээтэҕэй ? - диэн Тимур кыыһырда. Сардаана күүһэ суоҕун билээт уоскуйда. Куһаҕан түүл курдук санаары хараҕын мүччү тутта. Биирдэ арыйбыта номнуо түүн буолбут эбит. Түннүк нөҥүө хабыс хараҥа. Былыт быыһынан ыйдаҥа уота хоһугар киирэрэ. Эргийэн көрбүтэ, таһыгар Тимур утуйа сытара. Сардаана олоҕор Тимур бастакы эр киһитэ буолла. Кини иннинэ Сардаана кими да кытта утуйа илигэ.
  Нөҥүө күнүгэр Тимур эрдэ туран Сардаана хоһуттан тахсан барбыт эбит. Сардаана арыыйда хойутаан уһуктубута. Орунун хомунаат, таҥнан баран дьонугар түстэ. Төрөппүттэрэ оруобуна чэйдии олороллор эбит. Сардаана кэлбитин көрөөт Кириил ыйытта:

• Хайа, доҕоор, хайдах утуйдуҥ?

• Үчүгэй, аҕаа.

• Сардаана, ити эн Тимуру сөбүлээтиҥ ду? - диэн ийэтэ ыйытта

• Онтон син. Наһаа үчүгэйдик билэ иликпин.

• Оччоҕо үчүгэй - диэн баран ийэтэ аҕатын диэки эт диэбиттии көрдө.

• Сардаана, миигин сөпкө өйдөөр эрэ. Биһиги ийэҕин кытта кырыыйдыбыт, сотору анараа дойдуга да ааттанар буолуохпут. Ол иһин тыыннаах эрдэхпитинэ эйиигин кэргэн биэрэн кэбиһиэхпитин баҕарабыт. Ону эн ити Тимурга тахсыах дуо? Сөбүлэһэр буоллаххына ЗАГСка кэлэр нэдиэлэҕэ барыахпыт уонна кыракый сыбаадьба тэрийиэхпит. Тимур сөбүлэспитэ. Эн сөбүлэһэҕин дуо? - диэн аҕата Сардаананы соһутта. Сардаана төрөппүттэрин хомотумаары:

• Сөбүлэһэбин - диэтэ.
  Биир нэдиэлэ биллибэккэ ааста. Бүгүн Сардаана Тимурдуун ЗАГСаланар күннэрэ. Төрөппүттэрэ Сардаанаҕа мап-мааны сыбаадьба балааччатын

  атыыласпыттара. Кыыс ЗАГСаҕа айанныырга бэлэмнэнэрэ. Ийэтин көмөтүнэн балааччатын , уһун хобулуктаах түүпүлэтин кэппитэ. Тиэтэйэр буоллаххына бириэмэ түргэнник да көтөр эбит.

• Сардаана, ыксаа чаас аҥара хаалла - дии-дии Өкүлүүнэ кыыһын ыксатта. Сардаана эппиэттээбэтэ. Өкүлүүнэ ыксаан хоско киирбитэ, Сардаана ытыы олорор эбит

• Тоойуом, туох буоллуҥ ? - диэбитинэн Өкүлүүнэ кыыһын таһыгар кэллэ

• Ийээ, мин кэргэн тахсыам кэлбэт ! - диэн Сардаана ытыы-ытыы эттэ

• Онтон бэйэҥ сөбүлэспитиҥ дии?

• Эһигитин хомотумаары эппитим. Уонна Мин билэр билбэт киһибэр тахсыам кэлбэт!

• Сардаана, онтон инньэ диэн сонно этиэххин. Билигин барыта бэлэм буолтун кэннэ дьэ этэҕин.

• Ийээ, өйдөө да миигин. Билэр билбэт киһибэр кэргэн биэрэ сатыыгыт , эбиитин ол киһини кытта биирдэ эрэ көрсүспүппүт. Уонна билигин былыр курдук буолбатах , ол иһин хас биирдии киһи бэйэтэ билэр тугу гынарын.

• Сардаана, онтон бэйэҥ баҕарбат буоллаххына саатар биһигини өйдөө да. Аҕаҥ сыбаадьбаҕытыгар мунньуммут харчыбытын барытын биэрбитэ. Барыта бэлэм турар бараҥҥын илии баттыыгын эрэ. Ол кэннэ бэйэҥ олоххунан олоруоххун сөп. Тимуру билигин таптаабат буоллаххына буоллун, кырдьан иһэн таптыаҥ. Ол иһин туох да куттала суох. Өйдөөтүҥ миигин? - диэт ийэтэ мичээрдээт Сардаананы уураан ылла.

• Өйдөөтүм ийээ. Олорон көрүөм - диэн Сардаана сөбүлэстэ.
  Ол олордохторуна эмискэ Кириил киирэн кэллэ.

• Хайа, бэлэмҥит дуо? Айанныахпыт.

• Аһаа, бэлэммит.

• Билигин тахсаарыҥ - диэт Кириил тахсан барда

• Чэ , Сардаана , таҥын. Саҥа олоххор үктэнэ бараары гынныҥ - дии-дии ийэтэ мичээрдээтэ.
  Тиихэнэптэр массыыналара куорат суолун устун көтүтэн түргэн үлүгэрдик ЗАГСа таһыгар баар буола түстэ. Сардаананы төрөппүттэрэ ыҥыра иликтэринэ тахсыма диэт массыынаттан түспүттэрэ. Кириил Аркадийы көрөөт утары хаамта. Аркадий, соҕотох уола кэргэннэһэр эрэриттэн үөрбүт көрүҥнээх.

• Хайа, Кириил , дорообо ! - диэн Аркадий Кириил көрөөт эттэ.

• Дорообо, дорообо. Хайа күтүөппүт ханнаный ? - диэт Кириил күлэ түстэ

• Аа, итиннэ массыына кэннигэр доҕотторун кытта турар. Сотору ыҥырар буолуохтара - дии-дии Аркадий күүппүттүү ЗАГС диэки көрдө.

• Сотору ыҥыраллар ини
  Сотору буолаат ЗАГСтан саҥа холбоспут эдэр ыалы кытта дьон бөҕө тахсан кэллилэр. Кинилэр кэннилэриттэн ачыкылаах чүөчэ өҥөйөөт эттэ:

• Золотовтар бааргыт дуо?

• Баарбыт - диэн Аркадий эттэ

• Кэлиҥ эһиги уочараккыт - диэн баран киирэн хаалла.

• Дьээрэ , кэлиҥ - диэт Аркадий дьонун ыҥырда.
  Сардаана массыынаттан түһээт Тимур таһыгар турда. Аан аһыллыбытыгар аргыстаһан баран саалаҕа киирдилэр. Торжественнай муусука тыаһыыр. Регистратор чүөчэ тылын

  этэн саҕалаата. Сардаана долгуйан тулатын көрүннэ. Икки өттүттэн үөрбүт дьон , свидетель, свидетельница бааллар. Онтон кэргэн тахсан эрэр киһитин көрдө. Тимур Сардаанатааҕар биир төбө үрдүк. Ол иһин Сардаана кинини алларааттан үөһэ көрөр. Тимур көбүс көнөтүк , хамсаабакка турар. Бэл тыынара биллибэккэ дылы. Онтон регистратор чүөчэ ыйытта:

• Согласны ли вы, Золотов Тимур Аркадьевич взять в жены Тихонову Сардаану Кирилловну?

• Да

• Согласна ли вы , Тихонова Сардаана Кирилловна взять в мужья Золотова Тимура Аркадьевича?

• Да

• Жених обещаете вы любить, уважать, оберегать свою жену, всегда быть вместе в горе и в счастье, вместе проходить испытания судьбы

• Обещаю

• А вы невестка ?

• Обещаю

• Тогда с радостью объявляю вас мужем и женой! Обменяйтесь кольцами! Ещё раз поздравляю с бракосочетанием ! Горько! - диэбитигэр Тимур Сардаананы уураата. Уураһан бүппүттэрин кэннэ тула турар дьон өссө биирдэ : “Горько!” диэстилэр. Тимурдаах Сардаана өссө биирдэ уурастылар. Ол кэннэ иккиэн Аркадий баҕатынан брачнай дуогабарга илии баттаатылар.

• Дьээрэ , доҕоттоор аны билигин бары рестораҥҥа сыбаадьбалыы барабыт. Массыыналарга олорооруҥ! - диэн Аркадий дьоҥҥо эттэ.
  Сыбаадьба биллибэккэ ааста. Кирииллээх, Өкүлүүнэ бэйэлэрэ олорор дьиэлэрин бэлэхтээтилэр, оттон Аркадий буолла сабыс саҥа сыантырга баар түөрт хостоох кыбартыыраны кытта массыынаны. Бастакы кэргэннии түүннэрин саҥа кыбартыыраларыгар атаараары, ыалдьыттар бэлэхтээбит бэлэхтэрин кытта кыбартыыраларыгар көһөн кэллилэр. Сардаана балааччатын устар сабыс саҥа ыскаабыгар ыйаан кэбистэ.

• Сардаана, ити бэлэхтэр турдунар сарсын көрүөхпүт - диэн баран Тимур утуйар хоско киирэн хаалла. Сардаана тииһин суунан баран эмиэ утуйа барда. Хабыс хараҥа хоско киирэт оруҥҥа Тимур таһыгар сытта.

• Хайа төһө үчүгэй сыбаадьбаный эн санааҕар? - диэн Тимур ыйытта.

• Үчүгэй. Онтон ити брачнай дуогабар диэн тугуй ?

• Ол аата иккиэн специальнай дуогабары баттаатыбыт. Ол дуогабар пуунунан 5 сыл иннинэ арахсыбаппыт, уонна эр ду ойох ду 5 сыл ааспытын кэннэ арахсарга сайабылыанньа биэрдэҕинэ туга да суох хаалар. Хайдах кэлбитинэн барар. Өйдөөтүҥ?

• Өйдөөтүм быһылаах - диэт Сардаана Тимур кытаанах быччыҥар илиитин уурда.

• Сардаана, онтон эн үлэлиир быһылаах этиҥ дии? - диэн Тимур интириэһиргээтэ

• Үлэлиибин оскуолаҕа. Математика учууталабын

• Сарсын бэйэҥ бараҕын ду, илдьэбин ду?

• Бэйэм барыам.

• Ээ, чэ утуй - диэт Тимур хайыһан хаалла.
  Сарсыарда Сардаана эрдэ туран үлэтигэр барбыта. Тимур утуйа хаалбыта. Ол утуйа сыттаҕына төлөпүөнэ тыаһыы түспүтэ:

• Ало,Светка туохха бачча эрдэ эрийэҕин?

• Вообще-то, Тимурчик,

  11 чаас буолла , баччаҕа нормальнай дьон уже тура сылдьаллар. Билигин ханна бааргыный? Эйиигин аҕынным аҕай

• Батям бэлэхтээбит кыбартыыратыгар.

• Хата ол кини туох буолан бэлэхтэстэ? - диэн анараа өттүгэр Света куолаһа иһилиннэ.

• Кэргэннэспиппэр бэлэхтээбитэ.

• Чегооо!? Эн миигин ылыам диэбитиҥ дии!?

• Да, Светуль уоскуй. Мин эйиигин эрэ таптыыбын. Ити саҥа кэргэммин батям баҕатынан ылбытым, а то харчыта суох хаалларыа баар дии. Эйиэхэ туохпунан шуба ылыамый. Чэ , целую! Женушкам кэллэ быһыылаах. Пока ! - диэт Тимур төлөпүөнүн ууран кэбистэ.

• Хайа, Сардаана, хайаан эрдэ кэллиҥ ?

• Уруокпун көһөрбүттэр этэ. Эн тураар бэлэхтэри көрүөхпүт - диэн баран Сардаана илиитин сууна барда.
  Ол кэмҥэ Кириил Аркадийдыын эмиэ кустуу барарга бэлэмнэнэ сылдьара. Сапараапкалана сырыттаҕына кэргэнэ таҕыста.

• Кириил, миигин Сардааналаахха илдьиэҥ? Онтон бэйэҥ үргүлдьү айанныаҥ буолла.

• Чэ олор - диэт Кириил гарааһын диэки барда.
  Өкүлүүнэ массыынаҕа олорон иһэн кыыһыгар смс бырахта. Кириил ыксаабыт көрүҥнээх. Түргэн үлүгэрдик массыынатыгар олороот собуоттаан баран айаннаатылар. Кириил ыксаан гааһын өссө баттаата.

• Кириил, знагын көтүттүҥ 60км диэни. Уонна ол светофор кыһылынан умайда.

• Чэ куттаныма , син биир суолга ким да суох. Хата түргэнник тиийиэхпит - диэт Кириил гааһы өссө баттаата. Ускуорастара 150 тиийэн эрэр. Эмискэ муннуктан улахан бэйэлээх чоҕу иллэн иһэр Камаз тахсан кэллэ. Тиихэнэптэр массыыналара ол Камазка киирэн биэрдэ.

• Кириил! - диэн Өкүлүүнэ ыһытаата.
  Кириил үспүөйдээн туормастаабата. Камаһы кытта саайыллыбытыгар Тиихэнэптэр массыыналара эргийээт суолтан түстэ.
  САЛҔЫЫТА БЭЧЭЭТТЭНИЭ
  14.05.2025
  Халыма
  [06.12, 09:06] +7 924 164-29-20: Күтүөт 6 чааһа

• Тимур, ийэм смс бырахпыт : “Эһиэхэ айаннаан иһэбин " диэн. Чаанньыгы оргута уур - диэн Сардаана Тимуру соруйда.
  Тимур буолла көссүүтүгэр күрэнээри туох диирин толкуйдуу сырытта.
  Ол кэмҥэ Камаз суоппара суһал көмөнү ыҥыран баран, Кирииллээх массыыналарыгар барда. Түннүккэ өҥөйбүтэ икки киһи бүттүү хаан. Эр киһи пульсун кэмнээбитэ номнуо быстыбыт эбит. Онтон дьахтара өссө кыратык тыынар. Суоппар дьахтары хостоору массыына аанын тарпыта иҥнэн хаалбыт. Туох баар күүһүн эбэн баран ааны тоҕо тарта. Барыта хаан буолбут дьахтара хостоон баран сиргэ уурда. Суһал көмө кэлиэр диэри дьахтар сүрэҕэ тохтоотоон ахсын үлэлэтэ сатаата.
  Тимур отмазка толкуйдаан бараары гыммытыгар ааны тоҥсуйдулар.

• Киириҥ - диэбитигэр Баанньа киирэн кэллэ.

• Туохха кэллиҥ? - диэн Тимур Баанньаттан ыйытта.

• Тимур Аркадьевич, , срочнай сонуннаахпын. Сардаана ханнаный?

• Эйиэхэ Сардаана Кирилловна,

  өйдөөтүҥ дуо? Ыт уола.

• Өйдөөтүм-өйдөөтүм, Тимур Аркадьевич. Сардаана Кирилловна ханна баарый?

• Сардаана ! Кэл эрэ - диэн Тимур Сардаанаҕа ыһытаата. Сардаана ыксаан сүүрэн кэллэ.

• Туох буолла?

• Бу Баанньа ыҥырар.

• Тимур Аркадьевич, Сардаана Кирилловна куһаҕан буолла - диэт Баанньа чуумпуран хаалла.

• Туох буолла? Этэн ис ! - диэн Тимур кыыһырда

• Кирилл Осипович сырдык тыына быһынна, Акулина Михайловна ыарахан туруктаах балыыһаҕа киирбит. Массыынанан айаннаан иһэн аварияҕа түбэспиттэр…
  Сардаана ону истээт уҥан хаалла.

• Сардаана! - диэбитинэн Тимур Сардаананы уһугуннара сатаата.

• Бар, уута аҕал! - диэн Тимур Баанньаҕа ыһытаата. Баанньа уута аҕалбытыгар, Тимур ол ууннан Сардаана сирэйин ыста. Аҕыйах мүнүүтэнэн Сардаана өйүгэр кэллэ.

• Кырдьык дуо , ити сурах ? - диэн Сардаана иһиллэр иһиллибэттии эттэ

• Хомойуох иһин кырдьык.

• Оччоҕо….. Оччоҕо ийэбэр айанныахха срочно! Тимур , истэҕин дуо?

• Сардаана, ийэҥ ыарахан туруктаах. Билигин быраастар тугу кыайалларынан оҥоро сатыыллар. Сатаннаҕына сарсын баран көрсүөхпүт? Өйдөөтүҥ?

• Оччоҕо мин бэйэм барыам - диэт Сардаана кууркатын ылаат таһырдьа ыстанна.

• Сардаана! Тохтоо! - диэн Тимур ыһытаан эрэ хаалла.

• Эн тугу көрөҕүн?! Бар сырыс! - Тимур Баанньаҕа ыһытаата.
  Баанньа кыбартыыраттан тахсан барда. Уулуссаҕа тахсаат, тулатын көрүммүтэ ким да суох. Толкуйдуу турбакка балыыһа диэки сүүрдэ.
  Сардаана такси массыынатыттан тахсаат балыыһа ыксалынан диэки барда. Кэнниттэн Баанньа сүүрэн кэллэ.

• Сардаана , тохтоо!

• Суох, мин ийэбэр барыахтаахпын. Мин киниэхэ билигин наадабын. Ыксыыбын - диэн Сардаана этэ түһээтин Баанньа илиититтэн тутан ылла.

• Баанньа , ыыт миигин. Ийэм итиннэ өлөн эрэр , бүтэһигин көрөн хаалыам этэ - дии-дии Сардаана Баанньаттан көрдөстө.

• Тимур Аркадьевич эйиигин тохтот диэбитэ, ол иһин ыытар баҕам суох.

• Баанньа, ыыт да миигин. Тимур Аркадьевичка этиэ суохпут - диэн Сардаана көрдөстө

• Бырастыы гын, ол да буоллар ыыппаппын. Тимур Аркадьевич уордайыаҕа.

• Чэ да, Баанньа. Эн бэйэҥ эмиэ ийэлээххин дии, кинини таптыыгын ду?

• Ийэбин таптаан буолубуна.

• Во, мин эмиэ ийэбин күүскэ да күүскэ таптыыбын. Чэ ыытыый.

• Түргэнник баран кэл - диэт Баанньа Сардаана илиитин ыытта. Сардаана буолла махтаммытын биллэрэн , Баанньаны иэдэһигэр уураан ылла. Уонна балыыһаҕа киирэн хаалла.
  Онтон Өкүлүүнэни буолла быраастар туох баарынан чөлүгэр киллэрэ сатаабыттара. Ол да буоллар массыына эргийэригэр позвоночнигын тоһутан орун тэллэх киһитэ буолбута. Дьүһүнэ бүттүү биинтэ. Аҥар илиитэ үлэлээбэт буолаахтаабыт. Сардаана ийэтин оннук сытарын көрөөт наһаа соһуйда. Быраастар ийэтигэр киллэрбэтилэр.

  Ийэтин эмтиир бырааһа Сергей Юльевич Сардаананы көрөөт эттэ:

• Акулина Михайловна, туруга орто. Ол да буоллар аны кыайан хаамыа суоҕа.

• Ол хайаан? - Сардаана соһуйда.

• Позвоночнига тостубут. Тимири олортубут Да буоллар син биир. Аны сытыан эрэ сөп… - диэт быраас өрө тыынна.

• Онтон хайдах хаамар буолуон сөбүй?

• Увы, биһиги мэдиссиинэбит сайдыыта онно тиийэ илик. Арай хайдах эмит Израильга эпэрээссийэлэттэххэ хамыа диэн шанс баар буолуо этэ. Ол да буоллар онно улахан харчы наада. Примерно 15 млн курдук.

• Харчыны булуом - диэн Сардаана эппитин бэйэтэ да билибинэ хаалла. Быраастыын быраһаайдаһаат дьиэлииргэ бэлэмнэннэ.
  Ыраахтан туран ийэтин көрөөт Сардаана баран хаалла.
  Дьиэтигэр тиийбитэ , Тимур күүппүт аҕай эбит.

• Хайа, ханна сырыттыҥ ? - диэн эрэ ыйытта.

• Ийэбэр баран кэллим. Баанньа эппэтэҕэ дуо?

• Ол эмээхсин хайдаҕый? Тыыннаах дуо?

• Тыыннааҕын тыыннаах гынан баран, сатаан хаампат буолбут үһү… - диэт Сардаана өрө тыынна

• Ол хайаан?

• Позвоночнигын тоһуппут, эпэрээссийэ наада. Ол эпэрээссийэ Израильга эрэ оҥоһуллар үһү, ол иһин харчы наада ийэм онно барарыгар.

• Хас?

• 15 млн диэбиттэрэ. Биэриэҥ да?

• Суох конечно. Хайгылга ол эн ийэҕэр 15 млн биэриэмий. И то аҕаҥ похоруонатын мин аҕам барытын төлөөбүтэ - диэт Тимур төлөпүөнүн көрө олордо. Сардаана буолла Тимур эппиэтиттэн хомойон тугу да саҥарбата.

Бүгүн Сардаана Тимурдуун сааксаламмыта 1 ый буолла. Аҕата соһуччу күн сириттэн барбытын Сардаана ыараханнык ылыммыта. Похоруона кэнниттэн өр да өр аҕатын уҥуоҕар ытаабыта. Биир үөрүүтэ диэн таптыыр ийэтэ тыыннаах хаалбыта. Ол да буоллар аны өлүөҕэр дылы орун тэллэх киһитэ.
Сардаана утуйа сыттаҕына эмискэ будильнига тырылаата. Будильнигын араараат Тимурга эттэ:

• Тур, 8 буолла. Мин билигин үлэбэр барыам. Уонна бүгүн ийэбин аҕалаллар. Үспүөйдээбэтэхпинэ көрсөөр.
• Сөп-сөп. Хата кофе оҥороор - диэт Тимур хайыһан хаалла.
  Сардаана туран, таҥнаат куукунаҕа барда. Тимурга кофе оҥорон баран, өссө биирдэ ийэтигэр бэлэмнээбит хоһун арыйан көрдө. Хос ортотугар регулировкаланар орун турар. Кырыыга улахан да бэйэлээх ыскаап. Ол таһыгар инбэлииттэргэ аналлаах кэлээскэ. Сардаана кэнники кэмҥэ иллэҥ кэмигэр инбэлииттэри харайыы туһунан анал кинигэлэри, интириниэткэ ыстатыйалары аахта. Ол иһин санаатыгар ийэтин харайарыгар бэлэмэ.
  Сардаана барбытын истээт, Тимур орунтан орҕостон турда. Кыбартыыра иһигэр төттөрү таары хаамыталаат , Сардаана ийэтигэр оҥорбут хоһун аһан көрдө. Ити хос туһунан иккитэ этиһэ сылдьыбыттара. Тимур Өкүлүүнэ кинилэри кытта олорорун сөбүлээбэтэҕэ. Кини санаатыгар кырдьаҕас киһи сыта сымара сүрдээх буолуох

  курдук, уонна наар хапарыыстаан тахсаллар диэн эмиэ истибитэ.
  Тимур кофетын иһэ олордоҕуна ааны тоҥсуйдулар.

• Кимий?
• Тимур Аркадьевич, мин кэллим. Баанньабын - диэбитигэр Тимур ааны аста
• Тимур Аркадьевич, мэйиҥ ийэм ыытта , аһы.
• Хата, астанар киһи буоллум. Ити дьахтар саатар ас да буһарбат. Наар инбэлииттэри харайыы туһунан ааҕан тахсар. Саатар оруҥҥа да соччо бэрдэ суох. Хаһан биэс сыл ааһар - диэт Тимур өрө тыынна
• Онтон ийэтин харайаары бэлэмнэнэр ини.
• Кырдьык даҕаны, ол эмээхсини бүгүн аҕалаллар этилэр дии. Хата эн хаал эрэ. Эмээхсини хоһугар көһөрөөр, аҕаллахтарына.
• Сөп, Тимур Аркадьевич.
• Чэ киир. Хата иккиэн аһыахха.
  Баанньа кыбартыыраҕа киирэн таҥаһын уһулла. Көрбүтэ муостанан робот пылесос сүүрэ сылдьар. Тимуру батыһан куукунаҕа киирдэ. Тимур Баанньаҕа кофены кутан биэрэн баран миэстэтигэр олордо.
• Чэ, кэпсээ, Баанньа. Аҕам туох сонуннааҕый?
• Сонун соччо суох. Арай Аркадий Спартакович Ил Түмэн бэрэссэдээтэлэ буолаары гыммыт үһү.
• Батя карьера бөҕө эбит дии. Кырдьык, Гелигым аҕам гарааһыгар турар да? - дии-дии Тимур кофетын истэ.
• Онно баар. Үнүр автомойкаҕа илдьэ сылдьыбытым.
• Сарсын аҕалаар да. Массыыната суох хайдах эрэ.
• Сөп , Тимур Аркадьевич. Бэйи, истэҕит ? Ааны тоҥсуйаллар.
• Бар арый. Баары эмээхсини аҕалтара буолуо.
  Баанньа баран ааны арыйбытыгар санитардар тураллар эбит.
• Дорооболоруҥ, Акулина Михайловна Тихонова манна олорор дуо?
• Манна. Киириҥ.
  Санитардар наһыылкаҕа Өкүлүүнэни киллэрдилэр. Дьүһүнэ хараҕа сүрдээх , дэлби ырбыт, тирии-уҥуох буолбут эмээхсини аҕалан орунугар сытыардылар. Санитардар тахсыбыттарын кэннэ Тимур Баанньаҕа эттэ:
• Бар эмээхсиҥҥэ таҥаһын устарга көмөлөс.
• Онтон эн? Эн буолбат дуо, киниэхэ күтүөт.
• Бар-бар! - диэт Тимур Баанньаны үүрэн ыытта.
  Баанньа эрэйдээх тойонун бирикээһин толорон Өкүлүүнэҕэ барда.
• Акулина Михайловна, миигин истэҕит дуо?
• Кимҥиний, тоойуом? - диэн Өкүлүүнэ аччыгый баҕайытык ыйытта.
• Мин Баанньабын, Тимур доҕоробун. Мин ийэбин кытта кини аҕатыгар үлэлиибит уонна олоробут.
• Туохха кэллиҥ , доҕоор ?
• Тимур миигин эһиэхэ таҥаскытын устарга көмөлөһөргө диэн ыытта.
• Онтон Тимур бэйэтэ? - диэн Өкүлүүнэ интириэһиргээтэ.
• Кини киириэн баҕарбат… Дьэ бүттэ - диэн баран Баанньа Өкүлүүнэ кууркатын ыскаапка уган кэбистэ.
• Махтал, доҕоор! Үтүө ыччат эбиккин. Билбэт киһиэхэр көмөлөһөр диэн. Салҕыы даҕаны көмөлөөх буолаар.
• Баһыыба, үтүө тылыҥ иһин - диэт Баанньа тахсан барда.
  Ол кэмҥэ Сардаана кэлбит эбит. Куукунаттан Тимурдуун этиһэр саҥалара иһиллэр. Баанньа мээлэ орооспокко дьиэлээри гыммытыгар Сардаана ыһытыы түстэ. Баанньа соһуйан куукунаҕа барда.

Баанньа

куукунаҕа киирбитигэр, Сардаана муостаҕа сытар эбит. Таһыгар кыыһырбыт Тимур турар.

• Ити эн гынныҥ дуо?! - диэн Баанньа Тимуртан ыйытта.
• Кутталгын сүтэрдиҥ дуо, ыт уола ! Уонна миэхэ ыһытаабат баҕайыта. Сардаана буолла бэйэтэ халтарыйан оҕутта. Буолбат дуо?
• Баанньа, мин бэйэм оҕуттум. Куттаныма - диэн Сардаана аргыый аҕыйдык эттэ.
• Чэ бар мантан - диэн Тимур тойонноото.
  Баанньа бартын кэннэ Тимур Сардаанаҕа ыһытаата:
• Кимиэхэ эмит кэпсиэҥ, букатын өлөрүөм! Өйдөөтүҥ дуо?! Тур уонна.
• Өйдөөтүм - диэт Сардаана өйөнөн турда.
  Тимур бартын кэннэ Сардаана аргыый аҕыйдык ытаата. Тимур саайбыт сирэ аһыйара, ыалдьара. Дьиҥэ Сардаана бэйэтэ охтубатаҕа, Тимур уордайан баран саайбыта. Бу аан бастаан илиитин көтөхпүт түгэнэ.
  Сардаана күүс булунан туран баран ийэтигэр барда. Өкүлүүнэ кыыһа ытаабытын сонно биллэ.
• Тоойуом, ытаабыккын ду?
• Ээ, суох ийээ. Харахпар туох эрэ киирдэ.
• Сардаана, албыннаама ду? Кырдьыгы эт. Мин истибитим Тимурдуун этиһэргитин. Ити кини оҕуста даа?
• Кини - диэн Сардаана эппитин бэйэтэ да билибинэ хаалла.
• Ол иһин биллибитим кини хайдаҕын эрэ. Үчүгэйэ эбитэ буоллар атын дьахтары кэргэн ылбыта ырааппыт буолуо этэ - диэт Өкүлүүнэ өрө тыынна
• Чэ, ийээ наһаа санаарҕаама.
• Арай Тимуртан арахсан бардаххына , бэйэбит дьиэбитигэр олоруо этибит буолла - диэн ийэтэ эттэ.
• Суох оннук сатаммат. Сааксаланарбыт саҕана брачнай дуогабар баттаабыппыт. Ол иһин 5 сылынан биирдэ арахсыахпын сөп.
• Ол ким баттаппытай?
• Аркадий Спартакович - диэт Сардаана ийэтин диэки көрдө.
• Ол иһин, сатана баайбытын ылаары уолун күтүөттэппит эбит. Аҕаҥ буолла ону билбэккэ 10 сылы быһа доҕордоһо сырыттаҕа. Ол күн мин эһиэхэ айанныахпын баҕарбатаам буолла билигин аҕаҥ да тыыннаах буолуо этэ мин да атахтаах буолуом этэ - диэт Өкүлүүнэ хараҕыттан уу таҕыста
• Ытаама ийээ ! Барыта үчүгэй буолуо - диэт Сардаана ийэтигэр орунун оҥорон баран тахсан барда. Утуйар хоһугар киирбитэ, оруна кураанах эбит. Тимур суох. Сардаана сыгынньахтанаат тымныы оруҥҥа сытынан кэбистэ.
  Ол кэмҥэ Тимур номнуо көссүүтүгэр тиийэн кофе иһэ олороро.
• Тимурчик, ити дьахтаргын хаһан быраҕаҕын - дии-дии таһыгар Света хаамыталаата.
• Светуль, этэбин дии , аны 5 сыл олорон баран биирдэ быраҕыам. Аҕам баҕатынан брачнай дуогабар баттаатаам дии. Ол да буоллар көссүүлэнимэ диэн пууна суох этэ ол иһин эйиэхэ аа дьуо сылдьыам - диэт Тимур Светаны уураан ылла.
• Тимур , тохтоо, оччоҕо аны биэс сылынан эн 30 саастаах буолуоҥ онтон мин 26 буолуом. Наһаа уһун дии - диэт Света хайыһан хаалла.
• Чэ , хомойон бүт - диэт Тимур Светаны көтөҕөөт утуйар хоһугар илдьэ барда. Светаны оруҥҥа

  олордоот , Тимур ырбаахытын тимэхтэрин сүөрэн барда.

• Тимур, онтон баары дьахтарыҥ күүппэт да? - эмискэ Света ыйытта.
• Ээ, уордайсыбыппыт. Ол иһин манна эйиигин кытта хаалыам.
• Оччоҕо кэл миэхэ - диэт Света Тимуру бэйэтигэр тардан ылла.
• Светуль, давай билигин клубка барыахха? Сынньана таарыйа диэбит курдук - диэт Тимур мичээрдээтэ
• Эн баҕарар буоллаххына бардыбыт. Тохтоо таҥна түһүөм - диэт Света туран барда. Ол кэмҥэ Тимур такси ыҥырбыта. Света киэһээҥҥи балааччатын кэтэн баран Тимурга эттэ:
• Тимурчик, таксибыт кэллэ дуо?
• Билигин кэлиэ.
• Оччоҕо тахсыах - диэт Света Тимурдуун аргыстаһаат иккиэн кыбартыыраттан тахсан бардылар.
  Түүн буолла. Түннүк нөҥүө хабыс хараҥа. Арай Сардаана уута кэлибинэ сытта. Иһиттэҕинэ уу чуумпуга ийэтэ ынчыктыыра иһиллэр. Сардаана син биир утуйууһубун суох дии санаан , ийэтигэр барда. Өкүлүүнэ сатаан хамсаабат буолан үөһэ көрөн баран сытар. Сардаана таһыгар кэлэн олордо.
• Ийээ, утуйдуҥ дуо?
• Суох , тоойуом. Эмиэ баттаттым. Түһээтэхпинэ наар аҕаҥ өлбүт күнүн саныыбын. Иккиэн айаннаан иһэбит , онтон эмискэ…..
• Ити эн сылайбыккын, ол иһин сынньаныаххын наада. Атыны үчүгэйи толкуйдаатаххына баттатыаҥ суоҕа. Давай, билигин эйиигин кэлээскэҕэ олордоот кыбартыыра устун хатааһылыам ? - диэт Сардаана мичээрдээтэ
• Чэ, боруобалаан көр. Мин курдук эмис дьахтары кыайарыҥ ду? - диэн баран Өкүлүүнэ күллэ.
  Уһун баҕайытык муҥнанаат, Сардаана ийэтин кэлээскэҕэ олордубута. Улахан бэйэлээх кыбартыыраларын устун ийэтин кэлээскэҕэ үтэ сырытта.
• Ийээ , чэй иһэҕин ? - диэн Сардаана ийэтиттэн ыйытта
• Чэ , иһиэххэ даҕаны - диэн ийэтэ хардарбытыгар Сардаана кэлээскэни остуол таһыгар үтэн барда. Ийэтигэр итии чэй кутан биэрээт араас бичиэнньэни хостоото. Өкүлүүнэ барахсан үөрэ көтө ыалдьыбат илиитинэн чааскыны тутан баран , чэйин иһэн барбыта. Иккиэн ону маны сэлэһэ олордохторуна ааны арыйар тыас иһилиннэ. Сардаана соһуйан аан диэки көрбүтэ , Тимур кэлбит эбит. Итирэн атаҕар нэһииччэ турар. Онтон мантан өйөнөн куукуна диэки хааман кэллэ. Өкүлүүнэни көрөөт Тимур уордайда:
• Ит…ти эмммэээхсин хай…гылгы кэллэ!
• Ийэбэр кыбартыыраны көрдөрөбүн - диэн Сардаана куттаммыттыы эттэ
• Бар, хоһ..һугар ол….лорр..дун !
• Туох диигин, күтүөт? Бачча сааскар арыгылаабатыҥ ордук. Бэрт сирэйиҥ билиҥҥиттэн түөрт уоннаах дьээдьэҕэ курдук. Эн хастааххыный? - диэн Өкүлүүнэ мэһэйдэстэ.
• 25 - диэн Тимур нэһиилэ эттэ
• Оччоҕо, түөрт уоҥҥар букатын оҕонньор буолууһугун - диэт Өкүлүүнэ күллэ.
• Туох дии…гин бил..лээт! Кэл манна - диэт Тимур кэлээскэҕэ олорор Өкүлүүнэни моонньуттан тутан ылла
• Уой, Тимур ыыт! Ийэм паакастанан этэр. Көрдөһөбүн

  ыыт! - диэн Сардаана ытаабаттыы эрэ көрдөстө.

• Эн ва…ще бар! - диэт Тимур Сардаананы үтэн ыытта. Көмүскүүр киһитэ суоҕун билээт Сардаана Баанньаҕа эрийдэ. Аҕыйах мүнүүтэнэн ааны тоҥсуйдулар. Тимур соһуйан эргийэ түстэ. Онтон Сардаана буолла сүүрэн баран арыйда. Ол кэмҥэ Өкүлүүнэ нэһиилэ тыын ылан тыынна.
• Сардаана! Ким кэл…лэ ? - диэн Тимур ыһытаата.
  Эмискэ Баанньа куукунаҕа киирэн кэллэ.
• Тимур Аркадьевич, уоскуйуҥ. Утуйуоххутун наада. Мин эһиэхэ хоскутугар барарга көмөлөһүөм - диэт Баанньа Тимуру илиититтэн ылла.
• Ыыт, ыт уола ! - дии-дии Тимур Баанньа илиититтэн арахса сатаата.
• Чугаһаатыбыт , тулуйа түһүҥ - диэн баран Баанньа салҕыы хааман истэ. Утуйар хоско киирээт Тимуру оруҥҥа үтэн ыытта. Тимур буолла оруҥҥа сытаан сонно утуйбутунан барда.
• Баанньа, махтал маннык тургэнник кэлбиккэр - диэн Сардаана махтанна.
• Ээ, манна чугас эбэм дьиэтигэр олоробун. Наада буоллаҕына эрийээр.
• Өссө биирдэ махтал. Ити Тимур уруккуттан итинник да?
• Уруккуттан, буйнай баҕайы. Аркадий Спартакович эрэ уоскутар кыахтаах. Атын киһини истибэт.
• Онтон ийэтэ? - диэн Сардаана интириэһиргээтэ.
• Ийэтэ суох. 5 саастааҕар өлбүтэ. Ол иһин оҕо эрдэҕиттэн аҕатыгар чугас. Мин буолла киниэхэ киһи буолбатахпын, миигин үөһэттэн аллараа көрө сылдьар. Дьиҥэ иккиэн 15 саастаахпытына билсибиппит. Аан бастаан көрөрбөр атаах, мааны баҕайы уол курдук көрбүтүм. Чэ, мин барыам - диэт Баанньа тахсан барда.

Сарсыарда Тимур уһуктубута төбөтө дэлби ыалдьар эбит.

• Сардаана, уута аҕал - диэн ыһытыы сатаата да буоллар куолаһа тахсыбата. Хата эргийэн көрбүтэ, бутыылкалаах уу турар эбит. Үөрэн уутун испитэ күөмэйэ аһыйа түстэ. “Арааһа ыалдьыбыппын быһыылаах, мээлэ бэҕэһээ уулуссаҕа ыһытаабыт эбиппин. Син биир кыһын буоллаҕа " диэн иһигэр санаата. Оннук ону маны саныы сыттаҕына Сардаана киирдэ.
• Хайа уһугуннуҥ дуо? - диэн Сардаана сэнээбиттии көрдө.
• Арааһа ыалдьыбыппын быһыылаах - диэн Тимур кыра кыратык эттэ.
• Кэл эрэ - диэт Сардаана ытыһын Тимур сүүһүгэр уурда.
• Итии эбит. Сыт. Температураҥ тахсыбыт быһыылаах. Билигин градусник аҕалыам - диэт түргэн үлүгэрдик Сардаана тахсан барда. Тимур буолла орунугар сытынан кэбистэ. Сотору буолаат Сардаана илиитигэр градусниктаах киирэн кэллэ. Сахсыйа түһээт Тимурга биэрдэ уонна эттэ:
• Мэ угун.
• Сатаабаппын ээ - диэн киһитэ хардарда.
  Онуоха Сардаана градуснигы ылаат , Тимур хонноҕун анныгар уган кэбистэ.
• Сардаана, бэҕэһээ эйиэхэ итирэн баран куһаҕаны оҥорбут буоллахпына бырастыы гын. Итирдэхпинэ хонтуруолбун сүтэрэн кэбиһэбин.
• Миэхэ тугу да гымматааҥ, хата ийэбин өлөрө сатаабытыҥ
• Мин оннугу тугу да өйдөөбөппүн.
• Градусниккын хостоо - диэн Сардаана Тимурга эттэ. Тимур хостоон баран Сардаанаҕа биэрдэ.
• Хайа хаһый? - диэн Тимур интириэһиргээтэ
• 38.7 буолбут. Тахсыбыт. Сытаҕын. Ханна да барбаккын. Билигин эми аҕалыам - диэн Сардаана кытаанах куолаһын этэн баран хостон тахсан барда. Сардаана Тимур ыалдьа сытарын көрдөҕүнэ хайдах эрэ аһыныах санаата киирэр, бэҕэһээ аҕай өлөрүөм диэн куттаппыт киһи ханна да суох. Өссө эбиитин Тимур ийэтин туһунан билээт өссө аһыммыта. Ол иһин Сардаана отгул ылан баран күнү быһа эрин харайарга санаммыта.
• Мэ бу эмтэри ис. Уонна итиитик саптаар - диэн баран Сардаана тахсан барда. Эмискэ төлөпүөнэ тырылыы түстэ.
• Алло, кимий? - диэн төлөпүөн нөҥүө куолас иһилиннэ.
• Мин Ньургуйаанабын. Туох буоллуҥ? Эн бүгүн отгул ыллыҥ да?
• Ээ, Ньургуйаана алҕас. Букатын атыны саныы сылдьабын. Туох нааданый?
• Манна үлэбитигэр ваще провал. Министиэристибэттэн бэрэбиэркэ кэлээри гыммыт үһү , ол иһин барыларыттан отчуот көрдөөтүлэр полугодияҕа. Эн кэлэ сылдьыаҥ? Докумуоҥҥа илии баттыаххын наада - диэн Ньургуйаана ыксаабыт куолаһынан эттэ
• Чэ сотору тиийиэм - диэт Сардаана төлөпүөнүн ууран кэбистэ
  Сардаана таҥнаат түргэн баҕайытык кыбартыыраттан тахсан барда. Тимур буолла уута кэлэн утуйбута ырааппыт. Эмискэ ааны тоҥсуйдулар. Тимур онтон уһуктаат , бастаан аһыан баҕарбатаҕа. Ол кэннэ өссө тоҥсуйбуттарыгар тулуйубуна аһа барда. Арай арыйбыта , Света турар эбит.
• Светуль, манна туохха кэллиҥ? - диэн Тимур соһуйан эттэ.
• Тимурчик, эйиигин наһаа аҕынным. Давай хоско хатанан баран … - диэн баран Тимур диэки көрөн турда.
• Света, мин эмиэ аҕынным эрээри Сардаана баар дии.
• Ээ , ол “эйиэнэ” барбыта. Билигин аҕай подьезка көрүстүм.
• Ээ, оччоҕо үчүгэй эбит. Киирин көрөр инигин - диэт Тимур Света киирбитин кэннэ ааны хатаата. Света Тимур кыбартыыратын устун хаамахтаата. Онтон алҕаска Сардаана ийэтэ сытар хоһун аһан көрдө.
• Уой, алҕас - диэт ааны сабан кэбистэ. Өкүлүүнэ ким кэлбитэй диэн интириэһиргии санаата.
  Икки чаас курдугунан Сардаана төннүбүтэ. Кэлэн иһэн маҕаһыыҥҥа киирэн ас бөҕөтүн атыыласпыта. Тимур хайдаҕын билээри хоһугар киирээри гыммытыгар хатааһыннаах эбит. “Хайаан хатааһыннааҕый?” диэн Сардаана иһигэр санаат, бэйэтин күлүүһүнэн арыйда. Арай аан кырыытынан көрбүтэ , Тимур хайа эрэ дьахтары кытта уураһа сытара. Сардаана биллибэт дьахтарга сонно подьезка көрсүбүт дьахтарын биллэ. Бастаан кинилэргэ киирэн баран этиһиини оҥоруон баҕарбыта да буоллар, күүһэ тиийбэтэ. Суунар хоско киирээт аргыый аҕай ытаан барда.
  Ол кэмҥэ Света Тимурдуун быраһаайдаһаат дьиэтигэр баран хаалла. Оттон Сардаана , Света барбытын кэннэ Тимурга кини туһунан туох дии саныырын барытын этэргэ сананна.
• Тимур , кэпсэтии баар - диэн Сардаана саҕалаата
• Кэлбитиҥ да ?
• Билигин ол туһунан буолбатах. Эн миигин таптыыгын ду суох ду?
• Дьиҥэ фигураҥ дой ваще краса, ол да буоллар дьүһүнүҥ, эмиийиҥ на двоечку. Ол иһин бырастыы.
• Онтон хайаан арахсан барбаккын?
• Тоҕо диэтэр батям бэлэхтээбит кыбартыырата, массыыната эйиэхэ баран хаалыа сокуонунан. Уонна батябын уордатыахпын баҕарбаппын - дии-дии Тимур төлөпүөнүн хаспыта буолла.
• Эн аҕаҕын хайаан аҕам диэбэккин? Эйиигин билиэхпиттэн ыла наар батя диигин?
• Ол эн дьыалаҥ буолбатах.
• Оччоҕо мин эн тускунан туох дии саныырбын барытын этэбин дуо? - диэн Сардаана туох баар күүһүн эбэн баран эттэ
• Давай, эт да? - диэн Тимур хардарда
• Эн атаах, мааны, бэйэмсэх, кими да аһыммат, акаары, арыгыһыт, күүлэйдьит, бабник уолгун. Уонна боростуой уол буолбатаххын, эн баай миниистир уолаҕын. Ол иһин барыларын үөһэттэн көрө сылдьаҕын - диэт Сардаана чэпчээбит курдук буолла.
  Онтон ити тыллара буолла , Тимурга сирэйигэр силлээбит саҕа буолбута ол иһин дэлби кыыһыраат Сардаананы моонньуттан хам тутта.
• Билэҕин , Сарданушка, мин бэйэм туспунан куһаҕаны этэллэрин сөбүлээбэппин. Уонна оннук хаалларыам суоҕа. Улаханнык кэһэйиэҥ - диэт Тимур Сардаана барахсаны биирдэ саайан түһэрдэ.

Баанньа дэл дуо хара Гелигынан куорат устун сүүрдэн испитэ. Кини хаһан да маннык массыынаҕа олоро илигэ. Хойут бэйэм эмиэ маннык массыыналаныам диэн ыралаан истэҕинэ төлөпүөнэ тыаһыы түстэ.

• Алло, Тимур Аркадьевич. Бу массыынаҕытын илдьэн иһэбин. Сотору тиийиэм.
• Баанньа, эн миэхэ доҕоргун буолбат дуо? - диэн Тимур албыннаста.
• Онтон бииргэ элбэҕи ааспыппыт. Бииргэ улааттахпыт дии…
• Оччоҕо Баанньа, билигин мин ыыппыт аадыраспар кэлэҕин. Сорҕотун кэллэххинэ кэпсиэм - диэн баран Тимур төлөпүөнүн ууран кэбистэ. Сотору буолаат Тимур ыыппыт аадыраһа кэллэ. Баанньа сонно айаннаабыта.
  Тиийбитэ хайа эрэ бараҕыллыбыт этээстээх дьиэ этэ. Баанньа Тимурга эрийээри гыммытыгар, Тимур кэннигэр киирэн олордо. Дэлби ыксаабыт көрүҥнээх.
• Баанньа, маладьыас түргэнник кэлбиккэр. Билигин аҕабар айаннаа. Мин буолла кэпсиэм - диэт Тимур уоскуйаары табааҕы хостоноот уматынна.
• Туохтан ыксаатыҥ - диэн Баанньа интириэһиргээтэ.
• Короче, миигин хаайыыга угаары гыннылар. Сардааналыын эмиэ уордайсыбыппыт. Ону мин кыратык кырбаабытым, эйиигин оҕо эрдэхпитинэ кырбыырым курдук. Онуоха Сардаана ыһыы хаһыы бөҕө. Өссө эбиитин ийэтэ туох эрэ диирэ. Онтон ыалларбыт ол хаһыыны истэн милииссийэҕэ эрийбиттэр. Онтон барыта тумааҥҥа курдук. Өйдөөн кэлбитим сэлиэдэбэтил допуруостуу олорор эбит. “Кэргэҥҥин эн кырбаатыҥ дуо?” диэн дой ыйытар. Ону мин албыннаан саҥа кэллим. Доҕорбун кытта кулуупка сылдьыбытым диэбитим. Ол иһин Ванёк, эн миэхэ албын алиби оҥоруохтааххын. Эн көмөлөспөтөхпүнэ хаайыыга 8 сылга барабын. Чэ , сөбүлэһэҕин? - дии-дии Тимур Баанньа саннытын анньыалаата.
• Ол албыннаан эттэхпинэ арай билиэхтэрэ? Онно эмиэ статья.
• Да куттаныма. Дьиэбитигэр камера дой суох. Ол иһин билиэ суохтара - диэн Тимур Баанньаны уоскутта.
• Чэ биэрэн көрөө инибин - диэн Баанньа сөбүлэстэ.
  Ол кэмҥэ Сардаананы балыыһаҕа киллэрбиттэрэ. Элбэх хааны сүтэрбит эбит. Ол да буоллар өйүгэр сытара. Кинини допуруостаары сэлиэдэбэтил кэлбит эбит. Капельницаны туруорбуттарын кэннэ быраас сэлиэдэбэтил киирэригэр көҥүллээбитэ.
• Дорооболоруҥ, Сардаана Кирилловна. Мин сэлиэдэбэтил Максимов Тимофей Иванович диэммин. Билигин аҕыйах ыйытыыбар эппиэттиир кыахтааххыт дуо?
• Эмиэ ол түгэни саныыбын дуо? - диэн Сардаана долгуйбут куолаһынан эттэ
• Хомойуох иһин, саныырга тиийэҕит.
• Чэ санаан көрүөм - Сардаана сөбүлэстэ.
• Бастакы ыйытыым. Кэргэҥҥит ити иннинэ илиитин көтөҕөр этэ дуо?
• Көтөҕөр. Итирэн баран ийэбин өлөрө сыспыта. Ээ арба онтон ийэм. Инбэлиит дии
• Ийэҕитигэр социальнай үлэһити анаабыппыт эһиги үтүөрүөххүтүгэр дылы. Чэ иккис ыйытыым. Кэргэҥҥит хаһан эмит эһигини элбэх дьон көрөн турдаҕына кырбаабыта дуо?
• Ийэм эрэ көрөн турдаҕына кырбаабыта. Элбэх дьонноох сиргэ тахсааччым да суох.
• Үһүс ыйытыым. Баарыын туохтан сылтаан этиспиккитий?
• Тимур атын дьахтары дьиэбитигэр аҕалан баран , иккиэн утуйар оруммутугар сыталлар этэ. Арааһа көссүүтэ быһыылаах этэ. Онтон сылтаан этиспиппит. Уонна кини миигин саайбыта - диэн баран Сардаана хараҕыттан уу таҕыста
• Чэ, манан ыйытыым бүттэ. Көрсүөххэ диэри, Сардаана Кирилловна - диэт сэлиэдэбэтил тахсан барда.
  Сардаана буолла салҕыы хайдах олорорун саныы сыппыта.
  Нөҥүө күнүгэр Баанньа, Тимурга албын алиби оҥоруон оннугар туох баарынан кырдьыгы кэпсээбитэ. Онтон сылтаан барыларын суукка ыҥырбыттара.
  Суут саалата. Тула дьон бөҕө. Барыта тыас уус. Эмискэ саалаҕа судьуйа киирэн кэллэ. Дьон бары туран кэллилэр. Судьуйа Тимурга утары балыйыылары ааҕан барда. Тимур буолла букатын атыны саныы турара. Эмискэ судьуйа Тимурга эттэ:
• Обвиняемый Золотов Тимур Аркадьевич, признаёте ли вы совершенные вами преступления.
  Тимур буолла саҥарбакка турда. Судьуйа өссө биирдэ хатыллаата:
• Золотов, вы слышите меня?
• Да.
• Признаёте ли вину? - диэн ыйыппытыгар , Тимур син биир хайыыга барыыһыкпын дии санаан:
• Признаю - диэтэ.
• Судья должна отлучиться для вынесения решения суда - диэн баран судьуйа баран хаалла.
  Ол кэмҥэ Тимур тулатын көрүннэ. Билэр билбэт дьоно толорута. Эмискэ эргийэ түһээт бүтэһик ыскамыйаны көрдө. Онно соҕотох Аркадий Спартакович эрэ олороро. Тимур диэки кэлэйбиттии көрөн кэбистэ. Онтон саамай түгэххэ Сардаана олороро. Тимуру көрүөн да барбатаҕа.
  Судьуйа чаас аҥаарынан төннүбүтэ.
• Суд решил, признать Золотова Тимура Аркадьевича виновным в статье 1….УкРФ и дал десять лет в тюрьме строго режима - диэт судьуйа өтүйэтинэн саайбыта. Өтүйэ тыаһын истээт , милииссийэниэрдэр сонно Тимуру тутан ылаат аан диэки илдьэ барда.

Сардаана Тимуру илдьэ барбыттарын көрөн үөрбүтэ буолла. Билигин аны 10 сылга Тимур кини олоҕор көстүө суоҕа. Ол иһин салҕыы Сардаана ийэбин эмтээһининэн дьарыктаныам дии санаата. Суут кэнниттэн дэл дуо маҕаһыыннарынан сылдьан , ону маны атыыластан баран дьиэлээтэ.
Онтон Баанньа буолла Тимуру тыллаан биэрбититтэн кэлэйэрэ. Хомойбут көрүҥнээх Аркадийы көрөөт букатын суобаһа оонньуур. Киэһээлик Баанньа аһыы олордоҕуна төлөпүөнэ тырылыы түстэ. Көрбүтэ Сардаана эрийэр эбит.

• Дорообо, туохха наадыйдыҥ ? - диэн Баанньа ыйытта
• Баанньа, дорообо. Билигин миэхэ кэлэр кыахтааххын? Ийэбин сибиэһэй салгыҥҥа таһаараары гынабын да буоллар , кэлээскэбит лифка баппат. Ону кирилиэһинэн түһэрсиэҥ дуо?
• Сардаана, күүт сотору тиийиэм - дии түһээт Баанньа сонно таҥнан баран таһырдьа ыстанна.
  Аҕыйах мүнүүтэнэн Баанньа Сардаана аанын таһыгар кэлэн тоҥсуйда.
• Уой, Баанньа, махтал кэлбиккэр- диэн Сардаана Баанньаны көрүстэ.
• Онтон көмөлөһөөрү түргэнник кэллээм дии - диэт Баанньа мичээрдии түстэ.
• Чэ киириэх - диэн баран Сардаана Баанньаны дьиэҕэ киллэрдэ.
  Өкүлүүнэ номнуо таҥнан бэлэм олороро. Баанньа бастаан Өкүлүүнэни көтөҕөн ылаат лифка киирэн бастакы этээскэ түспүттэрэ. Онтон подьезка баар ыскамыйаҕа олордоот , аны кэлээскэтин түһэрэ барбыта. Сотору буолаат Сардааналыын кэлээскэни тутан баран тахсан кэлбиттэрэ.
• Баанньа, кыратык хаала түһэҕин? Төттөрү киирэргэ эмиэ кыайыам суоҕа арааһа - диэн Сардаана көрдөстө.
• Ээ, хаалан буолла. Хата ийэҕин иккиэн үтүөх кэлээскэтигэр
  Иккиэн Өкүлүүнэни үтэн баран , киэһээҥҥи айылҕа устун хааман испиттэрэ. Тула уу чуумпу. Арай кыратык тыал иһиирэрэ.
• Оҕолоор, миигин манна хаалларан эрин, бэйэҕит буолла ханна эрэ о-ол диэки күүлэйдээҥ, кэпсэтиҥ - диэн Өкүлүүнэ сүбэлээтэ
• Хата инньэ диэ ийээ. Бардыбыт Баанньа кыратык бэйэбит туһунан билэ түһүөххэ - диэт Сардаана Баанньаны илиититтэн ылаат бэйэтин кэнниттэн хаамтаран истэ.
• Баанньа, эн хантан төрүттээх, кимтэн кииннээх киһигиний? - дии-дии Сардаана дэл дуо утары хааман истэ
• Ээ, мин 6 сааспар дылы эбээбэр иитиллибитим. Онтон ийэбэр кэлэн баран ити Аркадий Спартаковичка үлэһит буолбутум. Онтон эн?
• Мин дьоммор соҕотох оҕобун. Аҕам барахсан суол быһылааныгар өлбүтэ. Ийэм буолла онтон сылтаан инбэлиит буолан хаалбыта. Билигин ийэм эмтэнэригэр харчы хомуйабын.
• Онтон, Сардаана , эн үлэлиигин ду?
• Оскуолаҕа учууталынан үлэлиибин. Онтон эн?
• Мин ханна да үөрэммэтээм. Наар Тимуру сырсан тахсар этим. Аны билигин кэлэн тугу гыныамый - диэт Баанньа өрө тыынна
• Баанньа, хомойума - диэн баран Сардаана Баанньаны уураан ылла.
• Сардаана, барыахха ийэҥ күүтэн эрэр буолуо - дии-дии Баанньа утары хаама турда.
  Дьиҥэ Баанньа, Сардаана уураабытыттан кыратык үөрбүтэ. Сардаананы аан маҥнай көрүөҕүттэн таптыы көрбүтэ. Тимур Сардаанаҕа кэргэннэспитигэр кыратык күнүүлүү саныыра.
  Баанньа бараары турдаҕына Сардаана эттэ:
• Баанньа, бүгүн миигин кытта хоноҕун? Хайдах эрэ сэрэхтээх баҕайы бачча улахан кыбартыыраҕа.
• Чэ хаалыаҕым - диэт Баанньа төттөрү сыгынньахтанна.
• Кэл, киэһээҥҥи аһылыгынан күндүлүөм - дии-дии Сардаана куукунатын диэки хаама турда
  Ол кэмҥэ оруобуна хаайыыга эмиэ барыларыгар ас түҥэтэ сылдьаллара. Тимур иһитин тоһуйан биэрбитигэр , харыарбыт хааһыны кутан биэрдилэр. Киһи сибиинньэҕэ да биэрбэт аһыгар майгынныыра. Хааһыны буккуйан-буккуйан баран төттөрү биэрдэ. Тимур аһы төттөрү биэрбитин биир хаайыылаах көрөн баран эппитэ:
• Ноо, хайаан сиэбэккин бачча үчүгэй аһы?
• Үчүгэй үһү дуо? Ыппар даҕаны итинниги аһаппат этим - диэн Тимур хардарда
• Бу киһи хайдах буолла? Оннооҕор сороҕор аһатааччылара да суох. Ол иһин шанс баарына аһаан кэбиһиэххэ - дии-дии хаайыылаах хааһыны сии олордо.
• Аатыҥ ким диэний - диэн Тимур эмискэ ыйытта.
• Көҥүлгэ сылдьар аатым Дабыыд диэн этэ. Манна бары миигин Даба дииллэр. Онтон эйиэнэ?
• Тимур Золотов - диэт Тимур Даба диэки көрдө
• Ээ били Көмүс Аркадий уолаҕын да? - Даба соһуйда
• Эн аҕабын хантан билэҕин?
• Кинини манна бары билэллэр. Урут бандьыыт этэ. Билигин тойон буолан олордоҕо. Хата эйиигин хайаабыккын киллэрдилэр?
• Бэҕэһээ киирбитим. Кэргэммин кырбаабытым иһин. 10 сылга укпуттара. Аҕачааным тугу эмит гынар ини.
• Ээ, мин буолла итирэн баран киһини үлтү көппүтүм иһин. 17 сыл биэрбиттэрэ. 7 олорбутум. Өссө 10 хаалла. Иккиэн бииргэ тахсыыһыкпыт - дии-дии Даба күлбүтүгэр тиистэрэ килбэчийдилэр.
• Даба, эн ханнык камераҕа олороҕун ?
• 117. Камерабытыгар үһүөйэхпит эрэ.
• Мин буолла 116.
• Тимур , эйиэхэ погоняла толкуйдуубут дуо? - диэн Даба ыйытта
• Чэ толкуйдаа.
• Давай, Пионер буолуоҥ? Мин оҕо эрдэхпинэ Гайдар кинигэтин аахпытым “Тимур и его команда” диэн. Ол иһин Пионер буолуоҥ.
• Пионер да буолуом - диэн Тимур сөбүлэстэ.
  Хаайыылаахтар аһылыктара бүппүтүн кэннэ, бары камераларыгар тарҕастылар. Ол кэннэ сонно хаайыы үрдүнэн “Көмүс Аркадий уола манна олорор үһү” диэн сурах тарҕаммыта. Тимур сонно аптарытыат буолбута. Кинини аатынан ыҥырбакка погонялатынан Пионер дииллэрэ.
  Киэһэ Тимур утуйаары сытан Сардаананы санаан ылбыта. “Билигин хайдах олороро буолла” дии-дии утуйан хаалла.
  Оттон Сардаана буолла уута кэлибинэ утуйбакка сытта. Төһө да Тимуру абааһы көрдөр кыратык ахтара. Урут утуйаары сыттахтарына Тимур наар ханнык эмит шутканы кэпсээччи , оччоҕо Сардаана күлэ-күлэ утуйан хаалааччы. Эбэтэр уута кэлибинэ, хабыс хараҥаҕа Тимур кытаанах быччыҥар ойууламмыт татуировкаларын көрө-көрө сытара. Сардаана итини саныы саныы хараҕыттан уу тахсара. Тимур ньиэрбинэйэ уонна күнүүһүтэ суоҕа эбитэ буоллар саамай үчүгэй эр буолуох эбит. Ону баара…
  Сардаана өр сытан баран , куукунаҕа баран уу иһэргэ сананна. Уһун коридор устун хааман иһэн эмискэ иһэ дэлби ыалдьан барда. " Куукунабар тиийэн, эмп иһиэххэ наада эбит” диэн саныы түспүтүн кэннэ, өйүн сүтэрэн муостаҕа сууллан түстэ.

Түүн ортото улахан баҕайы тыастан Баанньа уһуктан кэллэ. Сэрэнэн коридорга өҥөйбүтэ, муостаҕа Сардаана өйө суох сытар эбит. Баанньа сонно Сардаана үрдүгэр баар буола түстэ, уонна Сардаананы уһугуннара сатаата.

• Сардаана, Сардаана! Истэҕин дуо миигин - дии-дии Баанньа Сардаананы хамсатта. Онтон ыксаан суһал көмөнү ыҥыран баран күүтэн олордо. Кини дьолугар түргэнник айаннаан кэлбиттэрэ. Сардаананы илдьэ бардылар. Баанньа Сардаана хайаабытын Өкүлүүнэҕэ кэпсээбитэ. Онтон син төһөтө уоскуйаат утуйарга бэлэмнэммитэ.
  Сарсыарда буолан, күн тахсан уулуссаҕа сырдаата. Күн сардаҥата хаайыы түннүгүн быыһынан киирэн , Тимурга дьүһүнүгэр тыкта. Тимур уһуктаат хараҕын хаһынна онтон тулатын көрүннэ. Атын хаайыылаахтар бары утуйа сыталлар эбит. Кини урут эмиэ баччаҕа кулууптан дьэ кэлэн утуйа сытара. Салҕыы утуйуон уута кэлбэт. Ол иһин үөһэ көрөн баран сытта. Эмискэ дьуһуурунай кэлэн баран :
• Уһуктуҥ! Подъём! - дии-дии ыһытаата.
• Ээ, кырдьык Золотов эйиэхэ 10 чааска аҕаҕыт кэлэр , өйдөөр - диэн баран дьуһуурунай баран хаалла.
  Ол кэмҥэ Баанньа балыыһаҕа тиийэн баран, Сардаана туох буолбутун билээри олорбута. Эмискэ палаататтан быраас тахсан баран :
• Эһиги кимиэхэ кэллигит?
• Мин Тихонова Сардаана туругун билээри кэллим.
• Оннук ааттаах киһи суох.
• Ээ, Золотова Сардаана диэн.
• Чэ киир оччоҕо - диэт быраас палаата диэки ыйда.
  Баанньа сүүрбүтүнэн киирдэ. Сардаана өйүгэр сытар эбит. Баанньа кэнниттэн быраас киирэн баран:
• Золотова, анаалыстарыҥ кэллилэр. Билиэххин баҕараҕын дуо? - диэн ыйытта.
• Баҕарабыт - диэн Сардааналаах Баанньа тэбис тэҥҥэ эттилэр.
• Оччоҕо мин эйиигин эҕэрдэлиибин. Хат буолбут эбиккин. Аны 8 ый курдугунан ийэ буолуоҥ - дии-дии быраас ытыс таһынна.
• Хайдах ол хат? - диэн соһуйан Сардаана нэһиилэ эттэ
• Оттон номнуо 4 нэдиэлэтэ ааһан эрэр. Түһэртэрэр сатаммат буолла. Ол иһин төрөтөргө эрэ тиийэҕит. Өссө биирдэ эҕэрдэ - диэн баран быраас тахсан барда
• Арааһа Тимуртан хат буолбуппун - диэн Сардаана сэрэҕирҕээтэ.
• Оччоҕо этэр инигин киниэхэ. Сурук суруйан - диэтэ Баанньа
• Оттон этэргэ эрэ тиийэбин. Түһэртэрэр сатаммат ол иһин. Уонна мин хат буолар былааным суох этэ да буоллар.
• Сөпкө толкуйдуур эбиккин - диэн Баанньа Сардаананы хайҕаата.
• Уонна оҕо аҕалаах улаатыахтаах. Бүтүн дьиэ кэргэҥҥэ. Арай оҕом 9 туоллаҕына Тимур хаайыыттан тахсыа , оччоҕо оҕо аҕаланыа буолла.
• Суруккун эбэһээт суруйаар - диэн баран Баанньа тахсан барда.
  Сардаана буолла Баанньа бартын кэннэ сонно кумааҕылаах уруучуканы хостоот суругун саҕалаата.
  " Тимур, дорообо. Бу Сардаана суруйабын. Хайдах олороҕун, туох сонуннааххын. Манна үчүгэй. Дьиэбэр Баанньа көмөлөһөр. Син олоробун. Ийэм уруккутун курдук.
  Эйиэхэ уордайан бүппүтүм. Төһө да ыарыылааҕын иһин бырастыы гыммытым.
  Уонна биир наһаа наадалаах сонуннаахпын. Сотору 8 ыйынан төрөппүттэр буолуохпут. Мин эйиигиттэн хат буолбуппун. Бүгүн ол туһунан дьэ биллим. Оҕону түһэртэрбэтээм. Төрөтүөҕүм. Оҕобут төрөөтөҕүнэ аҕата наада буолуо , ол иһин эйиигин күүтэбин
  Аныгыскы сурукка диэри Сардаана” диэн Сардаана суругун бүтэрдэ.
  Күн ортото буолбута. Аркадий Спартакович мунньахтарын көһөрөн баран, уолугар айаннаабыта. Өтөрдөөҕүтэ уолун таһаартарарга көҥүллэппитэ, ону Тимурга кэпсээри үөрэ-көтө айаннаан иһэрэ.
  Чаас курдугунан тиийбиттэрэ. Улахан үс этээстээх хаайыыны көрөн баран Аркадий Спартакович элбэҕи санаан ылла. Уолун саҕа саастааҕар эмиэ тугу эрэ уоран хаайыыга олоро сылдьыбыта. Ол 90-нустар саҕана этэ. Онтон саҕалаан байан-тайан барбыта. Билигин тос курдук тойон, миниистиргэ тиийэ үүммүтэ.
  Кыараҕас коридор устун хааман баран, Аркадий көрсүһэр хоско баар буола түстэ. Остуол ортотунан суон бэйэлээх өстүөкүлэ турара. Өстүөкүлэ нөҥүө өттүгэр, атаҕын остуолга быраҕан баран Тимур олороро. Аркадий устуулга кэлэн олорбутун кэннэ, дьуһуурунай:
• Эһиэхэ 10 мүнүүтэ баар - диэн баран тахсан барда.
• Хайа, хайдаҕый манна - диэн Аркадий кэпсэтиини саҕалаабыта.
• Оттон син. Астара дой куһаҕан. Ону эн туохха билиэххин баҕардыҥ! Уонна хайгылга кэллиҥ?! Саатар улахан тойон буолан баран , соҕотох уолгун көмүскүүр кыаҕыҥ суох - диэн Тимур сытыытык эттэ.
• Тимур, эн сыыһаҕын. Мин хата эйиигин таһаараары сүүрэ көтө сылдьабын. Онтон эн буолла… Уонна малгын хомунаар. Тахсыаххын сөп - диэт Аркадий хостон тахсан барда. Уола кини туһунан итинник саныырыттан кэлэйбитэ.
  Тимур буолла көҥүл буолбутун билээт үөрбүтэ аҕай. Сонно камератыгар баран , малын хомунаат , таҥаһын уларыттан баран. Таһырдьа тахсыбыта , аҕата айанныы илик эбит. Тимур кинини кытта үргүдьү барсаары аҕатыгар ыһытаата:
• Батя! Күүт! - диэн туох баарынан ыһытаата да буоллар Аркадий истибэккэ айаннаан хаалла.
• Твою ж мать - дии-дии Тимур сатыы хаама турда.
  Күн ортото буолла. Сардаана ама буолан дьиэтигэр төннүбүтэ. Баанньа наар таһыгар сылдьар. Ийэтин харайарга көмөлөһөр.
• Сардаана, суруккун ыыппытыҥ дуо? - диэн Баанньа аһыы олорон ыйыппыта.
• Баарыын балыыһаттан кэлэн иһэн , почтаҕа киирэн туттарбытым. Тимур үөрэрэ ду аҕа буоларын билэн?
• Дьэ ол саарбах. Тимур уруккуттан бэйэтин эрэ билинэрэ, атын дьон туһугар тугу да гынааччыта суох. Оҕону да мин санаабар билиниэ суоҕа. Ол да буоллар суругунан биллэрдээҥ дии, оҕолооххун диэн. Мин аҕам эмиэ кини курдук этэ. Ийэбин төрүү иликпинэ бырахпыт этэ.
• Мин эмиэ инньэ дии саныыр этим - диэн Сардаана өрө тыынна.
• Хомойума, Сардаана, мин эйиэхэ көмөлөһүөм. Ийэҕэр даҕаны , оҕоҕо даҕаны. Иккиэн бииргэ иитэн киһи харата гыныахпыт - диэт Баанньа Сардаананы кууста.
• Махтал, Баанньа. Үтүө тылын иһин - диэн баран Сардаана Баанньаны уураата
• Сардаана, мин эйиэхэ билинэбин туохха эрэ?
• Чэ, билин.
• Мин эйиигин тап…тыыбын.
• Баанньа, мин эйиигин өйдөөбөтүм - диэт Сардаана Баанньа диэки көрдө
• Сардаана, мин эйиигин күүскэ да күүскэ таптыыбын. Сонно дьоҥҥун кытта Тимурдаахха билсиһэ кэлбиккиттэн ыла таптаабытым.
• Баанньа, мин санаа… - диэн Сардаана этэн истэҕинэ Баанньа уураан ылла.
• Баанньа, мин санаабар ити сыыһа. Төһө да Тимур миэхэ таҥнарыахсыттаабытын иһин , мин эйиигин кытта сылдьар кыаҕым суох. Уонна ити мин эйиигин махтанарбын биллэрэн уураабытым. Бырастыы гын - диэн баран Сардаана ийэтин хоһун диэки баран хаалла. Баанньа буолла куукунаҕа олорбутунан хаалла.
  Эмискэ ким эрэ ааны арыйара иһилиннэ. Баанньа соһуйан Сардаанаҕа сүүрдэ:
• Сардаана, кыбартыыраҥ аанын ким эрэ арыйа сатыыр - диэн ыксаабыттыы эттэ.
• Күлүүс миэхэ уонна Тимурга эрэ баар этэ. Сэрэҕин. Милииссийэҕэ эрийэбин дуо?
• Хаһан кэлиэхтэригэр дылы, мин бэйэм быһаарыам. Эр киһи буоллаам дии - диэн баран Баанньа куукунаҕа сүүрэн тиийэн хомордооҕу ылаат аан диэки барда. Сардаана кэнниттэн батыһан истэ. Эмискэ аан аһылынна. Уонна Тимур киирэн кэллэ

Баанньа соһуйан турда. 10 сылынан кэлиэхтээх киһилэрэ 3 хонугунан төттөрү кэлбит.

• Хайа, хайаан киһини сүрдээх баҕайытык көрдүгүт? - диэн күлэ-күлэ Тимур малын киллэрдэ.
• Хайаан эрдэ кэллиҥ? - Баанньа кыах ылынан эттэ.
• Ээ, аҕам кэпсэппит этэ. Чэ , Сардаана хайаан састыҥ. Кэргэҥҥин көрүс - диэн баран Тимур Сардаананы көтөҕөн ылаат эргитэн баран төттөрү туруорда.
• Чэ , тугу эрэ кэпсээҥ да. Ийэҥ хайдаҕый? Миигинэ суох хайдах олордугут. Аска тугу буһардыҥ?
• Син олоробут. Бу Баанньа кэлэн көмөлөспүтэ. Ийэм син ама.
• Чэ, үчүгэй буоллаҕына аһыы барыахха - диэт Тимур куукуна диэки хаамта.
  Баанньа Тимурдаах Сардаанаҕа мэһэйдэһимээри дьиэтигэр барда. Оттон Сардаана буолла куттаммыт көрүҥнээх куукунаҕа киирэн Тимур таһыгар олордо.
• Сардаана, хайаан настарыанньаҥ суоҕуй? - диэн Тимур интириэһиргээтэ
• Ээ, суох. Эн наһаа түргэнник кэлбиккиттэн соһуйдум - диэн баран Сардаана иһигэр “Сыыһа эттим быһыылаах. Арааһа билигин уордайара буолуо” дии санаата. Оттон Тимур буолла төттөрүтүн:
• Кэлиэ суохтаах этим дуо? - диэн баран күллэ.
• Чэ, аһаа-аһаа. Антах куһаҕан астаахтар буолуо - диэн баран Сардаана Тимуру көрө олордо.
• Сардаана, бүтэһик түгэммит иһин бырастыы гын. Аны хатыллыам суоҕа - дии-дии Тимур салҕыы аһаан истэ
• Ээ, кырдьык, Сардаана, эн төрөппүттэриҥ биһиэхэ биисинэстэрин кытта дьиэлэрин бэлэхтээбиттэрэ дии…
• Бэлэхтээбиттэрэ.
• Оччоҕо ол дьиэни даача оҥостуохха. Иккиэн онно тиийэн сынньаныахпыт дой буолла. Үчүгэй былаан буолбат дуо? - дии-дии Тимур Сардаананы көрдө.
• Тимур, бырастыы гын. Ол биисинэһи кытта дьиэбитин эйиигиттэн кистээн атыылаан кэбиспитим. Ийэбэр эпэрээссийэҕэ харчы мунньабын.
• Ол хастаах эпэрээссийэний?
• 15 млн курдук диэбиттэрэ. Мин 10 млн хомуйдум. Аны 5 наада.
• Оччоҕо Сардаана, ол 10 млн миэхэ биэр , мин билэр хируурдаахпын. Кини оччо сыанаҕа оҥоруо.
• Оттон Израильга эрэ оҥоһуллар диэбиттэрэ дии.
• Буоллун-буоллун. Миэхэ итэҕэйэр инигин?
• Итэҕэйэбин - диэн баран Сардаана хоһугар барда. Сотору буолаат суумкалаах кэллэ. Суумкатын Тимурга биэрдэ. Тимур арыйан көрбүтэ, суумка бүттүү харчы эбит. Суумкатын ылаат , Тимур туран баран хаалла.
• Сотору кэлиэм - диэн Тимур тахсаары туран эттэ.
• Сөп - дии түһээтин кытта Тимур кыбартыыраттан тахсан барда. Сардаана эрэнэ санаата.
  Оттон Тимур буолла үөрэ-көтө кулууп диэки хаама турда. Кини Өкүлүүнэҕэ көмөлөһөр да санаата суох этэ. Аҕатын кытта этиһэн харчыта суох хаалбытыттан Сардаананы албыннаан эпэрээссийэ харчытын ылла. Харчыны бүттүү бүтэрэр санаалаах.
  3 хонук ааста. Ол тухары Тимур биллибэтэҕэ. Сардаана буолла кыратык долгуйан барбыта. Сарсын кэлбэтэҕинэ милииссийэҕэ сайабылыанньа суруйуом дии санаата. Эмискэ ааны тоҥсуйдулар. Сардаана соһуйан ааны арыйа барда. Аспыта, Тимур турар эбит. Дэлби итирик.
• Хайа, хантан кэллиҥ? - дии-дии Сардаана Тимуру өйөөн кыбартыыраҕа киллэрдэ.
• Ку..луууп….птан
• Оттон харчыҥ?
• Сар…дааана , быр-растыы гын. Баран истэх…пинэ бан..дьыыттар саба түһэн был..дьаан ыл-лбыттара - дии-дии Тимур Сардаана атаҕар тобуктуу түстэ. Сардаана ыксаан миэстэтин булбата.
• Онтон арай милииссийэҕэ эттэхпитинэ?
• Сонно эт…тиэхтээх этигит бу-олла диэх…тэрэ.
• Оттон эн хайаан сонно эппэтээҥий?
• Кут-таммытым - диэн баран Тимур истиэнэттэн өйөнөн хоһугар бара турда. Сардаана хомойон, муостаҕа олоро түһээт , санаатын туттубуна ытаан барда. Кыыһа ытыырын истээт , Өкүлүүнэ :
• Тоойуом, хайаатыҥ? Туох буоллуҥ? - диэн саҥата хос түгэҕиттэн иһилиннэ.
• Суох, үчүгэй, ийээ. Билигин кэлиэм - дии-дии Сардаана хараҕын уутун сотунна. Син төһөтө уоскуйа түһээт ийэтигэр барда.
  Өкүлүүнэ кыыһын көрөн баран:
• Баары киһиҥ атаҕастаата дуо? - диэн ыйытта
• Суох, кини буолбатах.
• Оччоҕо кэпсээ да тоойуом. Төһө да маннык сыттарбын ийэҥ буоллаам дии
• Харчыбын уорбуттар. Эйиэхэ эпэрээссийэ оҥоттороору дьиэбитин уонна аҕам биисинэһин атыылаабытым. Ол харчы син биир тиийбэт этэ. Ону Тимур быһаарыам диэн баран былдьаттаран кэбиспит - диэн баран Сардаана ытаан барда.
• Тоойуом, улахан сыыһаны оҥорбуккун. Төһө да миигин эмтии сатыыгын да буоллар, дьиэбитин атыылыа суохтаах этиҥ. Ити биир син үчүгэйдик олордуо суоҕа. Ол иһин саатар онно барыахтаах этибит буолла - диэт Өкүлүүнэ өрө тыынна.
• Оттон эйиигин эмтээри дьаһаллаатаам дии…. Чэ Тимур уһугуннаҕына тугу эмит толкуйдуохпут.
• Ол киһиҥ бэйэтэ ылбыт буолаарай?
• Суох кини ыллабатах буолуохтаах.
• Чэ бэйэҥ билэҕин.
  Киэһэ Тимур дьэ уһуктубута. Аргыый аҕыйдык орунуттан туран баран Сардаананы ыҥырда.
• Сарданушка, уута аҕалыаҥ - диэн Тимур албыннаспыта буолла.
• Мэ , бу аҕыллым - диэт Сардаана Тимурга бутыылкалаах ууну уунна.
• Ээ, махтал. Кырдьык эн үлэлиигин дуо?
• Суох, ийэбин харайарбыттан уурайбытым.
• Оччоҕо төттөрү киир үлэҕэр. Биһиги харчыбыт бүттэ - дии-дии Тимур уутун иһэ олордо.
• Хайдах ол бүттэ диэн?
• Оттон бүттэҕэ дии. Үнүр аҕабын кытта этиспитим ол иһин харчыны биэрэрэ аны саарбах. Ол иһин үлэлииргэ тиийэҕин.
• Эн эмиэ үлэлиир инигин? - диэн Сардаана интириэһиргээтэ
• Ол эн санааҕар ханна үлэлиир үһүбүн. Бачча сааспар дылы үлэлии иликпин.
• Оттон туохха эмит үөрэнниҥ ини?
• Үрдүк юридическай үөрэхтээхпит. Ол да буоллар ону туһанан үлэлээбэтээм. Уонна туохха үлэлиэх этим, аҕам харчыта буолунай этэ буолла.
• Үчүгэй баҕайы үөрэхтээххин дии. Ханнык эмит юридическай хампаанньаҕа киир.
• Чэ толкуйдуом - диэт Тимур сытынан кэбистэ.
• Оттон саатар ийэбэр эмп ыларбар харчы баар ини?
• Хатыай, этэбин дии, харчыбыт суох. Ол иһин ону маны ылыма. Бу ыйга ууннан эрэ олорор буолуохпут.
• Оттон эн эр киһигин дии , тугу эмит бултаа-алтаа.
• Хайгылбынан бултуомууй? Саанан да сатаан ыппаппын - дии-дии Тимур Сардаананы көрдө
• Оҕо эрдэххинэ аҕаҥ куска дой илдьэ сылдьыбат этэ дуо?
• Хантан. Уоннаахпар кыраҥ бэрт диирэ, оттон улааппытым кэннэ тойон доҕотторун кытта эрэ сылдьара. Миигин наар хаалларан иһэрэ.
• Дьэ ол куһаҕан эбит. Эр киһи бултаан алтаан дьиэ кэргэнин аһатыахтаах буолла. Эн буолла тугу да сатаабат күөх көппө.
• Мин сатыырым диэн, харчыны баратааһын уонна арыгылааһын эрэ - диэт Тимур күллэ.
• Чэ, мин баран киэһээҥҥи аһылыкпытын толкуйдуом.
• Бар , бар - диэн баран Тимур хайыһаат төлөпүөнүн хаһан барда. Ол сыттаҕына көссүүтэ эрийдэ.
• Алло, Тимурчик, тахсыбыт эбиккин дии. Хайаан миэхэ эппэккин?
• Света , эйиэхэ эмиэ привет. Үнүр тахсыбытым. Эн хайдаххыный?
• Ээ, син норм. Миэхэ хаһан кэлэ сылдьаҕын? - диэн Света ыйытта
• Бүгүн никак. Женам баар.
• Ээ баары кэргэниҥ даа?
• Кини-кини. Сарсын үлэ көрдөнө барбытын кэннэ тиийиэм эйиэхэ - диэт Тимур төлөпүөнүн ууран кэбистэ.

Киэһээҥҥи аһылыгы оҥорон баран, Сардаана Тимуру ыҥырда. Сотору буолаат Тимур хостон тахсан кэллэ. Остуолга килиэптээх ууттан ураты туох да суоҕуттан соһуйда.

• Аны аспыт маннык эрэ. Үөрэн - диэн баран Сардаана Тимур утарытыгар уулаах ыстакааны уурда.
• Чэ, бүгүҥҥүгэ бу да барсыа. Эн хайаан аһаабаккын - диэн Тимур интириэһиргээтэ
• Ээ аһыам кэлбэт. Тимур , мин эйиигин кытта биир кэпсэтиилээхпин.
• Чэ валяй.
• Мин…Мин … Хат буоллум.
• Чё - диэн Тимур соһуйда ахан.
• Мин эйиигиттэн хат буолбуппун. Номнуо 4 нэдиэлэтэ - диэн Сардаана хатыллаата.
• Суох, ону иһиттим. Хайдах миигиттэн?
• Оттон эйиигиттэн ураты атын киһини кытта утуйбатаам.
• Ол баҕас алҕас буолуо. Тоҕо диэтэр мин сатаан оҕону оҥорбоппун. Итэҕэйбэт буоллаххына анаалыстар докумуоннарын көрдөрүөм.
• Хайдах оннук буолуой - диэн Сардаана итэҕэйбэтэ.
• Тыый, этэбин дии миигиттэн буолбатах диэн. Атын киһиттэн ! - диэн Тимур ыһытыы түстэ.
• Итэҕэйбэппин!
• Ыһытаама миэхэ! - диэн баран Тимур Сардаананы моонньуттан хам тутта.
• Айа да ыыт ! - диэн баран Сардаана Тимур сирэйигэр силлээтэ.
• Фу , билээт. Итинник буоллаххына ыыппат буолуом!
  Онуоха Сардаана тугу гынарын толкуйдаабына, Тимур илиитин ытырда.
• Эн ваще иирбиккин ду?! Нафиг ытыраҕын! - диэн баран Тимур Сардаананы ыытаат куукуна диэки хаамта. Сардаана буолла түгэнинэн туһанаат таҥнан баран таһырдьа ыстанна.
  Тимур ойоҕо куоппутун көрөөт :
• Син биир сыылан кэлэр буолуоҥ - диэн баран хоһугар баран хаалла.
  Ол кэмҥэ Сардаана ханна барарын билбэккэ сырытта. Төһө да сайын бүтүүтэ буоллар киэһэ тымныыта дьаабы. Кыыс атаҕа тоҥон төттөрү таары хаамыталаата. Эмискэ кэнниттэн:
• Сардаана, тугу гына сылдьаҕын манна? - диэн саҥа иһилиннэ
  Сардаана эргийэн көрбүтэ Баанньа иһэр эбит.
• Тимурдуун этиспиппит. Дьиэттэн куоппутум. Барар сирим суох. Ол иһин манна турабын.
• Оттон миэхэ хайаан эрийбэтээҥий. Бардыбыт миэхэ. Атаххын үлүтэриҥ чугаһаабыт буолуо - диэн баран Баанньа Сардаананы илиититтэн ылаат утары хаамта.
  Сотору буолаат иккиэн Баанньа эргэ кыбартыыратыгар баар буола түстүлэр. Хаһан да өрөмүөннэммэтэх , Сэбиэскэй Сойуустан ыла турар дьиэ Сардаананы итиитик көрүстэ. Бу да буоллар кыбартыыраҕа итии уулааҕа, гаастааҕа. Баанньа ыалдьытын дьыбааҥҥа олордоот куукунаҕа сүтэн хаалла. Сардаана иэстэнэҕэ ыйаллан турар хаартыскалары , хартыыналары көрүтэлээтэ. Сотору Баанньа кэллэ:
• Хайа, Сардаана, эргэ кыбартыырам үчүгэй дуо?
• Үчүгэй буолубуна. Таһырдьа курдук буолуо дуо?
• Оччоҕо бардыбыт аһыахха. Ол кэннэ эйиэхэ дьыбааҥҥа утуйаргар таҥас тэлгиэм. Бэйэм буолла эбэм орунугар сытыам.
  Аһыы олордохторуна Баанньа Сардаанаттан ыйытта:
• Сардаана,эн кырдьыктыы Тимуру таптыыгын дуо?
• Суох быһылаах. Дьиҥэ таптыы сатаабытым да буоллар итинник майгылаах киһини таптыыр ыарахан.
• Оччоҕо киниэхэ хайаан тахсыбыккыный? Ситэ билбэккэ.
• Оттон аҕам баҕатынан. Билсибиппит биир нэдиэлэ кэнниттэн сонно холбообуттара.
• Сүрдээх да аҕалаах эбиккин - диэн Баанньа соһуйда.
• Төттөрүтүн аҕам бэрт үчүгэй киһи этэ. Барахсан сыбаадьба кэнниттэн сонно өлбүтэ - диэн баран Сардаана хараҕыттан уу таҕыста.
• Ону билэбин - диэт Баанньа илиитин Сардаана илиитигэр уура түстэ.
• Баанньа, эн миэхэ бу кэмҥэ саамай чугас доҕор саҕа буоллуҥ быһыылаах. Ол иһин сүбэлээ эрэ хайдах салҕыы олорорбун.
• Оттон арай Тимуртан арахсан бардаххына.
• Оччоҕо уулуссаҕа туран хаалабын. Уонна инбэлиит ийэбин ханна гыныамый. Антах кыбартыырабытыгар барыта тэриллэн турар.
• Инньэ диэн итинник эрэйдээх олоххо олоруоҥ дуо. Бу үс ый иһигэр букатын кырдьан хаалбыт курдуккун. Аан бастаан мин эйиигин көрөрбөр, үөрэ-көтө сылдьар, дьоҥҥо көмөлөһөр, олоҕу таптыыр кыыс этиҥ - диэт Баанньа өрө тыынна
• Баҕар оҕолоннохпуна Тимур уоскуйуо.
• Итинник киһи хайдах уоскуйуой. Эйиигин сиэн бүтэрдэ.
• Оттон өйдөө да Баанньа, мин инбэлиит ийэлээх ханна барыамый. Төрөөбүт нэһилиэкпэр дьиэбин атыылаабытым, оттон манна кими даҕаны билбэппин.
• Баҕарар буоллаххына миэхэ көһүөххүтүн сөп ийэҕин кытта. Ийэҕэ инбэлииттэр оруннара баар миэхэ. Ол иһин олоруохпутун сөп.
• Чэ, толкуйдуом.
  Сардаана аһаан бүтээт дьыбааҥҥа сытта. Бу кэпсэтиилэрин көмөтүнэн Баанньа Сардаанаҕа хараҕын арыйда.
  Ол кэмҥэ Тимур тэлэбиисэр көрө сытара. Кулгааҕын кырыытынан иһиттэҕинэ Өкүлүүнэ ыҥырара. Аргыый аҕай туран барда.
• Хайаатыҥ, эмээхсин!
• Арааһа хойуум кэллэ быһыылаах - диэн Өкүлүүнэ барахсан эттэ
• Хайыыбын ону. Саатар ииккин сааххын билиммэт буоллуҥ дуо? Уонна миигин эн сааххын хаһыа дии саныыгын дуо?
• Саатар паампырыспын уларытан биэр да.
• Ээ, пошел
• Хайдах итинник буолуохха сөбүй?
• Слышь, эмээхсин, достал буоллуҥ эн миигин. Саатар мин дьиэбэр олорор буолаҥҥын саҥарбакка сыт - диэн баран Тимур тахсан барда.
  Өкүлүүнэ иһигэр кыратык ботугураата:
• Кириил, хайаан биһигиттэн баран хаалбытыҥ буолла. Билигин баарыҥ буолла маннык олоххо олоруо суох этибит. Ити киһи кыыспытын букатын сиэтэ - диэн баран хараҕыттан уу таҕыста.
  Оттон Сардаана буолла Тимуртан арахсан барарга сананна.

Түүн ортото Тимур уута кэлибинэ орунугар эргичиҥнии сыттаҕына эмискэ ааны тоҥсуйдулар. Аргыый аҕай туран баран, арыйбыта аҕата турар эбит.

• Здоров, батя - диэт Тимур аҕатын кыбартыыраҕа киллэрдэ.
• Эйиэхэ эмиэ дорообо. Хайа, хайдах олороҕун? Сардаана хайдаҕый? Көрсүспэтэх да ыраатта. Командировкаттан бэҕэһээ саҥа кэлбитим. Бу билигин үлэбиттэн бүтэн баран эйиэхэ таарыйарга санаммытым - диэт Аркадий дьыбааҥҥа олордо.
• Син олоробут… Баарыын этиспиппит ол кэннэ ханна эрэ баран хаалбыта.
• Тугу өссө кэпсиигин? Ыйы быһа сонун элбэх буолуохтаах буолла. Кэл мин таспар олор.
• Ээ, туох да суох. Кырдьык, хаһан эрэ антах хаайыыга ону маны эппиппиттэн бырастыы гын. Уордайан бэйэбин туттумматаам.
• Номнуо бырастыы гыммытым - диэт Аркадий илиитин Тимур санныгар уурда
• Кырдьык, Сардаана миигиттэн хат буолбут үһү. Оннук буолуон сөп дуо мин болячкабын кытта?
• Срога хаһый? Уол ду кыыс ду? - диэн Аркадий сэргэхсийэ түстэ
• Түөрт нэдиэлэ диэтэ быһыылаах этэ. Эн ыйытыыбар эппиэти биэр эрэ…
• Оттон оннук буолуон сөп. Ол да буоллар бырыһыана аҕыйах буолар. Эйиэхэ сатаммыт буоллаҕына үчүгэй
• Ол да буоллар хайаан эрэ итэҕэйбэппин.
• Чэ-чэ. Төттөрүтүн үөрүөхтээххин буолла оҕолонуом диэн. Чэ, давай ханньаагы аҕал. Тоҕус ыйынан удьуору салҕааччыбытын көрүөхпүт диэн туһугар иһиэххэ
  Тимур ханньаагы аҕалан үрүүмкэлэргэ кутуталаата. Аркадий биирдэ иһэн баран тохтоото.
• Мин сааспар бу аны туһата суох буолбут буолуо. Төттөрүтүн буортулуур буолла ини - диэт Аркадий үрүүмкэни остуолга ууран кэбистэ.
• Мин өссө эдэрбин - диэт Тимур өссө биир үрүүмкэни иһэн кэбистэ. Эмискэ сүрэҕэ хам тутта. Тугу гынарын билбэккэ дьыбааҥҥа сууллан түһээт аҕатыгар:
• Түргэнник, скорайы ыҥыр - диэт Тимур хараҕын сабан кэбистэ. Аркадий туох буолбутун өйдөөбүнэ ыксаан “суһал көмөнү” ыҥыран баран:
• Ээй, хайдах буоллуҥ? Сүрэҕиҥ дуо - диэт Аркадий Тимур пульсун кэмнээтэ. Биллэр биллибэттии кыратык сүрэҕэ тэбэрэ. Эмискэ быраастар киирэн кэллилэр. Тимуру наһыылкаҕа уураат таһааран истэхтэринэ Аркадий ыйытта:
• Туох буолбутуй?
• Пока биллибэт. Арааһа инсульт быһыылаах - диэт быраас баран хаалла. Массыына айаннаары гыммытыгар:
• Тимур, тутус. Мин сотору тиийиэм - диэн баран Аркадий массыына айаннаабытыгар туран хаалла. Аргыый аҕай Аркадий төлөпүөнүн хостоот Сардаанаҕа эрийдэ.
  Ол кэмҥэ Сардаана утуйа сытара. Эмискэ төлөпүөнэ тыаһыы түспүтүгэр соһуйан уһуктан кэллэ. Аркадий Спартакович эрийэрин көрөөт дьиктиргээтэ:
• Алло, Аркадий Спартакович, дорообо! - диэн Сардаана эттэ
• Сардаана, уһугуннардым дуо?
• Ээ, суох. Туох буоллугут?
• Тимур балыыһаҕа киирдэ. Инсульт диэтилэр. Тиийэҕин дуо?
• Ээ, сотору тиийиэм - диэт Сардаана төлөпүөнүн ууран кэбистэ. Баанньа эмиэ уһуктубут эбит.
• Хайа, Сардаана хайаатыҥ? - диэн Сардаана таҥна турарын көрөөт ыйыппыта.
• Мин бардым. Тимур инсультаабыт үһү - диэт Сардаана тахсан барда. Балыыһаҕа хааман иһэн Сардаана иһигэр санаата : “Арааһа айыылар Тимуртан арахсарбын баҕарбаттар быһыылаах” диэт салҕыы баран истэ
  Сардаана балыыһаҕа тиийбитэ , дьон суоҕун кэриэтэ этэ. Арай коридорга соҕотох Аркадий эрэ олороро. Сардаана таһыгар кэлэн олороот эттэ:
• Аркадий Спартакович, наһаа долгуйумаҥ. Барыта үчүгэй буолуо
• Хайдах долгуйуом суоҕай? Итиннэ соҕотох уолум өлөн эрэр. Мин буолла онтон долгуйуо суохтаахпын да?
• Уоскуйуҥ. Тимур күүстээх санаалаах, өрүттүөҕэ.
• Мин Людам эмиэ итинник өлбүтэ , эмискэ… Офиска үлэлиир этэ. Ону биир күн көмпүүтэригэр тугу эрэ бэчээттии олорон охтон түспүтэ. Хаһан быраастар кэлиэхтэригэр дылы быстыбыта. Онтон ыла соҕотох сылдьабын. Уонна ол кэмҥэ мэдиссиинэ соччо сайда илигэ даҕаны - диэт Аркадий хараҕыттан уу таҕыста.
• Мин билэбин хайдах чугас киһиҥ барара ыарыылааҕын. Өтөрдөөҕүтэ аҕам өлбүтэ…
• Чэ Сардаана, ыарахан буоллаҕына саныы сатаама. Эйиэхэ да оҕоҕо да куһаҕан буолуо.
• Ол эһиги хантан билэҕит?
• Тимур кэпсээбитэ. Ол кэннэ ити… - диэн баран Аркадий өрө тыынна. Сардаана буолла Тимуртан арахсаары гыммытын эппэтэ.
• Тимур сүрэҕинэн куһаҕан да?
• Суох, урут үчүгэй этэ. Арба ийэҕэр барбаккын дуо?
• Баанньаны көрдөһүөм баран көрөөр диэн - диэт Сардаана төлөпүөнүн хостоот Баанньаҕа суруйда.
  Ол кэмҥэ истиэнэ нөҥүө эпэрээссийэ буола турара. Быраастар Тимур олоҕун туһугар охсуһаллара. Оттон Тимур буолла ханна эрэ ыраах-ыраах халлааҥҥа хаама сылдьара. Эмискэ баран истэҕинэ ким эрэ ыҥыран ылла. Эргиллэн көрбүтэ ийэтэ турар эбит.
• Ийээ! - диэт Тимур ийэтигэр утары сүүрдэ.
• Привет , доҕоор. Оо, улааппыккын. Мин өйдүүрбүнэн кып кыра этиҥ.
• Ырааттаҕа дии эн барбытыҥ - диэт Тимур ийэтин кууста.
• Тимур, төһө да мин барбытым ырааттар , мин эйиигин үөһээттэн көрө сылдьабын. Ити кэргэҥҥин хайаан атаҕастыыгын. Үчүгэй кыыс дии. Аны миэхэ тылгын биэр атаҕастыам суоҕа диэн.
• Тылбын биэрэбин.
• Чэ , мин барарым кэллэ - диэн баран ийэтэ аан диэки баран истэҕинэ Тимур тохтотто.
• Ийээ, мин эйиигин кытта барыам кэлэр! - диэн баран Тимур ийэтин кытта ааҥҥа киирээри гынна. Ол кэмҥэ быраастар эпэрээссийэлии турдахтарына Тимур сүрэҕэ тохтоото.
• Суох, Тимурчик! Эн миэхэ кэлэриҥ өссө ыраах. Көрсүөххэ диэри - диэт ааҥҥа киирэн баран сүтэн хаалла. Тимур турбутунан хаалан хаалла.
  Быраастар сүрэҕэ тохтообутугар дьонугар этэ бардылар.
• Эһиги да, Тимур Золотов дьоно?
• Биһиги. Хайдаҕый?- диэн баран туран кэллилэр
• Хомойуох иһин сүрэҕэ тохтоото. Арааһа наркоһу уйбата быһыылаах - ону истээт Аркадий устуулугар олоро түстэ. Эмискэ санитар сүүрэн кэлэн баран :
• Итиннэ пациент сүрэҕэ үлэлээтэ. Бардыбыт - диэн ыксаабыт куолаһынан эттэ. Быраастар төттөрү киирэн хааллылар.
  Аркадийдаах Сардаана эрэнэ күүттүлэр.

Сардаана эмискэ уһуктан кэллэ. Сарсыарда номнуо буолбут эбит. Балыыһаҕа ким да суох. Арай хайыһан көрбүтэ Аркадий Спартакович утуйа олороро.

• Аркадий Спартакович, уһуктуҥ. Сарсыарда буолла - диэт Сардаана Аркадий уһугуннара сатаата.
• Ээ, утуйан хаалбыт эбиппин ду… Хата бардыбыт Тимур хайдаҕын билиэхпит - диэн баран Аркадий туран кэллэ. Иккиэн главврач хоһугар кэллилэр. Аркадий ааны тоҥсуйан баран киирэн хаалла. Сардаана кэнниттэн батыста
• Дорооболоруҥ, эрдэ да кэлэр дьоннор бааллар эбит - диэт главврач Сардааналаах диэки көрдө.
• Дорообо, биһиги манна түүнүн кэлбиппит. Уолум инсультаан киирбитэ. Кини туругун билээри кэллим - диэн баран Аркадий устуулга олордо.
• Ээ, Аркадий Спартаковичкын дуо?
• Аһа, Тимур Золотов аҕатынабын.
• Хайа, мин хоспор миниистир илэ бэйэтинэн кэлэн турар эбит дии - диэн баран главврач Аркадийдыын илии тутуста.
• Оттон уолум хайдаҕый?
• Туруга үчүгэй. Дабылыанньата түспүтэ. Уонна инсульт буолбатах эбит
• Оччоҕо тугуй? - диэн Аркадий соһуйда
• Сердечный приступ. Сүрэҕэ нагрузкаламмытыттан. Хааныгар наһаа элбэх арыгы баара. Иһэр да?
• Приступтуон иннинэ иккиэн биирдии үрүүмкэни испиппит. Оттон иккиһин иһэн баран охтон түспүтэ. Дьиҥэ ол иннинэ үчүгэй этэ. Уонна мин саҥа кэлбитим. Бу кэргэнэ Сардаана билиэхтээх - диэн баран Аркадий Сардаана диэки көрдө.
• Кэнники кэмҥэ иһэр буолбута - диэн Сардаана хардаран кэбистэ
• Оччоҕо, аны арыгытын аччатыахтаах. Сибиэһэй салгыҥҥа , таһырдьа сылдьыахтаах. Уонна эмп суруйуом. Ону биир ыйы быһа истин - диэн баран быраас кумааҕыга тугу эрэ суруйан баран, Аркадийга туттаран кэбистэ.
• Махтал. Оттон көрсүөххэ сөп дуо?
• Көрсүҥ-көрсүҥ. Үһүс этээскэ баар.
• Өссө биирдэ махтал - диэн баран Аркадий Сардааналыын тахсан бардылар.
  Үһүс этээскэ тахсан наадалаах палааталарын буллулар. Палаатаҕа киирбиттэрэ Тимур соҕотох сытара. Утары улахан бэйэлээх тэлэбиисэрлээҕэ. Бэйэтэ буолла мааны баҕайы халааттааҕа. Аҕатын көрөн баран:
• Дорообо, батя. Көрөрүҥ курдук үчүгэйбин - диэн баран Тимур күлэ түстэ
• Дорообо, киһини куттаттыҥ аҕай. Эйиигин сүтэрдим дии санаабытым. Хата барыта этэҥҥэ ааспыт - диэт Аркадий Тимуру кууһан ылла
  Оттон Тимур Сардаананы көрөн баран:
• Хайа, Сардаана, үөрдүҥ ду өллө диэн ?
• Мээлэни саҥарыма. Төһө да бэйэ-бэйэбитин абааһы көрдөрбүт кэргэнниилэр буоллахпыт дии. Кэргэниҥ өлөн эрэр диэбиттэригэр кэллээм дии… - диэн Сардаана кытаанахтык эттэ
• Чэ, Сардаана , өһүргэнимэ. Кэл таспар олор эйиэхэ тугу эрэ этиэм - диэт Тимур орун кырыытын ыйда. Сардаана аргыый аҕай таһыгар кэлэн олордо. Тимур Сардаананы илиититтэн тутан баран :
• Сардаана, миигин бырастыы гын. Эйиэхэ элбэх куһаҕаны оҥордум быһыылаах. Эн уонна оҕобут туһугар уларыйа сатыам. Эн баҕарарыҥ курдук үлэ булунуом. Уонна Майбахпын атыылаан баран ийэҕэр эпэрээссийэ оҥотторуом. Миигиттэн барыма эрэ. Бырастыы эрэ гын…
  Сардаана бастаан аккаастаары гынан баран сөбүлэстэ.
• Бүтэһигин бырастыы гынабын. Аны биирдэ тылгын туппатаххына арахсан барыам.
• Тутуом - диэт Тимур Сардаананы кууста.
• Чэ, сыт. Үтүөр. Мин бардым - диэн баран Аркадий тахсан барда.
• Мин эмиэ барарым кэлбит. Ийэм күүппүтэ буола. Чэ, Тимур, сарсын кэлэ сылдьыам - диэн баран Сардаана тахсан барда.
  Сардаана дьиэтигэр тиийбитэ Баанньа ийэтин аһата олороро. Баанньа Сардаананы көрөн баран:
• Хайа, Тимур хайдаҕый?
• Үчүгэй буолбут. Сердечный приступ диэбиттэрэ.
• Оннук эрэ буоллун. Бу биһиги Акулина Михайловналыын аһаан бүттүбүт - диэн баран Баанньа иһити куукунаҕа илтэ.
  Баанньа бартын кэннэ, Өкүлүүнэ күлүүнэ кыыһыгар:
• Ити киһиҥ инсультаабыт эбит дии. Манна сытан. Хата мин хайдах истибэтэхпиний - диэтэ
• Наһаа да киһи диэбэтэргин. Ааттаах ээ - диэн Сардаана Тимуру көмүскэстэ
• Эмиэ эйэлэстигит дуо?
• Эйэлэстибит. Хайаабыт? Тылын биэрбитэ аны атаҕастыам суоҕа диэн - диэт Сардаана ийэтин диэки көрдө
• Чэ көрүөхпүт. Төһө тылын тутарын - диэн Өкүлүүнэ астымматахтыы эттэ.

Нэдиэлэ курдугунан Тимур балыыһаттан тахсыбыта. Сардаанаҕа эппитин курдук үлэ булуммута. Аҕатын хампаанньатыгар генеральнай директор буолбута. Сардаана Тимур уларыйан иһэриттэн астынар эрэ.
Сардаана киэһэ кэргэнэ үлэтиттэн кэлэригэр аһы буһара сырытта. Ийэтэ таһыгар кэлээскэҕэ олорон чэй иһэрэ. Иккиэн ону маны кэпсэтэллэр. Эмискэ ааны аһар тыас иһилиннэ. Сардаана баран көрбүтэ Тимур кэлбит эбит.

• Сардаана, куукунаҕа баран эр , мин билигин тиийиэм - дии-дии Тимур атаҕын уста турда.
  Сардаана төттөрү куукунаҕа барда. Кэнниттэн Тимур киирдэ.
• Сардаана, бүгүн Майбахпын атыылаатым. Барыларын кытта кэпсэттим, Акулина Михайловна кэлэр нэдиэлэҕэ Израильга көтөр. Эпэрээссийэтин харчыта бу баар - диэт Тимур суумкатыттан элбэх баҕайы биэс тыһыынчалаах купюралаах паачкалары хостоото.
• Наһаа, үчүгэй дии - диэн баран Сардаана Тимуру кууһан ылла. Тимур буолла мичээрдии-мичэрдии турда.
• Оттон оҕобут хайдаҕый - диэн баран Сардаана иһин тутта.
• Син үчүгэй быһыылаах. Баарыын узига бара сылдьыбытым, онно игирилэр диэбиттэрэ. Иккиэн уоллар диэбиттэрэ - диэн Сардаана хардарда
• Уоллар да. Бу дьолу - диэт Тимур Сардаананы көтөҕөн баран эргиттэ.
• Чэ, ыыт. Билигин аһаар. Биһиги аһабаабыппыт - диэн баран Сардаана Тимурга аһын кутан биэрээт ийэтин хоһугар төттөрү илтэ. Тимур буолла аҕатыгар уолланарын туһунан суруйда.
  Ити кэнниттэн 7 ый биллибэккэ ааста. Ол кэм тухары Тимур Сардаанаҕа биирдэ даҕаны илиитин көтөхпөтөҕө, улаханнык этиспэтэхтэрэ. Күн ахсын уларыйарын көрө-көрө Сардаана астынара. Оттон Сардаана буолла төрөтөрө чугаһаан истэ. Бырааска бара сылдьыбытыгар 2 нэдиэлэннэн төрүөҥ диэбитэ. Ол иһин билиҥҥиттэн бэлэмнэнэр. Өкүлүүнэ Израильга бара сылдьан эпэрээссийэлэммитэ. Билигин иккистээн хаамарга кыра-кыратык үөрэнэр.
  Биирдэ Тимур үлэтиттэн төннөн иһэн Сардаана эппитинэн маҕаһыыҥҥа барда. Араас бородуукта бөҕөтүн испиэһэктээн ыыппыт. Барытын хомуйан баран уочаракка турдаҕына ким эрэ кэнниттэн ыҥырда:
• Тимур, эн дуо?
  Тимур эргиллэн көрбүтэ, оҕо сааһын доҕоро Марк турар эбит.
• Здорова, Цукерберг! Хайа хаһан кэллиҥ?
• Алыс Да Цукерберг буолбатарбар. Икки ыйдааҕыта төттөрү төннүбүтүм. Кэргэннэспит үһүгүн дии… - дии-дии Марк күллэ
• Было дело…
• Хата хайа барахсан эйиэхэ ол ойох буолла.
• Ээ, Сардаана диэн. Билигин өссө оҕолоноору сылдьар. Игири уолаттар үһү
• Эҕэрдээ, брат. Батя буолсугун дии…
• Буолан-буолан. Только бииртэн куттанабын - диэт Тимур өрө тыынна
• Туохтан, бро ?
• Оттон мин болячкаларбын наследстволыахтара диэн. Оччоҕо уһуннук олоруо суохтара.
• Ол оннук сэрэхтээх болячкалааххын дуо?
• Сэрэхтээх да буолуо.
• Но, Тимур бу кэнники кэмҥэ наһаа уларыйбыккын дии, приступтаабытыҥ кэннэ. Кулууппутугар номнуо сылдьыбат буолбутуҥ 6 ыйа диэбиттэрэ уолаттар. Урукку Тимур буолбатаххын. Букатын идеальнай семьянин. Өссө эбиитин үлэҕэ дой киирбиккин.
• Соччо уларыйбатым даҕаны.
• Уларыйдыҥ-уларыйдыҥ. Мин тылбын өйдөөр. Урут букатын без башенный , барыларын үөһэттэн көрөр, кулууп эрэ диэни билэр этиҥ дии. Оттон билигин, букатын чээн уол, үлэлээх, дьиэ кэргэннээх, өссө хайа эрэ эмээхсин туһугар Майбаххын атыылаабыт үһүгүн дии…
• Наһаалыыгын быһыылаах. Чэ уочаратын кэллэ. Аны көрсүөххэ диэри - диэн баран Тимур бородуукталарын төлүү барда.
  Тимур бородуукталарын атыылаһан баран дьиэтигэр баран истэ. Төбөтүгэр наар Марк эппит тыллара эргийэллэр. Наар ону санаан дьиэтигэр хайдах баар буола түспүтүн билибинэ да хаалла. Күлүүһүнэн аанын арыйан киирбитэ Сардаана суох эбит. Бородуукталарын остуолга уураат хостору өҥөйөн көрдө.
• Акулина Михайловна, Сардаана ханна баарый?
• Балыыһаҕа киирбитэ. Төрөтөн эрэр.
• Твою ж мать - диэн баран Тимур төттөрү таһырдьа ыстанна. Гарааһыгар киирэн Гелигын собуоттаат балыыһа диэки сүүрдэ турда.

Тимур ыксаан аҕай балыыһаҕа кэллэ. Коридор устун хааман истэҕинэ:

• Дьээрэ, тохтоо! Кимиэхэ кэллиҥ - диэн саҥа иһилиннэ.

• Мин кэргэним итиннэ төрөтөн эрэр киниэхэ кэллим. Мэ, паспорым бу баар , Золотов Тимур Аркадьевич диэммин.

• Чэ бар.
  Тимур баран иһэн Баанньа олорорун көрдө.

• Но, хайгылга манна кэллиҥ - диэн баран Тимур Баанньа таһыгар кэллэ

• Сардаана эрийэ сылдьыбыта , төрөөн эрэбин диэн. Онуоха кэллим.

• Класс! Кэргэнигэр эрийиэҕин хайа эрэ хамначчыт уолга эрийбит.

• Оттон мин аатым төлөпүөнүгэр бастакынан сылдьар буолла. Эйиэнин буолла хаһан булан эрийиэр диэри төрөтөр - диэн Баанньа этэ түһээтин кытта Тимур саҕатыттан өрө тардан туруорда.

• Слышь, Робин Гуд хренов, билигин мантан сонно бараҕын эбэтэр бэйэм таһаарыам. Өйдөөтүҥ!

• Мин бэйэм билэбин тугу гынарбыт - диэн Баанньа этэ түһээтин кытта Тимур искэ саайда.

• Бэйэҥ барыаххын баҕарбатааҥ да? Билигин көмөлөһүөм - диэт Тимур Баанньаны кырбаабытынан барда. Ону камераннан көрөн санитардар сүүрэн кэллилэр. Иккиэннэрин тохтотон баран Баанньаны барарга көрдөстүлэр.
  Тимур уоскуйан баран коридорга күүтэн олордо. Сотору буолаат быраастар тахсан кэллилэр.

• Сардаана, хайдаҕый?

• Бэйэтэ төрөттө. Туруга үчүгэй - диэн баран быраастар хаама турдулар. Тимур Сардаана баар палаататын билэн баран, көрсө барда.

• Сардаана, хайдаххыный?

• Син үчүгэй. Быраастар сынньан диэбиттэрэ да буоллар уум кэлбэт.

• Наһаа долгуттуҥ дии… Хайаан эрийбэтээҥий? - диэн баран Тимур Сардаананы баттаҕыттан имэрийдэ

• Эмискэ саҕаламмыта. Ону кыайан эрийэр кыаҕым суоҕуттан ийэбэр эрийтэрбитим

• Чэ буоллун. Аны оҕолорбутун ким диэн ааттыырбытын быһаарыахпыт

• Мин Кирилл уонна Иван диэхпин баҕарабын - диэн Сардаана бэйэтин санаатын эттэ

• Иван диэн баары Баанньа аатыгар дуо?

• Суох , ийэм инньэ диэр диэбитэ. Оттон эн ким диэн ааттаарыгын ?

• Мин буолла, Аркадий уонна Тимур диэм.

• Давай, оччоҕо чиэһинэй буоларыгар иккиэн биирдии ааты биэриэхпит. Мин Кирилл диэм оттон эн ? - диэн Сардаана ыйытта

• Аркадий

• Чэ оччоҕо быһаардахпыт

• Чэ, чыычаах сынньан ду? Мин сарсын Акулина Михайловнаны кытта кэлиэм - диэн баран Тимур тахсан барда. Коридор устун хааман истэҕинэ ким эрэ ыҥырда:

• Тимур Аркадьевич, күүтэ түһүҥ эрэ

• Кимҥиний эн?

• Мин Сергей Петрович диэммин. Сардаананы эмтиир бырааспын.

• Сардаананы эмтиигин буолбат дуо? Хайгылга миэхэ наадыйдыҥ?

• Куһаҕан сонуннаахпын , оҕоҕут быһынна.

• Хайдах ол? Билигин аҕай төрөөтө дии - Тимур итэҕэйбэккэ турда.

• Врождённый порок сердца , диэн диагнозтаах төрөөбүтэ.

• Оттон иккиһэ ?

• Иккиһэ пока тыыннаах. Хомойуох иһин Синдром Дауна диэн ыарыылаах төрөөбүт.

• Көрүөххэ сөп дуо?

• Бардыбыт - диэн быраас эппитин кэннэ Тимур батыһан барда. Киирбиттэрэ өстүөкүлэ нөҥүө кып кыра оҕо сытар эбит. Айаҕын аһа сытар. Илиилэрэ , төбөтө кып-кыралар. Киһи ити оҕо барахсаны көрдөҕүнэ сүрэҕэ аһына саныыр. Оттон Тимур буолла букатын аһыммыта. Сонно:

• Отказ ханна суруйабын? - диэн кытаанахтык эппитэ.

• Билигин мин кабинеппар баран суруйуохпут

• Чэ бардыбыт оччоҕо
  Тиийэн отказ суруйан баран Тимур илии баттаары гыммытыгар:

• Өссө биирдэ толкуйдуу түспэккит дуо? - диэн быраас ыйытта

• Суох. Итинник оҕону мин иитиэм кэлбэт.

• Оттон ойоххутуттан ыйыппаккыт дуо?

• Суох диибин дии - диэн баран Тимур илии баттаата.

• Ойоххутугар бэйэҕит этэҕит ду? Мин этэбин дуо?

• Бэйэм этиэм - диэт Тимур тахсан барда. Төттөрү Сардаана балаататын диэки хаама турда

• Сардаана, утуйа сытаҕын?

• Суох , киир. Барбатах эбиккин ду?

• Ити быраас ыҥыра сылдьыбыта. Короче оҕолор ыарыһах буолан төрөөбүттэр. Бастакы өлбүт. Иккис Синдром Дауна.

• Уой - диэт Сардаана ытаан барда.

• Ытаама , Сардаана. Син биир ол оҕоттон аккаастаммытым. Ыарыһах оҕону хайдах иитиэхпитий?

• Хайаан аккаастанныҥ? Биһиги оҕобут буолбат дуо? Удьуорбутун салҕааччы. Төһө да ыарыһах буоллар хайдах эмит иитиэ этибит буолла.

• Оччоҕо бэйэҥ иит миигинэ суох - диэн баран Тимур ааны хайа быраҕаат тахсан барда. Сардаана өр да өр ытаата. Оттон күүс булунан ийэтигэр уонна Баанньаҕа эрийэн куһаҕан сонуну кэпсээбитэ.
  Тимур буолла наар уордайан дэлби арыгылаат аҕатыгар барбыта.

• Батя! Арый мин кэллим - дии-дии ааны тоҥсуйда
  Аркадий соһуйан ааны арыйбытыгар, Тимур турар эбит

• Хайа, хантан кэллиҥ? - диэт уолун кыбартыыратыгар киллэрээт дьыбааҥҥа олорто.

• Бал- лыыһаттан. Сард-даана оҕо-ломм-мута - диэн Тимур эттэ

• Уол ду кыыс ду?

• Иг-гирилэр этэ. Иккиэн уол-латт-тар

• Хайаан этэ?

• Ыар-ыһах-тар. Биир-рэ өлбүтэ, ик-киһһигэрр отказ сур-уйй-буттум

• Оо, куһаҕан эбит. Сардаана билэр?

• Билэр…

• Чэ оччоҕо хайыахпытый. Буолбут буоллаҕына дии… Мин ийэҕин кытта эн төрүөҥ иннинэ түөртэ оҕолоно сылдьыбыппыт. Бары биир да ый буолбакка өлөн испиттэрэ. Оттон бэһиспит эн эрэ тыыннаах хаалбытыҥ. Арааһа удьуорбутугар баар быһыылаах… Оттон арай ол тыыннаах хаалбыт оҕону иитэ ыллахпытына?

• Бать, Сард-даана ку-курдук эт-тимэ!

• Чэ-чэ уордайыма. Билигин утуйуоххун наада - диэт Аркадий Тимуру хоско киллэрээт оруҥҥа сытыаран кэбистэ.
  Ол кэмҥэ Баанньа Сардаанаҕа кэлбитэ.

• Сардаана, хайдаххыный? Баарыын эрийбиккэр наһаа соһуйбутум. Ол тыыннаах хаалбыт оҕону хааллыстыбатаххыт да? - диэн Баанньа ыйыппыта

• Привет, Баанньа. Тимур хаалластыан баҕарбат. Иитэр буоллаххына бэйэҥ иитээр диэбитэ. Мин буолла иитиэм наһаа кэлэр…

• Оттон арай Тимуртан арахсан баран , оҕоҕун бэйэҥ иитэ ылыаххын?

• Арааһа кырдьык арахсыыһыкпын. Оҕобун бэйэм иитэн киһи харата гыныам - диэн баран Сардаана түннүк нөҥүө чыычаах олорорун көрдө.

• Сардаана, арай араҕыстаххына мин барытыгар көмөлөһүөм. Аан бастааҥҥытыгар мин да кыбартыырабар олоруохпутун сөп.

• Баанньа, наһаа ыксаама. Бастаан арахсыам ол кэннэ - диэт Сардаана Баанньаҕа мичээрдээтэ.

• Сөп - диэн баран Баанньа тахсан барда.
  Ол кэмҥэ Тимур оҕо да, Сардаана да туһунан санаабакка сыппыта. Бэҕэһээҥҥи кэнниттэн төбөтө син ыалдьара.

• Аҕаа! Аҕаа! Уута аҕал! - диэн Тимур ыһытаата да буоллар эппиэт кэлбэтэ.

• Бачча эрдэ ханна бардаҕай? - диэт Тимур орунуттан туран кыбартыыра устун хаамта. Кыбартыыраҕа киниттэн ураты ким да суох эбит.
  Оттон Аркадий буолла ол кэмҥэ Сардаананы көрсө балыыһаҕа кэлбитэ. Сардаана сытар палаататын билэн онно барда.

• Сардаана, дорообо, доҕоор ! Хайа хайдаххыный? - дии-дии Аркадий палаатаҕа киирдэ

• Аркадий Спартакович, дорообо. Үчүгэйбин. Сарсын тахсар буолуом.

• Ээ, үчүгэй эбит. Мин эйиигин кытта биири кэпсэтэ кэллим.

• Тугуй - диэн баран Сардаана орунуттан турда.

• Тимур оҕо туһунан кэпсээбитэ. Барахсан ыарыһах төрөөбүт эбит дии. Ону мин ол оҕону хааллаһын диэн көрдөһөөрү кэллим. Мин тыыннаахпар көмөлөһө сатыам. Оҕону хааллаһын эрэ аккаастаныма

• Мин эмиэ хаалластыахпыт баҕартым да буоллар Тимур сөбүлээбэтэҕэ.

• Тимуртан куттаныма , мин кинини кытта кэпсэтиэм.

• Махтал, Аркадий Спартакович - диэн баран Сардаана Аркадийы кууһан ылла.

• Сарсын тахсарыҥ саҕана этээр. Мин кэлэн ылыам - диэт Аркадий палаататтан тахсан барда.
  Нөҥүө күнүгэр Сардаана оҕотун кытта тахсыбыта. Аркадий эппитин курдук кэлэн көрсүбүтэ. Сиэнин көрөн наһаа үөрбүтэ. Айаннаан истэхтэринэ Сардаана ыйытта:

• Аркадий Спартакович, оттон Тимурдуун кэпсэппиккит дуо?

• Суох, бэҕэһээ тиийбиппэр кулуупка барбыт этэ. Түүн биирдэ кэлбитэ. Итиригиттэн кэпсэппэтээм.

• Арай оҕону көрдөҕүнэ?

• Көрдөҕүнэ көрдөҕө. Туохтан куттанаҕын?

• Оттон урут тугу эрэ сөбүлээбэтэҕинэ сонно кыыһыран барааччы. Ол кэннэ кырбааччы даҕаны - диэн Сардаана куттаммыттыы эттэ

• Аньыы даҕаны. Тимур оннук гыммыта буолуо.

• Аркадий Спартакович, итэҕэйиҥ да миэхэ , Тимур букатын атын киһи. Кыраттан да этистэххэ сонно сутуругунан быһаарар. Ол иһин киниттэн куттанабын.

• Сардаана, оччоҕо хайаан миэхэ сонно эппэккин? Ол хас эмэ ыйы быһа тулуйа сылдьыбытыҥ дуо?

• Оттон эһиги уолгутун көмүскүөххүт дии санаабытым. Ол иһин эппэтээм.

• Дьэ ол эппэтэҕин куһаҕан эбит. Чэ буоллун , уруккуну былыт саптаҕа - диэт Аркадий салҕыы массыынатын ыытан истэ. Сотору буолаат

• Дьэ кэллибит - диэн баран Аркадий массыынаттан таҕыста. Массыынаны эргийээт Сардаанаҕа ааны аһан биэрдэ.

• Дьэ, Сардаана, бу мин дьиэм. Төһөөҥҥө мээҥҥэ дылы манна олорооруҥ. Домработницам Катя эйиэхэ көмөлөһүө - диэн баран Аркадий Сардаананы массыынаттан таһаараат , оҕону бэйэтэ ылан баран дьиэ диэки бардылар. Сабыс саҥа таас дьиэ эбит. Аркадий манна үһүс уонна төрдүс этээскэ олорор. Араас этээскэ турар түөрт хостоох кыбартыыралары ылан баран иккиэннэрин холбоон кэбиспит.
  Сардаана сэрэнэн кыбартыыраҕа киирдэ. Кыбартыыра иһэ ып-ыраас. Сардаана кэнниттэн Аркадий киирээт:

• Катя, биһиги кэллибит. Оҕоҕо хоһун бэлэмнээбитиҥ дуо?

• Бэлэмнээбитим - диэн баран биир чүөчэ тахсан кэллэ

• Сардаана, билис бу Катя. Кини миэхэ домработницаннан үлэлиир. Эйиэхэ көмөлөһүө - диэн баран Аркадий Катяҕа оҕону туттараат илиитин сууна барда.

• Бардыбыт, Сардаана. Хоһу көрдөрүөм - диэн баран Катя үөһэ этээскэ таҕыста. Сардаана кэнниттэн батыһан истэ

• Бу эн уонна оҕоҥ хоһо. Оҕоҕо туспа кыра оруннаах - диэт Катя оҕону оруҥҥа сытыарда.

• Ээ, наһаа үчүгэй дии.

• Аркадий Спартакович бэйэтэ оҥорбута. Кини уһанарын олус диэн сөбүлүүр. Гарааһыгар уһанар мастырыскыай оҥостубута.

• Аркадий Спартакович бэрт үчүгэй киһи быһыылаах дии - диэн Сардаана ыйытта.

• Кини оннук. Кэргэнэ эрэ суох

• Хайаан кэргэнэ суоҕуй?

• Люда кэнниттэн кэргэннэммэтэҕэ.

• Ээ, арба даҕаны кэпсээбитэ ол туһунан

• Ол иһин бачча улахан дьиэҕэ уолун эрэ кытта олорор

• Оттон эн санааҕар Тимур хайдах киһиний? - диэн Сардаана эмискэ Катяттан ыйытта

• Тимур диэ… Тимур Аркадий Спартакович курдук буолбатах. Иккиэн майгыларынан икки араас дьоннор. Аркадий Спартакович наһаа элэккэй, эйэҕэс, сэмэй, сымнаҕас майгылаах. Оттон Тимур төттөрүтүн куһаҕан майгылаах. Уонна биир куһаҕана диэн арыгыны кууспутунан сылдьар. Эн ойоҕо буолаҥҥын билэр инигин?

• Билэбин. Сорох ардыгар атаҕар сатаан турбат буолуор диэри итирик кэлээччи - диэт Сардаана өрө тыынна

• Өссө урут наркотиктыыр быһылаах этэ. Хата онтукатын бырахпыта. Арыгытын буолла сатаан бырахпатаҕа. Аркадий Спартакович араас клиникаларга эмтэтэ сатаабыта да буоллар кыаллыбатаҕа. Билэҕин, уонна мин манна Тимур төрүөҕүттэн ыла үлэлиибин. Кини мин уолбун Баанньысканы кытта биир сыллар.

• Эн Баанньа ийэтэҕин да? - Сардаана соһуйда

• Аһаа. Майгыннаабаппын дуо?

• Суох. Оттон наһаа эдэр курдуккун дии. Ийэҕэ барсыбаккын.

• Түөрт уон биирдээхпин - диэт Катя мичээрдээтэ

• Сөп.

• Сардаана, мин эйиэхэ өссө биир кистэлэҥмин этэбин?

• Эт

• Мин урут Тимурга көссүү буола сылдьыбытым. Ырааттаҕа дии. Ол саҕана кини 19 эрэ. Алта сыл ааспыт эбит. Только Аркадий Спартаковичка этимээр ду?

• Кэргэним туһунан элбэҕи да билбэт эбиппин - диэн Сардаана сөхтө. Эмискэ нөҥүө хоско туох эрэ охторун тыаһа иһилиннэ

• Уой, иккис тойонум уһугунна быһыылаах. Мин бардым - диэн баран Катя тахсан барда.

• Көрсүөххэ диэри - дии-дии Сардаана хоско туран хаалла. Оттон оҕото ытаары гыммытыгар илиитигэр ылан түөһүгэр сыһыарда.

• Ии, оҕом барахсан. Хайаан аҕаҥ эйиигиттэн аккаастаммыта буолуой - дии-дии Сардаана хараҕыттан уу таҕыста.
  Ол олордоҕуна хоһугар Тимур киирэн кэллэ. Кыратык холуочук эбит

• Сардаана, кэлбит эбиккин ду?

• Аркадий Спартакович көрсүбүтэ

• Хайдаххыный, чыычаах - диэн баран Тимур Сардаананы ууран ылла

• Үчүгэйбин. Оҕобутун көрүөххүн баҕараҕын?

• Ханнык оҕобутун?

• Оттон төрөппүт оҕобутун. Ол оруҥҥа сытар - диэн Сардаана эппитин кэннэ, Тимур чугаһаан көрбүтэ кырдьыктыы оҕо сытар эбит

• Сардаана , хааллар диэбитим дии?

• Сатаан төрөппүт оҕобун хаалларбатаам. Эн куттаныма , эйиигиттэн харчы көрүөм суоҕа. Үлэбэр төннүөм, оҕобор эмигэр дой харчыны бэйэм өлөрө сатыам. Эйиигиттэн ылыам суоҕа

• Суох, көрүөм кэлбэт ити оҕону. Оҕо дьиэтигэр туттараар - диэн баран Тимур дьыбааҥҥа олоруна түстэ

• Эйиигиттэн тугу да көрдүөм суоҕа. Хаалларыахха

• Суох диэтим. Хаалларыаххын баҕарар буоллаххына тал , мин эбэтэр ити оҕо.

• Иккиэҥҥитин талабын.

• Суох оннук сатаммат. Биири талыахтааххын.

• Оччоҕо оҕобун талабын - диэн Сардаана аргыыйдык эттэ

• Оччоҕо мин эйиэхэ оҕоҕун иитэргэр мэһэйдээбэппин - диэн баран Тимур туран тахсан барда

• Тохтоо - диэт Сардаана хаалан хаалла
  Тимур малын хомунан баран кыбартыыраттан тахсан иһэн аҕатын көрүстэ:

• Хайа, ханна бардыҥ ? - диэн Аркадий ыйытта

• Көһөн бардым. Анараа кыбартыырабар. Айакка Сардаанаттан арахсабын

• Ол хайаан?

• Бэйэтэ. Сылайдым ээ мин. Сардаана төһө да үчүгэй буоллар син биир арахсабын - диэн баран Тимур тахсан барда.
  Аркадий кэнниттэн туран хаалла.

• Сардаана, Тимур хайаатай? Билигин көһөн бардым диэн баран тахсан барбыта. Эмиэ этистигит дуо? - диэн баран Аркадий Сардаана таһыгар олордо

• Суох. Мин кини оннугар оҕобун талбыппар өһүргэннэ быһыылаах. Син биир төттөрү кэлиэ. Долгуйумаҥ.

• Кэлиэ суоҕа. Эйиигиттэн арахсыам диэбитэ. Аны тугу гынабыт?

• Оттон билбэппин , бэйи оҕом уһугунна баран аһатыам - диэн баран Сардаана туран баран хаалла.
  Ол кэмҥэ Тимур малларын кыбартыыратыгар аҕалан бырахта. Оттон таҥаһын уларыттаат урукку көссүүтүгэр ыалдьыттыы айаннаата. Суолга баран иһэн сибэкки дьөрбөтүн атыылаһаат, Светаҕа кэллэ. Аргыый аҕай ааны тоҥсуйан баран эппиэти күүтэн баран турда. Эмискэ аан аһылынна. Света өҥөйөн баран:

• Ким ,кэллэ ? Уой , Тимур эн дуо?

• Привет, Света. Мэ эйиэхэ бу - диэн баран Тимур Светаҕа сибэкки дьөрбөтүн уунна

• Уой, наһаа үчүгэй дии. Хата, киир. Чэй иһиэхпит.

• Махтал - диэн баран Тимур Света кыбартыыратыгар киирдэ. Света сибэккитин сыллыы-сыллыы вазаҕа ууран кэбистэ.

• Дьэ , кэпсээ Светуль, хайдах олороҕун?

• Туох кэлиэй… Уруккум курдук олоробун. Билсибэтэх ыраатта дии? Баары ойоҕуҥ оҕолонно ду?

• Оҕолонон. Ыарыһахтар төрөөбүттэрэ, биирэ сонно өлбүтэ. Иккиһэ Синдром Дауна - диэн баран Тимур өрө тыынна

• Тимурчик, эйиэхэ билигин стресс бөҕө быһыылаах. Давай ханньаагы кутуом. Эн сөбүлүүргүн?

• Чэ , кут даҕаны - диэн баран Тимур сэргэхсийэ түстэ. Света Тимурга ханньаак кутан баран ыйытта:

• Эн бэйэҥ хайдаххыный? Үнүр Маркы көрсүбүтүм. Эйиигин уларыйбыт аҕай диэбитэ. Кырдьык дуо , ол?

• Кырдьык. Сардаана баҕатынан үлэҕэ дой киирбитим. Чэ , сотору сынньаныам. Сардаанаттан арахсаары сылдьабын

• Туохтан араҕыстыгыт? Кэпсээ , төһөтүн да иһин психолог буоллаам дии?

• Ээ, Сардаана бэйэтин буруйуттан. Айакка достала все. Бу дойдуттан барыам кэлэр. Хайдах баҕарар барыам, кылаабынайа усхатык, уонна ыарыыта суохтук…

• Бэйи, Тимур туох диигин?

• Өлүөм кэлэр диибин. Син биир кимиэхэ да наадам суох. Аҕам аны сиэнигэр эрэ наадыйар. Сардаана син биир таптаабат. Наар Баанньатын эрэ саныыр быһыылаах. Акулина Михайловна мин барарбын эрэ күүтэр. Саатар ийэм бэйэтин кытта илдьибэтэҕэ - диэн баран Тимур үрүүмкэлээх ханньаагы иһэн кэбистэ.

• Эн миэхэ наадаҕын… - диэт Света Тимуру кууста.

• Эн миэхэ син биир ойох буолуоҥ суоҕа. Эн миэхэ саамай чугас доҕор курдуккун. Ол да буоллар бэйэҥ дьоҥҥор наада буоларын оннооҕор үчүгэй. Соҕотох аҕам да наадыйбат буолбут. Чэ бастаан арахсыахпыт, оттон…

• Тимур, өссө кутабын дуо?

• Кут-кут Светка. Барытын да иһиэм. Хата бүгүн эйиэхэ хоно хаалабын дуо? Кыбартыырабар баары эмээхсин баар буолуо. Мордатын көрүөм кэлбэт.

• Хаалаар, Тимур - диэн баран Света Тимуру уураан ылла.
  Тимур буолла хайдах өлөрүн саныы олорбута.
  Киэһэ буолбута. Тимур Светаҕа хоно хаалла. Дьонноро буолла Тимур кэлбэтэҕиттэн соһуйбатахтара. Ханна эрэ арыгылыы сылдьар буолуо диэн быһааран кэбиспиттэрэ. Өкүлүүнэ Сардааналаахха көһөн кэлбитэ. Сиэнин көрөн наһаа үөрбүтэ.
  Түүн ортото Тимур эмискэ уһуктан кэллэ. Светаны уһугуннарымаары аргыый аҕай таҥнан баран кыбартыыраттан тахсан барда. Круглосуточнай маҕаһыыҥҥа киирэн арыгы атыыластан баран салҕыы хааман истэ. Кыбартыыратыгар тиийэн ол арыгытын иһэн баран бэйэтигэр тиийинэргэ сананна. Кытаанах соҕус быаны булунаат, үөһэ тоһоҕоҕо баайда. Дьонугар барыларыгар быраһаайдаһаат смс-һын ыытта. Кумааҕыга сурук суруйан баран остуолга уураат , устуулу ылан баран үрдүгэр таҕыста, уонна быаны кэтэн баран:

• Чэ, олоҕум быраһаай! Иккистээн төрөөтөхпүнэ бу олоххо оҥорбут сыыһабын хатыллыам суоҕа! - диэт устуулу үтэн ыытта.

Тимур тыына хааттаран хараҕар хараҥаран барда. Өлөөрү хараҕын сапта. Эмискэ быата уйубуна сиргэ сууллан түстэ. Охтоору төбөтүнэн дьыбаан кырыытыгар саайылынна. Хаана муостаҕа тохтон барда.
Света эмискэ эргийэн көрбүтэ, Тимур суох эбит.

• Түүн ортото ханна бардаҕай - диэн баран халаатын кэтээт орунтан турда. Тимурга эрийээри төлөпүөнүн холбообута смс кэлбит эбит. Арыйан көрбүтэ, Тимуртан эбит. “Быраһаай” эрэ диэн сурулла сылдьарын көрөөт Света соһуйда. Күнүһүн кэпсэппиттэрин өйдөөн баран сонно таҥаһын таҥнаат Тимур кыбартыыратыгар айаннаата.
  Тиийэн ааны тардыбытыгар аһаҕас эбит. Света аргыый аҕай кыбартыыраҕа киирдэ. Бастаан хостору кэрийэн баран гостиннайга киирэн иһэн дьыбаан кэннигэр Тимур атаҕа сытарын көрдө. Сүүрэн тиийбитэ , Тимур сиргэ сытар эбит. Тулата барыта хаан. Света сонно Тимур таһыгар олороот пульсун кэмнээтэ. Ханна эрэ ыраах сүрэҕэ тэбэрэ. Онуоха суһал көмөнү ыҥыран баран Тимур таһыгар олордо:

• Тимурчик, тулуй! Билигин быраастар кэлиэхтэрэ - диэн баран тулатын көрүннэ. Үөһэ тоһоҕоҕо быстыбыт быа баайыллан турарын сонно көрдө. Эмискэ аан аһыллыбытыгар быраастар киирэн кэллилэр. Тимуру наһыылкаҕа сытыаран баран илдьэ бардылар. Света туран баран балыыһаҕа бараары ааһан иһэн , остуолга кумааҕы сытарын көрдө. Илиитигэр ылаат иһигэр ааҕан барда.
  " Бу суругу ааҕар буоллаххытына мин номнуо бу дойдуга суохпун. Бэйэбэр тиийинэрбэр бэйэм быһаарыыны ылынным. Ким да мин өлбүппэр буруйа суох. Хайаан маннык гынныҥ диир буоллаххытына эппиэтим бу баар. Мин бу дойдуга суос соҕотох хааллым. Чугас дьонноохпун да буоллар кинилэр мин курдук арыгыһыт киһиэхэ наадыйбаттар. Ол иһин эһиги дьоллоох олоххутугар мэһэйдэһимээри маннык быһаарыыны ылынным. Күндү аҕам, кэргэним Сардаана, дьүөгэм Света. Мин өлбүппэр наһаа хараххыт уутун түһэримээриҥ. Өлүкпүн уматан баран, прахпын ханна баҕарар ыһан кэбиһээриҥ.
  Убаастаабылы кытта уолуҥ,кэргэниҥ Тимур Золотов” диэн Тимур бэйэтэ суруйан хаалларбыт эбит. Света суругу бүттүү ааҕан баран хараҕыттан уу таҕыста. Суругун хампырытан баран суумкатын иһигэр уктаат кыбартыыраттан тахсан барда.
  Оттон Тимур смс-һын Сардааналаах Аркадий сарсыарда өрө көрбүттэрэ.

• Аркадий Спартакович, көрүҥ миэхэ Тимур “Быраһыый” диэн суруйбут түүнүн.

• Миэхэ эмиэ суруйбут. Хайаан быраһаайдаспыта буолуой? - диэн Аркадий интириэһиргээтэ

• Баҕар, бэйэтигэр тиийиммитэ буолуо! - диэн баран Сардаана олоро түстэ

• Бэйи, куһаҕаны этимэ. Мээлэ итирэн суруйбут буолуо. Билигин эрийэн көрүөхпүт - диэт Аркадий Тимурга эрийдэ. Оттон Тимур төлөпүөнэ буолла кыбартыыратыгар хаалбыт буолан ким да ылбата.

• Хайа тугуй? - диэн Сардаана ыйытта

• Абонент не отвечает диир

• Баҕар билигин кыбартыыратыгар өлө сытар буолаарай?

• Сардаана, куһаҕаны санаама. Билигин Тимур кыбартыыратыгар айанныахпыт. Бэлэмнэн - диэн баран Аркадий массыынатын собуоттуу таҕыста
  Сардаана суумкатын ылаат таһырдьа таҕыста. Аркадий массыынатын таһаарбытыгар, Сардаана киирэн хаалла. Иккиэн Тимур кыбартыыратыгар айаннаатылар.
  Тиийэн ааны арыйан киирбиттэрэ , кыбартыыраҕа хабыс хараҥа эбит. Аркадий гостиннайга киирбитэ, муоста барыта хаан эбит. Ол хаан ортотугар Тимур төлөпүөнэ сытара.

• Сардаана, кэл эр түргэнник - диэн Аркадий Сардаананы ыҥырда.

• Туох , буоллугут? - диэн баран Сардаана сүүрэн кэллэ

• Тимур төлөпүөнэ хааҥҥа сытар. Арааһа туох эрэ буолбут быһыылаах
  Эмискэ Аркадийга биллибэт нүөмэр эрийдэ.

• Алло, истэбин

• Дорообо, Аркадий Спартакович да?

• Мин, туохха?

• Мин Света диэммин. Тимур доҕоробун. Тимур балыыһаҕа сытар. Билигин аадырыһы ыытыам. Кэлиэххит дуо?

• Кэлиэм - диэн баран Аркадий Сардаананы умнаат кыбартыыраттан тахсан барда
  Сардаана буолла Аркадийы батыһан таҕыста. Аркадий тугу да кэпсээбэтэ. Сонно массыынатын үлэлэтээт Света ыыппыт аадыраһыгар айаннаата.

• Светлана, эһиги эрийбиккит дуо? - диэбитинэн Аркадий Светаҕа сүүрэн кэллэ

• Мин. Тимур билигин эпэрээссийэтэ бүппүтэ. Реанимацияҕа сытар.

• Туох буолбутай?

• Аркадий Спартакович, олоруҥ бастаан оттон барытын кэпсиэм - диэн баран Света Аркадийы устуулга олорто

• Дьэ, олордум кэпсээ.

• Тимур түүнүн бэйэтигэр тиийинэ сатаабыта. Ону быата быстан сууллан түспүт. Охтоору төбөтүн хайа түспүт. Хаана дэлби барбыт этэ. Бу суругу хаалларбыт этэ , маны ааҕыҥ оччоҕо өйдүөххүт - диэн баран Света Аркадийга суругу биэрдэ
  Аркадий ааҕан баран кумааҕыга хараҕын уута тоҕунна.

• Аркадий Спартакович, уоскуйуҥ…

• Тохтуу түс ду.
  Ол кэмҥэ Сардаанаҕа Баанньа эрийбитэ.

• Алло, Баанньа хайаатыҥ?

• Привет, Сардаана. Хайа мин этиибин ылынныҥ дуо?

• Ылымматым Баанньа.

• Хайаан?

• Тимур эмиэ балыыһаҕа киирбит эбит. Арааһа эмиэ сүрэҕэ быһыылаах. Билигин мин киниэхэ наадабын

• Эмиэ күнүүлээһини тулуйуоххун баҕардыҥ дуо?

• Буоллун.

• Чэ бэйэҥ билэҕин. Пока - диэн баран Баанньа төлөпүөнү ууран кэбистэ. Сардаана өр саҥарбакка олордо. Оттон суумкатын иһиттэн сайабылыанньатын хостоот өссө биирдэ көрдө.

• Аркадий Спартакович, уоскуйуҥ. Барыта этэҥҥэ ааспыт үһү - диэн баран Света Аркадий таһыгар кэлэн олордо. Аркадий Тимур суругун хат-хат ааҕа-ааҕа илиитинэн туппахтаата.
  Эмискэ Сардаана кэллэ. Аркадий таһыгар Тимур көссүүтүн көрөөт соһуйда ахан. Муннукка саҥарбакка турда. Сотору буолаат быраас кэллэ:

• Золотов дьоннороҕут да?

• Аһаа

• Киһигин үчүгэй буолла. Палаатаҕа көһөрдүбүт. Көрсүөххүтүн сөп.
  Онуоха Аркадий маҥнайгы барда. Уолугар киирэн баран таһыгар олордо. Тимур хараҕын сабан сытар эбит. Төбөтө биинтэ.

• Сынок, бырастыы гын миигин. Суруккун аахпытым. Эн иннигэр улахан буруйдаахпын - диэн баран Аркадий Тимур илиитин тутта.
  Кэнниттэн Сардаана уонна Света киирэн саҥата суох турдулар.

• Чэ , Сардаана, тугу эрэ эт - диэн баран Аркадий Сардаана диэки көрдө.

• Тимур, быраастыы гын. Мин эйиигин талабын , оҕобун оҕо дьиэтигэр туттарыам эн баҕарбытыҥ курдук. Аны биһигитин итинник куттаама - диэн баран Сардаана Тимур илиитин тутта
  Тимур буолла хараҕын арыйаат күлэн барда.

• Суох , Сардаана. Эн миэхэ аны наадаҥ суох. Антах кыбартыырабар хааным баран өлөн истэхпинэ эйиигин билигин киирэн кэлиэ дии саныы сыппытым. Эн оннугар Света кэлбитэ. Онно өйбүн сүтэрбитим да буоллар барытын истэ сыппытым. Ол иһин Сардаана, мин эйиигиттэн арахсабын. Хоть прям щас поедим в суд - диэн баран Тимур туран кэллэ

• Тимур, сыт өссө да үтүөрэ иликкин - диэт Аркадий уолун сытыараары гыммытыгар Тимур бүгүс турда:

• Оттон эн буолла “папа”, ыарыйдахпына эрэ наадыйаҕын быһыылаах. Ол иһин баһаалыста миэхэ мэһэйдээмэ ду? - диэн баран Тимур тахсан барда.

• Сардаана, Тимуру батыс - диэт баран Аркадий аан диэки ыйда. Сардаана Тимур кэнниттэн барда.

• Сардаана, киир массыынаҕа - диэн Тимур ыһытаата
  Сардаана саҥарбакка киирэн хаалла.

• Билигин суукка айанныахпыт. Онно сонно арахсыахпыт - дии-дии Тимур массыынаны ыытан истэ. Сардаана буолла спидометры көрөн баран эттэ:

• Тимур, итиннэ 60км/ч диэн знак турар этэ. Эн уоскураһыҥ 100 тиийдэ.

• Да, плевать - диэт Тимур гааһы өссө баттаата
  Эмискэ Тимур сүрэҕэ тэбэрэ күүһүрэн барда. Хараҕа хараҥаран истэ. Эмискэ өйүн сүтэрэн уруулу ыытан кэбистэ. Сардаана ыһытаан эрэ хаалла. Массыыналара түргэн баҕайы ускуораска суолтан көтөн таҕыста. Хаһан эрэ Сардаана төрөппүттэрин массыыналарын курдук массыыналара үстэ эргийээт түҥнэстэн хаалла
  Ол кэмҥэ Аркадий дьиэтигэр олорон Сардаана төннөрүн күүппүтэ. Сиэнэ ытыырыттан төбөтө ыалдьан барда. Хата Өкүлүүнэ оҕону уоскутта.

• Аркадий, мин эйиигиттэн биири ыйытыахпын баҕарабын - диэн баран Өкүлүүнэ Аркадий таһыгар олордо

• Чэ , ыйыт

• Эн хайаан Тимуру Сардааналыын холбообуккунуй. Дьиҥэ үчүгэй кыыс толору дии. Хайаан именно Сардаана.

• Тоҕо диэтэр, мин санаабар Сардаана курдук сэмэй, үлэһит кыыс мин уолбун уоскутуо, көннөрүө дии санаабытым. Мин эдэр эрдэхтэринэ эмиэ Тимур курдук этим. Туохтан да куттаммат, без башеннай , бэйэтин эрэ билинэр уол оҕото этим. Эдэр сааһым 90 - нустарга аастаҕа дии. 90 нустар саҕаланыахтарын иннинэ Москваҕа үөрэнэ барбытым. Оттон перестройка сээк-таак , СССР суох буоллаҕа. Онно үөрэхпин быраҕан бандьыыт буолбутум. Бааннары уоран, дьону өлөрөн байбыппыт аҕай. Онтон Людабын көрсүбүтүм. Кини миигин бандьыыттаан бүт , боростуой киһи олоҕунан олор диэбитэ. Кини миигин көннөрбүтэ диэххэ сөп. Онтон Тимур төрүүр, дьиҥнээх дьиэ кэргэн буолан олоробут. Аҕыйах сылынан Людам эмискэ өлөн хаалар. Онтон ыла кэргэннэспэтээм. Тимур улааппыта. Эмиэ мин курдук этэ. Ол иһин Люда курдук сэмэй кыыс кинини эмиэ көннөрүө дии санаабытым. Ол иһин доҕорум кыыһын Сардаананы таллаҕым - диэн баран Аркадий өрө тыынна.
  Ол кэмҥэ эмискэ Тимур уһуктан кэллэ. Онтон мантан өйөнөн түҥнэстибит массыынаттан таҕыста. Күүс булунан атаҕар тураат Сардаананы хостуу барда.

• Сардаана, истэҕин дуо миигин? Сардаана! - диэн баран Тимур ааны арыйаат Сардаананы соһон таһаарда. Сардаана кыратык тыынара.
  Тимур сиэбин хастан баран төлөпүөнүн хостоот суһал көмөҕө эрийдэ. Уонна Сардаана таһыгар олорон баран халлаан диэки көрдө.
  Сотору буолаат суһал көмө кэлэн иккиэннэрин балыыһаҕа илпиттэрэ. Бронированнай внедорожник буолан иккиэн улахан эчэйиини ылбатахтар. Ол да буоллар балыыһаҕа өссө хаала түһүҥ диэн быраас сүбэлээбитэ.
  Аҕыйах хонугунан Тимурдаах, Сардаана балыыһаттан тахсыбыттара. Тимур сонно суукка арахсарга сайабылыанньа биэрбит. Сардаана этиспиккэ, ыһытаспакка сайабылыанньаҕа илии баттаан официальна арахсыбыттара.
  Тимур сонно кыбартыыратын атыылаат Швейцарияҕа көспүтэ. Сардаана буолла бэҕэһээ оҕотун балыыһаҕа илдьэ сылдьан үөрүүлээх сонуну билбитэ:

• Оҕом доруобай үһү. Докумуоннарга сыыспыттар - диэн үөрэн ытыаҕар дылы дьонугар кэпсээбитэ. Тимурга ол туһунан эппиттэрэ да буоллар дойдутугар төннөр биһигэ суох. Ол да буоллар ыйын ахсын оҕотугар харчы ыытар буолла. Сардаана онтон даҕаны үөрэрэ. Кини иһигэр: “Син биир хаһан эмит төннүөҕэ " диэн эрэнэ күүтэрэ

Бүттэ