(Олус туhалаах субэлэр)

Көмүс күһүн дьоллоох Дьокуускай куоракка күлүмүрдээн тиийэн кэллэ. Тымныы тыал, сөрүүн салгын, ардах уонна түүҥҥү хаһыҥ барыбытын сылаас дьиэлэргэ кыйдаата. Оттон эдэр ыччат киэһээҥи сынньалаҥнарын хайдах атааралларый? Ордук киэһээҥи биэчэрдэргэ, бардарга, дискотекаларга, киинэлэргэ сылдьалларын ордорор буоллулар. Ол эрээри, өскөтүн, эїиги дьиэҕитигэр чуҥкуйан олорор буоллахытына, хомойумаҥ. Эһиэхэ эрэ анаан хайдах “Кэрэ Куо” буолуохха, Үрүҥ Уоланнар сүрэхтэрин аймыахха сөбүн туһунан сүбэлэрбитин ааҕыҥ.
Бастатан туран, биэчэргэ барарга наһаа сексуальнай буолан көстө сатаамаҥ. Ол курдук уолаттарга бэйэҕитин сөбүлэтиэххитин баҕардаххытына таҥаскытын сөпкө талыаххытын наада. Манна наһаа кылгас дьууппа, эбэтэр аһара улахан декольтелаах былааччыйа кэтэр сөбө суох. Эһиги таабырын курдук буолан көстүөххүтүн баҕардаххытына фигураҕытын көрдөрөр ыбылы ыла сылдьар, уһун, дириҥ вырезтаах дьууппа кэтиэххитин сөп. Маны кытта бэйэҕит сөбүлүүр куопталаргытын, аныгы быһыылаах топиктаргытын дьүөрэлээҥ. Манна барсар атах таҥаһынан үрдүк хобулуктаах түүппүлэ буолар. Оттон эһиги моднай кроссовка кэтэн баран эр дьонтон хайҕабылы күүтэр буоллахытына, сыыһа. Төптөрүтүн харчыгытын мунньан баран, элегантнай, классическай стиллээх түүппүлэ атыылаһаргыт быдан ордук.
Сорох кыргыттар куруук халыҥ свитер уонна өҥө баран эрэр джинсы кэтэллэрин сөбүлүүллэр. Маннык кыргыттарга уолатттар болҕомтолорун тардар ыарахан буолуо. Онон бэйэҕитин көрүнүөххүтүн наада.
Киэргэли таларгар эйиэхэ ордук бэйэҥ стильгэр, таҥаскар сөп түбэһэринэн көрөн кулону, оҕуруону эбэтэр бөдөҥ көстүүлээх браслеты уонна ытарҕаны кэтиэххитин сөп.
Оттон баттахпытын хайдах гынабыт?
Саха кыыїыгар айылҕа анаабыт ураты киэргэлэ - субуллар суһуоҕа буолар. Кырдьыга даҕаны, уһун суһуохха туох эрэ таайыллыбат таабырын, сүрэҕи сылаанньытар, киһини тардар - угуйар күүс баар. Инньэ гынан, уһун баттаҕы көннөрү түһэрэ сылдьар ордук буолуо. Оттон эһиги кылгас баттахтаах буоллаххытына фенынан обьемнаан оҥостуоххутун сөп. Манна мусс эбэтэр гель дьикти - дьиибэ бөрөчүөскэ оҥосторгутугар көмөлөїүөҕэ. Наһаа уустук гына оҥосто сатаамаҥ төһөнөн боростуой да соччонон үчүгэй.
Биллэн турар, киһи айылҕа биэрбит дьүһүнүн төрдүттэн кыайан уларыппат. Ол гынан баран, кыыс аймах сирэйин, тас көрүҥүн оҥостон кэрэ буолан көстүөн баҕата элбэх. Ону ситиһэргэ үчүгэй, сөптөөх макияж көмөлөһүөн сөп. Макияж - кыыс сирэйин үчүгэй өттүн ордук бэлиэтиир, итэҕэһин кистиир сыаллаах - соруктаах бэйэтэ туспа искусство буолар. Маны барытын сатабылаахтык

туһанан уолу абылыахха сөп. Хайдах?
Аан бастаан уоскутун биллэр соҕус гына, куруук туттар өҥҥүтүнээҕэр хараҥа өҥнөөх помаданан, оттон хараххытын кылабачыгас теннэринэн соттуҥ уонна хара харандааїынан кытыылаан биэриҥ.
Саамай бүтэїиккэ духи туһунан. Биэчэргэ бараары бэлэмнэнэр буоллаххына эйиэхэ ордук восточнай, экзотическай сибэккилэр дьикти, кэрэ арамааттара барсыа.
Аны туран, быһыыгыт - майгыгыт хайдах буолуохтааҕый?
Эһиги тутта — хапта сылдьыыгыт уонна кини диэки көрөргүт киниттэн тугу баҕараргыт туһунан аһаҕастык биллэриэхтээх. Маны туһаммакка кыбыстан, симиттэн турдаххытына эһиги сөбүлүү көрбүт уолгут атын кыыска көһүөн сөп. Ону өйдөөҥ! Ол эрээри сексуальнай кыыс оруолунан наһаа үлүһүйүмэҥ. Сороҕор аһара сексуальнай кыыһы уолаттар өйдөөбөттөр.
Маны таһынан “Үрүҥ Уолан” эһигини үҥкүүгэ ыҥырдаҕына аккаастаамаҥ. Баҕар бу уол эһиги дьылҕаҕыт буолуо.
Өссө саамай кылаабынайа уолу кытта кэпсэтэргитигэр саҥарар - саҥарбат, эппиэттиир - эппиэттээбэт буолумаҥ, маннык эһиги “көмүс куйахтаах боотургутун” тэйитиэххитин сөп. Буоларын курдук, уолаттар кэпсэтинньэҥ, бэһиэлэй, көрдөөх - нардаах кыргыттары ордороллорун умнумаҥ. Ситиһиилэри баҕарабын!
Люда Семенова.
2000 сыл