Аудиота:

— Бүгүн блэт туох хара сордоох күнэ үүммүтэй,үс көссүүбүттэн үүрүлүннүм, бары сааньатайбыт дэһэллэр, дьэ дьахтара суох маһы салаан хонор буоллум, урут үрүт үрдүгэр мэҥийэр бэйэлэрэ бэлиэр кырытыннардахтара,кырдьык саас да ыраатан эрэр, чолоҥнуурум да мөлтүү быһыытыйда, били бырааппар күүс киллэрээри арыгы иһэн сордонобун, хата иһээччи буоларга тиийдим. Хата биир эмэ бытааһаҕы ойох ылан, ыраас таҥас, тот ис, хоонньугар кэрэ дьахтар,куһаҕан үһү дуо?
Баҕардыҥ да үрдүгэр күөлэһийэҕин, сутуругуҥ кыһыйда тэбээн биэрэҕин, утары саҥарда, сүүһүн тылыалыыгын…
Эн үөһэ көрдөххүнэ аллара көрүөхтээх, аллара көрдөххүнэ үөһэ, короче утары көрдө да,, тачыгыр,, гыннара түһэҕин… Хата дьэ сөптөөх сүбэтин буллум быһыылаах…
Бээрэ толкуйдуурга кими булан түҥнэри көтөбүн, тэллэҕин тэбиибин.ырыган дьахтары ылыллыбат, ыт сиэтин. Куҥнаах соҕуһу кучу–мачы гынарга, үлэни хамнаһы кыайары,оҕус гынан көлүнэргэ, түүнүн ат гынан айааһыырга…
Бээрэ ханнык тыһы бычаһары булабын, бу бөһүөлэккэ ким баарый?
Хайа нокоо Матайар Маарыйа баар дии, үс оҕолоох да буоллар туох буолуой, хата бэлэм хамначчыттар, соруйарга ыт атахтар.оо түөһүн оҕото, көр эрэ итинник улахан сирин,, пиэрмэ,, да ынахтарыгар суоҕа буолуо…
Матайары ыан ону арыылаан, сүөгэйдээн аһаатахха аштык буолсу…
Итинник ыра санаалаах тэлиэс былас дайбаан биир олбуорга тиийдэ…
Олбуор аанын тэбиэлээбитигэр,, бирээмэ,, хотонноох балаҕан саҕа, күнү-ыйы бүөлүүр дьахтар тахсан, өттүк баттанан, икки харытын ньыппарынан, таҥнары одуулаан турда…
— Маа–маа Матайар, ээ Мээ–мээ Мэтэйэр мин эйигин кытта хоонньоһо кэллэм,короче, буокка баар дуо? Абырахха…
Дьахтар кыбдьырына түһэн баран, саҕатыттан өрө ыйаан таһаарда, эр барахсан хара тураах айаҕар хабыллыбыт баҕа курдук бахчаччы тэбиэлэннэ…
Били сордооҕу сыалдьыйатын сыыһын сулбу баттаан, ытыһынан таһыйан лабырҕатан биэрдэ, өлөр саҥа дьэ манна буолла, ыһыы–хаһыы, ол быыһыгар ытаан сарылаата,бу туох үлүгэрэ буолла диэн бүтүн бөһүөлэк барыта сырсан кэллэ…
Бүтэһигэр Матайар киһитин кыбынан дьиэҕэ киирдэ,, аан,, лип,, гына сабылынна. Били муҥнаах ойох көрдүүр кутуйах буолан, тыһы куоска айаҕар киирэн биэрдэ…
Олох да араастаах…

Арыылаах, С.