Ырыаҕа ылламмыт таастаах Тамма үрэҕэ. Чугас олохтоох эмдэй-сэмдэй икки уол, биир кыыс, манна кэлэн, сайынын күөнэхтииллэр. Хайдах балыктыырга кинилэри Колялаах Уля ийэлэрэ үөрэппитэ. Кэлин оҕолор үһүөйэҕин
балыктыыр идэлэннилэр. Үһүс оҕо — убайдара Сэмэн кыра уола. Ыарытыган, унуох-тирии бэйэлээх, төгүрүк тулаайах Миша убайын аахха олорор. Колятган кыра балыс, иинэҕэс, кыракый Миша атаахтыыр дьоно суох. Уолу олох
элбэҕи сатыырга эрдэ үөрэппитэ. Онон, убайыттан хаалыахтааҕар, ордо сыһар.
    Оҕолор балыктыыр ньымалара уустуга суох. Бастаан тууну сүрэҕин ылан кэбиһэллэр. Төбөтүн тылбыылыыллар. Балык кутарга туос ыаҕаһы кытта эбии ыаҕайа ылаллар. Үрэххэ кэлээт, киһини бэрбээкэйинэн эрэ чычаас
уулаах уонна саамай синньигэс сирин булаллар. Үрэх түгэҕэ, анаан муосталаабыт курдук дэхси баҕайы, тунаархай таас дьапталҕа. Үүнээйитэ суох, анна бүтүннүү дьэрэлийэ сытар. Курустаал иһиккэ кутуллубут курдук дьэҥкир уу. Ып-ыраас. Ханна да хорҕойор сирэ суох балык аттыгынан субу дьирикинэйэ устар. Уу сүүрээнэ сайыҥҥы күн сардаҥатын кытга алтыһан, комүс мөһүүрэлии кылбаһыйа дьиримниир. Кытыл чээл күох. Салгын от-мас
мүөтгээх сытынан дыргыйар. Чыычаах эгэлгэ ырыата күйгүөрэ чыбыгырыыр. Ураты кэрэ!
    Оҕолор быһыт оҥороллор. Хаптаҕай таастары дьаарыстаан, уу икки кытыытытган утарыта тутан, үрэх ортотугар тиэрдэллэр. Сүүрүк устар сүнньүн бүөлээбэттэр. Сити аһаҕаска туу угуохтаахтар. Ону туу айаҕар сөрү-сөп буоларын курдук оҥороллор. Тууну түһэрэн баран, Коля, сороҕор Миша, сүүрүккэ тоһуйа тутан турар. Икки оҕо сүүрүгү утары хайысханан. кумах устан кытылы кыйа тэйиччи бараллар. Сүүсчэкэ миэтэрэни бараат, ууга киирэллэр. Балыгы сүүрүк хоту үүрэллэр. Манна даҕаны сатабыл наада. Ууну мээнэ чалбааттаан, балы­гы куттаабакка эрэ, тэйиччиттэн талаҕынан таһыйаллар. Оччоҕо балык тууга симиллэр. Атын барар сирэ суох — быһыт мэһэйдиир. Күөнэх бары кэриэтэ киирдэр эрэ, уол туутун өрө тардар. Маныаха бытаарар табыллыбат, туу
төттөрү өҕүйэн балык куотуон сөп. Көмөлөөн тууларын хостууллар, балыгы ыаҕаска сүөкүүллэр. Сонно тута тууну эмиэ түһэрэллэр. Бу хаста эмэ хатыланар үлэ. Cөп буолла диэтэхтэринэ дьиэлииллэр. Табыллыбыт күннэригэр толору ыаҕас, ортоҕуна ыаҕайаҕа эмиэ балыктаах кэлэллэр. Кыайымына, ырычаахтаһыы боҕонон, дьиэлэрин син
буллараллар. Бултуйбут дьон үөрүү-көтүү, дьонноро оссо ордук үөрэллэр. Үс-түөрт күн мииннэнэллэр. Буолаары буолан олус эмис, мип-минньигэс, үтүөкэн балык — күөнэх! Балыктара бүттэҕинэ эмиэ бараллар.
    Күөнэх күннээн киирэр кэмнээх. Ол кэмҥэ ийэлэрэ барсан быһыкка

бэйэтэ турар, оҕолор үһүон күрэтэллэр. Дьэ күннүүллэр! Икки-үс улахан ыаҕас ыы-быччары күөнэҕи ылаллар. Сороҕор балык быста аҕыйыыр, киирбэт. Күнү
быһа үлэлээн биирдэ күөстэнэри ыллаххына — үөрүү. Адьас мэлийиэххэ эмиэ сөп.
    Ити курдук сэрии аас-туор сылларыгар Ко­ля, Миша, Уля сүүрэн-көтөн мэниктииллэрин оннугар, бүтүн дьиэ кэргэни аһатар дьарыктаммыттара.