Киэҥ-киэҥник хардыылаан,
Холкутук үлэҕэ хаамаҕын.
Дойдуҥ чиргэл тиитинии
Модьу-таҕа көрүҥнээххин,
Колхоһуҥ елгөм хочотунуу
Баай, дэлэгэй кэпсээннээххин.
Тымныылыын-куйаастыын’,
эриһэн,
Тыйыс-модун санаалааххын,
Үлэһит киһи үтүөтэ буолаҥҥын,
Үлэттэн чэрдийбит ытыстааххын.

Сайынын уот куйаас саҕана
От охсон куһуйаргын таптыыгын.
Кыһынын хабараан дьыбарга
Кылааннаах түүлээҕи
сонордуугун,
Саҥаны-кэрэни барытын
Сэргэҕэлээн, кэрэхсээн истэҕин.
Партия съеһин чиэһигэр
Бары үлэҕэ бастыыр баҕалааххын.
Тылгын тыалга ыспатах
Тыа сирин киһитэ буолаҕын.

Хотугу сулус #1 1971с.