Дойду Ньукулайа
Главная / Хоһооннор / Дойду Ньукулайа
05.05.2026 08:04
МАҤНАЙГЫ ТАПТАЛБАР.
Бүгүн мин санаатым эйиигин,
Бүтүн биир соҕотох бэйэҕин.
Барбытын эн миигин хаалларан,
Бүтэһик эрэли саптаран.
Хоргустан хомойо эрэйэн,
Хоһуйан эппэппин сэрэйэн.
Хоргутан ытаатын аймана,
Хараҕын толору уулана.
Сатаан эппэт дии сүрэҕим,
Кэрэ нарын-намчы тыллары.
Саһан ааспыт ол сыллары,
Кыра намыын Мин үрэҕим.
Тааттам талыы-талба таһаата,
Талан ылбыт эбит наһаата.
Кэрэ сибэкки аанньалым,
Күндү бастакы мин тапталым…
ДОЙДУ НЬУКУЛАЙА.
09.01.2026.
Содержание
КИНИ ЭРЭ МИЭХЭ…
Кини миигин билбэт
Күндү көмүһүм диирбин
Киммин эрэ билэр
Киниэхэ мин көннөрүбүн
Кинини көрөөрү күннэтэ
Кини ыырын маныыбын
Кини ыллыгар үктэнэ
Кинини кэтээн хаамабын
Кэлэн иһэрин көрөммүн
Көрбөтөхтүү туттабын
Сиирэ халты көтөммүн
Сайыһа ахта хаалабын
Саатар тыыммыт салгынын тыынаары
Сүтэн эрэр сытын ылаары
Салгыны күүскэ тыыммахтыыбын
Сүтэрэн кураанаҕы ыймахтыыбын
Хаһан аны кэлиэй
Ханан эмиэ ааһыай
Харах симнэ кэтэһиэм
Хаттаан бу сиргэ кэлиэм
Баҕар баран дьиэтин
Таһынан мин ааһыам
Бытаара түһэ сэмэйдик
Тохтуу сыһа аргыыйдык
Көстөн үөрдүө долгута
Көтө дайа туллуктана
Көрүөм үөрэ дуоһуйа
Көтүө ол күнүм кустуктана
Кини ону билиэ суоҕа
Кэрэ биилэ суһуоҕа
Иирэ талахтыы имиллэ
Иилэн ылбаттыы субулла
Күүтүөҕэ туора дьону
Көрдүөҕэ туспа дьолу
Таалыаҕа ол дьолугар
Таптаабыт атын уолугар…
ДЬЫЛҔАБАР ЭРЭНЭ
Дьоллуом дуо доҕоруом
Дьылҕам биэрбит бэлэҕин
Таптыам дуо чыычааҕыам
Талан ылбыт сэгэрбин
Тостуом дуо толоҥҥо
Тохтуом дуо толооҥҥо туран
Туоруом дуо олоҕум ортото
Туотуом дуо олоччу тууран
Дьулуһуом ол угуйар дьолго олорорго
Дьиэ уот тэринэн оҕолорго
Талаһыам уол тыыннаах тапталга
Туруулаһыам туохтан да толлубакка
Олоруохпут аҕа баһын тосту
Оҕолуохпут кыыстаах уолу чопчу
Элбэх кырачаан сиэннэнэн
Эдэр хатыҥчаан эҥэрдэнэн
Сүөһү ас тэринэн
Оҕуруот ол бу олордон
Сүүс сааска тиийиэхпит
Сүүс сүүстэн өйөнсөн…
ДОЙДУ НЬУКУЛАЙА.
30.12.2025.