брат05 - 13 февраля 2020 21:25
Холобура Кыым маннык суруйар - үнүбүрсүтүөт экэниэмикэҕэ хаапыдырата😳 - иэдээн дии истэргэ да олуона, суруйарга да сүөргү. Нууча тылыгар омук термина уларыйбакка киирэр биһиэнэ да урут оннук этэ. Ама АммаАччыгыйа, Суорун Омоллоон инник суруйуохтара дуо?
Ити тоҕо итинник буолла? Эбэтэр сөрү сөп дьыала дуу

кэрэ_анар1 13 февраля 2020
Кырдьык иэдээн эбит.

Баар суол! 14 февраля 2020
Сорох ардыгар инникэ үлүһүйэн сахалыыта баар да нуучча тылын сахатытан суруллубут буолааччы. Оннук түгэҥҥэ: журналистарбыт , редактордарбыт сүрэҕэ суохтар дуу ?-диэн санаа үөскүүр. Дьиҥэр сахалыы тылбаасчыттаах олорон хайа кыалларынан нуучча тылын кыбыппакка суруйа сатыахтаах этилэр. Урукку эрдэтээҕи сэбиэскэй саҕанааҕы саха суруйааччыларын ааҕарга, ханан да нуучча тылын сыта да суох, сүрдээҕин үчүгэйдик киһи таттаран ааҕар буолааччы. Билиҥҥи хаһыаты ааҕарга киһи мэйиитэ өйдүү сатаан бүлгүрүүйүөх курдук. Уонна хайдах өйдөххүнүй тугу аахпыккын?

Ал 15 февраля 2020
Урукку кэм курдук нууччаттае киирбит тыл уларыйбакка суруллара сеп этэ. Итинник суруйдахтарына киьи ейдеебет.

ЖИРНЫЙ ТРОЛЛЬ 15 февраля 2020
Сыыһа бөҕө буоллаҕа. Биир бэйэм тылы киттитии дии саныыбын. Биир-икки көлүөнэнэн ханна саха тыла, ханнах киирии бөх тыл буоларын өйдүөхтэрэ суоҕа.

брат05 15 февраля 2020
Дьон көрөн санааҕытын суруйан иһиҥ. Баҕар хаһыат дьоно көрөн түүлээх холбукаларыгар туох эмэ киириэ дуу🤔

Петр 15 февраля 2020
Урут хаһан эрэ биир суруйааччы маннааҕы хаһыаты илдьэн көрдөрбүт диэн баара.Ону киһитэ көрөөт , пахай хаһыаккыт барыта нууччалыы тыл диэн эппит.Онтон сылтаан ити буолуон сөп.Атын омуктар кыайан нууччалыы тылы булбатыннар диэн.Дьиҥинэн ааҕарга туох үчүгэйэ кэлиэй.Хайа эрэ эмээхсин дуу , оҕонньор дуу суруйбутун курдук.

брат05 16 февраля 2020
Ээ өстөөхтөр билбэтинэр диэн шифрованнай хаһыат диэ😆, наһаа оннук буолбата ини. Ити Жирков ЕП 90с сылларга киллэрэ сатаабыт сахалыы үөрэхтээһин? программатын үлтүркэйэ буолуо дуу - били аһыыба, солох игин диидии химияны үөрэтэн муҥнаабыттара дии. Эппиэтэ төттөрүтүн дьону тэйитэн биспиттэрэ Тылтан

Gazeller 16 февраля 2020
Унур тв биир журналист куруус диэн кэпсии турар этэ, таьагас диэн тылы билбэт огочоос бьлх… Кыымна бастаан былаьаакка диэни ааган баран ейдеебекке сор беге…))) кароче, языкпытын теряйдаан эрэбит…)))))

Хааһах 17 февраля 2020
Омуктар сайдыыны ситиһэллэрэ эрбии тииһин курдук хаалсыбакка баран истэҕинэ табыллар, хаалан хаалыы үөскээбэт. Омуктан киирэр саҥа тыл сайдыы кэлэн иһиитин биллэрэр. Бу тылы бэйэтинэн ылыныы сайдыыны кытта тэҥҥэ барсан иһиини үөскэтэр.
Сахалыы саҥа тылы үөскэтэ сатаанын сайдыыттан хаалан хаалыыны оҥорор. Ол курдук саҥа тыл дьон өйүгэр-санаатыгар киириитэ, үгэһи үөскэтиитэ олус уһун кэми, уон сыл курдугу ылар.
Тыл үөрэхтээхтэрэ сахалары сайдыыттан хаалларан эрэллэр.

Хааһах 19 февраля 2020
Саха омуга сайдыан баҕарар. Икки тылы баһылааһын сайдыыны саҕалыыр. Сайдыыны аҕалар саҥа тылы уларытан атын, сахалыы тылы оҥоро сатааһын сайдыыттан хаалыыны үөскэтэр.
Айылҕа биэрбитинэн сахалар күөмэйдэрэ ханнык да омук тылын араас аксена суох саҥарар кыаҕы биэрэр.
Элбэх тылы билии өйү-санааны сайыннарар.

Хааһах 21 февраля 2020
Сайдыыны билигин нууччалартан ылынарбыт быһыытынан саҥа киирэр тыллары сахатыта сатаан киһи саҥарарыгар тыла да өҕүллүбэт тылларын оҥоро сатааһын сайдыыттан хаалан хаалыыны үөскэтэр.
Аһара элбээбит тыл үөрэхтээхтэрэ сахалары сайдыыттан хаалларар санааланан эрэллэр.
Нууччалыы тыллар бэйэлэринэн сылдьаллара сайдыыны кинилэри кытта тэҥҥэ ситиһэри үөскэтэр.

Хааһах 23 февраля 2020
Тыл үөрэхтээхтэрэ ол-бу, араас, саҥа тыллары үөскэтэ сатыыллара эдэрдэри саха тылыттан тэйитэр, сатаан саҥарбаттарыттан, өйдөөбөттөрүттэр үөрэтэллэрин быраҕан эрэллэр.

Ки4и 23 февраля 2020
Мин санаабар торут акаары бы4ыы. Ки4и, эппиккэ дылы, туох дьиэн суруйбуттарын таайартан ордубат. Холобур, буддьуот диэн туохпутуй ? Баара-суо5а нуччалыыта бюджет дьиэн эбит. Ону уп эбэтэр уп-харчы дьиэн суруйалларыгар итэ5эллэрэ конуллээбэт дуо ?

А 24 февраля 2020
Аа5арга ыарахан. Кыымы суруттарбаппыт

Хааһах 25 февраля 2020
Саҥа тылы үөскэтэ сатааһын түргэнник киирэн иһэр сайдыыттан хаалан хаалыыны үөскэтэр. Нууччаттан киирэр тыллар сайдыыны аҕалаллар. Бу тыллары бэйэлэринэн туһаныы сайдыыны ситиһиини түргэтэтэр, нууччалартан хаалсыбат оҥорор.

Хааһах 28 февраля 2020
Саха тылын харыстааһын икки өрүттээх:

1. Билигин баар, туттулла сылдьар тылларбытын төрүт тыллар диэн ааттаан харыстааһын, уларыппат буолуу. Ийэ, аҕа, эһэ, эбэ диэн төрүт тыллар саха буолууну биллэрэллэр.
2. Үөрэх, үлэ саҥа киирэр тыллары бэйэлэринэн, кыратык уларытан туһаныы. Бу тыллар сайдыыны ситиһиини хааччыйаллар.

Хааһах 1 марта 2020
Саҥа тылы үөскэтии диэн кумааҕыга суруйдуҥ да бүтэр диэн буолбатах. Саҥа тыл олус уһун кэмҥэ дьон өйүгэр-санаатыгар боруобаланан, дорҕоонноро дьүөрэлэстэхтэринэ, үгэһи үөскэттэҕинэ эрэ туттуллар кыахтанар. Бу быһаарыыны тыл үөрэхтээхтэрэ тутуһуохтара этэ.

Х 1 марта 2020
Ойунский киллэрбит муодата дьи хайдах билбэккит
Саха алфавитын эмиэ кинилэр суох онорбуттара

. 3 марта 2020
эдэр саас инстаграм паблигын киирэн кереерун эрэ. Дьэ иэдээн тыллар отой🤦🏼‍♂️ биир киэьэ олорон аагаары кыбыстан еле сыспытым. Поэт диэни Пэйиэт диэн игин🤣🤣🤣.
Судаарыстыбаннай
Бэлиитикэ
Семелует
Кэбиинэ
Тыранызыар
Бу курдук, киьи да сатаан аахпат. Нууччаттан киирбит тыллары улуу убайдарбыт суруйааччылар да уларыппаттар этэ. Ойуунускай тыыннаага буоллар эн Пэйиэткин диэтэххинэ сирэйгэр силлиэ этэ🤣

Хааһах 3 марта 2020
Аһара элбээн хаалбыт тыл үөрэхтээхтэрэ сахалыы төрүт тылларбытын уларыта сатааннар ордук улахан куһаҕаны оҥороллор:

• Солун диэн тылбытын сонун диэҥҥэ уларытаннар дьон солумсах буолууларын улаатыннардылар. Солумсаҕырыы улаатыытыттан ханнык да үлэ кыаттарбат буолла.
• Эйэ-нэм диэн эйэни үөскэтэр этиибитин эйэ-“дэҥ” диэҥҥэ уларытаннар эйэлээх буолуубут алдьана, дэҥнэнэ турар.
• Остуоруйа диэн былыргы олохпут кэпсээнин “устуоруйа” диэҥҥэ уларыта сатаан омукпутун үрэйэн саҥа “устуоруйалаах”, саҥа омугу үөскэтэ сатыыллар.
• Айыы диэн икки өрүттээх өйдөбүллээх, киһи үчүгэйи эбэтэр куһаҕаны оҥорон кэбиһэрин биллэрэр тылбытын “үчүгэй” эрэ оҥоро сатыыллар өй-санаа үөрэҕин букатын билбэттэрин биллэрэр.
• “Аньыы” диэн сахаларга суох тылы булан саха дьонун барыларын албынныыллар.
  Бу сыыһалары оҥороннор тыл үөрэхтээхтэрэ омук сайдыытыгар туһалара суоҕун биллэрэллэр.

Х 3 марта 2020
Саха лутурэтуурэтэ
Улуу суруйааччыларын суруйууларын аах Сонун дииллэр эбит ду эбэтэр Солун ду?

Хааһах 5 марта 2020
Сэрии иннинэ бары кэриэтэ солун диэн суруйаллар.
Дорҕооннор киһиэхэ дьайыыларын үөрэт. Сол диэнтэн солумсах диэн тыл үөскүүр.
Тыл үөрэхтээхтэрэ солун диэни “сонун” диэҥҥэ уларытаннар ону-маны билэ сатааһын солумсаҕы үөскэтэрин кистии сатыыллар.

Х 5 марта 2020
Сонун уонна Солумсах диэн атын атын тыллар,ейдебулэ кытта атын

Lublutichinu San 6 марта 2020
Сеп ээ. Олус сеп. Уунуубэрситиэт. Бэрситиэт. Забавнай тыл. Уерэги бэрсэр.

Хааһах 7 марта 2020
Хас биирдии дорҕоон киһи мэйиитигэр дьайан бэйэтигэр сөп түбэһэр өйү-санааны үөскэтэр.
Элбэхтик “рр” дорҕоону саҥарар тылыгар туттар киһи кыыһырымтаҕай буоларю
“Ыы” дорҕоон быһаччы ытааһыны үөскэтэр. “Ыы” диэн дорҕоонунан бүтэр икки сүһүөхтээх тыллар бары куһаҕаҥҥа тириэрдэллэр.

Хааһах 9 марта 2020
Тыл үөрэхтээхтэрэ, суруйааччылар, поэттар киһиэхэ дорҕоон дьайыытын билиэхтэрэ этэ.
“Ыы” диэн ытааһын дорҕоонунан бүтэр айыы диэн тыл куһаҕана элбэҕин “ыы” диэн дорҕооно биллэрэр. Ханнык эрэ буолар-буолбат айыыны оҥоро охсон кэһэйэри биллэрэр.

Хааһах 13 марта 2020
Хас биирдии дорҕоон дьайыыта киһиэхэ өйү-санааны үөскэтэр.
“Рр” дорҕоону элбэхтик тылыгар туттар киһи кыыһырымтаҕай буолар.

Iziz 14 марта 2020
Радио истэ олорон иьим буьар, Москуоба куорат, унубурсутуот, хайдах инник санарыахха сэбий нучалы, куораттары, дьон аатын хотябы нучалы санарыаха нада

6766 14 марта 2020
Спектакль -испиктээк.Старшина -чарчыына.
Член - Силиэн.Голова -кулуба.Генерал -ньаньараал.

Хааһах 15 марта 2020
17-с үйэҕэ нууччалар кэлиилэрэ сахалары саҥа сайдыы суолугар таһаарда. Арай бу сайдыыбыт нууччалары үтүгүннэххэ, нуучча тылын баһылаатахха эрэ кэлэрэ уустуктары үөскэтэр.
Икки омук тылын билии киһи өйө-санаата сайдыытын күүһүрдэр. Билигин сахалар өйдөрө-санаалара нууччалардыын тэҥнэһэн тураллар.
Сайдыы киириитэ саха тылын уларытар. Бу хайаан да буолар олох хаамыыта, сайдыыта.
Арай сайдыы киириититтэн саха омуга уларыйбатын туһугар саха төрүт тылларын уларыппат буолуу ирдэнэр.

Хааһах 17 марта 2020
Омук сайдыыны ситиһиитэ “Туох барыта икки өрүттээх” диэн этиигэ сөп түбэһэр.
Аһара баран сайдыы диэки халыйан хаалыы омук уларыйыытын үөскэтэр.
Аһара хаппахтанан, былыргыга төннө сатааһын омук сайдыыттан хаалыытын, атыттарга баһыттарыытын үөскэтэр.
Бу икки өрүттэр икки ардыларынан түбэһэр быһаарыыны ылыныы омук уларыйбатын хааччыйар.

Lublutichinu San 17 марта 2020
Всему должна быть мера. Аьара ньансыйыы эмиэ соччо ылыннарбат. Сорох дьон барытын Ьынан санара сатыыр. Сорох олоччу нууччалыы. Холобур республика государство игин диэн.

Хааһах 19 марта 2020
Сөпкө этэҕин. Биллиини ылыммыт тыллар бэйэлэринэн сылдьаллара ордук. Онтон саҥа тылы үөскэтэ сатааһын олус уһун кэми ыларынан сайдыыттан хаалларар.

Хааһах. 22 марта 2020
Саха омуга сайдыан баҕарар. Саҥа киирэр, сайдыыны аҕалар тыллары бэйэлэринэн туһаныы сайдыыны түргэнник, атыттартан хаалсыбакка ситиһэри үөскэтэр.
Тыл үөрэхтээхтэрэ “аньыы” диэн тылы булан сахалары барыларын албынныы сылдьаллар. Кинилэр этиилэрин истибэт ордук буолуоҕа.

Гошан14 22 марта 2020
Себулээбэппин.Нууччалыы тыл нууччалы суруллуохтаах.

Хааһах 24 марта 2020
Бу үйэлэргэ саха омук сайдыыны ситиһэр кэмэ. Сайдыыны ситиһии саҥа тыллары үөскэтэн иһэр. Бу тыллары бэйэлэринэн туһаныы сайдыыттан хаалан хаалбаты үөскэтэр.
Саҥа тыллары оҥоро сатааһын уһун кэмҥэ саҥа үгэс үөскүүрүгэр тириэрдэн сайдыыттан хаалларар.

Хааһах 26 марта 2020
Тыл суолтата бу тыл дорҕооннорун дьайыытыгар сөп түбэһэр буолуохтаах.
“Нь” дорҕоон өйгө-санааҕа сыһыана кыра. Албынныырга анаан ньаамырҕаан саҥарыы ордук табыллар.
“Аньыы” диэн тыл итэҕэлгэ туттуллара табыллыбат.

Хааһах 30 марта 2020
Киһи өйө-санаата хаһан баҕарар икки өрүттээхтик сайдар. Үчүгэй буолуо диэн санааттан оҥоро охсубут быһыыта куһаҕан буолан хаалбытыттан соһуйан эрэ хаалара элбэх.

555 30 марта 2020
Сорох тыл сахатытан суруллара ордук, тылбааһа суох буоллаҕына. “Кинигэ, хаһыат ааҕабын” диир ордук, “Книга, газета ааҕабын” диирдээҕэр.

брат05 13 апреля 2020
555, итигирдик сөп учуутал, остуоруйа, хаһыат, сибэкки диэн тыллар былыр киирэн саха тыла буоллахтара дии

А 30 марта 2020
Сахалыы хаьыаттар саха аа5ааччыларын бээлэрэ тэйиттилэр. Сахалыы хаьыаты куорат дьоно ылан аа5ара а5ыйах, уксэ тыаттан киирбит, тыа5а олорор дьон аа5ара буолуо. Сахалыы араас тыллары киллэрбиттэрин мин олох сирэбин- уора5ай, будьуот, урбаан энин диэн араас буолар- буолбат тыллар. Ити хаьыат улэьиттэрэ, о5олоро да5аны ити хаьыаттары аахпаттар ини..мин куорат нууччалыы иитиилээх саханы билэбин, маннай сахалыы хаьыаттары атыылаьан аа5а сатаабыта, онтон кэлин корбот да5аны хантан ойдуой?! онноо5ор биьиги ойдообоппут.
3-4 саха ученайа “Сахалыы сайда " сатаабыттарын дьонно олох сыналааман! Саха сирэ хаьыат бюджеттан убулэнэн олорор, Кыым эстибит хаьыат. Сахалыы хаьыаттар кэскиллэрэ олох суох, ол эьиги хаьыатчыттар бээ5ит эстигит!

Хааһах 1 апреля 2020
Сайдан, саҥаны билэн иһэр омукка араас хааччахтары оҥоро сатыыр тыл үөрэхтээхтэрэ отой да туһалара суохтар.
Нууччалартан сайдыыны ылынарбыт өссө да хаала илик. Сайдыыны киллэрэр тыллар бэйэлэринэн сылдьаллара сайдыы киирэрин түргэтэтэр.
Олоҥхо кэмигэр төннүү хаалыыны биллэрэр.

А 2 апреля 2020
Олонхо тиллэрэ учугэй.

Көрөөччү 3 апреля 2020
Сорох учуонайбыт диир дьоннор оһуохай диэни оһуокай буолуохтаах диэн телевизорынан куолулуу олорорун өйдөөн кэллим .Билигин да ити темаҕа мөккүөр бүтэ илик буолуохтаах.Ким эрэ тылы ньууньааҕа кубулутар,ким эрэ дорҕоону күүһүрдэ сатыыр.Биллэн турар миэхэ дорҕооннооҕо ордук күүскэ иһиллэр, ол аата суолтата үрдүүр.

убай 3 апреля 2020
Нууччалыы тыллары “сахатыта” сатааһын ааспыт үйэ отутус сылларыгар латиницаҕа олоҕурбут Новгородов алфавита туттууга киллэриллиэҕиттэн саҕаланар. Ити саҕанааҕы периодическай бэчээккэ ити чахчыны кытта билсиэххэ сөп. Литэрэтиирэ, сэссийэлиисмэ, бэтирэтиичэскэй, нэссийэлистиичэскэй, кэппирэтиибинэй, баартыйа, сибэтинэбиэтчэскэй - ода холобурдары бэрт үгүһү аҕалыахха сөп. Киирии тыллар - хайдах баарынан суруллуохтаахтар. Оччотугар эрэ Ийэ тылбыт чел сылдьар кыахтаах. Сылдьар - сыдьдьар - урукку суруйууларга маннык суруллар. Дьон бэйэтэ туттумуон наада, оччоҕуна итинник дьай тылбытыгар өтөн киириэ суох этэ. Саха - Сахатынан кэрэ.

Хааһах 3 апреля 2020
Убай баһыыба. Саха тылын харыстааһын диэн билигин баар туттулла сылдьар тылларбытын уларыппат буолуу ааттанар. Онтон киирии тыллар бэйэлэринэн сырыттахтарына сайдыыны түргэнник аҕалаллар.
Саха омуга, эдэрдэр олоҥхо кэмигэр төннүбэккэ сайдыахтарын баҕараллар.

Хм 3 апреля 2020
Ол иhин “Солун,ньууньаа..” дии сырытта5ын
Тонустар тылы сымнатан санараллар-аташкаан,боккаччаан,..

Суекулэ 4 апреля 2020
Соччо ити Кыымы аахпаппын, но осуждаю диэбиккэ дылы 😂 Наьаа ере баран тылы кэбилииллэр. Биирдэ Ииндийэ диэни аа5ан баран оччо5о Австралияны туох дииллэрий, Абастраалыйа дуо, диэн кулбутум а5ай 😂 А так ити уеьээ Хааьах диэн киьи туерэ-ланкы мээнэ суруйбут а5ай 🤦🏻‍♀️

Хааһах 5 апреля 2020
“Нь” дорҕоону туһанан ньаамырҕаан саҥара сатааһын ордук албыннааһыҥҥа туттуллар. Албынныы сатыыр киһи ньаамырҕаан саҥарар. “Аньыы” диэн сахаларга суох тылы туһана сатааһын ньаамырҕааһын диэн буолар.

Хааһах 7 апреля 2020
“Албыҥҥа акаары бараммат” диэн этии албынныы сатааччылар хаһан баҕарар бааллары биллэрэр. Кытаатыҥ, албыҥҥа киирэн биэримэҥ. Киһи оҥорор быһыыта хаһан баҕарар икки аҥы; үчүгэй эбэтэр куһаҕан буолан тахсаллара уларыйбат.

Оо 7 апреля 2020
Манна суруйбуттар үксүгүт далай Ахаарылар эбиккит эбэтэр сахалыы билэр нууччаларгыт!
Дьиэ онно хамнаатаҕына, алдьанан көөрөттөн барар.
Тыл эмиэ оннук айылҕалаах.
Нуучча тыла олоччу уларыйбакка киирдэҕинэ саха тылын алдьатар симэлитэр.

Оо 7 апреля 2020
Бу хаһаак олох сатаан сахалыы суруйбаккын.
Туох диириҥ өйдөммөт бэйэлээх, бааһынайгын быһылаах…
Сахалыы кинигэтэ ааҕа түс

Хааһах 9 апреля 2020
Билигин баар, туттулла сылдьар сахалыы тылларбытын уларыппатахпытына сахабыт бэйэтинэн хаалар. Онтон киирэр нууччалыы, английскайдыы тыллары бэйэлэринэн туһаннахпытына кэлэн иһэр сайдыыттан хаалан хаалбаппыт.
Сайдыыттан тылга уларыйыы киирэрин тулуйдахпытына эрэ табыллар.

Алекс 10 апреля 2020
Киһи сонньуйара элбэх. Австралия диэн тылы букатын сахатытыман! Иэдээн… Дьон-сэргэ олох өйдүө суоҕа.

Хааһах 11 апреля 2020
Сайдан иһэр омук икки тылынан холбоон саҥардаҕына сайдыыттан хаалан хаалбат. Тыл үөрэхтээхтэрэ оҥоро сатыыр тыллара сайдыыттан хаалан хаалыыны үөскэтэллэр.
“Аньыы” диэн тылы булан саха тылыгар киллэрэ сатааһын уһун үйэлээх сахалары быһаччы албыннааһын буолар. Албыҕҕа киирэн биэрбэтэххэ табыллар.

брат05 13 апреля 2020
Куһаҕана инник суруйан дьону тылтан тэйиттибит дуу, дьиҥэ саха тыла барахсан ойуулуура дьүһүйэрэ туохха да тэҥэ суох буолаахтаатаҕа, ол иһин сахаҕа уруһуйдьут элбэҕэ дуу)) аҥардас хаамыыны ойуулаан этиилэри- хасхаҥныыр, бэдьэйэр, мадьайар, токоороҥнуур, тиэриллэҥниир ))- диэни биир икки тылынан ойуулаан переводтуур уустуктардаах буолуо)), сахаҕа сразу хараҕар ойуулана түһэр…

Хааһах 13 апреля 2020
Үрүҥ айыы итэҕэлэ саха төрүт тылларын уларыппакка эрэ харыстыыр аналлаах. “Айыы үөрэҕэ” диэн сымыйа үөрэҕи тыл үөрэхтээхтэрэ оҥорон, төрүт тыллары уларытан буортуну оҥороллоро элбээтэ.

Ойуун уола 13 апреля 2020
Төрүт сыыһа диибин. Иһиллэрэ да куһаҕан уонна кэлин киирии тыллары утумнарбыт саха тылыттан араарбат буолуохтара инник бардаҕына. Киирии тыл сахатыллыа суохтаах.

Хааһах 14 апреля 2020
Саҥа тылы үөскэтии саҥа үгэһи үөскэтиигэ тириэрдэр. Саҥа үгэс олус өр кэмҥэ дьон өйүгэр-санаатыгар тиийэн толоруллар буолар. Ыраахтааҕы саҕана киирбит ньуоска, биилкэ, муох диэн тыллар саҥа үгэс буолан сылдьаллар.
Тыл үөрэхтээхтэрэ киирии тыллары уларытан саҥа тыллары оҥоро сатыыллара түргэнник киирэн иһэр сайдыыттан хаалан хаалыыны үөскэтэр.

Хааһах 16 апреля 2020
Сахалар сайдыахтарын баҕараллар. Кырата нууччалартан хаалсыбат санаалаахтар. Бааһынайдары бэйэлэригэр холбоон истэхтэринэ эттэрэ-сииннэрэ эмиэ сайдар, тупсар.

Vyrviglaz Vyrviglaz 16 апреля 2020
Ханнык баҕар тылга бэйэтэ уустук быраабылалардаах. Ону тыл үөрэхтээхтэрэ бэрткэ диэн билэллэр. Кинигэ, килиэп диэн саҥараргыт буолуо бука, миэхэ хлебта, книгата диэбит киһини бастакынан кынчарыйыаххыт. Сорох сорохтор түөлбэ тылларын илдьэ сылдьаллар, литературнай саха тыла атыннык суруллар-ааҕыллар диэни түһээн да баттаппакка сылдьаллар. Бэйэлэриттэн атын санаалаах буоллахха ыт курдук үөҕүллэҕин ))) Саха тылыгар урут сорох буукуба суох этэ диэтэххэ итэҕэйбэттэр уонна ону утаран тыллара кыыһа түһэр ))) Олох устар, сайдыы кэлэр. Барытын бопсон иһимэн. Үөрэхтээх да дьон сахаларга баар, дьаныардаахтык үөрэтэн-чинчийэн быһаарыахтара. Хотонтон саах таһаарар, лэппиэски буһарар курдук чэпчэки дии саныыр дьонтон иһим буһар.

Мэхээс 17 апреля 2020
Нууча тыла үксэ тюрскай тыл

Хааһах 18 апреля 2020
Киирии тыл сыыйа дорҕоонноро уларыйбакка сахатыйарын бары сөбүлүүбүт. Була сатаан атын саҥа тыллары оҥоро сатааһын куһаҕан. Холобур, наука, институт, университет, институт уонна да атын тыллар бэйэлэринэн сылдьаллара ирдэнэр көрдөбүл буолар.
Нуучча тылын үгүс өттө сахалыыга уларыйар кыахтаах. Сотору нууччалар сахалартан үөскээбиттэрин бэйэлэрэ билиниэхтэрэ, былыргы төрүттэрин украинецтарга былдьатан саҥа көрдөнө сатыы сылдьаллар.

Хааһах 20 апреля 2020
Ийэ, аҕа, эбэ, эһэ диэн төрүт тыллартан саха омук буолуу саҕаланар. Билигин баар, туттулла сылдьар тылларбытын уларыппакка эрэ харыстаатахпытына саха буолуубут сүппэт.
Омуктан киирии үөрэх, үлэ тыллара бэйэлэринэн сырыттахтарына сайдыыны түргэнник ылынан иһэрбит хааччыллар.

Дьуган 20 апреля 2020
Омук тылларын уларыппакка ылыннахпытына саха тыла сүтэр буоллаҕа.
Эрдэтээҥи сахалар хайдах уларыталларай да аныгы сахалар оннук суолунан иннибит диэки баран иһиэхтээхпит.
Саха тылын үгэһинэн .
Брат - быраат.
Хлеб - килиэп.
Учитель - учуутал.
Книга - кинигэ.
Здорово- дорообо.
Прощай - быраһаай.
Прости - бырастыы.
Простой - боростуой.
Главный - кылаабынай.
Так - таах.
Газета - хаһыат..уо.д.а.
Маннык курдук саха тыла омук тылларын сахатытан иһиэхтээх,оччоҕо эрэ саха тыла сүтүө суоҕа.
Аныгы тыллары сахатытыы маннык буолуохтаах.
Компьютер - көмпүйүүтэр эбэтэр көмпүүтэр.
Корона вирус - хоруона бүүрүс.
Модем - Мэдиэм.
Экран - экэрээн.
Өссө ханнык тыллар баалларый ,суруйан кулуҥ,сахатыта сатыам .

Хм 20 апреля 2020
Австралияны сахатыт эрэ 😂

Дьуган 20 апреля 2020
Абыстыраалыйа.
Австрия - Аабыстырыйа.

Хм 21 апреля 2020
Абастараалыйа диэн буолар бо

Дьуган 20 апреля 2020
Омуктар аустралия дииллэр эбит,үгүстэрэ.Оччоҕо ау саха тылыгар аҕы буолуон сөп.Аҕыстыраал Сирэ диэн буолар.

Дьуган 20 апреля 2020
Саха тылыгар АУ,УА дорҕооттор хоһуласпаттар,ол иһин а уонна у ыккардыгар Ҕ эбэтэр Б дорҕоон эбиллэр,саха тылын сокуонунан.
Туалет сахалыыта Түбэлиэт диэн буолар.Түүр омуктартан туалет диэни туроктар Tuvalet дииллэр,манна U уонна А ыккадыгар V дорҕоон эбиллибит,турок тылын сокуонунан.

Главный врач братын суруга. 20 апреля 2020
Эмиэ омук пропагандистара ыстаҥаласпыттар.
“Учительбыт газета атыыласта”, “больницага книга аагабын”, “Ити Иван главный врач брата эбит” - диэн сахалары саҥардаары.

Кэтээн көрөөччү 20 апреля 2020
Бу нуччамсах омук кэм да нуччаларга сүгүрүйэри эрэйэр:
Цитата:
Автор: Хааһах
15 марта 07:30 (188.244.137.23)
17-с үйэҕэ нууччалар кэлиилэрэ сахалары саҥа сайдыы суолугар таһаарда. Арай бу сайдыыбыт нууччалары үтүгүннэххэ, нуучча тылын баһылаатахха эрэ кэлэр.
Билигин сахалар өйдөрө-санаалара нууччалардыын тэҥнэһэн тураллар.
Сайдыы киириитэ саха тылын уларытар. Бу хайаан да буолар олох хаамыыта, сайдыыта.
Ити Хааhах Комуза5а сахалары “мaм6еттаргыт” диэн үөҕэ-үөҕэ, саха оскуолаларын-кылаастарын арыйары утарар.
Айыы Кыhата оскуоланы утаран Комуза5а хас да теманы таhаарбыта.
Пропаганда ыыппата5ына сатаммат омук.

Чаарда 21 апреля 2020
Сахатытыыны өйүүбүн. Өссө Ойуунускай убайбыт итиннэ үлэлээбитэ, тылдьыт оҥорбута

Якут 21 апреля 2020
Уонна онтон сылтаан Саха тылбытын сутэрбиппит
Саха букварын уларыппыта нуучча букварыгар онтон сылтаан Сахабыт тыла эстэн барбыта..

Хааһах 22 апреля 2020
Тугу да олоххо туһалааҕы оҥоруу кыаллыбат буолуута тылы ыстааһыҥҥа тириэрдэр. Була сатаан оҥоруллубут тыллар саха тылыгар кыайан киирбэттэр. Айыы диэн тыл куһаҕан өйдөбүлэ элбэҕин билбэт буолуу сахалыы өй-санаа үөрэҕин билбэти биллэрэр. Ол курдук “ыы” дорҕоон хаһан да үчүгэй буолбат, үчүгэйгэ тириэрдибэт.
Сотору кэминэн сахалары албынныы сылдьар тыл үөрэхтээхтэрэ бэйэлэрэ эстиэхтэрэ.

Хааһах 23 апреля 2020
Сахалар сайдыыны ситиһэн иһэллэр. Сайдыылаах омуктан киирэр тыллары бэйэлэринэн туһаныы сайдыыны ситиһиини түргэтэтэр.
Саха төрүт, билигин туттулла сылдьар тыллара уларыйбатаҕына саха буолуу оннунан хаалар.

Хааһах 26 апреля 2020
Сэбиэскэй былаас “коммунизм” кэлиэҕэ диэн албына 74 сыл кэнниттэн арыллан, бу былаас эстибитэ. Тыл үөрэхтээхтэрэ сахалары албынныы сылдьалларын дьон син-биир билиэхтэрэ. Иэстэбил кытаанах буолара сэрэйиллэр.

Чанчыгынан_кербут 1 мая 2020
Хайа баҕарар омук бэйэтигэр суох тыллары (тиэрминнэри, өйдөбүллэри) бэйэтин куолайын олоруутугар (артикулиция дэнэр быһыылааҕа) сөп түбэһиннэрэн уларытан биэрэр. Ити университет, экономика, кафедра диэн тыллары ылан көр, холобура. Ити төрүт нуучча тыллара буолбатах ээ. Омук тылларын нууччалар бэйэлэрин саҥарар уратыларыгар сөп түбэһиннэрбиттэр. Омук аайы итинник көстүү баар. Онон ити уонунан, сүүһүнэн үйэлэр тухары аан дойду бүттүүнүн үрдүнэн туттуллан кэлбит ньыматтан тоҕо туоруохтаахпытый? Туораатахпытына – көлүөнэттэн көлүөнэҕэ куолайбыт олоруута уларыйан, нууччалыы артикуляциялаах дьон үөскээн, тылбыт дьэ сүтэн барыа биир. Онто да суох муруй j дорҕооно сүппүтэ ыраатта, ҥ доҕооммут сүтэн эрэр, олус иһирэхтик иһиллэр иэ дифтоммут е-ҕэ кубулуйан иһэр.

Хааһах 2 мая 2020
Тыл үөрэхтээхтэрэ айыы диэн тыл бары суолталарын билбэттэриттэн ити мурун “й” дорҕооно баар диэн сымыйанан этэ, албынныы сылдьаллар. Айыы диэн бэйэтэ куһаҕана элбэх тылы “үчүгэй” эрэ оҥороору сыыһа сананаллар.
Киһи куһаҕаны оҥоро эмиэ саҥаны айыы, айыы буоларын билбэтэҕэ буолаллар.

Дьуган 2 мая 2020
Jахтар,иjэ,аjыы,таjax,xajaax,ооjнуу,эjигин,ыjыр,хаjax,xojox уо.д.а.

Я 2 мая 2020
Дьаабы

Хааһах 3 мая 2020
Тыл үөрэхтээхтэрэ сахабыт төрүт тылларын харыстыылларын оннугар ону-маны булбута буолан, уларыта сатаан симэлийэрин түргэтэтэллэр. Эдэр оҕолор үөрэтэллэрин буккуйаллар.
Ыраахтааҕы кэмин саҕана биир да тыл үөрэхтээҕэ суох этэ даҕаны сахалар бары сахалыы саҥараллара, ахсааннара 5 төгүл эбиллибитэ.

Сахабын 3 мая 2020
Русификация — комплекс мер, осуществляемых официальными властями, направленных на обрусение жителей какой-либо территории, а также и сам процесс такового обрусения — как в языковом, так и в культурно-религиозном плане.

Сахабын 3 мая 2020
Методы русификации
Распространение русского языка в сфере администрации, делопроизводства и образования с одновременным запретом использования других языков, либо их перевод на русскую графику (к примеру, запрет латиницу, кириллизация) и прочими мерами, имевшими целью прекратить развитие и использование языков национальных меньшинств.
Распространение русского православия: крещение иноверцев, упразднение православных автокефалий, что организовывало жизнь по русскому календарю с соблюдением русских праздников и обычаев. Роль православия и православного быта в деле русификации подчёркивал Лев Тихомиров.
Заселение (колонизация) национальных окраин русскими переселенцами, а также выселение (принудительное либо вынужденное) коренных народов.

Хааһах 5 мая 2020
Омук үйэтэ 900 сылынан кэмнэнэр:

1. Омук саҥалыы үөскээһинэ сайдыыта. 300 сыл курдук кэми ылар.
2. Омук күүһүрүүтэ, бэйэтин билиниитэ. 300 сыл курдук кэм.
3. Мөлтөөһүн кэмэ кэлиитэ. 300 сыл устата барар.
   1227 сыллаахтан монголлартан күүс ылан сайдыбыт нууччалар мөлтөөн сылдьаллар. Сотору кэминэн уларыйалларын оҥостон эрэллэр.

Scholiast 5 мая 2020
Итинник сахатытыы отой сыыhа дии санныыбын,ейе суох дьоннор эбиппит,урут революция иннэ кэннэ улуу ебугэлэрбит хайдах курдук сана тыллары киллэрбиттэрэй,билинни дьон то5о итини сал5аабатылар.Турцияны холобур оностуохха наада,сана тыллары киллэриэххэ,оччо5о тылбыт сайдыа. Холобура Ереспуубулукэ диэн отой анекдот дии,ама атын солбуйар тыл суох дуо.Атын тылынан солбуйуллубат буолла5ына нууччалыытынан хааллын,ол ордук буолуо.

Дама бальзаковского возраста 5 мая 2020
Нууччалар бэйэлэрэ ба5арбыттарынан санараллар буотта нуучча дор5оонугар сеп тубэьиннэрэн: вайнах чечен, дойче-немец, Точикистон-таджикистан, Кыргызтан-киргизия уо.д.а
Нуучча5а омук тылыттан киирбити, бэйэлэрэ уларытан санараллар дии то5о эрэ. Интернациональный дииллэр-интернешнл диэбэттэр ээ холобур.
Оччотугар, нууччалар эмиэ омук тылын уларыппакка хайдах баарынан санарыахтаахтар!

брат05 6 мая 2020
Интернациональный диэн интернешнлтан ))) киирбэтэҕэ, французтуу international-интернациональ диэнтэн кэллэҕэ дии.

Хааһах 6 мая 2020
“Туох барыта икки өрүттээх” диэн айылҕа төрүт сокуона. Сахалар бу сокуону тутуһалларын бэлиэтинэн айыы диэн икки өрүттээх өйдөбүллээх тыл буолар. Сахалар бу тылы харыстыыллара ирдэнэр. Тоҕо диэтэххэ киһи үчүгэйи оҥоробун дии санаан баран оҥорбута куһаҕан буолан тахсара хаһан да уларыйбат. “Аньыы” диэн сахаларга суох тыл.
Тылы харыстааһын диэн эмиэ икки өрүттээх:

1. Төрүт сахалыы тыллары букатын уларыппакка эрэ туһаныы. Төрүт тыллар уларыйбатахтарына омук уларыйбат.
2. Үөрэх, үлэ киирии тылларын бэйэлэринэн туһаныы. Сайдыы киирэрин түргэтэтэр.