Өрдөөҕүтэ үс буолан Намҥа сааскы куска таҕыстыбыт. Бары биир бириэмэҕэ студенныы сылдьыбыппыт, ол саҕаттан табаарыстыыбыт. Иккиэн байыаннайдар, пенсияҕа тахсан атын үлэҕэ үлэлии сылдьаллар. Биир табаарыспыт охотинспектор. Намы ааһан мыраан үрдүгэр тахсан айаннаан истэхпитинэ биир күччүгүй алаас ортотугар сэһэккэ турар. Алаас кытыытыгар хатыҥҥа ат бааллан турар, ол таһыгар кыра балаакка тардыллан турар. Охотинспекторбыт баран дурданы көрүөххэ диэн баран массыынатын салайа тутта. Тиийбиппит кырдьаҕас оҕонньор олорор, 80-чалаах быһыылаах. Иннигэр ууга 5 манчыык турар. Оҕонньор икки айахтаах доруоп саалаах, онто эмиэ бэйэтин курдук сырыыны сылдьыбыт саа. Күөх изолентаннан приклада хас да сиринэн хам эриллибит. Батарантааһыгар 10 тимир ботуруоннаах. Биһиги бастаан ону көрөн баран аһынныбыт, оҕонньорбутун кытта илии тутуһан дорооболостубут ону-маны ыйыталастыбыт. Ол турдахпытына инспекторбыт оҕонньортон саатын докуменын, куска көҥүл кумааҕытын көрдөөтө. Биһиги соһуйан ах баран хааллыбыт. Оҕонньор хармаанын хастар ыксаабыта бэрдиттэн наадалаах кумааҕыбыт көстүбэтэ. Биһиги киһибитигэр тохтоо туох буоллуҥ, кырдьаҕаһы баалаама, олордун, сынньаннын, төһөлөөҕү бултуоҕун. Киһибит отой тохтообот, боротуокуол суруйабын, сааҕын ылабын диэбитигэр оҕонньорбут чэ тукаам хайыаппыный. Оннук сокуону кэспит буоллахпына ыларгар тиийэҕин. Бачча сааспар дылы буруй диэни оҥорботоҕум диэтэ. Биһиги бэйэбит да кэлэйдибит тэйиччи ыҥыран тохтоо, оҕонньору хомотума. Баҕар бүтэһик бултааһына буолуо диэммит нэһиилэ тохтоттубут. Киһибит кыыһырар биһиэхэ көмүскэһэҕит диэн. Табаарыспыныын саатын оҕонньорго туттардыбыт, олор дурдаҕар, эбии ботуруон биэрдибит. Уоскутттубут итинник майгылаах киһи, хайыахпытый бырастыы гынаргар тиийэҕин диэн баран салгыы айаннаатыбыт. Киһибит кыыһыран кэпсэппэт тиийиэхтээх. сирбитигэр тиийэн чэйдээдибит, киһибит остуолга да чугаһаабата Дьэ оннук охотинспектордар бааллар этэ. Сороҕор бэйэбитин да боротокуоллаары хаайар этэ.