Сайыҥҥы халлаан куйааран бэрт бөҕө буолан турар кэмэ. Андыһыттар сирдэригэр уоттарыгар дулҕа манчыыктарын оҥорон хоруордан үлэ хамнас бөҕөҕө түстүлэр. Анды Уйбааскы бу сырыыга кыттыгаһа Халымаҕа дьэ андылыы баран соҕотох хаалан Уһун Уйбааскыны —Доо, Уйбааскы быйыл миэхэ бу көҥүл кэмигэр хоноһолуу бүгүҥҥэттэн кэл, сааҕын ботуруоҥҥун докумуоҥҥун уонна биллэн турар сир аһатаргын умнумаар –диэн ыҥырда. Уйбааскы андыга сытар үөрүүтүттэн сып курдук хомунан барытын үрүсээгэр хааланан миинискэйин собуоттаан олбуорун аанын тиэрэ анньан тахсан бирилэтэ турда. Айаннаан бааһынаҕа тиийэн баран, арай көрбүтэ, омуннаан эттэххэ, отучча үөрдээх андылар, дьэ доҕоор сараадыйан тэлээрэн аҕай иһэллэр эбит. Уйбааскы тохтоон миинискэйигэр ньыкыйыаҕынан ньыкыйан сыһынна онтон матасыыкылын умуллараат сытыаран баран тобуктаан күөрэтэрдии олордо. Ол кэтэһэ олордоҕуна андылара кэлэн хонууга түһэн кэбистилэр Уйбааскы : —Пахаай биллэрии андылар диэбитим куртуйахтар эбит дии –диэт сиргэ силлээт.туран кэллэ. Оччону көрөн олоруохтара дуо? Куртуйахтар көтөн тирилии турдулар.Уйбааскы хайыай матасыыкылын собуоттаан киһитигэр тиийдэ. —Хайа доҕоор бу хайдах үүккүн тохпут оҕо курдук буоллун –диэтэ. —Ээ андылар кэлэн бааһынаҕа түстүлэр диэбитим Куртуйахтар буолан хааллылар.ээ, доҕоор итини кимиэхэ да кэпсээмээр күлүү гыныахтара –диэхтээтэ. —Оччо үлүгэртэн тоҕо ыппатын?–киһитэ аһыы олорон быара суох күллэ. Дьэ итинник андылаан дьиэтигэр тиийэн олорон кини туһунан кэпсээн дэриэбинэ иһигэр туолбутун иһиттэ Уйбааскы андылара хонууга түһэр буолбуттар тыы тайма наадата суох өлөрбүккүн хомуйан ылаҕын диэн күлүү бөҕө. Онтон ыла анды диэки эргиллибэтэҕэ ыраатта. Саас аайы көлүкэтигэр баран дуоһуйан кэлэр. Ыстапаан Таастаах 29:05:2023 сыл Дьокуускай.