Сайын оттуу сылдьабыт. Сайылыкпытыттан оттуур сирбит син тэйиччи. Биирдэ оттоон бүтэн баран бырааттарбынаан курдарылыыбыт диэн тыанан бардыбыт (оспут суолунан). Мин инникилээн, бырааттарым бу кэннибиттэн ынах ыллыгынан эрийэ буруйа баран иhэбит. Ол истэхпинэ кэннибиттэн ким эрэ уhуктаах маhынан анньарын (балайда күүскэ) курдук буолла. "Айуу, хайдах буолаҕыт" - диэн кыыhыран эргиллэ биэртим, уолаттарым олох даҕаны тэйиччи баҕайы кэпсэтэ - кэпсэтэ иhэллэр эбит. Сүрэҕим тэбэн кэбистэ да уолаттарбын тиэтэтээт түһүнэн кэбистим. Куоталаhар диэтилэр быhылаах, сырыстылар. Ситэн кэлэн иннибэр түhэн бара турдулар. Хата этэҥҥэ тиийдим, куттаамаары тугу да кэпсээбэтэҕим (кыралар бэрт). Туох эбитэ буоллар, айылҕаҕа эҥин дьикти элбэх да буоллаҕа.