Сахабыт Өрөспүүбүлүкэтин үрдүнэн үгүс литературнай түмсүү баар. Хас күн ахсын ситимнэринэн хоһоон эгэлгэтэ кэлэр. Олортон сыымайдаан, кэрэ аҥардарбытыгар, күн-күбэй ийэлэрбитигэр, эйэҕэс эбэлэрбитигэр, талба-мааны кыргыттарбытыгар анаммыт хоһооннору муһан таһаарабыт. Хомуйан таһаарааччы - Ираида Коркина-Чугдаара     ДЬАХТАЛЛАР КҮННЭРИНЭН ЭҔЭРДЭ! Дьахтарга баар эбит ДойдубутДьиктитэ, кэрэтэ барыта,Инники саргылаах олохпутИэйэхсит иччилээх уйата. Дьахтарга баар эбит барыта:Оҕо саас чаҕылхай халлаана,Оонньуу-көр оргуйар кутаата,Ойор күн сыдьаайар сырала. Дьахтарга баар эбит барыта:Эдэр саас түһүүтэ, тахсыыта,Эндирдээх суолларын сырыыта,Эрчимнээх тапталын кутаата. Дьахтарга баар эбит барыта:Оттом саас олоххо сыһыана,Бу сиргэ кэлбиппит суолтата,Байҕалын будулҕан долгуна. Дьахтарга баар эбит барыта:Сааһырыы уоскулаҥ нуурала,Сиэн оҕо минньигэс таптала,Сирдээҕи төлкөбүт анала. Таптыахха Дьахтары күн аайыТаҥара бэлэҕэр махтанан,Үҥүөххэ Дьахтарга күн аайыҮрдүкү Күүстэргэ ханыылаан.     Оһуохай Уола     Истиий сэмэй тапталбын Ийэм миэхэ күндү киһим,Истиҥ дьүөгэм буолаҕын.Эрийиэҕим сонун кэпсии.Истиэм наҕыл куоласкын. Көрө-истэ бүөбэйдииргин,Кууһар сылаас илиигин,Итии чэйдээх сандалыгынИэйэ ахтан ылабын. Ийээ, оонньуу-көр аргыстаахОҕо сааспын санаттыҥ.Сырдык, кэрэ, хааһы сыттаах,Араас өҥнөөх халааккын. Ийээ, эн онно миигинниинЭйэҕэстик күлэриҥ.Сайыһарым: "Ийээ",- дии-дии,Суохтаан, ытаан ыларым. Улаатаммын, оттомнононТоҥуй соҕус буолларбын,Санаарҕаама оҕоҕуттан.Истиий сэмэй тапталбын. Истиҥ иэйиим сылааһынанОҕолорбун бүөбэйдиэм.Ийэм курдук кууһан ылыам.Эйэҕэстик мичээрдиэм. Ийэм миэхэ күндү киһим,Истиҥ дьүөгэм буолаҕын.Сүбэҥ-амаҥ, көмөҥ иһинМахтанабын олуһун! Мария Винокурова     МИН ЭБЭЭМ Мин ийэм ийэтэМин таптыыр эбэккэмМичийэр мичээрдээх,Минньигэс кэһиилээхСаһархай бэчиэнньэ,Саахардаах барыанньа.Амтаннаах аһынанАһатыа сиэннэринМин күндү киһибин,Мин ийэм ийэтинИстиҥник саныыбын,Мэлдьитин ахтабын. Мария Винокурова   ****Сырдык да эбит чүмэчим уотаДьирим кууһар сылаас кута...Санатта миэхэ ийэбин тутаДьоллоно тохтор дьэҥкир уута... Хараҥаҕа көстөр эрэл кыымаЫҥыра сирдиир кытара кыыһа,Хаайа түһэр күлүк суолунЫйдара тыгар сэрэтэ уолун. Ытыспынан хаххалыы атын сиргэСалгынтан харыстыы уурдум илдьэ,Ыксаан ылар умуллуом диирдии...Сэниэтин эһэр бэйэтин сиирдии... Сүрэҕим сорҕото ийэм барахсан...Үрэн кэбистим эрдэ арахсан...Сүтүк күүһэ өйбүттэн сүппэт...Үрүҥ чүмэчи бүтэрин күүппэт...   Барыыс Баһылайап     Кэрэҕин уруйдуу туойуоҕум Тэтэркэй сибэкки кэриэтэЧэмэлкэйэн эн дьикти сэбэрэҥСүрэхпэр үтүө кыым иҥэрдэ,Дууһабын таарыйан симээтэ. Хоһоонум хомоҕой тылларын,Ыпсаҕай иэйиикэм сүмэтин,Аныаҕым Эн сырдык бэйэҕэр,Долгуйбут санаабар уйдаран. Ырыабын ыпсаран ыллааммынКэрэҕин уруйдуу туойуоҕум,Сибэкки дьөрбөтүн ыламмынИстиҥник утары уунуоҕум. Сэргэй Сэмэнэп-Сэгэй    Тапталы туойуохпун баҕардым Уран уус туппутун кэриэтэЧочуонай таһааҕын көрөммүнИэйиибин илбийэн ыламмынТапталы туойуохпун баҕардым. Үрүҥ күн күлүмнүүр уотунууСырдатар эн сырдык мичээргинСурукпар нарылаан тиһэмминТапталы ыллыахпын баҕардым. Толбоннуу субуллар суһуоххарДьэрэкээн кустугу буламмынСүрэхтиин тэтэрэ кыыһаммынТапталы кэпсиэхпин баҕардым... Сэргэй Сэмэнэп-Сэгэй   КЫРГЫТТАРЫМ... Кыргыттарым, мааныларым,Сибэккилэрим, күннэримҮөрүү-көтүү үктэллэнэнТөрөөн-ууһаан тэнийэнОлох үөрүүтүн билэн,Кэрэтин ыймахтаан ыланОлороҕут бу сиргэ дуоһуйа,Сиргэ түспүт оҥоһуугутунан.Күлэн-үөрэн мичилийэнКиирэн кэлэҕит сандааран,Дьиэ иһин сырдатанЭйэҕэс мичээри бэлэхтээн.Кыргыттарым туллуктарымЫрыаҕа ылланар, тойукка туойулларКэрэ дьоннор дэтэҥҥитМин ымыыларым буолаҕыт.Көмө киһитэ ийэҕэСиэннэрим кыргыттарым,Улаатаннар үөрдэллэр,Сандаарыйа тыгаллар.Кыргыттарга күҥҥүтүнэнЭҕэрдэ ыытабын эһиэхэ,Дьоллоох буолуҥ, дьоһуннук олоруҥ,Тулаҕыт кэрэни түстээтин,Күҥҥүт чаҕылыйа тыктынСанааларгыт туоллуннарИйэ алгыһын ыытабын. МИЧИЛИИНЭ.   ИЙЭМ СЫЛААҺЫН СУОХТУУБУН. Ийэбин мин олус суохтуубунҮөрбүттүү мичээрбит хараҕын,Оҕотун бүөбэйдээн утутарИс кутун барытын иҥэрэн. Намыыннык ыллыыра иһиллэрХарахпар бу көстөр иэйиитэ,Биһиккэ олордон нарынныкИлиитин сылааһын биэрэрэ. Аттыбар бу турар курдуккунУлааппыт оҕоҕун кууһаҥҥын,Сүүһүттэн эн сыллаан ылаҕынОлоҕун суолугар сирдиигин. Ийэкээм махталбын эйиэхэСааһыран бараммын этэбин,Эн оҕоҥ дьоллоохтук олорорСиэннэриҥ элбэхтэр билигин. Олоххун ситэрэр оҕолорЭйигин саныыллар, ахталлар,Мин курдук бу эмиэ кинилэрМахталы эйиэхэ аныыллар. МИЧИЛИИНЭ.     ****Хас биирдии оҕоҕо ийэтэ -Хайаан да эргийэр иитэ,Хараастар түгэҥҥэ эмтиэкэтэ,Харыстыыр, арчылыыр эйгэтэ. Саныыбын, ийэкээм, саныыбын,Саарбахтаан ылыма, аныыбын,Саатар хоһоонум "оҕотун" тылыгарСаныырбын сааһылыам ардыгар. Ийэбит төрөөбүт күнэ Балаҕан ыйын маҥнайгытаБу күн үөрэр Айыыһыта,Сылаас истиҥ эйгэҕэСылаанньытар эҕэрдэ. Кэрэ сибэкки дьөрбөлөрөКиэргэтэллэрэ дьиэбитин,Учуутал идэлээх ийэбитинУруйунан көрсөллөрө. Толору астаах сандалыОл тула олорон астыныы,Тото -хана аралдьыйыы,Олох дьолун амтаһыйыы. Ийэбит үөрбүт сирэйэ,Күн сыдьаайар мичээрэИс сүрэхтэн эйээрэКөстөн кэлэр сэгэйэ. Умнуом суоҕа, хаһан даУрукку кэрэ кэмнэри,Үйэтитиэм, хайаан даҮчүгэй кэрэ түгэннэри. Саргын кыыһа Күннэй     Дабайыы Өйдүүгүөн, эн эппитиҥ:"Дабайыахха дуу, оол көстөрХаардаах дабаан чыпчаалын".Уонна, сөҕүөм иһин, бастакынанСинньигэс ыллык устунанОччугуй хардыыгын оҥорбутуҥ. Онтон, тохтуу эргиллэн:"Чэ, турума дуу, сэгэриэм,Батыс миигин", - диэбитиҥ.Нарын илиигин нэлэтэнЫраахха угуйа ыҥырбыккар,Мин көнтөрүктүк, саарбахтыкДабаан тэллэ5эр үктэммитим.Онтон, ол чыпчаал оройунДабайбыт үөрүүлээх түгэммитигэр:"Баһыыба, доҕоччуок, барытыгарЭйигиннээх буоламмын", - сипсийбитиҥ.Үрдүбүтүгэр тыал мэниктиирэ,Хаар үллүгэ долгун оонньуура.Мин кыбыста, эйиэхэ махтанаАттыгар сэниэтэ суох турбутум. Василий Тимофеев   "ЭДЬИИЙДЭРБЭР ЭҺИЭХЭ"   Эдьиийдэрим миэннэрэ Эйэҕэстэр сэмэйдэр, Эрдэhиттэр эрчимнээхтэр Эркин курдук эрэллээхтэр.   Арыт сорох эдьиийдэрим  Арчылыыры билэллэр, Арыт сорох эдьиийдэрим Сэмэлиирдии көрөллөр.   Кэрдиис кэлэр кэмнэрим, Кэлэр кэмин кэрэһиттээн, Үгүс үтүө үөрүүлэрим, Үүнэр күнүн үллэстэн.   Саха далбар хотуттара, Саха сайдам ыалаттара, Эдьиий киэнэ бастыҥнара, Эбээн омук эрэллэрэ.   Эйэлэhэр, эйээргэhэр, Сэһэргэhэр, сэhэннэhэр, Эдьиийдэрим барахсаттар Сэмэй истиҥ да дьоннор!!!   Хайа Тыала     ****Миэхэ эйиигинниин чэпчэки.Бэйэбинэн сылдьар кэриэтэбин.Санаабын толору да эттэрбинСэмэлэммэппин билэбин.   Миэхэ эйиигинниин чэпчэки.Куттаҕаһа суох буолабын.Бэл, кутуйах курдары ыстаннын,Саараама, саҥа аллайбаппын.   Миэхэ эйиигинниин чэпчэки.Тоҥуйа суох буолабын.Кыһын түүҥҥэ да быстардар,Суолбутун хайаан да ирдиибин.   Миэхэ эйиигинниин чэпчэки.Дьоҥҥо тутум үрдүүбүн.Ыраас саҕабын көннөстөСоргулааҕы кэпсэтэбин.   Миэхэ эйиигинниин чэпчэки.Ыраатыһа да сырыттарбыт,Эҥин элбэх толкуйдартан,Эрэнэрим инникилиир. Оттон эйиэхэ миигинниин? Василий Тимофеев     КЫЫС Кыыс сибэкки курдук,Кыыһы харыстыыр ордук,Кини күннээх халлаан,Биһиэхэ сырдык - Аан! Харахтара мичээр куруук,Хараҥаҕа сырдык сулус,Саҥарара кэрэ сурук,Сардаҥаҕа тэҥнээх олус! Кыыс өрүү кэтэһэр,Кыракый да үтүөҕэр,Ыраас тылтан бэйэҕэр,Ымыы буолан көтүтэр! Ханнык баҕар сарсыарда,Хаалларыма кытылга,Холоон үтүөҕэ ыҥыр,Хомотума айан суолгар. Дмитрий Борисов  Кыыс - олохпут суолтата Кыыс кыламаныгар тэҥнэһэн,Күн сардаҥатын киэргэтэр,Кыыс симэхтэрин сэгэтэн,Сир киэргэллэрэ кэрэҕит... Кыргыттар олохпут сулустара.Тохтоло суох чаҕыл суһумнар.Халлааҥҥа баар кэрэ көстүүлэр,Эһиэхэ эрэ тэҥнээх күндүлэр. Сибэкки дьөрбөтүн ууннарбын,Баҕарыам айылҕа чээл күөҕүн.Мичээргин сүрэхпэр туттарбын,Доҕоттоор! Арчылаах буолуоҕум... Аанньалга тэҥнэһэр күүскүнэн,Тулаҕын үөрүүннэн иэйэҕин.Күлүмнэс хараххыт кыымыгар,Аан дойду барыта тутуллар! Дмитрий Борисов   Ийэ дьоло диэн тугуй? Ийэ дьоло диэн тугуй?Ийэ буолбут, ийэ дэппитУмнуллубат күннэрэ,Оҕо хаампыт, саҥарбытКэрэ кэрдиис кэмнэрэ.Ийэ дьоло диэн тугуй?Тымтык тутар, уоту отторТөрдү салҕыыр уолчаана,Кийиит буолан сүктэн барыахКыра мааны кыысчаана.Ийэ дьоло диэн тугуй?Оҕо күлбүт, мичик үөрбүтЧоҕулуйбут хараҕа,Ситэн-хотон улаатанҮтүө киһи дэтэрэ.Ийэ дьоло диэн тугуй?Олох, таптал туоһутаОҕо кини сорҕото,Олорорун тухарыКини дьоло-оҕото! Тулуйхаана   ****Дьахтарга хас хоһоон ананна?Ааҕаҥҥын сиппэккин буоллаҕа,Сулустар кэриэтэ элбэхтэр,Араастаан дьиримнээн оонньууллар. Быһыытын - майгытын кэрэхсээн,Үйэни үйэнэн уҥуордаан,Күн ыраас сырдыгар ыралаан,Ыллыаҕа ырыаһыт алгыстаан. Дьахтартан сылтанан хас сэрии?Төһөлөөх эр бэрдэ оҕунна?Айылҕа биир күүстээх кэрэтэАдьырҕа кыыл тэҥэ кыахтаҕа. Боотурдар таҥара оҥостон,Сэриигэ киирээри тураннар,Мээнэҕэ үҥпэттэр буоллаҕа,Илбис Кыыс аатыгар тоҥхойон. Эр киһи олоҕун - дьаһаҕын,Дьылҕатын дьахтара быһаарар.Үчүгэй дьахтарга түбэспитАан Дойду дьылҕатын быһаарар. Ааптара биллибэт   Ийэбэр Ийэм чиэһигэрСүгүрүйүөм минСүһүөхтээх бэйэмИстиҥ бэйэҕэр! Ийэм мичээргэрСэгэтэн көрүөмСирдээҕи дьолбунИстиҥ алгыскар! Ийэм үөрүүгэрСыыйа дьүһүйүөмСүһүөх кэпсээммэрИстиҥ сэһэҥҥин! Ийэм аатыгарСитэн дьаарыстыамСайаҕас тылбынИстиҥ ырабын! Ийэм тускунанСурукпар тиһиэмСүрэхтэн тахсарИстиҥ кэрэҕин! Ийэм чуумпуранСонуммун аах,Субу чочуйбутИстиҥ хоһооммун! Лугинов Борис Степанович,Борис БорогонскийУус-Алдан  Сибэкки дьөрбөлөөх бэлиэ күн Чаҕыл күн күлүмэр сөтүөлээн,Ып ыраас салгынын ыймахтаанКэллэ дии, ааннары астаранСибэкки дьөрбөлөөх бэлиэ күн. Сылаас тыал тэтимэр куустаран,Оргууйдук сынньана дьаарбайан,Эдэр кыыс имнэрэ тэтэрэ,Кэтэстэ Кинини эрэнэ. Баҕарда бу тиийэн кэлиэҕин,Сибэкки дьөрбөтө уунуоҕун,Симиктик сипсийэ долгуйан,Тапталын таайтара этиэҕин... Биллиннэр кыракый кыысчааннарБэлэҕи, минньигэс астары,Сыламнаах, үөрүүлээх сылааскаСааскылыын сырсыһа сүүрдүннэр. Алаһа арчылаах ДалбараБу күнтэн күүс-күдэх ииттэрэнБуомнары саталлык туоратыа,Оҕоттон, Аргыстан дьоллонуо. Эбээбит сандалы бэлэмнииАаспыты анааран аттара,Ис турук иэйиитин алгыстаанЭйэлээх олоҕу түстэһиэ. Бу маннык үөрүүнэн толоруӨлбөөрбөт өрөгөй түгэнтэнОлохпут отуора тубустун,Үтүөкэн илгэнэн үллүннүн. Екия, ,,Уйулҕа хочото" л/түмсүүДьокуускай                                                                                                                                         Ийэҕэ анабыл Ийэ кэрэ мичээрэ,Ийэ сылаас сыһыана,Ийэ истиҥ иэйиитэ,Ийэ сылаас таптала. Күлүмүрдүүр таастааҕар,Күндү эбээт киһиэхэ.Күн сырдык уотунууКүүстээх эбээт сыдьаайа. Харыстыаҕын ийэни,Саамай күндү киһини.Күүскэ таптыах кинини,Сирдээҕи аанньалы. Ийэ сир диэн ааттыыбыт,Иитэр аһатар сирбитин.Ийэҕэ сыһыара тэҥниибит,Иилиир саҥарар тылбытын. Ийэҕэ ананнын алгыс, Илгийэр амарах тыллара.Ийэҕэ бэлэх буоллунИтии таптал иэйиитэ. Андрей Константинов.   Кыыс оҕом Сибэккилээх хонууга оонньоон,Сибэкки кэриэтэ ситэҥҥин.Сириэдийэ, тупса сырдаан,Сир симэҕэ буолаҥҥын. Кэрэ дьикти сэбэрэлээх,Кэрэ Куо ааттанан,Кэлэр кэскилбин кэҥэтээр,Кэрэчээн маанылаах кыыс оҕом. Остуоруйа дойдуттан ананан,Олорор олохпун киэргэтэн,Одун Хаантан оҥоһуллан,Орто дойдуга түспүккүн. Күндү мааны кэрэ Куо,Күҥҥэ көрбүт соҕотох аанньалым,Куруук күлэ-үөрэ мичээрдээ,Куппун кууһан, толорон. Аанньал тэҥэ холооммун,Анаан айхаллаан ааттаан,Айыыһыттарыҥ араҥаччылаатыннар,Аартыккар сирдээтиннэр. Сайылык Бүөтүрэ   Ийэ күнүгэр Эйэҕэстэн эйэҕэс,Аламаҕай, уйаҕас,Биһиэхэҕэ ийэбит,Олус күндү киһибит. Маннык кэрэ күҥҥүнэнБаҕарабыт эйиэхэ,Дьоһун дьоллоох олоҕу,Истиҥ мичээр аргыһын. Көмүс күннүү чаҕылыйХаһан да хомойума,Сырдык халлаан тулаҕар,Туохтан да мунчаарыма. Минньигэстик таптыыбыт,Сылаастык да кууһабыт,Долгуйаммыт сыллыыбыт,Эҕэрдэлээн үөрэбит. Розалия ПавловаӨлөөн01.09.2020с.   Ийэҕэ ананнын Ийэҕэ ананнын бу күндү кэрэ күн.Элбэхтик ылланар, кэпсэнэр да буоллар,Хас биирдии бэйэбит туһунан санааныИтиикэн сүрэхтэн иэйэммит тиэрдэбит. Ийэттэн төрөөммүт күн сирин көрөммүт,Чыычаахтар кэриэтэ чуопчаара туойарбыт,Тахсар күн сарыала угуттуу кууһараТуһугар аналлаах улуу дьол буоллаҕа. Эмиийин үүтүнэн эмсэхтээн аһаппыт,Иринньэх оҕотун сүрдээҕин аһыммыт,Көмүскэс санаата күннэтэ күүһүрэн,Оо, ийэ барахсан сүрэҕэ тэптэҕиэн! Кимнээҕэр даҕаны күндүттэн күндүбүт,Ийээ, эн баар буолан дьон буолан сылдьабыт.Иитиллэр иэспитин иитиэхтиир буолабыт,Махталы, тапталы уоскута уунабыт.... Марта-Мария7.03.2016. Нам.   ****Ийэккэм, олоҕу бэлэхтээҥҥин,Үрүҥ күҥҥэ мичийэ үөрэбин,Истиҥ иэйиигин иҥэрэҥҥинАһыныгас сүрэхтээх эбиппин. Оҕо сааһым дьоллоох сырыылараЭн мичээргинэн туолбуттара,Ол кэмим чаҕылхай сыллараСүрэххиттэн оҥоһуллубуттара. Умнубаппын эн сылаас илиигин,Үтүө сыһыаҥҥын, кууспут итиигин,Оҕо буолан ылларбын билигинАчаалаан да ылыам этэ мин. Ийэккээм, хомоппут түгэннэрбин,Ис санааҕар туппакка алы гын,Хоргутан санаарҕаабыт күннэргин,Киэр кыйдаа өйгүттэн, умнаҥҥын. Эн миэхэ туохтан да күндүгүн,Эйэҕэс майгыҥ кэскилгэ сирдиир,Миигин киһи гыммыт түбүгүҥОлохпор быйаҥы билгэлиир. Ийэккэм, эн эппит кэс тылыҥҮрдүккэ, сырдыкка кынаттыыр,Ыллаабыт ырыаҥ дууһам кылынБилигин да бобута туппахтыыр. Ийэккэм, күндү киһим, аанньалым,Эппит тылыҥ кэрэни кэрэһэлиир,Ийэккэм, көмүс киһим, сарыалым,Мичээриҥ үрдүк дьолу бэлэхтиир... Ираида-Коркина-Чугдаара   ИЙЭ КҮНҮГЭР КЫРАЧААННАРГА КЫЛГАС ХОҺООННОР Күн күбэй ийэбинМин олус таптыыбын,Ийэбэр анааммынХоһооммун этэбин. Мин сэмэй бэлэхпинУтары уунабын,Ийэбин үөрдэмминМин бэйэм үөрэбин. Ийэбэр анааммынЫрыабын ыллыыбын,Хоһооммун этэбинҮҥкүүлээн дайабын. Мин улаатан бараммынИйэм курдук буолуоҕум,Ийэм курдук мичээрдээх,Үтүө-мааны майгылаах.  ИЙЭ БУОЛА ООННЬУУБУН Куукулабын ыламмын,Ийэ буола оонньуубун,Ийэм курдук ыллыыбын,Имэрийэ сыллыыбын. Пластелин мэһийэммин,Бэрэски буһарабын,Куукулабын күндүлээнҮөрэ-көтө аһатабын. Мин улаатан бараммынИйэм курдук буолуоҕум,Ийэм курдук мичээрдээх,Үтүө-мааны майгылаах.  КУЛУН ТУТАР 8 КҮНЭ Араас өҥнөөх кумааҕыны,Кыптыыйынан кырыйабын,Кэрэчээнэ сибэккиниОһуор тиһэ киэргэтэбин. Ыллыы-ыллыы, үлэлиибин,Араас өҥү дьүөрэлиибин,Күндү көмүс ийэбэрБэлэхпин бэлэмниибин. Нарын-намчы лоскуйдартан,Кэрэ бэлэх тиһиллиннэ,Ийэм сылаас мичээриттэн,Тулам сырдыы сандаарда. Бүгүн ийэм күнэ үүннэ,Кулун тутар ахсыс күнэ,Күндү көмүс ийэбинОлус күүскэ таптыыбын. ҮРҮҤ АҺЫ АҺЫАХХА Ийэбинээн титииккэКии уматан түптэлиибит,Ньиирэйдэри эмтэрэбит,Ынах ыаммыт үүттэнэбит. Үрүҥ үүтү сиидэлээнОмуһахха ууруохпут,Оччоҕуна сарсыардаЧөчөгөйүн баһыахпыт. Ытыгынан ытыйанКүөрчэх сиэммин астыныам,Үрүҥ аһы аһааммынЧөл туруктаах улаатыам.   Ийэбинээн ыһыахха Мин бүгүн ыһыахха бараарыХаладаай ырбаахы кэтиэҕим,Суһуохпун сааһылыы өрүнэн,Бастыҥа кэтэммин үөрүөҕүм. Сахалыы симэхпин симэниэм,Ийэбин кытары сиэттиһиэм,Ырыалаах-тойуктаах ыһыахха,Үөрүүгэ-көтүүгэ кыттыһыам. Хомуска, тойукка холонуом,Алгыска кыттыһан чуумпуруом.Оһуокай үктэлин батыһыам,Өбүгэм үгэһин ытыктыам. Мусьяна СОСИНА
kyym.ru сайтан