Аан дойду үрдүнэн билиннэ, Сибэкки кэрэтин симэннэ, «Алеша» тааҥкабыт аатырда, Албаннаах ааттанан дьэ турда! Бу манна дьон — сэргэ суол аһан, Бүттүүммүт сүрэҕэ умайан, Дьоруойдуу сырыытын сөҕөбүт, Долгуйа — манньыйа көрөбүт. Хотойдуу хотуулаах суолланан, Хоргуһу хоторго сыалланан, Экипаж өстөөххө кимпитэ, Эр хаанын ылынан киирбитэ! Кинилэр сомоҕо буоланнар, Өстөөҕү сууһарбыт хорсуттар, Кириэмил килбэйэр саалыгар Өрөгөй Сулуһун туппуттар! Доҕордуу эйэлээх буоланнар, Өстөөҕү сууһарбыт эбиттэр, Дохсуннук сананар буоланнар, Өлүүгэ :» Эн, бүттүҥ!»- диэбиттэр! «Алеша» тааҥкабыт туруоҕа, Хорсун суол туоһута буолуоҕа, «Алеша» ырыаҕа ылланыа, Хотойдуу хоһууна ааттаныа!                                                                                                      Елена Прокопьева, «Таммахтар» айар холбоһук,                                                                                                                                                                    Мэҥэ Хаҥалас
edersaas.ru сайтан