Алаастан аттаммыт алааска, Куоракка төрөөбүт куоракка Уолаттар эргиллэн кэллиннэр! Ийэни, кэргэни куустуннар! Бастакы хомуурга барбыттар Бастакы хотойдор буолаллар! Чааһынан санаата күүһүрбүт! Дойдуну көмүскүү туруммут! Күннэри-түүннэри тэҥинэн Эргиппит элбээтэ олоххо: Утуйбат, ороҥҥо эргийэр Эбээлэр, эһээлэр, дьиэ кэргэн. Эйэлээх олоххо түүн кылгас — Билигин бүппэтэ уһунуон! Кыракый сааһыгар уол мэник — Улаатан суон дурда дойдуга! Уол оҕо, эр киһи сыанатын Кыл түгэн өйдөттө олохпут! Уол оҕо, эр киһи ХОТОЙБУТ Кыайыылаах-хотуулаах төнүннүн! Полина-Победа,  Дьокуускай
edersaas.ru сайтан