2025 с. С.А.Новгородов аатынан “АЙАР” кинигэ кыһата суруйааччы Г.И. Адамов–Сайдам арамаанын бэчээттээн таһаарбыта. Айымньы ааспыт үйэ 50—60 сс. дьиҥ олоххо баар буола сылдьыбыт ураты дьылҕалаах тапталга тирэҕирэн суруллубут уус-уран айымньы. Ааҕааччылар бу айымньыны сэҥээрдилэр, сөбүлээтилэр диэххэ наада. Арамааҥҥа эдэркээн уол, оччотооҕу кэмҥэ, эмтэниллибэт ыарыыга ылларан бу муҥурданара чугаһаабыт дьылҕа батталыгар ылларар. Сөбүлүүр, эн-мин дэһэн доҕордоһор кыыһа аккаастанар, олоҕор соҕотох эргичийэн хаалыы ыарыылаах батталын оһорсуһа сатыыр дьоно – эбэтэ уонна эдьиийэ – эрэ буолаллар. Киниттэн аккаастаммакка, аттыгар тирэх киһинэн кыра эрдэхтэриттэн бииргэ улааппыт доҕоро суоппар Роман буолбута. Роман дьоруойун кыра эрдэҕиттэн ыччат дьоҥҥо үтүө сыһыаннах, сүбэни-аманы, араас тэрээһини өрө тута сылдьар Андрейы, киниттэн балыс Паша кыыс ыраахтан сөбүлүү улааппыта... Арамааҥҥа бу икки эдэр дьон уратылаах тапталларын, кинилэр олохторун салҕыыр дьон баар буолалларын туһунан кэпсэнэр – дьылҕа маннык оҥоһуута, арааһа, саха норуотун дьылҕатыгар биир дьикти көстүү буолуо... Билиҥҥи уустук кэмҥэ, дьиҥнээх олоххо Паша икки уолаттарын, тоҕус сиэннэрин кытта бэрт үчүгэйдик олороллор, айаллар-туталлар... Арамаан 2500 экз. бэчээттэммитэ, балачча атыыга барда, билигин 800-кэ эрэ кинигэ хаалла. Күндү ааҕааччылар, бу арамааны интэриэһиргээҥ, атыылаһыҥ, ааҕыҥ – ааспыт үйэҕэ, саха ыччатын ыраас тапталын, кылгас дьоллоох олоҕун оҥоһуутун билсиҥ – сөҕө сөбүлүөххүт! Бэй.кэр. Хаартыска: “Айар"
kyym.ru сайтан