• Оҕолоор, бүгүҥҥү уруокпутуҥар “Аан дойду аҕалар” күннэрэ чугаһаабытынан сибээстээн , аҕаларгытыгар анаан аккырыыкканы оҥоруохпут. Бары сөбүлэһэҕит дуо?- диэтэ технология учуутала Саргылаана Иннокентьевна.
• Аһаа!- диэтилэр 10 кылаас оҕолоро бары бииргэ. Арай бүтэһик паартаҕа олорор Павлик саҥарбата. Тоҕо диэтэр , Павлик балтын уонна соҕотох ийэтин кытта эрэ олорор. Кини аҕата кимин билбэт. Ол иһин оҕолор Павлигы:" Кыылтан төрөөбүт !" диэн атаҕастыыллар.
  Уруок ортото буолла. Оҕолор бары бүтэн эрэллэр. Павлик аккырыыккатын саҕалыы да илик.
• Уруок бүтэрэ 10 мүнүүтэ хаалла , ыксааҥ! - диэтэ учуутал. Онуоха Павлик аккырыыкка таһыгар аҕа уонна оҕо туралларын ойуулаан истэ.
• Павлик, тугу ойуулуугун ? Аҕаҥ суох буолбат до? - диэтэ утары паартаҕа олорор Игорь уонна күллэ.
• Аргыый…- диэтилэр уолаттар Игорьга.
• Баҕар убайдааҕа буолуо дии?
• Соҕотох ийэлээх уонна балтылаах эрэ. Буолбат до " Кыылтан төрөөбүт" ?
• Аргыый !- диэтэ Павлик уонна Игори пиджагын сиэхиттэн тарта.
• Хайытыаҥ эрэ сэрэн! Сатаан мамашкаҕын кытта төлүөххүт суоҕа! - диэн хардарда Игорь уонна : " Оскуола кэнниттэн охсуһуохпут!"
  Звонок тыаһаата. Саргылаана Иннокентьевна:
• Сарсыҥҥыҥа диэри, оҕолоор! - диэн баран кылааска хаалан хаалла.
  Павлик раздевалкаҕа курткатын көрдүү турдаҕына , Игорь табаарыстарын кытта Павлигы соруйан үтэн аастылар. Игорь чугаһаан баран ыйытта:
• Тэрээпкэҕин көрдүүгүн дуо?
• Ол тугуй? - диэтэ Павлик
• Ээ, онтон курткаҕын диэрибин сыыстым. Ону көрдүүр буоллаххына таһырдьа көрдөө! - диэн баран ,Игорь баран хаалла.
  Павлик таһырдьа тахсыбыта уулаах буочка иһигэр кини курткатын сиэҕэ көстөр эбит. Буочкаттан хостообута ,бүттүү илийбит уонна сиһэ уокка сиэммит эбит. Ол кэмҥэ номнуо Игорьдаах таҕыстылар. Павлик Игорьга кэлэн баран :- Ити эн курткабын уокка сиэттиҥ дуо?
• Мин
• Хайаан сиэттиҥ ,ити куртканы ылаары ийэм икки үлэҕэ үлэлиир. Билигин киниэхэ туох диибин?
• Ити тэрээпкэни куртка диигин до? Куртка диэн бу баар - диэн баран Игорь Gucci курткатын көрдөрдө.
• Чэ хаал " Павлуша" !
  Онуоха Павлик тулуйбакка Игорь үрдүгэр ыстанна.
• Барытыгар эн буруйдааххын ! - дии-дии Павлик Игори кытта буорга төкүнүйэллэр.
• Уоскуй ! - диэн баран Игорь доҕотторо Марат уонна Дима Павлигы тутан ыллылар. Ол кэмҥэ хаанынан силлии-силлии Игорь буортан турда. Кууркатын устаат, пиджагын ис сиэбиттэн кассеты хостоото уонна аҥаар илиитигэр кэттэ.
• Хана , тебе малой! - диэт Игорь кассетынан Павлик дьүһүнүн тоҕо саайда.
• Мара, тут эрэ. Мин Павликка ачыкы туруоруом- диэтэ Дима уонна Павлик уҥа хараҕын туох баарынан оҕуста.
• Сутуруккар чаһыыгын иилэн баран саай ! - диэн Димаҕа Игорь сүбэни биэрдэ.
  Чаһыытын сутуругар иилинэн баран, Дима Павлик аны иккис хараҕын саайда. Игорь Дима саайтын кэннэ уолаттарын ыҥырда, уонна массыынатыгар олорон бараннар айанныы турдулар. Павлик сиргэ сытан хаалла. Нэһиилэ сэниэ булунан сиртэн турда уонна дьиэтин диэки хаама турда. Сууллаары гыммыт кыра дьиэтигэр чугаһаан истэ. Дьиэтигэр кииртэ ийэтэ балтын кытта оһох таһыгар таҥас абырахтыы олороллор эбит. Павлигы көрөн баран :
• Уой! Павлик бу хайаатыҥ , куртканы дой ханнаный. Бар, сирэйгин суун эрэ.
  Сотору буолаат Павлик хараҕар икки өттүгэр финшаллаах таҕыста. Ийэтэ куппут миинин иһэ олордоҕуна ийэтэ:
• Павлуша, бу ким эйиигин кырбаата?
• Ээ, суох . Бэйэм оҕуттум. Хата бу миин тоҕо этэ суоҕуй?
• Бэҕэһээ эппитим дии. Бүтэһик эти сиибит диэн . Ити эйиигин Степан Шпайцман уола кырбаата дуо?
• Кини. Дималаах Мараты кытта.
• Дима диэн Новиков дуо ?
• Кини-кини
• Ээ сөп. Чэ дьонноругар этиэм.
• Суох , ийээ этимэ. Аны “маменькин сынок” диэхтэрэ. Саҥарбатыҥ үчүгэй буолуо этэ.
• Куттаныма , доҕоор этиэм суоҕа. Аҕаҥ баара буоллар , итинник буолуо суох этэ.
• Ол ким этэй аҕам?
• Ээ, суох. Аһаа доҕоор - диэн баран ийэтэ Натааһа хараҕын уутун сотунна.
  Ол кэмҥэ Игорь доҕотторун кытта
  быраһаайдаһан баран дьиэтигэр кэллэ. Улахан икки этээстээх коттедж бу коттеджнай бөһүөлэккэ саамай улахан буолар. Игорь дьиэтигэр киирдэ. Ийэтэ Люся плазмаҕа сериал көрө олорор , онтон аҕата көстүбэт. Ийэтэ уолун туус маҥан ырбаахытыгар хаан таммахтарын көрөн баран:
• Игорёк,сынок. Ити ырбаахыгар эн хааныҥ дуо?
• Ээ суох,мама. Атын киһи киэнэ.
• Эмиэ баары Павлигы кырбаатыҥ дуо?- диэн ийэтэ ыйыппытыгар , Игорь албыннаан:
• Суох, киниэнэ буолбатах. Чэ онтон кэпсиэм. Хата аска тугуй уонна папа ханна баарый?
• Аска Катя борщ буһарбытын сиэбиппит , онтон десертка бэҕэһээҥҥи пирогу кытта пирожнайы. Аҕаҥ буолла дьиэ кэтэҕэр сыал ыталлар. Дядя Олегы кытта дядя Сергей кэлбиттэрэ.
• Аа, сөп.
  Игорь дьиэ кэннигэр барда. Тиийбитэ аҕата табаарыстарын кытта коньяк бутыылкаларын ытар эбит.
• Папа!
  -Оо, Игорь кэллиҥ дуо?
  -Билигин аҕай кэллим.
• Ээ, бу биһиги дядя Сергейы уонна дядя Олегы кытта сыал ытабыт.
• Папа , картабар 200 тыһыынчаны быраҕаар
• Эмиэ бүтэрдиҥ дуо? Ааспыт нэдиэлэҕэ 100 өссө бырахпытым дии?
• Онтон массыынам бензиныгар, өссө взятка биэрэргэ бүттэҕэ дии. Чэ , быраҕаар ду?- диэн баран Игорь дьиэтин диэки хаамта.

Игорь аҕата - Степан Антонович Шпайцман, “Сайдыы” коттеджнай бөһүөлэк аҕа баһылыга , оройуон депутаттарын түмсүүлэрин председателэ, нефтяной магнат. Степан Антонович “лихие - 90е” саҕана байбыта. Кини доҕотторун кытта Дьокуускай куоратка баар бааннары уонна ювелирнай маҕаһыыннары уоран, үлэһит норуоту албыннаан биллиилээх олигархтар буолбуттара. Билигин доҕотторуттан ким да хаалбатаҕа. Барыларын Степан Антонович милииссийэ үлэһиттэригэр туттаран биэртэ. Степан Антонович 2005 сыллаахха кэргэнин Люсяны кытта билсибитэ онтон икки сыл буолаат холбоспуттара. Өссө биир сылынан уоллара Игорь төрөөбүтэ. Игорь 6 саастааҕар иккис оҕолоноллорун билбиттэрэ. Онтон Игорьга эппиттэригэр " Бырааты эбэтэр балтыны баҕарбаппын " диэбитигэр оҕолорун түһэртэрбитэрэ. Ол иһин Игорь соҕотох оҕолоро буоларыттан атаахтатан, маанылаан ииппиттэрэ.
Онтон Павлик соҕотох ийэлээх уонна балтылаах эрэ. Аҕата кимин ийэтэ билиҥҥээҥҥигэ диэри эппэт. Павлик эһэлээх эбэтэ тыыннаах эрдэхтэринэ син сэниэ ыал этилэр. Эһэтэ - Георгий Дмитриевич 100 тахса сүөһүлээх этэ. Онтон 90-нустар саҕана сүөһүлэрэ эстэн ,дьадайан истэҕинэ нөҥүө дьиэҕэ олорор 3 эдэр уолаттары кытта бааны уорбуттара. Ол уолаттары кытта Степан Антонович баар этэ. Түмүгэр олигарх буолтарын кэннэ 2010 сыллаахха Степан Антонович милииссийэҕэ Георгий Дмитриевичы туттаран биэртэ. Хаайыы олоҕун тулуйубуна инфарктан өлбүтэ. Кэргэнэ Татьяна Васильевна кэргэнэ өлтүн кэннэ инсультаабыта уонна сонно өлтө. Ийэлээх аҕата өлбүттэрин кэннэ,Павлик ийэтэ Аанчык квартираларын атыылаан баран “Сайдыыга” көспүттэрэ. Павлик 8 саастааҕар дьоҕус коттеджтара уокка былдьанан бу сууллаары гыммыт дьиэҕэ көспүттэрэ. Бу дьиэҕэ олорторо син балайда ыраатта.
Сарсыарда Павлик уһуктубута ,бэҕэһээ Дима саайбытын кэннэ хараҕа көҕөрөн хаалбыт. Хата ийэтэ уһукта илик эбит. Павлик өссө билбэт , ийэтэ сотору букатыннаахтык утуйуо диэн. Ийэтин хоһугар киирээт , ийэтин сүүһүттэн ураан ылла уонна баран хаалла. Оскуолаҕа тиийбитэ Игорьдаах Дима номнуо кэлтэр эбит.

• Оо, Павлик, хараҕыҥ ыалдьар дуо?- диэн Дима күлэ-күлэ ыйытта. Павлик саҥарбакка паартатыгар баран истэ. Эмискэ Игорь атаҕын Павлик анныгар уурбутугар Павлик муостаҕа сууллан түстэ.
• Хайа , Павлик, рюкзаккын кыайбаккын дуо?- диэтэ Игорь. Павлик саҥарбакка туран баран, паартатыгар олорунан кэбистэ. Иһиттэҕинэ Игорьдаах Дима тугу эрэ кэпсэтэллэр.
• Димон, истибитиҥ дуо, классухабыт Марья Ивановна инсультаан Дьокуускайга барбыт үһү ? Ол оннугар эп-эдэр практикантканы анаабыттар үһү , классухабыт оннугар.
• Ол Гаргалыга инсультаабыт до ?
• Кини-кини. Хата, давай спорим саҥа классухаҕа мин бастакы подкаттыам.
• Давай, 50 касарьга.
• Сөбүлэһэбин.
  Эмискэ звонок тыаһаата. Коридортан үөрэнээччилэр киирдилэр. Бары саҥа класснай руководители күүтэллэр. Арай , аан аһыллаатын кытта , биир эп-эмис ачыкылаах чүөчэ киирэн кэллэ.
• Дорооболоруҥ, оҕолоор! Мин аатым Альбина Алексеевна. Эһиэхэ бу күнтэн ыла класснай руководитель буолабын. Билигин билсиһиэхпит.
• Так , бастакыннан журналга Алексеев Павел. Алексеев баар дуо?
  Онуоха Павлик:
• Мин!
• Сөп , олор Павлик
• Стручков Марат баар дуо?
• Марат ыалдьыбыта
• Оччоҕо Новиков Дмитрий баар дуо?
• Баарбын.
• Сергеев Федот, Семенов Василий, Петрова Марианна, Тихонов Николай, Явловская Евдокия, Степанова Инесса, Князева Юлия бааллар дуо?
• Бааллар
• Сөп , уонна журналга бүтэһик Шпайцман Игорь. Игорь бааргын дуо ?
• Баарбын
  Онтон Дима Игорьга сибигинэйдэ:
• Чэ подкаттаа , Ромео!
  Онуоха Игорь 50 тыһыынчаны хотторумаары эттэ:
• Альбина Алексеевна хас саастааххытый?
• Ол эйиэхэ туохха нааданый Шпайцман?!
• Суох, мээлэ ыйытабын.
• Хата, Игорь кэпсээ эрэ бэйэҥ туһунан!
• Онтон мин , Игорь Петрович Шпайцман диэммин. 17 саастаахпын. Аҕам Степан Антонович, ийэм Люся Романовна Шпайцманннар. Эһээм Антон Игоревич Шпайцман диэн , иккис эһээм Роман Дмитриевич Орлов. Хара Ferrari мааркалаах массыыналаахпын. Икки этээстээх коттеджка олоробун. Бүттэ
• Чэ подкаттаа да, Игорян- диэн Дима сибигинэйдэ.
• Новиков,туох диигин ? Кэпсээ эрэ, Шпайцмаҥҥа туох диэбиккин , класс эмиэ истиэн баҕарар.
• Ээ, суох Альбина Алексеевна.
• Шпайцман олор, Новиков аны эн кэпсээ
• Мин Новиков Дмитрий Олегович диэммин. 17 саастаахпын. Хара внедорожниктаахпын. Аҕам бизнесмен - Олег Федорович Новиков, ийэм - Ирина Степановна Новикова, эбэм Мирослава Викторовна , эһэм Федор Федорович Новиковтар. Уонна Юлия Князеваны кытта көрсүһэбин. Өссө Игорь Шпайцманы уонна Стручков Мараты кытта доҕордоһобун.
• Дима , маладьыас олор.
• Алексеев тур эрэ аны эн кэпсээ. Уонна ити хараххын хайаатыҥ?
• Охтубутум .
• Чэ, истэбин. Саҕалаа
• Алексеев тур кэпсээ бэйэҥ тускунан - диэн Альбина Алексеевна хат хатыллаата.
• Мин Алексеев Павел Григорьевич диэммин. 17 саастаахпын. Ийэлээхпин, балтылаахпын…
• Онтон аҕаҥ суох дуо?- диэн учуутал ыйытта.
• Кини “Кыылтан төрөөбүт” аҕата суох- диэн хардарда Игорь.
• Өссө ийэтэ арыгыһыт - диэн Дима эбэн биэрдэ .
• Та-ак , Шпайцман уонна Новиков дириэктэргэ барыҥ! - Альбина Алексеевна ыһытыы түстэ.
• Суох , барбаппыт ! Олор Димон. Аля биһигини дириэктэргэ ыытар бырааба суох. Билэҕин дуо , биһиги аҕаларбыт кимнээхтэрин?
• Шпайцман, хаһан биһиги “эн” диэҥҥэ көстүбүт.
• Тоҕо диэтэххэ ми..
  Звонок тыаһаата.
• Чэ, оҕолор дьиэлээҥ!
  Ол кэмҥэ Павлик ийэтэ Аанньа аһылык буһара сырытта. Эмискэ сүрэҕэ хам тутта. Тугу гыныан билбэккэ , олоппоско олордо.
• Таня, кэл эрэ тукаам..- диэн ийэтэ Павлик балтын Таняны ыҥырда. Кыра Танюша ийэтигэр сүүрэн кэллэ. Онуоха ийэтэ:
• Танюша, көмөлөс эрэ миэхэ турарга.
  Таня ийэтин өйөөн хоһугар бардылар. Ийэтэ оронугар тиийэн сытта уонна кыракый , истиэнэҕэ ыйаллан турар көбүөр кэнниттэн хампарыта туттуллубут кумааҕыны таһааран баран:
• Танюша, маны убайгар биэрээр.
  Танюша кумааҕыга туох суруллубутун билиэн баҕарар да сатаан аахпат. Ол иһин убайа Павлик кэлэрин күүттэ. Эмискэ аан тыаһаабытын кэннэ Павлик киирэн кэллэ. Онуоха Танюша:
• Ийээ, Павлик кэллэ.
  Хос иһиттэн ийэтин саҥата иһилиннэ:
• Павлик , кэл эрэ миэхэ. Тугу эрэ этэрдээхпин.
  Павлик хоско киирбитэ, ороҥҥо ийэтэ сытар эбит.
• Павлик, уолчааным, сотору сокуоннай сааскын ситиэҥ , оччоҕо мин өллөхпүнэ Танюшаны харайаар.
• Ийээ, тугу этэҕин ?
• Сыл анараа өттүгэр, быраастар “Сүрэҕиҥ куһаҕан эбит, наһаа уһуннук сылдьыбыккын ,ол иһин кыайан эмтэммэт буолбут” диэбиттэрэ. Ол иһин сотору өлүөм.
• Эн өлүөҥ суоҕа!!!
• Чэ, уолчааным бар.
  Иккис күнүгэр ийэлэрэ өссө куһаҕан буолбутугар “Суһал көмөнү” ыҥырдылар. Ийэлэрин илдьэ бардылар. Павлик хомунан баран оскуолатыгар барда.
  Арай уруокка олордоҕуна учуутала:
• Кэл эрэ, Павлик. Көрүдүөргэ таҕыс.
  Көрүдүөргэ тахсыбыта оскуола дириэктэрэ уонна суһал көмө бырааһа тураллар эбит.
• Павлик , мои соболезнования. 30 мүнүүтэ анараа өттүгэр ийэҥ быстыбыта- диэтэ оскуола дириэктэрэ.
• Дьиэҕэр бар- диэн эбэн биэрдэ.
  Павлик дьиэтигэр тиийбитэ абаҕата Киэсэ кэлбит эбит. Киэсэ эттэ:
• Павлик, санааҕын түһэримэ. Ийэҕин кистииргэ мин көмөлөһүөм. Онтон эйиэхэ уонна Танюшаҕа опекун буолуом.
• Сөп.
  3 хонугунан Аанньаны кистээтилэр. Киэсэ Павликтаахха көһөн кэллэ. Билигин опекун буоларга
  докумуон оҥотторо сылдьар. Арай киэһэ Танюша Павликка ийэтэ биэрбит кумааҕытын биэрдэ. Павлик иһигэр кумааҕытын аахта:
  Доҕоруом, Аанньа дорообо!
  Эйиигин кытта бииргэ сылдьыбыт кэмнэрим олус дьоллоох этилэр. Ааспыт сурукка оҕону күүтэбин диэн суруйбуккар олус диэн үөртүм. Сотору командировкам бүттэҕинэ эргиллиэм.
  Манна итии баҕайы. Ол иһин эйиэхэ кэһиибин сайыҥҥы сэлээппэни ыллым. Ханнык фрукталартан аҕаларбын суруйаар.
  Командировка бүтэрин ибили күүттүм. Аҕа буолуохпун наһаа баҕардым. Түргэн соҕустук оҕобут төрүүрэ буоллар. Арай Мин командировкаҕа сылдьар кэммэр төрөөтөҕүнэ маннык ааттаар: уол буоллаҕына Павлик, кыыс буоллаҕына Маанньа. Аныгыскы сурукка диэри быраһаайдаһабын.
  Эйиигин күүскэ кууһабын уонна сыллыыбын.

2006 сыл / От ыйын 27 күнэ
Москуба куорат
Олоҕуҥ аргыһа Петров Миша . Целую и скучаю

Павлик суругу ааҕан баран “Аҕам урут ийэбэр суруйбут суруга” дии санаата. Павлик ийэтин хоһугар баран хаалбыт ийэтин малларын хаста. Хараҕар биир тимир дьааһык хатанна. Арай дьааһык хаппаҕын арыйта, иһигэр сурук толору эбит. Суруктар быыстарыгар хаартыска сылдьар. Ол хаартыскаҕа ийэтэ байыаннай уолу кытта олорор. Ийэтэ манна эдэрин, кэрэтин… Хаартыска кэннигэр сурук баар.
" Михаил уонна Анна Петровтар 2006сыл/бэс ыйын 30 күнэ/ Дьокуускай куорат"
Павлик бу хаартысканы сиэбигэр уктан кэбистэ.
Киэһэ аһылык саҕана абаҕатыттан ыйытта:

• Убай Киэсэ, мин аҕам Петров Михаил диэн да?
• Ол ким эйиэхэ инньэ диэтэ?
• Ийэм эппитэ
• Миигиттэн ол туох нааданый?
• Петров Михаил диэн кимин кэпсээ да?
• Миша Петров диэ… Миша мин доҕорум этэ. Ийэҕин кытта көрсүһэр этилэр. Онтон ийэҕин кэргэн ылбыта. Ийэҥ эн төрүүргүн билэн баран Мишаҕа кэпсээбитэ. Онтон туох буолтун билбэппин. Арай, ийэҥ Мишалыын араҕыстым дии-дии ытыырын өйдүүбүн. Билиэххин баҕарар буоллаххына Мишаттан бэйэтиттэн ыйыт.
• Ол Миша ханна баарый?
• Дьокуускайга олорор үһү, улахан начаалынньык.
• Мин атын оҕолор курдук аҕаланыахпын наһаа баҕарабын. Холобур: кылааһым оҕолоругар барыларыгар аҕалаахтар. Миигин “Аҕата суоххун” диэн Игорьдаах Дима наар сэнииллэр.
• Чэ, көрдүүр буоллаххына көрдөөр - диэтэ Киэсэ уонна остуолтан туран баран хаалла

Биир үтүө күн Павлик ыалдьан , балыыһаттан көрдөстөн истэҕинэ , уулуссаҕа Игорь массыынатыгар өйөнөн турар эбит. Онуоха Павлик ыйытта:

• Игорь, уруоктар бүттүлэр дуо?
• Суох , бүтэ иликтэр . Хата , эн хайаан кэлбэтин.
• Ээ, мин ыарыйдым. Альбина Алексеевнаҕа инньэ диэр.
  Ол кэмҥэ Игорь пиджагын сиэбиттэн табах хостонно. Уонна уматаат табахтаабытынан барда. Павлик ону көрөөт ыйытта:
• Игорь , табахтыыр эбиккин ду?
• Табахтаабына, мэ эн эмиэ тарт.
• Эс, суох мин табахтаабаппын.
• Ээ, кырдьык ийэҥ өлбүтэ дуо?
• 1 нэдиэлэ анараа өттүгэр.
• Эээ
• Игорь , көр Альбина Алексеевна таҕыста.
• Абас диэ, киир массыынаҕа.
• Туохтан куттанныҥ?
• Аля миигин көрдөҕүнэ аҕабар этиэ “Уруоктан куоппута эбиитин табаахтыы турар этэ диэн” оччоҕо, мне кранты.
• Аа , өйдөөтүм.
• Ээ, кырдьык умна иликпинэ , Павлик бырастыы гын, ааспыкка кырбаабытым уонна кууркаҕын алдьаппытым иһин. Мэ , уонна бу 10 касари , саҥа куурка ылынаар.
• Махтал, Игорь. Ол да буоллар харчыны ылбаппын.
• Чэ, оччоҕо бар, массыынабыттан таҕыс.
• Ити хайаан Альбина Алексеевнаны Аля диигин?
• Не твоего ума дела. Бар таҕыс.
  Павлик хара Ferrari-ттан тахсаат дьиэтин диэки хаама турда. Дьиэтигэр тиийбитигэр абаҕата Киэсэ итирик остуол таһыгар олорор эбит.
  Павлик абаҕатын көрбөккө хоһугар ааста.
  Арай Павликка оскуола үрдүнэн соҕотох доҕоро Тихонов Коля кэллэ. Иккиэн Кллялыын таһырдьа таҕыстылар. Коля :
• Паша , мэ бу дьиэ үлэлэри суруйан аҕаллым.
• Оо, Коля махтал. Оскуолаҕа туох сонун баар?
• Туох да суох , арай Альбина Алексеевна уурайбыта бүгүн.
• Мин баарыын Альбина Алексеевнаны көрбүтүм оскуолаттан тахсыбытын.
• Ол кэнниттэн уурайта. Чэ, Павлик пока. Сарсын кэлэ сылдьыам.
  Ол кэмҥэ Игорь табаарыстарын кытта базаларыгар хаартылыы олороллор. Игорьдаах " Базалара" урукку
  маҕаһыын ыскылаатын иһигэр , түгэх хоско баар. “Базаларыгар” диэн остуол, дарст дой атыыластыбыттара. Күннэрин аҥаарын манна атаараллар.
• Игорян , Павлик ийэтэ өлтө да?- диэн Дима ыйытта.
• Баарыын Павлигы көрсүбүтүм. Оруобуна табахтыы турдахпына кэлтэ. Онно ыйыппыппар 1 нэдиэлэ анараа өттүгэр өлбүтэ диэбитэ.
• Оччоҕо " Кыылтан төрөөбүт" төгүрүк тулаайах хаалбыт эбит дии - диэн хардарда Марат. Игорь хаартытын көрөн баран :
• Флеш-рояль!-диэтэ
• Абас диэ, фулл-хауска абалаахтык тиийбэтэ - диэтэ Дима .
  Игорь кумааҕыга ким төһөнү биэрэрин сурунна:
• Та-ак, Димон 15560 биэрэр Марат буолла 16000 биэрэр.
• Мин картаҕар быраҕыам - диэтэ Дима
• Мэ - диэн баран Марат 16 тыһыынчаны наличканнан биэрдэ. Эмискэ ким эрэ склад аанын арыйара иһилиннэ. Дима соһуйан:
• Игоряныч , ким кэллэ?
• Билбэппин, бу быраҕыллыбыт склад - диэтэ Игорь.
• Мара, бараҥҥын разведкалаа…
  1 чаас ити иннинэ
  Павлик дьиэтигэр киирбитигэр балта Танюша ытыы олорор эбит . Павлик эттэ:
• Танюша, ким ытатта?
• Дя-дя Ки-иэ-сэ оҕуста.
  Онуоха Павлик Киэсэҕэ барда. Киэсэ итирик олорор эбит. Павлик ыйытта:
• Киэсэ, эн ити Танюшаны оҕустуҥ дуо?
• Бэйэм , билэбин тугу гынарбыт!!!! Мээлэ аһы көрдөөбөт буоллун !!
• Аһыа кэлбититтэн Танюша буруйа суох!
  Онуоха Киэсэ эмискэ Павлигы иһигэр саайда. Павлик утарса сатаата да буоллар,Киэсэ күүстээх. Киэсэ эдэригэр боксанан дьарыктаммыт буолан ыарыылаахтык охсор. Павлигы өссө кырбаары чугастааҕы быраҕыллыбыт складка бардылар. Складка киллэрэн Павлигы сиргэ охтордо.

Киэсэ Павлигы склад тымныы муостатыгар тоҕо үтэн түһэрдэ. Павлик тура сатаата да буоллар Киэсэ баттыы сытта. Павлик туран охсуһаары гыммытыгар , Киэсэ тимир турбаны ылан Павлигы төбөтүгэр охсубутугар , Павлик сиргэ охтоору төбөтүн тимир оһоххо саайылынна.
Ол кэмҥэ Марат уонна Игорь базаларыгар ким кэлтин көрө бардылар. Игорь Киэсэлээх Павлик охсуһа сылдьалларын көрөн баран:

• Арааһа Павлигы өлөрөөрү гынна быһылаах.
• Ити Киэсэ диэн Павлик абаҕата дуо?- диэн Марат ыйытта.
• Киэсэ урут мин аҕабар охраннигынан үлэлээбитэ. Күүстээх сатана этэ.
• Игорь, Павлигы быыһыахха наада - диэн хардарда Дима.
• Та-ак , Дима эн ити тимир турбаны ыл, Марат буолла “базаттан” битаны аҕалын, мин буолла охсуһарга кастеппын кэтиэм.
• Бэлэмҥит, бардыбыт.
  Киэсэ турбаннан Павлик төбөтүн хайа саайаары гынна. Павлик иһигэр " Өлөрөөрү гынна быһылаах, ийэм кэриэс тылын толорбокко бараары гынным. Олоҕум быраһаай"
  Киэсэ Павлигы охсоору гыммытыгар кэнниттэн ким эрэ саайда көрбүтэ. Эргийэн көрбүтэ, тойоно Степан Антонович уола Игорь табаарыстарын кытта тураллар эбит. Бары охсуһан бардылар. Игорь Киэсэни кырбыыр кэмигэр Дималаах Марат Павлигы өйөөн таһырдьа таһаардылар. Игорьдаах Киэсэ охсуһа турдахтарына,Дима кэлэн Киэсэни чокуйан кэбистэ. Киэсэ туох баар ыйааһынын сиргэ кэлэн түстэ.
• Маладьыас, Димон ! Павлик хайдаҕый? - диэтэ Игорь
• Павлигы дьиэтигэр Марат массыынатынан илдьэ барта. Онтон бу Киэсэни хайыыбыт?
• Сыттын, тыыннаах. Сотору кэминэн уһуктуо. Онтон мин аҕабар эттэхпинэ уголовнай дьыла тэриллиэ. Чэ, бардыбыт мантан!
• Бардыбыт.
  Марат Павлигы дьиэтигэр аҕалла. Павлик Игорьдаах кинини быыһаабыттарыгар махтана санаата. Марат Павликка эттэ:
• Павлик, бырааһы ыҥырынаар. Уонна Игорьдаах биһиги Киэсэлиин охсуспуппут туһунан кимиэхэ да этимээр!
  Марат баран хаалла. Павлик нэһиилэ туран төлөпүөнүнэн эрийэн бырааһы ыҥырда. Быраас кэлэн баран ыйытта:
• Бу ким эйиигин оҕуста?
• Ити абаҕам Киэсэ охсубута. Өссө төбөбүн тимир турбаны саайбыта.
• Кэл , төбөҕүн көрүөм.
  Быраас Павлик төбөтүн биинтэлээбитэ. Быраас бартын кэннэ ийэлээх аҕатын хаартыскаларын көрөөрү сиэбин хастыбыта хаартыската суох. Хаартыскатын ханна сүтэрбитин билбэт. Онтон хаартыската буоллар Игорьга баар эбит. Охсуһалларын саҕана сиргэ түспүтүн Игорь ылбыт.
  Игорь дьиэтигэр тиийбитэ дьонноро сүүрүү-көтүү эбиттэр. Аҕата уолун көрөн баран:
• Хайа , эмиэ кими кырбаатыҥ!?
• Ээ, суох. Ити ким кэлээри гынна ?
• Дьокуускайтан табаарыһым Михаил Михайлович кэлээри гынна.
• Михаил Михайлович диэн Петров дуо?
• Кини. Чэ, мэһэйдээмэ. Хоскор бар.
  Игорь хоһугар киирэн хаартысканы хостоото. Арай көрбүтэ хаартыска кэннигэр
  сурук баар эбит:
  Михаил уонна Анна Петровтар 20006сыл/бэс ыйын 30 күнэ/Дьокуускай куорат
  Маны көрөн баран Игорь санаата : “Арааһа Михаил Михайлович Павлик аҕата эбит”.
  Игорь Павликка айанныырга сананна. Дьиэтиттэн тахсан массыынатын собуоттара Павлик дьиэтин диэки айанныы турда.

Игорь Павликка тиийдэ. Павлик Игорь кэлтин көрөн соһуйда. Кини курдук дьадаҥы дьоҥҥо Игорь Шпайцман мээлэ кэлбэт. “Арааһа наадалаах кэллэ быһылаах” диэн Павлик санаата.

• Туохха кэллиҥ ? - диэн Павлик кэпсэтиини саҕалаата.
• Павлик, кэпсэтии баар ! - Игорь хардарда.
• Саҕалаа
• Бу киһини билэҕин дуо ? - диэн баран Игорь, Павлик ийэлээх аҕата олорор хаартыскаларын көрдөрдө.
• Бу хаартысканы хантан ыллыҥ ?!- Павлик хаартысканы көрөн соһуйда.
• Антах, складка Киэсэлиин охсуһарбыт саҕана эн сиэпкиттэн түспүтэ.
• Ол иһин хаартыскам суох этэ.
• Өссө биирдэ ыйытабын , бу хаартыскаҕа кимий?
• Ити , мин ийэм уонна аҕам. Аҕам Михаил Петров диэн эбит
• Ол хантан билэҕин, аҕам диэн?
• Ийэбэр элбэхтэ суруйбут уонна кэргэннэһэ сылдьыбыттар. Мин оскуоланы бүтэрдэхпинэ аҕабын булар баҕа санаалаахпын.
• Арай аҕаҥ эйиигин билиниэ суоҕа?
• Оччоҕо мин тест ДНК оҥотторуом. Мин оҕо эрдэхпиттэн аҕаланыам наһаа кэлэр, ол иһин аҕабын эбэһээт булуом!
• Чэ, баҕа санааҥ туолла!
• Ол хайдах?-диэн соһуйда Павлик.
• Ити Михаил Михайлович Петров мин аҕам доҕоро. Сылын аайы аҕабар ыалдьыттыы кэлэр. 2 хонугунан эмиэ кэлиэҕэ оччоҕо билсиһээр.
• Оо, махтал Игорь!!- диэн үөрдэ аҕай Павлик.
  Игорь тахсан баран хаалла. Дууһата чэпчээбиккэ дылы буолла. Павлик аҕатын кытта билсиһэр күнэ чугаһаан истэ.
  Бүгүн Шпайцманннар коттеджтарыгар тыас уус элбэх. Аҕаларын доҕоро Михаил Петров айаннаан иһэриттэн.
  Михаил Михайлович Петров - Дьокуускай куорат прокуруорун солбуйааччыта. Иккитэ кэргэннэһэ сылдьыбыта да буоллар арахсыбыта. Оҕото суох. Доҕоро Степан Шпайцман уолун Игори көрдөҕүнэ наһаа да уолга ымсыырар. Итинник уолланыан баҕарар. Игорьга иккис аҕа кэриэтэ. Полицияҕа түбэстэҕинэ Михаил Михайлович отмазкалыыр.
  Билиҥҥээҥҥигэ диэри бастакы тапталын уонна кэргэнин Аанньаны саныыр. Өссө билигин ханна эрэ Аанньалыын кини оҕото хаама сырыттаҕа. “Оо, эдэр сылдьан наһаа да акаары эбиппин, бэйэм оҕобуттан аккаастанан билигин бу соҕотох сырыттаам”- дии саныы олордо Михаил Михайлович.
  Эмискэ таксии тохтуу түстэ. Суоппар:
• Шпайцманнар дьиэлэрэ кэллэ , түһүҥ.
• Махтал, доҕоор. Мэ , харчыгын.
  Михаил массыынаттан тахсан малларын түһэриннэ.
• Миша! - диэн истээт , хайыспыта Степан Антонович иһэр эбит.
• Дорообо, доҕоор! Хайа хайдах айаннаан кэллиҥ?
• Дорообо, Степа! Айан үчүгэй бөҕө буолла.
• Чэ, киирдибит. Малларгын охранниктар киллэриэхтэрэ.
  Михаил дьиэҕэ киирээт , Игорь суоҕун биллэ. Степантан ыйытта:
• Степка, Игорёк ханна баарый?
• Ээ, доҕотторугар барбыта. Сотору кэлиэ. Мин кыратык тэйэ түһүөм ду?
  Степан таһырдьа тахсаат Игорьга эрийдэ:
• Игорь, кэл түргэнник! Дядя Миша кэллэ!
  Чаас аҥаарынан Игорь кэллэ. Дьиэҕэ киирээт куукунаҕа барда.
• Игорёк, здорово сынок! - диэт Михаил Игори баран кууста.
• Хайа, үөрэҕиҥ хайдаҕый? Уолбар кыра подарок аҕаллым - диэн баран Михаил суумкатыттан кыһыл көмүс Rolex таһаарда.
• Мэ, бу эйиэхэ. Швейцарияҕа командировкаҕа сылдьан атыыласпытым. Специально для тебя.
• Махтал, дядя Миша! - диэн махтанан баран Игорь хоһугар ааста.
  Степан Антонович Михаил Михайловичтыын уһуннук кэпсэтэ олордулар.
• Сарсын сыл аайы ыытыллар булт күрэҕин саҕалыахпыт.
  Иккис күнүгэр “Сайдыы” бөһүөлэк эр дьоно бары тыаҕа бултуу сырыттылар. Сылын аайы Степан Антонович уонна Михаил Михайлович ыытар күрэхтэрэ саҕаланна. " Ким саамай элбэх куобаҕы бултаабыт , кыайар" диэн баран бириискэ “Булт маҕаһыыныгар 500 тыһыынча солкуобайга сертификат " туруордулар. Күрэх үс күн ыытыллар.
  Павлик Михаил Михайловичы көрөөрү булт күрэҕин түмүгэр барда. Тиийбитэ Степан Антонович тыл этэ турар :
• Чэ , мин тылы биэрэбин күрэҕи тэрийээччигэ Михаил Михайлович Петровка
• Күрэх түмүгүн эттэххэ , 76 куобаҕы бултаан Олег Дмитриевич Новиков кыайыылаах таҕыста. Кыайыылааҕы эҕэрдэлиэххэ.
  Бирииһи
  туттаран баран Михаил Михайлович массыына иһигэр киирэн хаалла. Павлик онно киирэргэ сананна.
• Дорообо, Михаил Михайлович!
• Дорообо, эн кимҥиний?
• Мин , Павел Григорьевич Алексеев диэммин. Мин эһиги уолгут буолабын…
• Ийэҥ ким диэний ?
• Анна Григорьевна Алексеева
• Эн Аанньа уолаҕын да?
• Аһаа, ийэм бу суругу биэрбитэ.
• Ийэҥ билигин ханна баарый?
• Ийэм ый анараа өттүгэр өлбүтэ.
• Суругу биэрэн кулу да?
  Павлик суругу Михаил Михайловичка биэрдэ. Онтон Михаил Михайлович Павлигы кууһан ылла уонна эттэ:
• Павлик, уолчааным өр да эйиигин көрдөөн баран буллум. Аны эйигиттэн аккаастаныам суоҕа - диэн баран Михаил Михайлович Павлигы өссө күүскэ кууста.
  1 сыл ааста.
• Павлик, хомунаар. Сотору барыахпыт- диэтэ Михаил
• Сөп , аҕаа !
  Бүгүн Павлик ийэтэ өлтө 1 сыла. Аҕатын кытта кылаабыһаҕа бараары бэлэмнэнэллэр.
  Павлик түннүгүнэн көрбүтэ такси массыыната кэлбит эбит.
  Михаиллаах, Павлик ийэтин көмпүт сирдэригэр кэллилэр. Павлик ийэтигэр төҥкөйдө уонна эттэ:
• Ийээ, дорообо. Бу мин эн баҕаҕын толорон аҕабын буллум.
  Аҕата таһыгар кэлэн турда уонна эттэ:
• Аанньа, дорообо. Бу мин кэлэн турабын. Бырастыы гын миигин. Урут ити саарыҥыбыттан эйиэхэ итэҕэйбэтэҕим. Мэ, бу мин эйиэхэ сөбүлүүр сибэккигин аҕаллым - диэн баран роза букетын ууран кэбистэ.
• Аҕаа - диэн баран Танюша массыынаттан таҕыста.
• Кыратык күүлэйдии түһүөххэ - диэтэ Михаил.
  Бары үһүөн күн утары хаамса турдулар.

Бүттэ.
14.01.2024
Туох баар үтүөнү кытта Х@лым@