Содержание

• ДЬОЛЛООХ ХАТАСКА ОЛОРОР

ДЬОЛЛООХ ХАТАСКА ОЛОРОР

Баҕарахпын ордоруом,
Баҕаран манна олоруом.
Баҕар ах баран иһийиэм,
Баҕа санаабын этиниэм.

Хантан да кэлиннэр,
Хатаһы бары таптыыллар.
Хаалаллар эр күтүөттэр,
Хотун-ойох кийииттэр.

Хатас сирэ быйаҥнаах,
Хортуоска хотойор астаах.
Хотон муҥунан сүөһүлээх,
Хото элбэх да үлэлээх.

Куораппыт аата чугаһын,
Кыһалҕа суох адьаһын.
Киирэ-тахса сылдьарга,
Кэлин кэрэтик кырдьарга.

Сылын аайы эбиллэр,
Норуот кэлэрэ биллэр.
Сөбүлүүллэр бары кэлээт,
Төннүбэттэр ээ,эбэһээт.

Хатаска үөрэнэр,үлэлиир,
Олох сайдара түргэтиир.
Хатаһы улуус толорор,
Уон тыһыынча олорор.

Тоҕус түөлбэ тулалыыр,
Тыһыынчаҕа чугаһыыр.
Кэлии дьону абылыыр,
Көхтөөх бөлөҕө абырыыр.

Бул мантан эйэҕин,
Бөлөхтөр мустан үлэ.
Барыта баар,көрүлээ,
Булуоҕуҥ эн бэйэҕин.

Култуура киинэ кулууп,
Күннэтэ тэрийэр арааһы.
Кэл сырыт Эн куруут,
Күлэ-үөрэ,сырдыы аһары.

Олох устун устуһуоҥ,
Дьоннуун ыга буккуһуоҥ
Ол онтон эн астыныаҥ,
Дьолгун эрэ,алгыстыаҥ.

Дойду оҕото.
Хатас бөһ.2026.

Содержание

• ХАТАСПЫТ БАРАХСАН.
• КИНИГЭБИТ ТАҔЫСТА.

ХАТАСПЫТ БАРАХСАН.

Таптыыр,ахтар Хатаһым,
Аптыыр эбит атаһын.
Таптал уотун хатанын,
Аныыр кэрэ аналым.

Абылыыр кини ыраахтан,
Абырыыр этэ быртахтан.
Саарбах,киирии ыраттан,
Саһыарар эгэ бырдахтан.

Хатас, оо хатыс эн,
Харыстаа илэ бэйэҥ.
Хаарыан түөлбэ дьоҥҥун,
Хаххалаа сүдү дьолгун.

Саха сирэ барыта
Баар манна Хатаска
Саҥа олоҕу байыта
Баҕараллар атаска

Бары бииргэ ыга түмсэн
Хатаспытын өрө тутуоҕуҥ
Быраат-убай буолуоҕуҥ
Хаадьылаһан,үөрэ күлсэн

Эдьиий-балыс буолсан
Эйэни-дьолу булсан
Эҕэрдэ тылын этитэн
Эйэргэһэ эҥини кэпсэтэн.

ДОЙДУ НЬУКУЛАЙА.
ХАТАС.2026.

КИНИГЭБИТ ТАҔЫСТА.

Совхозпут кинигэтэ таҕыста,
Сорохпут арычча батыста.
Сүүһүнэн киһи тииспэтэ,
Суруйуу арааһа тиийбэтэ.

Сүүрдүлэр-көттүлэр бадаҕа,
Сол кэмтэн бааллара,
Бүөтүрдээх,Ыраайа,
Бүтүн кинигэ хомулунна.

Бүгүн ону бэлиэтиир,
Биһирэм иһирэх киэһэҕэ.
Баар киһи бары түмсүөҕэ,
Бар дьоммут биһириир.

Айхаллыы ахтыахпыт ааспыты,
Аймана санаһыахпыт саспыты.
Көрсүһэн үөрүөхпүт астынан,
Көрбөтөх ырааппыт атастыын.

Кэпсэтэн дуоһуйа ахтыһан,
Кэрэхсии манньыйа алтыһан.
Өрдөөҕүнү үөтэрэн,
Өлбөөрбүтү өйдөһөн.

Киэһэ кэлиэхпит дьиэҕэ,
Күлэ-үөрэ дьэргэйэн.
Санаан,ааспыттан дуоһуйан,
Сэлэһэн саҥабыт дуорайан.

Дойду Ньукулайа.
Хатас.2026.