Сулус уола - 3 июля 21:13

Гриша сабыс-саҥа хара дьүһүннээх Тойота премио массыынатынан дьоллоох Дьокуускай куорат уулуссатын устун айаннаан иһэр. Бу массыынаны талан-талан бэҕэһээ эрэ атыыласпыта. Бэйэ,билиҥҥи кырыымчык үйэҕэ мээнэ киһи массыына атыыласпат эбээт. Кини даҕаны эдэр киһи хантан бачча элбэх харчыланан атыылаһыа баарай. Хас эмэ сыл үлэлээн-хамсаан массыына атыылаһаары муспут харчыта баара суоҕа икки сүүстэн эрэ тахсыбыта.Чэ сөп буолла ини дии санаан эргэ, хаарбах массыына атыылаһаары көрдүү сырыттаҕына, аҕата хантан эрэ билэ охсон:
-Эргэ массыынаны олох атыылаһыма, саҥа массыына ыларгар харчы ыытыам,-диэн мас курдук булгуччулаахтык этэн-тыынан кэбиспитэ.
Дьэ ити баар, Гриша төрөппүттэриттэн көмө көрдөөбөккө бэйэтэ бэйэтин бас билинэн, харчыланан-үбүлэнэн олоруох буолбута эмиэ кыаллыбатаҕа. Оҕобутугар диэн анаан-минээн үөрэҕин бүтэрээтин кытары, киин куоракка квартира атыылаһан,үчүгэй хамнастаах үлэ булан биэрбиттэрэ. Аны саатар массыына ыларыгар эбии харчы биэрэр буолбуттара.Төрөппүт аата төрөппүт буоллаҕа оҕото атаҕар турарыгар көмө-тирэх буоллаҕына эрэ сатанар, оннук буолуохтаах да буоллаҕа. Саҥа массыыналаах быдан ордук ини. Кини бэйэтин саастыы доҕотторо бука бары массыыналаахтар. Бэйэбит харчы мунньунан атыыласпыппыт дэһэллэр даҕаны, халлааны таһыйаллара өтө көстөр.Кинилэр баҕас төрөппүттэрэ көмөлөспөтөхтөрүнэ эмэһэлэрин соттор куммаҕы да атыылаһар кыахтара суох ини. Онтон кини киһи икки сүүстэн тахса тыһыынчатын бэйэтэ мунньубута. Эдэр киһиэхэ ити улахан кыайыы! Онон Гриша соччо кыбыстыбат, бэйэтин харчытынан атыыласпыт тэҥэ санана сылдьар. Гриша балай эмэ кыанар,орто баай ыал оҕото. Ийэтэ учуутал, онтон аҕата сүүһүнэн сүөһүлээх-сылгылаах, ыттаах-кустаах бааһынай хаһаайыстыба тойоно. Аҕата, Гаврил Иванович, эдэр эрдэҕиттэн сааһырыар диэри киириилээх-тахсыылаах, билсиилээх-көрсүүлээх, харчыны хамсатар дьоҕурдаах уол оҕото. Билигин даҕаны тиһэҕин быспакка харса суох үлэлии-хамсыы,баайын-дуолун халыҥата сылдьар.
Гриша саҥа массыынатын харыстаан хараҕа тэстэринэн көтүппэт, магнитолатыттан кутуллар сахалыы музыканы истэ-истэ сыыйа-баайы Дзержинскай аатынан уулуссаҕа таҕыста.
Бу кэмҥэ уон сэттис кварталга эдэркээн кыыс ВАЗ 2107, быһатын эттэххэ “жигулитын” собуоттуу сатаахтыыр даҕаны, массыыната ымыр да гыммат. Кыыс үлэтигэр хойутуура буолла,хайыа баарай икки ытыһын холбуу тутан:
-Баһаалыста,баһаалыста собуоттан,-эрэ диэхтиир. Гааһын педалын батары үктүү-үктүү күлүүһүн харса суох эрийбэхтиир. Кэмниэ кэнэҕэс массыыната собуоттанан, глушителыттан хара буруо бурҕайда. Кыыс үөрүүтүттэн “ура-аа”, диэн хаһыытаан ылла, онтон кыбыстан уҥа-хаҥас көрбөхтөөтө,күлүүгэ-элэккэ киириэҕин,хата чугаһынан биир даҕаны киһи суох буолан абыраата. Кыыс оргууй аҕай айаннаан киэҥ суолга таҕыста,ол да буоллар олох ыксаабат, суол знактарын хараҕын кырыытынан көрө-көрө сыыйылыннаран иһэр. Кэнниттэн иһэр массыыналар сигналлаан тэһэ бараллар,арааһа “түргэтээ” дииллэр быһыылаах. Суох,кыыс онно отой кыһаммат сыыйылыннарбытын курдук сыыйылыннаран иһэр.Төһөтүн да иһин инструктора суох собус-соҕотоҕун маҥнайгы айаннааһына буоллаҕа дии. Бу Маша, кини бэҕэһээ эрэ права ылбыта. Ону даҕаны кыл мүлчү, ГИБДД үлэһитэ аттыгар олорон:

• Ити ханнык знактары аастыбыт,-диэн ыйыппытыгар Маша мэлийбитэ, сатаан хоруйдаабатаҕа. Знактары көрө иһиэхтээҕэр, суолун да нэһиилэ кылата иһээхтээбитэ, саатар массыына элбэҕэ.Кини санаатыгар бары харахтара тэстэринэн көтүтэр курдуктар, уҥа өттүттэн өрө көтөн тахсаллар,хаҥас өттүнэн таарыйыахча таарыйбакка ситэн ааһаллар. Ол аайы сүрэҕэ биир кэм айаҕынан ойон тахсыахча тэбиэлээбитэ.
  -Онтон ити ханнык знактары аастыбыт,-диэн ГИБДД үлэһитэ эмиэ ыйыппыта, Маша барахсан эмиэ мэлийээхтээбитэ.Уруулун уҥа-хаҥас эрийэртэн соло булбакка олорон,хантан знактары кыҥастаһа иһиэй. Тиһэҕэр тиийэн, массыынаттан тахсаары олорон:
  -Мин туттарбатым даа? Диэн ыйыппыта.
  Ону биирдэстэрэ:
  -Биллэриэхпит,-эрэ диэн хоруйдаабыта.
  Маша ГИБДД үлэһитин иннигэр түһэн,үгэһинэн икки ытыһын холбуу тутан:
  -Баһаалыста,баһаалыста көрдөһөбүн,-диэхтээбитэ.
  ГИБДД үлэһитэ мичик гынан ылбыта уонна көхсүн көрдөрөн кэбиспитэ. Дьиктиргиэн иннигэр Маша көрдөһүүтэ туолбута, права ылар дьолломмута. Маша ийэтинээн иккиэйэҕин уон сэттис кварталга квартира куортамнаан олороллор. Кини аҕатын билбэт, биирдэ даҕаны харахтаан көрө илик. Оҕо сылдьан ийэтиттэн:
  -Мин аҕам ханна баарый? Диэн ыйыттаҕына, ийэтэ бэрт судургутук:
  -Сэриигэ өлбүтэ,-диэн кэбиһэрэ.
  Бу санаатахха киһи күлүөх, Маша аҕата сэриигэ өлбүтүнэн киэҥ туттара, дьоҥҥо ыһа-тоҕо кэпсиирэ. Балай эмэ улаатан баран, ийэтэ сымыйаны этэрин сэрэйбитэ,ол эрээри аҕатын туһунан ыйыталаспат буолбута. Билигин кини бэйэтэ бэйэтин көрүнэр, үлэлээх-хамнастаах улахан киһи, аҕа диэҥҥэ соччо кыһаллыбат. Баҕар сотору бэйэтэ ойох тахсан, ыал ийэтэ аатырыа турдаҕа.Ол эрээри,доҕордоһор уола-Баанньыска хаһан даҕаны “мин эйигин таптыыбын” диэбэт. Автосервиска күнүстэри-түүннэри үлэлээн солото суох сылдьаахтыыр. Сиэттиһэн кэккэлэһэ хаамсаллара даҕаны ахсааннаах. Баанньыска биирдэ эмэтэ сирэйдиин-харахтыын бүтүннүү аҕыныах буолан, бензин сытынан аҥылыйан,сервискэ оҥорбут массыынатынан тиийэн
  кэлээччи. Оччоҕуна түүнү быһа дуоһуйа хатааһылааччылар, сэһэргэһээччилэр. Хайдаҕын да иһин Баанньыска киниэхэ күндү киһи. Хаһан эрэ,хайаан даҕаны:
  -Мин эйигин таптыыбын,миэхэ ойох таҕыс,-диэҕэ. Бу тыллары Маша кэтэһэр да кэтэһэр.
  Баанньыска сатабыллаах,идэтин баһылаабыт автослесарь. Оннооҕор бу алдьанан, сүүрбэккэ турбута быдаҥнаабыт ийэтин эп-эргэ массыынатын буор-босхо оҥорон биэрэн абыраатаҕын. Чэ баҕар массыына эргэ буоллун,сатыы сылдьыахтааҕар, күн аайы автобуска анньыһыахтааҕар, хайдаҕын да иһин бэйэ массыынатынан сылдьыбыт быдан ордук ини. Билигин кини дьүөгэлэриттэн тугунан даҕаны хаалсыбат бэйэтэ бас билэр массыыналаах.
  Маша Дзержинскай аатынан уулуссаҕа тахсан, уҥа диэки салайда,оргууй аҕай сыыйылыннаран айаннаан иһэр. Кэнниттэн иһэр массыына биир кэм сигнааллыыр да сигналлыыр,онтон быыс-хайаҕас булан,хаҥас диэки полосаҕа тахсан,ситэн ааһан иһэн, суоппар анаан-минээн түннүгүн түһэрэн, сэттэ этээстээх маатыраны кутан-симэн тотуор диэри үөхтэ,ол курдук ааһа бара турда. Маша сиэркилэтинэн кэннин көрбүтэ,кырдьык да үөҕүллүөн үөҕүллүбүт эбит. Кэннигэр массыына бөҕө субуруспут,онтон иннэ кубус кураанах. Маннык сатаммат дии санаата уонна гааһын үктээн биэрэн балай эмэ түргэтээтэ. Саатар хобулуктаах түүпүлэтин ыксалга умнан кэбиһэн,уларыттыбатах. Массыына ыытарга анаан-минээн тапочка ылбыта ээ,онтуката атаҕын анныгар сытар. Билигин кэлэн уларыттыбат инибин дии санаата.
  Гриша Дзержинскай уонна Кальвица быһа охсуһар сиригэр кэлэн, светофорга тохтоото. Күөх уот умайарын кэтэһэ таарыйа, эмиэ төрөппүттэрин көмөтүнэн атыылаһыллыбыт, алтыс айфонун ылан хасыһа олордо. Ол олордоҕуна кэннигэр бэрт куһаҕан тыас иһилиннэ да, массыыната өрө ходьох гына түстэ.

Ньургуьун сибэкки
Наьаа учуей кэпсээн дальше суруйуон дуу плиииз

Тускун
Салгыытын күүтэбин үчүгэй да кэпсээн суруллан эрэр

Сулус уола
Түгэн
Күндү ааҕааччыларым,иллэҥ буоллум даҕаны хайаан да суруйуом. Тиһэҕэр тиэрдиэм диэн мас курдук эрэннэрэбин.

тыа уола
Сал5ыыта

Сулус уола
Түгэн.
Гриша соһуйан түлүпүөнүн мүлчү тутан кэбистэ уонна бүтүннүү эргиллэ биэрэн, кэннин хайыһан көрдө. Маҥан өҥнөөх эп-эргэ жигули сабыс-саҥа массыынатыгар ыксары анньыллан турар эбит. Гриша абаккатыгар, сип-сибилигин суоппары үлтү кырбаары, икки сутуругун суулуу тутан, массыынатыттан ойон тахсан иһэн, аны түлүпүөнүн хампы үктээн кэбистэ. Чэ ону аахса барбата түлүпүөн аата түлүпүөн. Массыынатын кэннин көрөн баран, итэҕэйбэтэ, эс ама дуу, маннык буолуон сатаммат, бу илэ буолбатах, бу түүл дии санаан ылла. Дэлби бытарыйан,аҥар өттө туллан сиргэ соһуллан хаалбыт бамперын имэрийбэхтээтэ. Кыһытыаҕын иннигэр жигули туох да буолбатах, ханан даҕаны хомуруйбатах, саатар быыкаайыктык дьукку барбыта баара көстүбэт. Гриша онтон эбии абаккатыйда, эстиэҕэр диэри ыбылы кытаран, субу сырбатыахча сутуруктарын суулуу туттан, жигули түннүгүн тиийэн тоҥсуйда. Массыына иһигэр уу-чуумпу, киһи баара биллибэт. Өссө күүскэ тоҥсуйда, син-биир уу-чуумпу. Онтон тоҥхойон түннүгү өҥөйөн көрбүтэ соҕотох кыыс токуччу туттан, тыыммакка даҕаны саһыаҕынан саһан сытар эбит. -Ээ-эй, ааҥҥын ас эрэ! Гриша бардьыгынаата.Кыыс саһара туһата суоҕун сэрэйдэ быһыылаах, көнөн кэллэ уонна:-Суох,суох аспаппын,-диэхтээтэ.-Аспат буоллаххына ГИБДД-лары уонна полицияны ыҥырабын,-Гриша тааһа хайа баран хаалбыт түлүпүөнүн ылан эрийэн эрдэҕинэ, кыыс массыынатын аанын арыйан тахсан кэллэ. Икки ытыһын холбуу тутан көрдөһөр аакка барда:-Баһаалыста,баһаалыста көрдөһөбүн кими даҕаны ыҥырыма.-Ол тоҕо ыҥырыа суохтаахпыный? Көрдөххүнэ ДДП буолбатах дуо?-Баһаалыста көрдөһөбүн.-Эн көрдөспүтүн диэхтээн. Мин бу сабыс-саҥа массыынаны бэҕэһээ эрэ атыыласпытым. Биир эрэ күн сүүрдээт өрөмүөннэтэрбэр тиийдим. Өрөмүөнүм харчытын ким төлүүр, бу аҥардас бамперым сыаната эн массыынан сыанатынааҕар икки төгүл ыарахан буолан тахсыа.-Мин табаарыһым автосервиска үлэлиир ээ…-Туох ааттаах акаары кыыскыный, ол табаарыһын автосервиска үлэлиир буолла да, босхо оҥорон биэрэр үһү дуо?-Онтон мин массыынабын босхо оҥорбута ээ…Гриша кыыс массыынатын,онтон бэйэтин массыынатын хардары-таары көрөн ылла:-Оо, олох далай акаары эбиккин батта! Абаккатыгар сутуругун суулуу тутан, кыыс сирэйин иннигэр күөрэҥнэттэ.Биирдэстэрэ харса суох күөрэҥниир сутуруктан харыс даҕаны халбарыйбакка туран, икки хараҕын быһа симэн кэбистэ уонна били мээнэ үрүт-үрдүгэр:-Баһаалыста,баһаалыста,баһаалыста, баһаалыста..,-диэн үрүт-үрдүгэр ботугураабытынан барда.Гриша онтон күлүөх санаата киирэн кэллэ, мичиҥнии-мичиҥнии:-Баһаалыста,баһаалыста тугуй?-Баһаалыста, баһаалыста сирэйгэ охсума,-кыыс хараҕын аспакка туран хардарда.Ити тыллары истэн, Гриша киһи эрэ буоллар уостан хаалла. Эбиитин кыыс иннигэр сутурун күөрэҥнэппититтэн олуһун кыбыһынна, сутуругун ыһыктан,илиитин аллараа түһэрэ оҕуста:-Алҕас бырастыы гын,-диэтэ.-Эн эмиэ бырастыы гын,- кыыс хап-сабар хардара оҕуста уонна дьэ охсуллубат буолбутуттан үөрэн, уп-уһун кыламаннардаах, хап-хара, кип-киэҥ харахтарын аһа баттаан,чыпчылыйбахтаан ылла.-Оччоҕуна хайдах буолабыт? Гриша ыйытта.-Мин массыынаҕын хайаан даҕаны оҥотторуом, босхо табыллыбатаҕына харчытын бэйэм төлүөм,тылбын биэрэбин.-Эн тылын диэхтээн, дөкүмүөннэргин

аҕал уонна телефонун нүөмэрин суруйан биэр.-Сөп-сөп,- кыыс суумкатын хастан, праватыттан паспорыгар тиийэ туох баар дөкүмүөннэрин Гришаҕа туттарда уонна түлүпүөнүн нүөмэрин суруйа охсон биэрдэ.Гриша праваны уонна паспоры ылла, атыттарын төптөрү уунна:-Массыынабын оҥотторуоххар диэри бу дөкүмүөннэргин мин илдьэ сылдьыам,- диэтэ.-Ити мин правам ээ, бэҕэһээ эрэ ылбытым.Гриша праваҕа сурулла сылдьар кыыс аатын толору ааттаан:-Егорова Мария Федоровна, праваҕын кырдьыгынан туттарбакка атыылстыҥ ини.-Суох,суох, дьиҥ чахчы туттарбытым ээ.-Хайдаҕын да иһин, буруйдаах эн.-Буруйбун билинэбин, ити мин каблуктаах түүпүлэбин умнан кэбиһэн уларыттыбатаҕым, онтон каблуктаах удобнайа суох ээ..,-Ону-маны лахсыйыма, кэпсэтии манан бүтэр. Үлэ чааһын кэнниттэн эрийиэм, массыынабын оҥорор табаарыскын булан, күн бүгүн кэпсэтэ оҕус,- Гриша кэпсэтии бүппүтүн биллэрэн,бэйэтэ даҕаны сап-саҕаттан тутулла сылдьар бамперын устубутунан барда, онтон ортотунан тосту тутан, салонугар укта уонна үлэтигэр ыксаан айанныы турда. Бииргэ үлэлиир дьонугар саҥа массыынатын көрдөрөн, тото-хана киһиргиэх буолбута мэлийдэҕэ. Оҥотторуохпар диэри ким да көрбөтүн курдук, офиспыттан ыраах, тэйиччи сиргэ туруоран эриэм, дии санаата. Ол быыһыгар туох ааттаах акаары кыыһай, өссө кини хобулуктаах түүпүлэтин буруйдаабыттаах баҕастаах диэн, Машаны үөхсэрин кубулуппат.Онтон Маша барахсан туох үлүгэр быһылааҥҥа түбэспитин билигин даҕаны толору оройдоппокко суол ортотугар соҕотоҕун туран хаалла. Биир суоппар аттынан ааһан иһэн:-Кыысчаан, кэннигиттэн ГИБДД-лар чугаһаан иһэллэр, куота оҕус,-диэтэ.Онно дьэ өй ылла,массыынатын диэки харбыаласта, собуоттуу оҕуста уонна хайыа баарай, массыынатын туруора дьиэтигэр төптөрү айаннаата. Правата суох сылдьар эмиэ куттал. Бүгүн үлэтигэр лаппа хойутаата, эмиэ мөҕүллэр киһи буолла.

Ньургуьан сибэкки
Салгыы суруйаргын кэтэьэ хаалабыт) олус учугэй кэпсээн))

.
бэт кэпсээн) салгыытын куутэбин)

тыа уола
Бэрт кэпсээн урут биир кыыс уазикпар туспутун санаан ыллым эмиэ сап салыбырас буолбута, уазик туох буолуой кини бэйэтин массыыната решетката фарата капота алдьаммыта

.
того суруйан иьэн суруйбат буолаалагыт?

Ааҕааччы
Күүтэбин🤔

Сулус уола
Түгэн.
Үлэ чааһа бүтэрэ чугаһаата, ол эрээри Гриша ыксаабат, кумааҕыларын хаһыспыта буола олорор. Кини дьон бука бары барарын кэтэһэр, оччоҕуна биирдэ кимиэхэ даҕаны көстүбэккэ, саһан-саһан массыынатыгар тиийиэхтээх уонна тута оҥотторо барыа. -Гриша, саҥа массыынаҕынан хаһан хатааһылатаҕыҥ? Бииргэ үлэлиир Коля диэн ааттаах ыйытта.-Кырдьык даҕаны, дьиэбитигэр илдьэр инигин? Сеня бөскөйөн хаалбыт иһин имэринэ-имэринэ олоппоһугар тиэрэ түстэ.Кыргыттар эмиэ хаалсыбатылар:-Гриша, биһигини эмиэ хатааһылатар инигин,-дии-дии иннигэр-кэннигэр түстүлэр.-Бэйэ оҕоло-оор, сатыы кэлбитим ээ, кэлин хатааһылатыам диэн тылбын биэрэбин.-Пахай, оччоҕуна кыргытта-аар-уолатта-аар, бары тутуспутунан кафебытыгар ужинныы барыахха,-Сеня аччыктаабытын биллэрэн бөскөйбүт иһин аны таптайбахтаан ылла.-Оннук, эйэ-дэмнээхтик бары барыахха,-дэстилэр уонна үлэлэрин түмүктээн хомуннулар.Арай Гриша олорбутун курдук олорор. Уолаттар тахсыбыттарын кэннэ, кыргыттар хаалан, сиэркилэлэригэр көрүнэ-көрүнэ, сирэйдэрин-харахтарын кырааскаланан тупсарыннылар уонна тахсаары туран:-Хайа Гриша, барсыбаккын дуо? Дэстилэр.-Ээ, суох ини, аччыктаабатым,-диэн быһа-бааччы хардарда.-Гришабыт бүгүн хайдах эрэ буолбут, олох кэпсэппэт.-Саҥа массыыналаммыт киһи улаатымсыйдаҕа дии,-дэһэ-дэһэ кыргыттар күлсэ-күлсэ тахсан бардылар.Гриша соҕотох хаалаат, түннүк диэки ыстанна, уолаттар таһырдьа тахсан кыргыттары кэтэһэн тураллар эбит. Сотору кыргыттар дьиэттэн таҕыстылар уонна бары бииргэ, ыллык тэппит кафеларын диэки тугу эрэ кэпсэтэ-кэпсэтэ бара турдулар. Гриша сып-сап остуолугар тэлгэппит кумааҕыларын хомуна охсон, таһырдьаны былдьаста. Дьиэлэр икки ардыларынан саһан-саһан массыынатыгар чугаһаан истэҕинэ аны түлүпүөнэ тырылаата.-Алло.-Привет, Гриша.-Привет, Маша.-Саҥа массыынаҕынан миигин кэлэн ылар инигин, үлэлээн саҥа бүттүм.-Оо, Маша бүгүн сатаммат.-Тоҕо?-Сатыы сылдьабын ээ.-Оччоҕуна көрсүөххэ уонна күүлэйдии барыахха.-Бүгүн хойуккааҥҥа диэри үлэлиирим буолуо, давай сарсын киэһэ көрсүөххэ,-Гриша массыынатын аанын аһан киирдэ уонна алҕас күүскэ баҕайы сабан кэбистэ. Ону чуор бэйэлээх Маша истэ оҕуста:-Массыына аана сабыллар тыаһын иһиттим дии, албынныыгын быһыылаах.-Суох,суох Машенька, таптыыр кыыспын хайаан албынныахпыный, оннук сатаммат буоллаҕа дии.-Хата инньэ диэ, чэ сарсын көрсүөхпүт. Мин эйигин аҕынным аҕай.-Мин эмиэ эйигин олус аҕынным, чэ пока.-Пока.Гриша Машалыын өссө устудьуон сылдьан билсибитэ. Маҥнай утаа көннөрү доҕордоһоллор эрэ этэ.Аргыстаһан үөрэнэ бараллара, аргыстаһан дьиэлэригэр кэлэллэрэ, онтон сыыйа-баайы доҕордоһуулара тапталга кубулуйбута. Үөрэхтэрин бүтэрэн диплом ылар күннэригэр рестораҥҥа малааһын тэрийбиттэрэ. Онно Гриша үөрүүтэ бэрдиттэн арыгыны ордук хоһуу иһэн кэбиһэн, улаханнык холуочуйбута, харса суоҕар киирбитэ. Түүн үөһүн саҕана Машаны саҥа дьиэтигэр ыҥырбыта, кыыс утарылаһар санаата баара көстүбэтэҕэ, тута сөбүлэспитэ. Ол түүн Гриша харса суоҕар киирбиччэ таптыырын билиммитэ, Маша, мин эмиэ таптыыбын, диэн хардарбыта. Аан маҥнай уос-уостарыттан даҕайсан сылласпыттара, онтон сарсыарда кус сыгынньах куустуһан

уһуктубуттара. Кинилэр саҕа дьоллоох дьон бу Орто дойдуга суоҕун курдук санаммыттара. Маша билигин Дьокуускай куорат биир банкатын тутаах үлэһитэ, биллэн турар бу хамнастаах үлэни сабыдыаллаах төрөппүттэрэ булан биэрдэхтэрэ. Кинини билигин дьон истэригэр Маша эрэ диир сатаммат, хайаан даҕаны аҕатын аатын состорор тоҕоостоох, Мария Федотовна. Гриша күндү доҕорун олус күүскэ таптыыр, хайаан даҕаны кинилиин холбоһон, оҕо-уруу төрөтөн, ыал буолан олорор санаалаах.Гриша массыынатыгар саһан арый холкутуйда, акаары кыыс, диэн үөхсэ-үөхсэ Машаҕа эрийдэ.-Алло,-диэн саҥа иһилиннэ.-Бу мааҕыҥҥы уол эрийдим.-Ээ, биллим ээ.-Туох диэн быһаардыҥ?-Ити залогка баар сервиска тиийэр үһүгүн, онно кэтэһиэм диэбитэ.Бу кыыс олох далай акаары дуу, хайа үөдэн дуу, Гриша иһигэр үөхсэн ылла:-Залогка сервис элбэх ээ, ону хайдах булан, кимиэхэ тиийэбин?-Кинилэр бары билсэллэр ээ, ыйыттаххына сразу..,-Эн акаарыгын дуу,хайдах дуу? Ол хас сервис аайы тохтуу-тохтуу тугу ыйыталаһабын? Гриша тулуйбакка бардьыгынаан барда.-Билигин кини эрэ үлэлии сылдьар буолуохтаах.-Сип-сибилигин таксита тутан, Орджоникидзе площадка кэл, иккиэн барабыт,онон бүтэр! -Ээ, таксига харчым суох ээ.-Оо, шайтан, ханна бааргыный? Билигин кэлэн ылыам.-Уон сэттис кварталга.Гриша түлүпүөнүн арааран баран:-“Уон сэттис кварталга..,”- диэн абаккатыгар уоһун ханньаччы тутта-тутта кыыһы үтүгүннэ.Уон сэттис кварталынан эргийэн, аны залокка тиийэн кэллилэр. Ол тухары тугу даҕаны кэпсэппэттэр, Гриша хайдах эмэ атыннык хамсаннар эрэ Маша барахсан кэккэлэһэ олорон, куттанан “дьук” гына түһэр, аны охсуо дии санаахтыыра буолуо. Гриша бастаан онтон кыыһырыах курдук буолбута да, кэлин үөрэнэн хаалла. Онтон собус-соруйан эмискэ хамсаныталаан ылаттаата, ол аайы кыыс соһуйарын көрө-көрө мичик гынар.-Тугу эрэ албынныыгын быһыылаах, мин көрдөхпүнэ сервис барыта хатааһыннаах дии,-Гриша Дежнев аатынан уулусса устун айаннаан иһэн ыйытта.-Суох албыннаабаппын, мааҕын кэпсэппитим ээ. Итиннэ хаҥас диэки кыбытык уулусса баар, онно салайаар.Кыыс ыйбыт суолунан айаннаан олох да чааһынай дьиэҕэ тиийэн кэллилэр. Олбуор айаҕар тохтоотулар, Маша түлүпүөнүн таһааран эрийдэ:-Баанньыска, биһиги кэллибит,-эрэ диэтэ.Сотору боруота аһылынна, хара бараан сирэйдээх,кып-кыараҕас харахтаах, маадьаҕар атахтаах киһи көһүннэ. Илиитинэн сапсыйан, киириҥ, диэтэ. Бэйэтэ даҕаны кыараҕас олбуор тобус-толору массыына тимирдэринэн туолбут, киһи ханан даҕаны үктэнэр сирэ да суох курдук. Аһаҕас ааннаах гараж иһиттэн сахалыы музыка кутуллар. Муус-маҥан ырбаахылаах, синньигэс хара хаалтыстаах, хап-хара ыстааннаах, уһун көнө уҥуохтаах Гриша сабыс-саҥа массыынатыттан таҕыста. Маша эмиэ сып-сап харбыалаһан тахса оҕуста. Баанньыска дэнэр киһилэрэ Гришаҕа утары хааман кэллэ:-Дорообо,-диэн, массыына арыыта барбат гына дэлби иҥэн, харааран хаалбыт илиитин уунан иһэн, кыбыстан төптөрү тардан ылла.-Дорообо,-диэтэ Гриша, илиитин утары уунуохча буолан иһэн тутунна.-При-при-привет, Маша,-Баанньыска кэлэҕэйдээтэ.-Привет Баанньыска,-Маша эр дьон кэпсэтиилэригэр кыттымаары тэйэ хаамта, эбэтэр бу үлүгэр быһылаан таһаарбытыттан кыбыстыбыта эбитэ дуу.Баанньыска массыынаны эргийэ сылдьан чинчийэ көрдө. Онтон быһа-бааччы:-О-о-оҥо-руох-руох-пут,-диэн кэбистэ.-Хаһан?-И-и-ик-икки кү-кү-күнүнэн э-э-эрийээр,эри-и-и-йэр.-Үчүгэйдик,биллибэт гына оҥорор инигит? Гриша элбэҕи этээри,ыйыталаһаары бэлэмнэммитэ даҕаны, Баанньыска кэлэҕэйиттэн салынна.-Кы-кы-кыһаллыахпыт, кү-кү-кү-кү..,-диэн эрдэҕинэ Гриша массыынатын күлүүһүн туттаран кэбистэ.Мантан ордук тугу кэпсэтиэй, киһи аахсыбат дьоно дуу, диэн санаан ылла. Онтон хайа барбыт таастаах айфонун таһааран, такси ыҥырда. Машалаах Баанньыска гараж иннигэр туран эрэ тугу эрэ кэпсэтэллэр, Маша:-Бырастыы гын, Баанньыска,-диэхтиир.Биирдэстэрэ:-Чэ, ни-ни-ни-ни-че-че-го,-диэн нууччалыыр.-Чэ, мин дьиэлээтим сөп,- Маша арахсаары туран, бүтүннүү арыы буолан хаалбыт доҕорун уураан ылыан дуу, кууһан ылыан дуу баҕарда эрээри, хайата даҕаны табыгаһа суоҕун өйдөөн тохтоото. Ол курдук олбуортан тахсан, сатыы бара турда.Сотору соҕус Гриша таксита тиийэн кэллэ. Күнү быһа үлэлээн-хамсаан, сүүрэн-көтөн сылайбыт киһи быһыытынан массыына сымнаҕас олбоҕор тиэрэ түһүнэн кэбистэ. Сатыы хааман иһэр Машаны ситэн, быдан ааһа баран, баран дьэ өйдөннө, бу кыыс харчыта суох хайдах уон сэттис кварталга тиийиэҕэй?-Массыынаҕын тохтот эрэ, ити кэннибититтэн иһэр кыыһы таарыйа уон сэттис кварталга илдьиэхпит,-диэн суоппарга эттэ.

.
салгыытын куутэбит) уьаппакка - кэнэппэккэ суруйаргар алгыыбыт)

Сулус уола
Түгэн.
Гриша массыыната оҥоһулларын олус долгуйа кэтэспит санаатыгар икки күн уһаан-кэҥээн өр да өр буолла. Кэмниэ кэнэҕэс болдьохтоох кэм дьэ туолла, хара сарсыардаттан эрийээри гынан баран, син-биир билигин барар кыаҕым суох, үлэ чааһын кэнниттэн эрийиэм, дии санаан тохтоото. Ол олордоҕуна түлүпүөнэ тырылаата:-Массыынан бэлэм,баран ылар үһүгүн,- Маша куолаһа иһилиннэ.-Хайдах оҥордулар, үчүгэй дуо, биллибэт дуо? Баанньыска бэйэтэ тоҕо эрийбэт? Гриша тута үрүт-үрдүгэр ыйытта.-Мин көрө иликпин ээ, Баанньыска бэйэтэ дьоҥҥо хаһан даҕаны эрийээччитэ суох.Арба, эппэт кэлэҕэй этэ, дии санаан ылла Гриша:-Сөп,

киэһэ үлэ чааһын кэнниттэн тиийиэм, инньэ диэн эт.-Мин онно баар буолуом ээ, кэтэһиэхпит.Гриша түлүпүөнүн арааран баран,эн баҕас онно тугу абыраары тиийэҕиҥ, диэн аҥала курдук Машаны иһигэр үөхсэн, мичик гынан ылла. Бу күнү быһа Гриша аанньа үлэлээбэтэ, массыыната өйүттэн олох тахсыбат. Аҥала кыыс да, эппэт кэлэҕэй,быһах угун саҕа уҥуохтаах уол да, киһи соччо эрэниэ суох дьонугар сабыс-саҥа массыынатын оҥотторо хаалларан кэбистэҕэ. Ол кэриэтин аналлаах үчүгэй сервисэ туттарбытым буоллар, харчытын баҕас син төлүөм этэ. Билигин кэлэн хайдах гыныам баарай, киэһэ тиийэн көрүллүө, үчүгэйдик оҥорор, сатыыр буолан эрэннэрдэ ини. Баанньыска холкута сүрдээх этэ дии, диэн Гриша бэйэтин уоскутунна.-Гриша, үлэ чааһа бүттэ, кафеҕа барсыбаккын дуо? Уолаттар, кыргыттар хайыы-сах таҕыстылар,- кумааҕыларын хомуна туран, Сеня суолтатыгар ыйытта.-Аа, туох диэтиҥ?-Бу киһи олох аҥала буолан хаалбыккын дуу, хайа үөдэн дуу? Ужинныы барсыбакын дуо, диибин?-Ээ,суох ини.-Чэ хаал, кабинет күлүүһэ мин остуолбар сытар. Бэҕэһээ кабинеты хатаабакка барбыт этиҥ, бүгүн баҕас умнубат инигин?-Ээ, суох ини,- Гриша Машаны аҥала диэн үөхсэр эрээри, бу күннэргэ бэйэтэ киниттэн тугунан да ордубакка сылдьар.Хата бүгүн хатааһылыы барар туһунан ким даҕаны тыл кыбыппата, ыкпатылар-хаайбатылар. Гриша такси ыҥыран, Баанньыска дьиэтин дуу, сервиһын дуу, диэки айаннаата. Олбуор аанын тоҥсуйбахтаан баран,оргууй сэрэнэн иһирдьэ киирэн кэллэ. Аһаҕас ааннаах гаражка турар магнитофонтан сахалыы музыка кутуллар дии санаабыта, Баанньыска бэйэтэ гитараҕа оонньуу-оонньуу ыллыы олорор эбит. Кып-кыараҕас харахтарынан ис киирбэхтик Машатын уун-утары көрбүт, бэл диэтэр сирэйэ сырдаабыкка дылы, ыллыырын быыһыгар биир кэм мичээрдиир. Кыыс эмиэ утары көрбүт, хос ырыата кэллэҕинэ ураты үрдүк бэйэлээх куолаһынан ыллаһан унаарытар:Эйэҕэстик көрдүм күн тахсан эрэрин,Илиибин өрө уунан айыылартан көрдөстүм,Мин олоҕум уһаатын, ыарыы диэн ыалласпатын,Куһаҕан санаа тыла аттыбар сылдьыбатын!Айыыларым уолгутун харыстааҥ, араначчылааҥ!Сөптөөх суолу ыйаҥҥыт олоҕум суолун устун арыаллааҥ!Айыыларым уолгутун харыстааҥ, араначчылааҥ!Сөптөөх суолу ыйаҥҥыт олоҕум суолун устун арыаллааҥ!Мин дьоннорбун таптыыбын, олуһун диэн ахтабын,Харахпын быһа симээт кинилэри көрөбүн,Мин алааска турабын уу чумпуга тыынабын,Тобукпар охтон туһээт ийэ сиртэн көрдөстүм!Ийэ сирим бар дьону харыстаа, араҥаччылаа!Сөптөөх суолу ыйаҥҥын кинилэри өрүү харыстаа!Ийэ сирим бар дьону харыстаа, араҥаччылаа!Сөптөөх суолу ыйаҥҥын кинилэри өрүү харыстаа!Эйэҕэстик көрдүм күн тахсан эрэрин,Илиибин өрө уунан айыылартан көрдөстүм,Мин олоҕум уһаатын, ыарыы диэн ыалласпатын,Куһаҕан санаа тыла аттыбар сылдьыбатын!Айыыларым уолгутун харыстааҥ, араначчылааҥ!Сөптөөх суолу ыйаҥҥыт олоҕум суолун устун арыаллааҥ!Айыыларым уолгутун харыстааҥ, араначчылааҥ!Сөптөөх суолу ыйаҥҥыт олоҕум суолун устун арыаллааҥ!Гриша саҥата суох олбуор баҕанатыгар өйөнөн,ыллаан бүтэллэрин кэтэһэн турда. Кыыстаах уол иккис ырыаларын ыллаан саҥалаан иһэн, киһи турарын дьэ таба көрдүлэр. Баанньыска Гришаҕа чугаһаата, дорообото-дыраастыйа суох:-Бу,-эрэ диэтэ уонна массыына диэки ыйда.Гриша эргийэ сылдьан массыынатын чинчийдэ, бамперын тардыалаан,охсуолаан көрдө, барыта ымпык-чымпык, олох собуокка оҥоһуллубут тэҥэ. Бэркэ диэн астынна, иһигэр олус үөрдэ, ол эрээри ону биллэрбэтэ:-Сөп,-диэнинэн муҥурданна.Массыынатын собуоттаан олбуортан тахсан эрдэҕинэ, Маша сүүрэн кэлэн түннүгүн тоҥсуйда:-Онтон,онтон докуменнарбын билигин биэрэҕиҥ даа?Гриша дөкүмүөннэри олох да умнан кэбиспит, массыынатын ыла кэлэригэр ол туһунан санаабатаҕа даҕаны.-Тфу-уу, дьиэбэр хаалан хаалбыттар.-Оо,дьэ оччоҕуна мин хайдах буолабын?-Миигин кытта билигин барсар кыахтааххын дуо? -Барсар кыахтаахпын.Уоллаах кыыс саҥата суох куорат устун айаннаан иһэллэр, массыына иһэ уу-чуумпу. Гриша массыынатын буор-босхо оҥотторон үөрүүтэ сүрдээх, тэһийбэтэ,кэпсэтиэх санаата киирдэ:-Мин аатым Гриша диэн,-диэтэ.-Ээ диэ, онтон мин Машабын.-Ону билэбин.-Ээ диэ.-Ити доҕоруҥ Баанньыска олус үчүгэйдик ыллыыр эбит дии, ыллыырыгар кэлэҕэйдээбэтэ дьикти.-Оннук, кини олус талааннаах киһи ээ,өссө үчүгэй баҕайытык уруһуйдуур. Ону-маны барытын сатыыр, дьиэ тутар, уһанар, оһох оҥорор..,-диэн, аны Маша доҕорун хайҕаан, тохтоло суох саҥаран-иҥэрэн барда. Бу сырыыга куттанан “дьик” гына олорбото, иэһин төлөөн, санаата чэпчээтэҕэ.Гриша дьиэтин айаҕар кэлэн тохтообута,өлүү түбэлтэлээх Машата кэлэн, подъезд иннигэр кэтэһэн олорор эбит.-Маша-аа, эн олох хамсаабакка-тыыммакка массыына иһигэр олор, мин билигин дөкүмүөннэргин таһаарыам.-Сөп.-Хайа Гриша, тоҕо өр баҕайы буоллуҥ? Кэтэспитим ыраатта дии,- Маша кууһан ылан сыллаата.-Үлэбэр тардыллан хааллым, чэ дьиэҕэ киириэххэ.-Онтон саҥа массыынабытын көрбөппүт что ли?Гриша Машаны соһон кэриэтэ дьиэтигэр киллэрдэ, дөкүмүөннэри ылла уонна:-Эн дьиэҕэ олорон кэтэс сөп, мин түп-түргэнник кэлиэм. Онтон дьэ хатааһылатыам да хатааһылатыам.Маша түннүгүнэн саҥа массыынаны көрөн турда, онтон эмискэ эргиллэ биэрдэ:-Гриша массыынан аана аһаҕас дии, биир кыыс олорор батта.-Суох,суох ити кыыс буолбатах. Билигин киириэм,-Гриша ситэ истибэккэ таһырдьаны харбыаласта.Ойон тахсан, массыына аанын аһан олорор Машаҕа саба түстэ:-Мин эйиэхэ эппитим дии, ылы-чып олор диэн. Тоҕо ааҥҥын астыҥ?-Онтон итии баҕайы дии.-Туох үөдэн кыыһа миигин буулаатаҕай, таҕыс ыл,-Гриша кытарыаҕар диэри кыыһырда. Дөкүмүөннэри туттаран кэбистэ уонна массыынатын хатаан дьиэтин диэки барда.-Онтон миигин дьиэбэр бырахпаккын дуо?-Иди на.., на.., дура! Эмиэ сутуруктарын өрө көтөҕөн, күөрэҥнэттэ.Маша куттанан кэннинэн тэйбэхтээтэ, онтон кэннин хайыһан көрө-көрө тэскилии турда.Гриша дьиэтигэр сүүрэн киирэн иһэн аан айаҕар аны бэйэтин Машатын көрсө түстэ. Кини сирэйэ-хараҕа алдьаммыт, дэлби кыыһырбыт көрүҥнээх.-Маша, ханна бардыҥ?-Ты меня за дуру не держи.-Маша барытын быһаарыам.-Тугу даҕаны быһаарар наадата суох, атын кыргыттары хатааһылата сылдьаргын илэ көрдүм буолбат дуо. Мин икки күнү быһа ыҥыра сатаабытым, албынныыргын сразу сэрэйбитим,- Маша төбөтүн хантатан, бара турда.Гриша кэнниттэн эккирэтиэх курдук буолан эрдэҕинэ, аны түлүпүөнэ тыаһаан бытарытта. Таһааран көрбүтэ аҕата эбит, хайаан даҕаны кэпсэттэҕинэ эрэ табыллар:-Истэбин аҕа-аа.-Саҥа массыыналаммыккынан эҕэрдэлиибин.-Баһыыба.-Бүгүн светофорга тохтоон турдаххына билэр киһим эйигин көрбүт, тута миэхэ эрийбитэ. Бэртээхэй массыына ылбыт диир.-Ээ, оннук.-Чэ массыына аата массыына, хаалан эрдин. Оннооҕор үчүгэй сонуну иһитиннэрдэ ээ.-Ол тугу?-Кип-киэҥ харахтаах, нарын-намчы кыыһы кытта кэккэлэһэн ис киирбэхтик, үөрэ-көтө кэпсэтэ олорор үһүгүн, ону истэн үөрдүм ээ. Кырдьык ини.-Ээ, оннук.-Серьезнай отношение ини?-Оннук курдук.-Истэн үөрүөхпүн, кыыһын аата ким диэний? -Мария.-Туох үлэһитий,дьоно-сэргэтэ.., бэйэ аны доппуруостаан бараары гынным дуу. Кэмэ кэллэҕинэ билиһиннэрэр инигин?-Оннук.-Чэ кытаат, тукаам.Гриша Машатын эккирэппэтэ, эйэлэһэр инибит, дии санаата уонна дьиэтин диэки саллаҥнаата. Гриша аҕата тыа сиригэр олордор даҕаны, сабыдыала сүрдээх. Билэр дьоно дэлэйэ киһини сөхтөрөр. Олох уолбун көрө-истэ сылдьыҥ, тугу эмэ биллигит даҕаны, сибис гынан иһиҥ диэн, хас биирдиилэригэр сорудах биэрбит диэххэ айылаах.

кыыс
салгыытын куутэбин)

Маша
Наьаа учугэй кэпсээн салгыытын куутэбин

Ньургуьун сибэкки
Наьаа да астык кэпсээн олус учугэй ))киинэ сценарийын курдук ди сал5ыытын долгуйа куутэбин

Ааҕааччы
Салгыыта хаһан?

Сулус уола
Түгэн.
Бу түүн Гриша уута кэлбэккэ, собус-соҕотоҕун кип-киэҥ дьыбааныгар эргичиҥнии сытта. Машатын саныыр, кини олус өһүргэс, күнүүһүт, ону эбии кыраттан кыыһыран тырытта сылдьар идэлээх. Ол эрээри кыыһырбыта бэрт түргэнник уостан хаалааччы. Хайаан даҕаны күн сарсын бэйэтэ эрийиэ, бырастыы гын Гриша, эйэлэһиэххэ диэҕэ. Хайдаҕын да иһин мин кинини олус күүскэ таптыыбын, хайаан да холбоһон, ыал буолан наһаа дьоллоохтук олоруохпут. Биһиэхэ холоотоххо Баанньыскалаах Маша, биирэ эппэт кэлэҕэй, биирэ аҥала курдук да буоллаллар, олус тапсар пааралар быһыылаах. Ити мааҕын ис киирбэхтик бэйэ бэйэлэрин утарыта көрсөн олорон, наһаа үчүгэйдик, иэйиилээхтик ыллаабыттара. Туораттан көрөн туран оннооҕор мин сүрэҕим долгуйан ылбыта. Баанньыска кырдьык барыны-быры сатыыра өтө көстөр. Онтон мин.., мин үлэбиттэн ураты тугу даҕаны сатаабаппын. Сааһым тухары биирдэ эмэ сүгэ диэни тутан көрбөтөҕүм, хотуурданан от охсубатаҕым, ама дьиэ тутуспутум диэн кэлээхтиэ дуо, суох буоллаҕа дии. Чэ ол эрээри үчүгэй хамнастаах үлэлээхпин, дьиэлээхпин-уоттаахпын, саҥа массыыналаахпын. Сотору Машабын кытта холбоһон, ыал буолан дьоллоохтук да дьоллоохтук олоруохпут. Кыһалҕа тирээтэҕинэ мин да оннукка-манныкка үөрэниэм, барыны-бары сатыыр буолар инибин. Онтон ити Баанньыска күнүстэри-түүннэри үлэлээн-хамсаан, тимири кытта хадьымахтаһан төһө элбэх харчыны өлөрөрө эбитэ буолла, сэрэйдэххэ соччо элбээбэтэ ини, диэн Гриша бэйэтин уоскутунна. Бэйэ эрэ, мин массыынабын итиччэ үчүгэйдик буор-босхо оҥотторон баран, саатар махтамматым дии. Аҥала кыыс мин массыынабын алдьаппытыгар кини буруйа суох ээ. Гриша аны Баанньысканы аһынан барда. Маннык сатаммат, астыга суохтук быһыыламмыппын, күн сарсын харчытын төлөөтөхпүнэ сатанар. Мин хамнаһым элбэх, сүүрбэччэ тыһыынчаны биэрэр кыахтаахпын,онтон баҕас дьадьайыам суоҕа. “Дьону үлэлэттэххэ, хамнастарын болточчу соҕус тута төлүүр тоҕоостоох,” диэн аҕам куруук үөрэтэр ээ. Гриша санаата арый чэпчээн, утуйан хаалла.Уута ханыар диэри утуйан, сарсыарда быдан хойут уһугунна. Бүгүн өрөбүл ханна даҕаны ыксаабат, түлүпүөнүн ылан, Машаҕа эрийээри гынан баран, баҕар утуйа сытара буолуо дии санаата уонна ватсабынан сурук ыытта. “Маша дорообо, мин Баанньысканы кытта көрсүөм этэ, кини иллэҥ дуо”? Диэн суруйаатын кытары тута түлүпүөнэ тыаһаан тырылаата. Бэйэтин Машата эрийэ охсубут:-Хара сарсыардаттан саҥа тапталлааххын кытта ватсаптаһа сытаҕыҥ дуу?-Суох, эйигин суруйбута буолаарай диэн киирэн көрдүм.-Сымыйалаама.-Кырдьык этэбин.-Бэҕэһээ ханнык кыыһы хатааһылата сылдьыбыккыный?Гриша мух-мах буолла:-Ээ, ити бииргэ үлэлиир кыыһым дии, дөкүмүөннэрин ыла кэлбитэ.-Кырдьык дуо?-Кырдьык, Маша кыыһырыма сөп, эйэлэһиэххэ.-Чэ сөп. Мин бэҕэһээ эйиэхэ

тугу эрэ этээри гыммытым ээ.-Ол тугу?-Бэҕэһээ балыыһаҕа сылдьыбытым.-Ыарыйдыҥ дуо?-Суох, акаары.-Оччоҕуна туох буоллуҥ?-Онтон туох буолбутум буолуой? Бэйэҥ сэрэй.Гриша толкуйдуу сатаан баран:-Маша, не томи, этиий,-диэтэ.-Мин оҕо кэтэһэбин.Гриша оронугар олоро биэрдэ уонна:-Эс,- диэбитин бэйэтэ да өйдөөбөккө хаалла.-Эс, буоллаҕына сырыт,-Маша эмиэ кыыһыран түлүпүөнүн арааран кэбистэ.Гриша өһүргэтэр санаата олох да суох этэ, алҕас тахсан хаалбыт тылы хайдах да тутан ылар кыаҕа суох. Түлүпүөнээмиэ тырылаата:-Алло.-Дорообо, ватсап ыыппыккын, ол иһин эрийдим,-аны атын Маша куолаһа иһилиннэ.-Дорообо, мин Баанньысканы кытта көрсүөм этэ.-Тоҕо?-Массыынабын оҥотторон баран, махтамматым даҕаны уонна киһини итиччэ үлэлэтэн баран, харчытын төлөөтөхпүнэ сатаныа этэ.-Ээ, ити мин.., мин бэйэм хамнаспыттан кыралаан төлүөм ээ.-Ол тоҕо?-Алта ый устата кыралаан төлүүр клиент баар диэн, Баанньыскаҕа сымыйалаабытым ээ. Мин алдьаппыппын биллэҕинэ массыынабын былдьаан ылыа, урууллуурбун көҥүллүө суоҕа.-Хаһы төлүүгүн ол?-Сүүрбэ биэс тыһыынчаны.-Сүүрбэ биэс тыһыынчаны сыл аҥарын ус..,-диэн иһэн Гриша тохтоон хаалла,онтон,-бүгүн мин бэйэм төлүөм. Хаска тиийэрим сөбүй?-Эбиэт саҕана кэлээр, мин онно баар буолабын ээ.-Сөп.Болдьохтоох кэмигэр Гриша Баанньыска дьиэтигэр тиийэн кэллэ, массыынатын олбуор таһыгар хаалларда. Гараж иһиттэн кэм да сахалыы ырыа кутуллар, уоллаах кыыс ону кытта тэбис-тэҥҥэ ыллаһаллар. Баанньыска УАЗ массыына мотуорун хасыһа сылдьар, кыыс куолаһа иһиллэр эрээри, бэйэтэ ханна баара көстүбэт.-Дорообо Баанньыска,-Гриша илиитин уунна.Биирдэстэрэ сүр түргэнник аттыгар сытар тирээпкэни харбаан ылан, кичэйэн-кичэйэн илиитин сотунна уонна утары уунна:-До-до-дороо-роо-роо-бо,- Баанньыска билигин аҕай бэртээхэй бэйэлээхтик ыллыы сылдьыбыта мэлийэн, кэлэҕэйдиирэ бэргээтэ.Гриша Баанньыскаҕа чугаһаары туохтан эрэ иҥнэн умса баран түһэ сыыста.-Айыка-аа, атахпын быһа тэптиҥ,-диэбитинэн Баанньыскаттан туох да итэҕэһэ суох бүтүннүү арыы баламах буолбут Маша массыына анныттан тахсан кэллэ.-Уой, бырастыы гын Маша,-Гриша, бүтүннүү арыы буолбут кыыс сирэйин көрө-көрө, кыайан туттуммата, күлэн тоҕо барда.-Тоҕо күлэҕиҥ? Мин өрөбүллэрбэр Баанньыскаҕа көмөлөһөбүн ээ.-Кыыс массыына анныгар сытара наһаа дьикти дии.-Массыына оҥорор наһаа интэриэһинэй ээ, мин сөбүлүүбүн ээ.Гриша күлэрин кыатана сатыы-сатыы:-Баанньыска, улахан махтал. Бу харчыгын аҕаллым.-Бэ-бэ-бэрт дии. сип-сип-сип- си-си-сибилигин зап-зап-запчаас ы-ы-ы-ыла ба-ба-ба-рыа-ыах-пыт, Маша.-Сатыы бараҕыт дуо? Гриша олбуор иһин кэрийэ көрдө да сүүрүөх айылаах массыына баарын булбата.-Сатыы барабыт,- Маша хардара оҕуста.-Оччоҕуна мин ылан кэлиим.-Ха-ха-хата диэ,-баҕалаах киһи баарыттан Баанньыска үөрдэ уонна тугу ылыахтааҕын суруйа охсон, быһаара сатаата да биһиги киһибит тугу даҕаны өйдөөбөтө. Сырыы аайы:-Ол аата тугуй? диэн ыйытарыттан ордубата.Баанньыска онтон күлэн ырбайда уонна быһа бааччы:-Ма-Ма-Маша барыс,-диэн кэбистэ.Гришалаах Маша кэккэлэһэ олорон айаннаан иһэллэр:-Онтон эн тоҕо массыынаҕын сүүрдүбэккиний? Гриша ыйытта.-Бамперым кып-кыратык хайдыбыт уонна сараапайдаммыт, ол иһин Баанньыска көрбөтүгэр эрэ сүүрдэбин.-Оо, эмиэ эрэй эбит.-Кини киһи ону көрдөр эрэ тута сэрэйиэҕэ, оччоҕуна олох да сатыы сылдьарбар тиийэбин.-Онтон тоҕо оҥотторбоккун?-Харчыланнахпына оҥотторуом, биллэн турар Баанньыскаҕа буолбатах.Маша массыына запчааһыгар сүрдээҕин быһаарсар эбит, атыылаһа туран, эр киһиттэн итэҕэһэ суох тутан-хабан,кыҥастаһан көрөр. Ол аайы Гриша, бэрт мааны таҥастаах аттыгар туран эрэ, кыбыстан кэтэҕин тарбаммахтыыр, сотору-сотору муннун соттуммахтыыр.Атыыласпыт запчаастара эчи элбэҕин, ыйааһына ыараханын. Гриша көмөлөспөтөҕө эбитэ буоллар маҕаһыыҥҥа хаста эмэ кырыныахтара хаалбыт, күннэрэ онно бараныа этэ. Аҕалан, олбуор иһигэр сүөкээн баран, арахсаары туран Гриша алҕаска бэйэтин Машатыгар этэрин курдук:-Көрсүөххэ диэри, Маша,-диэн кэбистэ.Маша онтон күллэ:-Оннук да буоллун,-диэтэ.Баанньыска төбөтө массыына капотун анныгар батары түстэр даҕаны, ырыата-тойуга олбуор иһин биир гына толорор.

Ньургуьун сибэкки
Сал5ыытын куутэбин)

Ньургуьун сибэкки
Кэтэьэн кэлтэгэй буоллум :/

Сулус уола
Түгэн.
Баскыһыанньа сарсыарда Гриша эрдэ уһугунна. Сып-сап суунан-тараанан, аһаан-сиэн бүттэ уонна таҥнан, таһырдьа тахсаары туран сиэркилэҕэ көрүҥнэ. Иннигэр сотору аҕа аатын сүгэр киһи мөссүөнэ көстөр. Кини билигин дьиэ кэргэн аҕа баһылыга буолан, кып-кырачаан оҕотун көтөҕөн бүөбэйдиэҕин хайдах даҕаны толору өйдүүр кыаҕа суох. Ол эрээри олох көрдөрөн иһиэ, кыһалҕа барыга барытыгар үөрэтиэ диэн, эрэх-турах санаалаах. -Бүгүн хайаан да Машабын кытта эйэлэстэхпинэ сатанар,-диэн ботугураата уонна өрө тыынан ылла.Маша куорат таһыгар киэҥ-куоҥ коттедж дьиэҕэ олорор. Билигин ийэтэ омук сирдэринэн күүлэйдии сылдьар, онон аҕатынаан иккиэйэҕин эрэ олороллор. Аҕата бэрт кэпсэтинньэҥ,олус сымнаҕас майгылаах киһи, Гришаны маҥнай көрөөт, сөбүлээбитэ, эр киһилии аҕыйах эрээри, лоп-бааччы саҥарарын хайҕаабыта. Онно холоотоххо ийэтэ үүт-үкчү Маша курдук, кыраттан кыыһыран тырытта түһэр, мөхпүтүнэн-эппитинэн барар. Онтон көрүөх бэтэрээ өттүгэр кыыһырбыта мэлийэ охсон, күлбүтүнэн-үөрбүтүнэн барар. Билигин ийэтэ суох, онон туһанан Гриша Машалаахха холкутук сылдьар, сорох ардыгар хонон

да хааллаҕына көҥүлэ. Аҕата онно ончу кыһаммат.Гриша үрдүк да үрдүк олбуордаах, икки этээстээх дьиэ иннигэр кэлэн тохтоото. Массыынатыттан тахсыбакка олорон сигнааллаата, сотору боруота аана бэйэтэ аһылынна, хап-хара массыына олбуор иһигэр киирдэ.-Дорообо, Гриша,- Маша аҕата, Степан Егорович, утары хааман кэлэн, илии тутуста.-Дорообо, Маша дьиэтигэр баар ини?-Дьэ, баар бөҕө, ийэтин курдук кыыһыран тырытта сытар, миигин кытта отой кэпсэппэт. Бу киһи сылдьар диэн хайыһан даҕаны көрбөт,-Степан Егорович кыыһа ыҥаалыырыгар үөрэнэн хаалбыт буолан олох кыһаммат. Хата күлэн мичик гынна.-Ол тоҕо кыыһырдай?-Дьэ ону бэйэҥ киирэн ыйыт. Хата бэртээхэй массыына ылбыккын дии.-Эн джипкэр холоотоххо, оҕо оонньуура буоллаҕа.-Ха-ха-ха, кырдьык оннук. Миэнэ диэн танка бэтэрээтинэн буоллаҕа.-Ол оннугар миэнэ быдан аҕыйах бензины сииринэн эйиэнинээҕэр ордук.-Бензин диэхтээн, миэнэ киэҥэ-куоҥа сыттаҕа.Эр дьон массыыналарын хайҕаһа турдахтарына дьиэттэн Маша тахсан кэллэ. Степан Егорович кыыһын көрөөт:-Бэйэ мин ыалга күүлэйдии бардым, чуумпуга тэһийимээри гынным,-диэт олбуортан тахсан, бара турда.-Тугу гына кэллиҥ? Маша кыыһырбыта өссө ааһа илик.-Эйэлэһээри кэллим. Маша, баһаалыста, баһаалыста бырастыы гын алҕас тыллаһан кэбиспиппин,- Гриша икки ытыһын холбуу туттубутун бэйэтэ өйдөөбөккө хаалла.Маша ону таба көрөн күллэ:-Хаһааҥҥыттан итинник көрдөһөр буоллуҥ?-Уой, алҕас,- Гриша кыбыстан ытыстарын араара оҕуста уонна Баанньыска Машатын санаан күлэн ылла.-Мин саҥа утуйан турдум ээ. Билигин ас сылытыам, папочкам тугу эрэ буһарбыт, завтрактыахпыт.-Сөп,- Гриша мичээрдиир. Бүттэҕэ ити, эйэлэһэ оҕустахпыт эчи түргэнин. Таптал баар бу сиргэ туохтааҕар да күүстээх, туохтааҕар да күндү. Онтон этиһии, кыыһырсыы диэхтээн көрүөх бэтэрээ өттүгэр симэлийэ оҕустаҕа ити.Аһыы олорон Гриша Машатын утары көрөр, тугу эрэ ыйытыан олус баҕарар, ону кыыс тута сэрэйдэ:-Да Гриша, мин беременнайбын.-Оччоҕуна мин сотору папа буолабын?-Эн папа буолаҕыҥ, мин мама буолабын. Итэҕэйиэх санаан олох кэлбэт даа?-Кырдьыгын эттэххэ оннук.-Честно говоря, мин эмиэ олох итэҕэйбэккэ сылдьабын ээ.-Маша биһиги холбоһуохпут, оҕолонуохпут уонна хайаан да олус дьоллоох ыал буолуохпут,- Гриша Машатын кууһан ылла.-Оннук эрэ буоллун,- Маша төбөтүн уол санныгар уурда.-Чэ, Маша таҥын, наконец-то хатааһылыы барыахха.-Ура-аа, я мигом.Өрөбүл күн массыына аҕыйах, уоллаах кыыс кураанах кэриэтэ уулусса устун, кэккэлэһэ олорон айанныыллар. Сэрэйдэххэ тапталынан туолбут сүрэхтэрэ тэбис-тэҥҥэ долгуйа тэбэн эрдэҕэ.-Гриша бэйэбит массыыналаахпыт наһаа үчүгэй дии.-Үчүгэй бөҕө буоллаҕа дии, Маша. Баҕардыбыт да ханна баҕар тиийиэхпитин син.-Оннук, оччоҕуна паркаҕа барыахха, күүлэйдиэххэ.-Давай, детство вспомним,-Гриша уруулун эрийэ тутан, парка диэки салайда.Парка олус тупсубут, оонньуохха-көрүлүөххэ үчүгэйэ сүрдээх. Гришалаах күнү быһа сырыттылар, туох баар аттракциону барытын кэрийдилэр. Киэһэлик оҕо-аймах аҕыйаата, улахан дьон үксээтэ. Машалаах Гриша илии-илиилэриттэн ылсан, мороженнай сии-сии паркаттан тахсан эрдэхтэринэ, оройунан көрбүт орто холуочук уол алҕаска Машаны анньан ааста, мороженнайа түөһүгэр түһэн, таҥаһын дьаабылаан, сиргэ төкүнүйэн хаалла,.Кыыс кимиэхэ да туһаайбакка, үлүбээй:-Оо, тварь,-диэн саҥаран кэбистэ.Холуочук уол иһиттим-истибэтим диэбиттии эргиллэ биэрдэ уонна:-Туох диэтиҥ сүөһү?! Диэн бардьыгынаата.Маша Гришатыгар эрммитэ оччо эбитэ дуу, холуочук киһиттэн чаҕыйбакка утары бардьыгынаата:-Тварь диэтим,онно тугуй?!-Туох буолла? Диэбитинэн аны холуочук уол атастара сырсан кэллилэр. Охсуһарга бэлэм сылтах көстүбүтүгэр үөрэн, сирэйдэрэ-харахтара турбута сүрдээх, арыгыларын сыта били мээнэ биэрэстэлээх сиртэн аҥалыйар.-Маша барыахха, итирик дьону кытта аахсыма,-Гриша машаны харытыттан харбаан ылан, соспутунан барда.-Деребасы, пьяницы,- Маша кыыһыран кытара охсубут, субу аахса барыахча илиитин босхолуу сатыыр.-Бэрээдэгэ суох дьону кытта олох аахсыбат баҕайы, акаарылара сүүстэригэр сурулла сылдьар дии,-Гриша массыынатыгар киирэн баран, Машатын үөрэттэ.-Онтон эн кинилэргэ баран, сирэйдэригэр тоҕо эппэккиҥ, манна миэхэ геройгун көрдөрөҕүҥ дуу.-Сорох ардыгар геройствалыы сатаабакка, куоппут быдан ордук.-Оччоҕуна миигин манна хааллар, бэйэҥ куот,- Маша массыынаттан тахса сатаабытын, Гриша нэһиилэ тутта.Маша олох уоскуйбата, дьиэтигэр тиийиэр диэри Аан дойду дьонун бука барыларын үөхтэ, ол быыһыгар Гриша үгүстүк хаарылынна, куттас, мөлтөх, ньүдьү балай аатырда. Маша массыынаттан тахсан баран, бэрт холкутук уруулугар өйөнөн, тахсар санаата суох олорор Гришаны көрдө уонна:-Онтон эн миигин кытта хаалбаккын дуо? Диэтэ-Суох ини, дьиэбэр баран утуйуом, сарсын үлэ күнэ.-Оччоҕуна катись колбаской,-диэн баран, ааны сүр күүскэ сабан кэбистэ.Гриша эмиэ киһи эбээт, кини ньиэрбэтэ эмиэ муҥурдаах. Туох буруйдааҕар баһыттан тилэҕэр диэри буор-босхо үөҕүллүбүтүн сатаан санаабакка кыыһыран аҕай иһэр. Кэбис, маннык сатаан айанныа суох, “Лена” киинэ тыйаатырын аттыгар массыынатын тохтотто уонна уоскуйа таарыйа күөл диэки аа-дьуо хаамта. Күөл кытыытыгар дьон бөҕө сылдьар, кинилэр бука бары туох да кыһалҕата суох курдуктар, бука бары олус холкулар, тоҕо баҕас бэрдэй. Мин эмиэ билигин кинилэр курдук уоскуйуом диэн хараҕын быһа симээтин кытары кэннигэр:-Ээ, Гриша, эн дуо? Ээ, эн эбиккин дии,-диэн олус холку кыыс саҥата иһилиннэ.

Ньургуьун сибэкки
Олус учугэй да кэпсээн киьи хара5ар барыта ойууланар ди:))))

Чит
Салҕыытын күүтэбит

Сулус уола
Түгэн.
Гриша эргиллэн көрбүтэ, Маша турар эбит.-Хайа, Маша дорообо, бачча киэһэ соҕотоҕун сылдьаҕын дуо?-Соҕотоҕун.-Куттаммаккын дуо?-Туохтан куттаныахпыный, бачча элбэх киһи ортотугар?-Онтон итирик-кутурук дьонтон.-Дьон үксэ үтүө санаалаах, итирик да киһи син киһи буоллаҕа.-Төһөтүн да иһин бачча киэһэ кыыс соҕотоҕун сылдьара наһаа дьикти дии.-Мин Баанньыскаттан мөҕүллэн, кыыһыран аҕай иһэбин.-Ол тоҕо?-Ээ, массыынам бамперын кырааскалата биэрбитим, атын сервискэ үлэлиир, билэр уолаттарбар. Баһаалыста, баһаалыста Баанньыскаҕа этээйэҕит диэбиппин истибэтэхтэр. Тахсан барааппын кытары дакылааттыы охсубуттар. Баанньыскаҕа тиийбитим, киһим кыыһыран аҕай көрүстэ, дэлби мөхтө, ийэбэр үҥсүөх буола хаалла.-Оо, эрэй эбит. Мин эмиэ мөҕүллэн-этиллэн, тотуохпар диэри дэлби үөҕүллэн аҕай иһэбин.-Ол тоҕо?-Тоҕотун бэйэм даҕаны соччо-бачча өйдөөбөтүм,- Гриша мааҕын паркаҕа буолбут түбэлтэни сиһилии кэпсээн биэрдэ.-Онно киһи мөҕөрө баарын өйдөөбөтүм, сөрү-сөпкө гыммыккын.-Ол да буоллар мөҕүлүннүм.Гришалаах Маша, биир өлүүгэ түбэспит дьон, кэккэлэһэн кытыл устун аа-дьуо хаамсаллар. -Эн мантан чугас олороҕун дуо? Маша ыйытта.-Суох, ыраах.-Мин эмиэ наһаа ыраах олоробун.-Билэбин ээ.-Ээ, диэ, арба билэр этиҥ дии. Сарсын үлэ күнэ дьиэбэр тиийэн утуйа охсуом этэ. Чэ пока Гриша, мин бардым,- Маша үрдүк хобулуктаах түүпүлэннэн сырыттар да, бэрт эрэллээхтик хааман-сиимэн, бара турда.-Пока,-Гриша кыыһы кэнниттэн көрөн турбахтаата, онтон дьэ өй ылан, кэнниттэн эккирэттэ:-Маша, Маша, мин массыынанан сылдьабын, дьиэҕэр диэри быраҕан биэриэм.-Ээ, хата диэ,-Маша үөрүүтүттэн дьиэрэҥкэйдээн ылла,Гришаны кэнниттэн батыста.-Маша, мөҕүллүбүт киһиэхэ отой маарыннаабаккын дии, күлэн мичээрдии сылдьаҕын.-Ээ, үөрэнэн хаалбыппын, ол иһин саараама кыһаммаппын. Баанньыскаттан мөҕүлүннүм, аны билигин ийэбиттэн мөҕүллүөм, онтон сарсын үлэбэр хайаан даҕаны мөҕүллүөм.-Ол үлэҕэр тоҕо хайаан даҕаны мөҕүллэҕиҥ?-Сарсын кушан баайы бырааһы кытта дежурстволыыбын. Кини мөхпөтөҕүнэ иһэ ыалдьар.-Эрэй эбит, балыыһаҕа үлэлиигин дуо?-Балыыһаҕа санитаркалыыбын.Таһырдьа хараҥаран барда. Уоллаах кыыс, хаһан даҕаны киһилии оҥоһуллубат, саас-үйэ тухары алдьанан сытар, оллур-боллур суоллаах Петр Алексеев аатынан уулусса устун сыыйылыннаран бэрт бытааннык айаннаан, уон сэттис кварталга чугаһаан кэллилэр.Маша уҥа диэки турар автосервис диэки хайыһан көрдө уонна:-Уой, Гриша, мин массыынабын киллэрбиттэр. Баһаалыста, баһаалыста тохтоон ааһабыт, көрүөхпүн олус баҕарабын.-Как прикажете,- Гриша уҥа диэки салайан, автосервис айаҕар массыынатын тохтотто.-Баһыыба Гриша,- Маша массыынаттан тахсан, боруота диэки хаамта.-Маша, мин көрдөхпүнэ бары сабыылаахтар дии.-Это только на первый взгляд, на самом деле сервис иһигэр үлэ кипит,- Маша ааны тоҥсуйда.Бүтүннүү массыына аҥыныаҕа буолбут киһи ааны аста:-Маша эбиккин дуу, бачча түүннэри тугу гына сылдьаҕыҥ?-Массыынабын көрө кэллим.-Чэ киир,- киһи ааны тэлэччи аһан биэрдэ, Маша сып-сап киирэ оҕуста. Киһи Гришаны одуулаата, атыҥырыы көрдө уонна,-кавалерын киирбэт дуо? Чэ киирбэт буоллаҕына турдун,- диэн баран ааны сабан кэбистэ. Гриша иһирдьэ киирэр санаата да суох этэ, массыынатыгар төннөн кэлэн, Машаны кэтэһэн олордо. Маша өр буолла, Гриша тулуйбакка боруотаны тиийэн тоҥсуйаатын кытары Маша тахсан кэллэ.-Чэ кэпсэппиппит курдук, биэс тыһыынча,-Маша саҥарар.-Ээ, балтыбытыгар оннук бөҕө буоллаҕа, харчыланнын аайы ыксаабакка сыыйа-баайы төлүөн буоллаҕа,-арыы баламах буолбут киһи табааҕын туора уобан туран, хардарда уонна Маша тахсаатын кытары, аанын “лип” гына саба оҕуста.-Массыынабын наһаа үчүгэйдик кырааскалаабыттар, сарсын ылабы-ыын,-Маша үөрбүтэ сүрээх.-Баара-суоҕа биэс эрэ тыһыынчаҕа оҥоттордуҥ дуо? -Уой, биэс тыһыынча диэн миэхэ элбэх харчы ээ.Гриша өйдөөбөккө алҕас ыйыппытыттан кыбыстан саҥатыттан матан хаалла.-Чэ, мин дьиэбэр кэллим. Дьиэбэр диэхтиибин даҕаны, биһиги дьиэбит суох ээ, манна куортамнаан олоробут.Гриша кыыс уп-уһун кыламаннардаах, чоҕулуспут кип-киэҥ харахтарын утары көрөн олорон, олус диэн аһынан сүрэҕэ ытырбахтаан ылла. Тугу да хардарара суох.-Маша, биир тетя дьиэттэн тахсан, биһигини көрөн турар,-эрэ диэтэ.-Уой, ити мин ийэм, билигин мөҕүллэбин.-Кытаат Маша тулуй. Мөҕүллэн-этиллэн киһи-хара буолан сырыттахпыт дии.-Оннук. Гриша, эн наһаа үтүө санаалаах киһигин.-Ону хантан биллиҥ?-Харахтарын итинник дииллэр. Чэ пока, аны мөҕүллүмэ.-Кыһалла сатыам, пока Маша.Маша массыынаттан тахсаатын кытары ийэтэ утары хааман кэллэ:-Ханна сылдьаҕын бачча түүннэри, ити туох киһитэ аҕалла? Ийэ аата ийэ, кыыһын кэтэһэн долгуйбута сүрдээх.-Баанньыскаҕа сырыттым, ити такси дии.-Сымыйалаама, таксиһы кытта итиччэ өр массыына иһигэр сэлэһэ олорботун ини. Онтон Баанньыскаҥ

мааҕын үйэҕэ эрийбитэ, барытын билэн олоробун,- ийэтэ мөҕөн-этэн саҥалаата эбитэ дуу, итинэн бүппүтэ эбитэ дуу, Гриша ситэ истибэккэ дьиэтин диэки айанныы турда.Эрэйдээхтэр кырыымчыктык да олороохтууллар быһыылаах. Хамнастарын туома барыта дьиэлэрин куортамыгар барара буолуо ээ. Гриша Машаны аһынан сүрэҕэ өссө күүскэ ытырбахтаата. Миигин үтүө киһигин диэтэ дуу, дьоҥҥо үтүөнү оҥорбуппун бу диэн өйдөөбөппүн ээ. Бэйэ эрэ, биэс тыһыынчаҕа массыынабын оҥотторобун диэтэ дуу, баара суоҕа биэс эрэ тыһыынча. Гриша үтүө киһи диэппиччэ, уруулун сервис диэки салайа тутан кэбистэ. Биэс тыһыынча диэхтээн, кини сиэбигэр укта сылдьар күннээҕи харчыта буоллаҕа.Дьиэтигэр тиийэн, утуйаары сыттаҕына, ватсап кэллэ. Машам “эйэлэһиэххэ” диэн сурук ыыппыт буолуохтаах дии санаан, түлүпүөнүн харбаан ылан, көрбүтэ отой да атын Маша ватсаптаабыт эбит.“Гриша, туох диэхпин билбэппин, кырдьыганан эттэххэ олус үөрдүм. Ис-испиттэн махтанабын, дьоллоох буол.“Биэс тыһыынча диэхтээн, дии саныы сытан Гриша утуйан хаалла.

S
Наьаа учугэй кэпсээн🤗салзыытын куутэбин..

Лена
Кэтэһэбин, кытаат суруйан ис. Отпуск..субу, субу киирэн көрөбүн

тыа уола
Эрэнэ куутэбит

Вау
Наһаа үчей кэпсээн, салгыытын күүтэбит

Ньургуьун сибэкки
Наьаа учуой кэпсээн сал5ыытын с нетерпением ждём:))))

Ньургуьун сибэкки
Олохо баары ойуулуугун ди наьаа себулэтим

Алена
Салҕыытын күүтэбин

Сулус уола
Түгэн.
Гришалаах Маша кыыһырсан арахсыахтарыттан ыла хас да күн ааста. Ол тухары Маша биирдэ даҕаны эрийбэтэ, ватсапка киирэр эрээри саатар суруйан абыраабат. Урут кыыһырбыта тута ааһа охсон, “эйэлэһиэхэ, бырастыы гын”, диэн суруйбута эрэ баар буолара. Бу сырыыга уһаата-кэҥээтэ, Гриша суруйдаҕына, көрөр эрээри олох хардарбат. Онтон сылтаан Гриша санааҕа ылларда, бииргэ үлэлиир дьонун кытта кэпсэтэрэ аҕыйаата,күнү быһа түлүпүөнүн маныыр, сотору-сотору сиэбиттэн таһааран, баҕар туох эмэ диэн суруйбута буолаарай диэн, өҥөйөн көрөр. Гриша тулуйарын ааһан, Маша аҕатыгар эрийэн ыйыталаһарга быһаарынна. Уһаппакка-кэҥэппэккэ, кабинетын иһигэр ким да суоҕунан туһанан, эрийдэ.-Степан Егорович, дорообо.-Ок-сиэ, Гриша эҕэрдэтэ тут,-Степан Егорович үөрэ-көтө Гришаны эҕэрдэлээтэ.-Мин.., мин ити Машаны ыйыталаһаары эрийдим. Тоҕо эрэ олох сибээскэ тахсыбат дии,- Маша аҕата өстүйбэтэҕин билэн, Гриша ыйытта.-Дьэ доҕо-оор, кыыс эмиэ хараахтара киирэн, миигинниин даҕаны кэпсэппэт.-Туох буоллугут, туохтан кыыһырыстыгыт, туоххутун былдьастыгыт? Хата саҥалаах киһиттэн, эйигиттэн ыйытан билиим эрэ.-Туохпутун былдьаһыахпыт баарай,- Гриша паркаҕа тахсыбыт түбэлтэни лоп-бааччы кэпсээн биэрдэ.-Мин эйигин олох буруйдаабаппын, сөрү-сөпкө гыммыккын, охсуһуох кэриэтин куоппут быдан ордук,-Степан Егорович Гришаны өйөөтө.-Оннук.-Ити кыыс үүт-үкчү ийэтин курдук ээ, олох көрдө-көрбүтүнэн төрөөбүт. Кыыһырара икки, үөрэрэрэ икки тэҥинэн.-Ол эрээри кэпсэппэтэҕэ ыраатта, хас да хонно.-Бэйэҥ кэлэн быһаарсарыҥ ордук буолуо этэ, мин тылбын син-биир истибэтэ сыттаҕа. Чэ ол да буоллар санаабар кэпсэтэн көрүөм.-Махтал, Степан Егорович, мин сибээскэ тахсарын кэтэһиэм,- Хата аҕатын кытта кэпсэтэн Гриша санаата лаппа чэпчээтэ. Аҕа аата аҕа, төһө да өһөс буоллар аҕатын тылын истэр ини, диэн эрэх-турах сананна.Бүгүн баҕар Машам эрийиэ, эбэтэр суруйуо, оччоҕуна тута киниэхэ барыам, онно хонуом, диэн саныы-саныы дьиэтигэр айаннаан кэллэ. Аара атыыласпыт аһын-үөлүн пакекка сааһылаан укта уонна массыынатын хатаан, дьиэтигэр киирэн эрдэҕинэ:-Гриша ээ, тохтоо,- диэн саҥа иһилиннэ. Маша массыынатыттан тахсан, эккирэтэн кэллэ,- көрбөккө хаалан, чуут куоттара сыыстым дии,- кыыс хайдах эрэ кыбыстыбыттыы туттар.-Хайа, Маша, тугу гына сылдьаҕыҥ?-Дорообо, Гриша. Мааҕыҥҥаттан эйигин кэтэһэн олоробун.-Дорообо, ол тоҕо?-Бу,-диэн баран, Маша илиитин уунна, Гриша утары ууммут илиитигэр хачыгырас кумааҕыны туттаран кэбистэ уонна,- махтал,- диэн баран төптөрү хайыһан, массыынатын диэки бара турда.Онно дьэ өйдөөн көрбүтэ биэс тыһыынчалаах кумааҕы эбит, кытар гына түстэ да кыыһы кэнниттэн эккирэтэн ситэн ылла:-Мин иэс биэрбэтэҕим, төннөрөрүҥ отой наадата суох,-диэн баран, кыыһы харытыттан харбаан ылла уонна харчыны төптөрү туттаран кэбистэ. Эргиллэ биэрээт дьиэтин диэки бара турда, кэнниттэн Маша саҥата:-Ээ, астыга суох батта,-дии хаалла.Киһи үтүөнү оҥорбутун, өссө харчыны төннөрбүт баҕастаах, диэн Гриша кыыһыра-кыыһыра атыыласпыт аһын пакетыттан таһааран, халадьыынньыкка симтэ. Ол сылдьан түннүгүнэн көрбүтэ Маша бара илик, массыыната турар. Гриша онно соччо кыһаммата, кини санаата атыҥҥа, сип-сибилигин бэйэм Машам эрийиэ, оччоҕуна тута киниэхэ барыам, диэн түлүпүөнүн маныыр да маныыр. Онтон түлүпүөнэ тыаһыахтааҕар ымыр да гыммат. Кэтэһэ сатаан баран, Гриша аһаары оҥоһунна, уу баһан чаанньыгын туруорда. Эмиэ түннүгү өҥөйдө, Маша билигин даҕаны турар. Бу кыыс туох буоллаҕай? Дии санаата,

балкоҥҥа тахсан, өҥөйөн туран иһиллээтэ. Пахай, массыыната собуоттаммат эбит, бэйэ тахсан көмөлөһүөххэ дуу, чаанньыгын арааран, таҥна охсон таһырдьа таҕыста. Массыына иһигэр Маша икки ытыһын холбуу тутан:-Баһаалыста, баһаалыста собуоттан,-диэн ботугуруу аҕай олорор эбит, ол быыһыгар гаһын үктүү-үктүү күлүһүн эрийэр.-Пахай, итинник көрдөһөрүн абыраабата буолуо ээ,-Гриша массыынаҕа быһаарсар баҕайы киһи курдук тутунна-хабынна.-Уой, Гриша “прикуриватель” провода баар дуо эйиэхэ?Гриша мух-мах түстэ, уйатыгар уу киирдэ:-Ол аата? Диэн хардары ыйытта.-Ол аата суон провод, атын массыына аккумуляторыттан собуоттуур провод.-Билбэппин ээ, баҕар баара буолуо, тугу этэриҥ эбитэ буолла,-Гриша массыынатын күлүүһүн ыла дьиэтигэр тэбиннэ.Ол даҕаны абыраабата, сөптөөх провод көстөн быстыбата.-Оо, дьэ, кыһалҕаҕа биир да киһи суох ээ чугаһынан, кими эмэ ыҥырыахпын саатар телефонум харчыта бүтэн хаалбыт.-Ээ, мин ыҥырыам, биир билэр уоллаахпын, кини манна чугас олорор,-Гриша түлүпүөнүн таһааран эрийдэ, түҥ-таҥ быһаардар даҕаны, хата доҕоро өйдөөтө. Ол эрээри аһаан баран биирдэ кэлиэм диэтэ.-Хайа туох диэтэ,-Маша ыйытар.-Баар үһү.-Ура-аа,- Маша үөрэн ыстаҥалаан ылла.-Ол эрээри аһаан баран, биирдэ кэлиэм диэтэ.-Оо,дьэ.-Маша биһиги эмиэ киирэн аһыахха, дэлби аччыктаатым.-Чэ, мин эмиэ наһаа аччыктаатым,-кыыс сөбүлэһэ оҕуста.Маша дьиэҕэ киирээт, киэҥ харахтара эбии быччайдылар:-Уой, маннык дьиэҕэ олороҕун даа? Уой, наһаа ыраас дии, уой, наһаа киэҥ дии. Маннык дьиэҕэ соҕотоҕун олороҕуҥ? Олус диэн сөхтө-махтайда.-Соҕотоҕун,-Гриша чаанньыгын хостоон туруоран, аһын тардыах курдук буолан эрдэҕинэ түлүпүөнэ тыаһаата. Суох бу Маша буолбатах, чугас олорор доҕоро эрийэр эбит.-Проводы тахсан ыл, дьиэҕэр киирбэппин,-диэтэ.-Маша, мин билигин киириэм, провод ыла таһырдьа таҕыстым,-диэт ойо турда. Ол эрээри доҕотторун көрсөн балай эмэ өр кэпсэтэ туран хаалла. Онтон ыалдьыт кэтэһэн олорорун дьэ өйдөөн, дьиэтигэр тэбиннэ. Ыксаан аҕай киирэн кэлбитэ, Машата хайыы-сах аһын тардан, кэтэһэн олорор эбит.-Ээ, мин кэтэһэн-кэтэһэн баран, аһаан эрэбин,-дии тоһуйда.-Сөпкө гыммыккын. Куруук соҕотоҕун олорор буоламмын ыалдьыттаахпын отой умнан кэбиспиппин.-Провод биэрдилэр даа?-Бу аҕаллым. Онтон эн ити биэс тыһыынчаҕынан аккумулятор атыылаһыаххын, тоҕо ыһыахтана сырыттыҥ?-Астыга суох баҕайы дии.-Күн сарсын атыылаһаҕыҥ, онон бүтэр,-Гриша быһааран кэбистэ.Биирдэстэрэ:-Сөп,-дии оҕуста.Аһаан ортолоон эрдэхтэринэ, кэмниэ кэнэҕэс диэххэ дуу, түлүпүөнэ тапталлаах Машатыгар анаммыт матыыбынан тырылаан, оонньоон барда.-Маша истэбин,-Гриша хап-сабар хардарда.-Гриша, бука диэн бырастыы гын,-кэтэһиилээх доҕорун саҥата иһилиннэ.-Эн эмиэ миигин бырастыы гын.-Буруйбун билинэбин, эйэлэһиэххэ.-Сөп. Хаһан көрсөбүт,сип-сибилигин эйиэхэ тиийэбин дуо?-Тиийэриҥ наадата суох, мин эн квартиран таһыгар турабын.Гриша итини истээт түлүпүөнүн мүлчү тутан кэбистэ. Аттыгар олорор Машаны кынчарыйа көрдө, абаккатыгар сип-сибилигин ойон туран баттаҕын бүтүннүү үргээн кэбиһиэхчэ тутунна-хабынна. Кыыс тугу да өйдөөбөккө:-Тугуй? диэтэ.-Олор,-Гриша өрө тыынан баран, тиийэн ааны арыйда. Тапталлаах Машата киирэн кэллэ, Гришаны моонньуттан кууһуохча буолан иһэн, куукунаҕа бэрт холкутук туттан, кыыс олорорун көрө түстэ. Тугу даҕаны саҥарбакка эргиллэ биэрдэ уонна тахсан бара турда. Гриша тапталлааҕын майгытын толору билэр, билигин кинини кэнниттэн эккирэтэр, ааттаһар-көрдөһөр туох да туһата суох.

Ооуу
Суруйууй, күүтэбин

Мин
Оорэй дии! Если бы не беременность этой маши посылайдаан кэбис диэм этэ. Хотя ещё любит бьлх дии её

Салгыы
Салгыыта хаһан тахсар?

Сааскылаана
айуу айа наьаа учугэй кэпсээн, бэйэтэ киинэ курдук

Сулус уола
Түгэн.
Гриша аанын хайа быраҕан сапта уонна тугу даҕаны өйдөөбөккө, хам-бааччы олорор Машаны сүүһүн аннынан бэрт кытаанахтык көрдө. Биирдэстэрэ куттанан хараҕын куоттарда,ойон туран, үөрэнэн хаалбычча иһити-хомуоһу хомуйбутунан барда. Кыраантан уу сүүрдэн сууйуох курдук туттан-хаптан эрдэҕинэ Гриша:-Сууйума, бэйэм сууйуом.-Оччоҕуна мин барабын даа?-Бараҕыҥ.Маша суумкатын ылан, таһырдьа тахсаары аан тутааҕын тутан туран:-Мин буруйдаахпын даа? буруйдаах буоллахпына баһаалыста, баһаалыста бырастыы гын.Ити тыллары истээт Гриша иһигэр кыыһыра сылдьыбытын сатаан туттуммакка хаһыытаан тэһэ барда:-Баһаалыста, баһаалыста буолан түһэҥҥин! Эн уопсайынан хантан күөрэс гынан мин олохпор киирэн хааллыҥ?! Ким эрэ мин олохпун алдьаттараары собус-соруйан, анаан-минээн эйигин ыыппыта дуо?! Саамай наадалаах түгэннэргэ быччаччы көрөҥҥүн баар буола түһэҕиҥ. Дьэ билигин мин хайдах кыыспын кытта эйэлэһэбин, кини тугу санаан, тахсан бара турбута буолуой? Ээ, чэ эйиэхэ этэн да диэн, тугу өйдүүр үһүгүн,-Гриша тиэрэ хайыһан кэбистэ.-Ити кыыһын наһаа күнүүһүт даа?-Т-фу сиэ, чэ бар ыл.-Онтон проводтаргын уларсаҕыҥ дуо?-Ити сыталлар, ыл уонна киллэрэн биэрээр. -Сөп,- Маша проводтары ылан таһырдьа таҕыста.Онтон Гриша дьыбааныгар умса түстэ, ойон туран төптөрү-таары хаамыталаата, онтон эмиэ дьыбааныгар умса түстэ. -Бэйэм акаарыбын, бэйэм акаарыбын,-

диэн үрүт-үрдүгэр ботугураата. Ити акаары Машаны тоҕо дьиэбэр ыҥыран киллэрбитим эбитэ буолла, өссө аһаппыттаахпын-баҕастаахпын. Бэйэм Машам барахсан хат сылдьар буолан кыыһырара өссө үксээбит быһыылаах. Кыыһырбакка сырыттаҕына наһаа үчүгэй ээ, ити аҥала Маша курдук буолуо дуо, быдан ордук буоллаҕа. Чэ, барахсаным оҕолонноҕуна тосту уларыйыа, оҕолоох дьахтар наһаа кыыһырбат ини, сүрэ бэрт дии. Гриша ону-маны ыраланан балай эмэ өр сыппахтаата, онтон оронун оҥостон, утуйарга бэлэмнэннэ. Бэйэ эрэ, били аҥала кыыс хайаста, массыынатын собуоттаата дуу, суох дуу? Туран түннүгүнэн көрбүтэ, сэрэйбит-сэрэх, массыыната турбутун курдук турар, бэйэтэ көстүбэт. Массыынатын хаалларан, дьиэлээбит дуу, дии санаабыта, Сүүрүү-хаамыы былаастаан суол устун туттан-хаптан иһэр эбит, Кэнниттэн кыһыл дьүһүннээх массыына батыһыннарыылаах. Массыына кэлэн тохтоото, эдэр уолаттар таҕыстылар уонна кыыс массыынатын икки өттүгэр улахан бэйэлээх джиптэр туралларын көрөн, кэтэхтэрин тарбаннылар. Олох ыкса кэлэн турдулар эрээри проводтара тиийбэтэ,кылгас буолан биэрдэ.-Бырастыы гын кыысчаан, дьиэҕэр киирэн атаххын суунан баран, утуйан хаал,-диэтилэр.-Онтон аккумуляторгытын ус..,-диэн Маша саҥаран эрдэҕинэ.-Ону уста оонньуу сылдьыахпыт дуо,-диэтилэр уонна массыыналарыгар киирэн, айанныы турдулар.Маша эмиэ массыынатыгар киирэн олордо, ким эрэ син-биир көмөлөһүө диэн эрэнэн эрдэҕэ. Гриша дьыбааныгар кэлэн сытта, телевизорын холбоото, биир каналга тохтоон, бэртээхэй киинэни булан, көрө сытта, туран балконун аанын сабыан сүрэҕэлдьээтэ,устунан оннук утуйан хаалла. Ол сыттаҕына халлаан хайа барар үлүгэр тыаһа иһилиннэ ээ, суол устун хас да массыына сүр үлүгэрдик орулатан ааста. Гриша уһуктан, ойон турда, үөхсэ-үөхсэ балконун аанын сапта уонна дьыбаанын диэки эргиллэн иһэн маҥан жигулины хараҕын кырыытынан көрөн аһарда. Эргиллэн аны балконугар таҕыста, массыына иһин кыҥастаста. Пахай, бу кыыс баччааҥҥа диэри массыынатыгар олорор эбит дуу. Билигин, бачча түүннэри ким кэлэн кини массыынатын собуоттуой, эбэтэр уоран барыахтара диэн харабыллаан сордоноохтуур дуу. Манна да турбута, дьиэтин да иннигэр турбута син-биир ини, акаары да кыыс. Ол эрээри Гриша тоҕо эрэ аһынан кэллэ, мин манна сымнаҕас дьыбааҥҥа таралыйа сытабын, онтон ити кыыс массыына иһигэр нуктуу олороохтуур уонна сарсын хайдах үлэтигэр бараахтыыр.Гриша уутугар аҥаарыйа сырыттар да турда, ыскааптан үрдэрэр матарааһы булан таһааран үрдэрдэ, атын хоско соһон киллэрэн,суорҕаннаан-тэллэхтээн орон бэлэмнээтэ уонна таҥнан таһырдьа таҕыста. Массыыналар быыстарынан кыбыллан, Маша жигулитыгар тиийдэ, түннүгүн тоҥсуйда:-Маша, ас эрэ ааҥҥын.-Уой,уой бу кимий? Маша кытаанах баҕайытык утуйа олорбут эбит, кини түүҥҥү үлэлээх буолан, бу курдук утуйарга үөрүйэҕэ сыттаҕа.-Мин Гришабын.-Массыынабын син-биир сатаан собуоттаабаппын, бу джиптэр мэһэйдииллэр, провод тиийбэт. Сарсыарда ким эмэ көмөлөһөр ини.-Маша, дьиэҕэ киирэн утуй, барыахха.-Ол тоҕо?-Туһунан орон бэлэмнээтим. Барыахха диэтим,онон бүтэр.Маша, эр киһи кытаанах этиитин истэригэр эрэ тиийдэ,массыынатыттан оронон таҕыста, тыыллаҥнаан ылла уонна Гришаны кэнниттэн батыста.Сарсыарда Гриша утуйа сыттаҕына хоһун аанын тоҥсуйдулар:-Истэбин,-Гриша хараҕын аспакка сытан саҥарда.-Мин үлэбэр бардым, ааҥҥын хатан,-диэн Маша сибигинэйдэ.-Бачча эрдэ дуо? Гриша туруусуктаах эрэ хостон тахсан кэллэ уонна бэйэтин Машатын курдук санаан , сыллыы сыыста. Онтон дьэ өйдөнөн хоһугар төптөрү ыстанна, аанын саптан төбөтүн эрэ быктарда, оннук өҥөйөн кыыһы көрөн турда.Маша онтон күлэн ылла:-Сэттэ буолан эрэр, хойутаары гынным. Массыынабын киэһэ кэлэн ылыам. Гриша, эйиэхэ махтал, пока.-Пока.Маша тахсан барбытын кэннэ Гриша куукунатыгар киирдэ уонна үөрэн ырбас гынна. Остуол үрдүгэр, тэриэлкэҕэ чөкө бэйэлээхтик кырбаммыт амулет, арыылаах, халбаһыылаах, сыырдаах килиэп бэлэмнэммит. Тэриэлкэ биир өттүгэр биилкэ, биир өттүгэр быһах ууруллубут уонна чуо кини чэй иһэр чааскыта турар. Бу барахсан өссө ас астыы охсубут, ол аата эрдэ да тураахтаабыт, дии санаата Гриша.

Ураа
Өссө суруйаҕын ду?

Вау
Ждемс

🖋
Кэтэһэбит

Вау
хас чаас аайы күүтэбит

Ааҕааччы
Арааһа бу аҥала Машатын кэргэн ылара боло уол

S
Хас чаас аайы киирэн коробун..баьаалыста элбэх созуста суруйан ис

Алееа
Кытаат,түмүктүү охсоруҥ буоллар

Вау
Күүтэбит, я тоже так думаю. Онтон кэлэҕэй уол убайа буолуо дии

Ол кэлэҕэй уол
Ким убайа?

.
кун аайы киэьээ хойут суруйар бьлаах , а так учуей баи кэпсээн)

Сулус уола
Түгэн.
Биир киэһэ Гриша үлэтин чааһын кэнниттэн тута Машатыгар тиийдэ, массыынатын олбуор таһыгар тохтотто уонна саараҥнаан олорбохтоото. Онтон ээ чэ, синэ биир, кыһалҕа тирээтэҕинэ былааннаммытым курдук албынныам, дии санаата.

Дьиэ аанын тоҥсуйбахтаан баран, иһирдьэ киирдэ:-Дьиэлээхтэр бааргыт дуо? Гриша аан таһыгар тэпсэҥнии турда.Маша аҕата хоһуттан тахсан кэллэ, сэрэйдэххэ хаһыат ааҕа сыппыт быһыылаах, халыҥ таастаах ачыкытын үрдүнэн бэркэ кичэйэн кыҥастаста:-Хайалара кэллэ? Ээ, Гриша эбит дуу.-Дорообо, Степан Егорович.-Дорообо, Гриша. Киир, аас, аан айаҕар туруон дуо.Гриша бачыыҥкатын устан киирдэ, обургу соҕус кириэһилэҕэ кэлэн олордо, Степан Егорович утары олордо, ачыкытын устан остуолга уурда.-Биһиги эмиэ кыыһырыстыбыт.-Пахай, ол туохтан сылтаан кыыһырыстыгыт?-Ол киэһэ Маша эйэлэһэ кэлбитэ, дьиэбэр киирээт да кыыс олорорун көрбүтэ, бүттэҕэ ол. Биир тыла суох эргиллэ биэрбитэ уонна тахсан бара турбута.-Пахай, ол туох кыыһа кэлэн, кыбыллан хаалла?-Ити тастыҥ балтым үөрэххэ туттарса кэлэ сылдьар, уопсай ылыар диэри миэхэ олорор. Бу күннэргэ көһөн барыахтаах.-Онтон ону быһаарыаххын.-Быһаарар түгэн биэрбэтэҕэ, бара турбута.Маша аҕата бэрт сылбырҕатык ойон турда уонна кыыһыттан кэлэйбитэ бэрдиттэн хаһыытаан тэһэ барда:-Маша-аа! Таҕыс эрэ ыл, куттаан кубулуна сытыма! Кыыс хоһуттан тахсарын кэтэһэ барбакка, бэйэтэ тиийэн, илиититтэн соһон аҕалла.-Айыка, ыалдьар дии, туох ааттаах күүскэ тутаҕыҥ,- Маша илиитин босхолуу сатаата да аҕата ыыппата.-Дьэ, манна олорон эрэ быһаарсыҥ,- диэн баран, кыыһын санныттан баттаан, кириэһилэҕэ олордон кэбистэ уонна бэйэтэ таһырдьа тахсан барда.Уоллаах кыыс чочумча саҥата суох утарыта көрсөн, олордулар. Онтон Гриша чугаһаан кэлэн:-Маша,- диэн кууһан эрдэҕинэ, кыыс тэйэн биэрдэ уонна:-Фыы, чугаһаама миэхэҕэ, сиргэнэбин эйигиттэн,-диэтэ.-Ол тоҕо?-Атын кыыһы кытта уураһан-сыллаһан баран, миигин кууһаары гынаҕыҥ дуо? Өссө тугу гыммыккыт биллибэт, пахай даҕаны.-Маша, ити мин тастыҥ балтым этэ ээ, тоҕо мээнэ тыллаһаҕыҥ?-Балтылааххын хаһан даҕаны кэпсээбэтэҕиҥ, сымыйалыырыҥ өтө көстөр. Бар, киэр буол, чугаһаама миэхэ.-Хайдах гынан итэҕэтэбин?-Хайдах да гын, син-биир итэҕэйбэппин. Эн сатаан сымыйалаабаккын.-Оччоҕуна кинини илдьэ кэлэбин дуо, манна?-Баҕар киксибиккит буолуо, ону мин хантан билэбин!Бу туран Гриша өйдүү түстэ, ити аҥала Маша араспаанньата Егорова диэн этэ дии, миэнэ эмиэ Егоров:-Оччоҕуна паспорын илдьэ кэлиэ, кини мин аҕам убайын оҕото, эмиэ Егорова диэн араспаанньалаах.-Син-биир эйигиттэн сиргэниэх санаам кэлэр, ити кыыһы кытта хоонньоспут курдуккун.-Чэ, оччоҕуна паспордаах илиититтэн сиэтэн аҕалыам,-диэн баран Гриша таһырдьаны былдьаста.Степан Егорович кирилиэскэ токуллан олороохтуур эбит, бэркэ санааҕа ылларбыт көрүҥнээх.-Хайа тукаам, туох диэн быһаарыстыгыт?-Билигин балтыбын сиэтэн аҕалыам, олох итэҕэйбэт.-Манна олоро түс эрэ,- Степан Егорович халбарыс гынан биэрдэ.Гриша олордо:-Тугуй?-Ити кыыс оҕо эрдэҕиттэн сүрдээх атаахтык иитиллибит, баайы баһынан сылдьар. Мин тутаары гыннахпына, ийэтэ көмүскэһэн аҕыс айдааны тардар этэ. Ити мин төрөппүт оҕом буолбатах ээ.-Ону билэбин.-Хайдах атын киһи оҕотун мөҕө-этэ сылдьыахпыный? Ол иһин көҥүл баран хаалбыт, билигин кэлэн, мин тылбын улахаҥҥа уурбат, онон кырдьыгынан эттэххэ соччо кини олоҕор кыһаммаппын. Үчүгэй үлэ булан биэрдим, сотору квартиралыам, онон сөп буолуо, улахан сиэтин. Бэйэм оҕоломмоторбун даҕаны, син биир аҕа олоруохтаах олоҕун олордум ини. Ити эйигин аһынан, айаҕым аһыллыбычча кэпсээн кэбистим.Степан Егорович кэпсээбитин Гриша соччо-бачча оройдоппото, кини билигин күндү доҕорун, Машаны кытта эйэлэһэр эрэ санаалаах. Олбуортан тахсаат да, Машаҕа эрийдэ:-Маша, привет.-Ээ, привет, Гриша.-Эн билигин иллэҥҥин дуо?-Иллэҥмин.-Мин билигин эйиэхэ тиийиэм, барытын быһаарыам, сөп.-Ээ, онтон.., онтон, сөп ини.Аҥала Машаны дьиэтиттэн ылан, аны бэйэтин Машатыгар төптөрү айаннаан иһэллэр. Гриша хайдах түгэҥҥэ түбэспитин быһаара сатыыр:-Мин Машам ааспыкка эйигин көрөн баран, олус кыыһырбыта. Билигин даҕаны эйиэхэ күнүүлээн кэпсэппэккэ сылдьар.-Оччоҕуна мин буруйдаах буолан тахсабын даа?-Т-фу, буруйун суох. Паспоргын көрдөрөҕүҥ уонна Гриша мин убайым диигин, аҕаларбыт бииргэ төрөөбүттэрэ диэн быһаараҕыҥ, онон бүтэр.-Онтон, онтон мин аҕам суох ээ.-Оо, дьэ, мин эппиппин лоп-бааччы Машаҕа хатылаан этэҕиҥ, онтон эргиллэ биэрэбит уонна “сөп буоллуҥ ини”, диэн кыыһырбыта буолабыт да, тахсан бара турабыт. Онтон дьэ суруйарын кэтэһэбит, кэтэһэбит буолуо дуо, мин кэтэһэбин. Оччоҕуна кини толкуйданыа, сыыһа быһыыламмытын өйдүө, онтон “эйэлэһиэххэ, мин эйигин таптыыбын” диэн хайаан даҕаны суруйуо.-Наһаа үчүгэй дии.-Оннук.Гриша массыынатын тохтотто, Машаны илиититтэн соһон, олбуор иһигэр киирдилэр.-Уо-уой, наһаа аштык дьиэ дии,-Маша хараҕын тиэрэ көрөн кэбистэ,-музей курдук дии, маннык дьиэҕэ дьон олорор что ли?Гриша бу сырыыга ааны тоҥсуйбакка, көтөн түстэ:-Маша, кэл, көрөн итэҕэй! Олох дьиэлээх тойон тэҥинэн ыххайда.Холку баҕайытык чэй иһэ олорбут Степан Егорович мөккүөргэ кыттымаары, сылбырҕа бэйэлээхтик хоһун диэки ыстанна, аанын “лап” гына сабынна. Маша чугаһаан кэлэн:-Паспоргын көрдөрөҕүҥ дуо? Диэн илиитин уунна.-Ээ, Гриша мин убайым ээ,-Маша суумкатыттан паспорын таһааран биэрдэ.-Дьэ, көр. Хараххын араспаанньатыгар уонна аҕатын аатыгар хатаа, Егорова диэн, мин абаҕам аатын өйдүүр инигин Федор диэн.-Чэ баҕар оннук да буоллун,-Маша паспоры төптөрү уунан иһэн,-бэйэ тохтоо эрэ,-диэтэ. Иккистээн арыйан көрдө:-Балтыҥ эйигиннээҕэр икки сыл аҕа дии.Гриша паспоры харбаан ылла уонна кыҥастаһа-кыҥастаһа көрдө:-Ити сыыһа суруллубут, оннук батта Маша,- паспоры саба баттаан баран, Маша суумкатыгар симэн кэбистэ.-Оннук, сыыһа суруллубут. Бу эн туох ааттаах күнүүһүт кыыскыный. Бүттэ, бардыбыт Гриша,-аны Маша Гришаны харытыттан харбаата уонна таһырдьа диэки состо.Туох да саҥата суох массыыналарыгар киирдилэр да айанныы турдулар.Балай эмэ ыраатан баран, Гриша туормастаан саайда, Маша тутуспакка олорор буолан, умса түһэн, сүүһүнэн саалла сыыста.-Икки сыл аҕаҕын, сыалай икки сыл. Ону тоҕо..,тоҕо сэрэппэтэххиний? Тоҕо?-Билбэтэҕим ээ, эн эппэтэҕиҥ дии.Гриша уруулугар умса түһэн балай эмэ өр олордо. Маша биир даҕаны тылы быктарбакка кэтэһэр да кэтэһэр. Онтон тулуйарын ааһан:-Мин наһаа хойутаатым, билигин дьиэбэр тиийэн, ийэбин уһугуннардахпына мөҕүллэрим буолуо.Гриша онно кыһаммат, олорбутун курдук олорор. Онтон эмискэ, киһи куйахыта күүрүөх айылаах, саһыгыраччы күлэн тоҕо барда. Маша куттанан ньыкыччы туттан, хараҕын быһа симтэ.-Да, пошла ты на…й,- диэн маатыралаан бытарытта.Маша эрэйдээх куттанан уҥуохтуун-тириилиин бүтүннүү салыбыраата:-Ма-ма-мама,-диэн кэлэҕэйдээтэ.-Маша, бардыбыт ресторанныы,-Гриша харда кэтэспэккэ, массыынатын гааһын үктээн кэбистэ.

Ангел с небес
Сал5ыытаа

Сулус уолун фаната-это Я🙌
Ер да кэтэстим кэпсээннэргинбугун киирэн утаппыттыы аахтым, салгыытын кэтэьэбин

Салгыытын кэтэһэбит
Ждем

света
Салныытын куутэбин

Вау
Үчей үчей салгыытын ждемс

Кэлтэгэй
Буоллум ди, суруйбатах эбит

🖋
Салгыытын кэтэһэбин

Татьбир
Наһаа үчүгэй кэпсээн)долгуйа кэтэһэбин,ааҕабын. Ор аахпатахха ис хоһооноһумнуллар,ыксаан тулуура суох киһи интэриэһим сутээри гынна….кытаатан суруйан ис дууу…

S
Баьаалыстаа суруйан ис олох куутэн кэлтэьэй буолаары гынным…

Ньургуьун сибэкки
Олус диэн сал5ыытын куутэбит:))

Tachika
Оо эмиэ суох

Сулус уола
Түгэн.
Гриша сарсыарда уһуктан кэллэ, ханна сытарын тута өйдөөбөккө уҥа-хаҥас көрбөхтөөтө. Һуу, хата дьиэбэр баар эбиппин дуу, өрө тыынан ылла. Төбөтө субу хайа барыах курдук ыалдьар, сүрэҕэ биир кэм битигириир, билигин да арыгыта тахса илик, итирбитэ ааһа илик. Кини бэҕэһээ туох-ханнык буолбутун бу диэн олох өйдөөбөт. Машаны түҥ-таҥ анньыалаан, күүһүнэн рестораҥҥа киллэрэн эрэрэ, онтон арыгы арааһын сакаастыы-сакаастыы харса суох испитэ, онтон.., онтон бүттэ. Хайдах дьиэбэр кэлбитим эбитэ буолла? Диэн санаан ылла, онтон эмискэ:-Массыынам! Диэбитинэн ойон турда, туруусуктаах эрэ балконугар ыстанан таҕыста. Массыыната оннугар турарын көрөн, санаата чэпчээтэ, аны дьиэтигэр киирэн сиэптэрин, илдьэ сылдьар суумкатын хаһыста, харчыта бытархайыгар тиийэ, карточката, түлүпүөнэ, дөкүмүөннэрэ барыта орун-оннугар баар. Арай дьиэтин күлүһэ суох, тиийэн аанын тардыалаата:-Пахай, таһыттан хатаабыттар батта,-итэҕэйбэккэ глазогунан өҥөйөн көрдө, суох, ким даҕаны суох,-ээ чэ, улахан сиэтин,-диэн баран, дьыбааныгар умса түстэ. Ол сытан аны Машаны санаан кэллэ, ама кини таспыттан хатаан барбыта буолуо дуо? Оччоҕуна манна хонноҕо дии. Гриша, үчүгэй баҕайытык оронун оҥостон, туруусуктаах эрэ утуйа сытарын өйдүү түһэн, дьыбааныгар олоро биэрдэ уонна саҥа таһааран:-Эс, ама хоонньоспотубут ини?Түлүпүөнүн харбаан ылла, тута Машаҕа эрийдэ:-Маша, привет.-Ээ,привет, Гриша.-Эн..,эн ханна бааргыный?-Үлэбэр сылдьабын,- Маша бэрт сымнаҕастык, хайдах эрэ уратытык саҥарар.Гриша онтон олус долгуйда:-Бэҕэһээ тугу гыммыппын отой өйдөөбөппүн ээ.-Рестораҥҥа олорон, наһаа элбэх арыгы испитиҥ.-Онтон?-Онтон миигин үҥкүүгэ ыҥырбытыҥ?-Онтон?-Онтон эмиэ, ырыа сакаастаан үҥкүүгэ ыҥырбытыҥ, оннук хаста даҕаны.-Онтон?-Онтон сыллыы сатаабытыҥ?-Онтон?-Онон бүттэ.Гриша абаккаран хараҕын быһа симтэ, ол иһин даҕаны сэрэйбит-сэрэх, сэрэнэн-сэрэнэн ыйытта:-Ама, кырдьык дуо?-Кырдьык, сарсыарда диэкинэн мин эйигин массыынаҕар симэн, дьиэҕэр аҕалбытым, ороҥҥун оҥорон сытыарбытым уонна үлэбэр барбытым.-Онон бүтэр дуо? Гриша үөрүүтүттэн өрө тыынан ылла.-Онон бүтэр.-Онтон мин дьиэм таһыттан хатыылаах дии. Хайдах таһырдьа тахсабын?-Саппаас күлүһүн суох дуо?-Саппаас күлүһүм үлэбэр сытар.-Ээ-һэ-һэ-һэ,-Маша саһыгыраччы күллэ,- чэ киэһэ сэттэҕэ диэри тулуй, аҕалан биэриэм.-Сөп.Маша эппитин курдук, киэһэ күлүһүн аҕалла, ааны тоҥсуйбакка эрэ бэйэтэ аһан киирдэ:-Гриша ханна бааргыный?-Душтана олоробун, киирэн олор, кэтэһэ түс,-диэн Гриша саҥата ваннай хостон иһилиннэ.Маша таах олоруохтааҕар ыскаап түөһүгэр кэчигирэспит араамалаах хаартыскалары көрөттөөтө. Бэрт былыргы хаартыскалар. Биир хаартыскаҕа кулгааҕын саба сылдьар ыас-хара уһун баттахтаах, кип-киэҥ харахтаах, килиэккэ ойуулаах көстүүмнээх, суп-суон хаалтыстаах уол оҕото мичээрдээн олорор, аллараа өттүгэр “Студент 2-го курса г. Красноярск” диэн суруктаах, бу Гриша аҕата быһыылаах. Онтон

кэккэлэһэ сып-сырдык хааннаах, баттаҕын өрө өрүммүт, сибэкки ойуулаах былаачыйалаах, нарын кыыс хаартыската турар, эмиэ “Студентка 2-го курса г. Якутск” диэн суруктаах, бу ийэтэ диэн Маша сэрэйдэ. Иккиэн үрдүк үөрэхтээхтэр, бэрт сэргэх көрүҥнээхтэр, хаартыскаҕа ыйыллыбыт сылыттан көрдөххө, устудьуоннуу сылдьыахтарыттан билсибиттэр быһыылаах. Биирдэрэ Красноярскайга үөрэммит, онтон биирдэрэ Дьокуускайга, төһө эрэ бэйэ-бэйэлэрин ахтыспыттара эбитэ буолла. Тиһэҕэр тиийэн холбоһон, толору ыал аатын сүгэн, уол оҕолоннохторо, дьоллоннохторо. Онтон мин аҕа таптала диэни билбэппин, аҕабын биирдэ даҕаны көрбөтөҕүм, Маша хаартыскалартан хараҕын араарбакка олорон, ытамньыйа сыыста.-Маша, дорообо,- Гриша курданарыгар диэри сыгынньах, обургу бэйэлээх сотторунан баттаҕын сотто-сотто, хоско киирэн кэллэ.-Дорообо, Гриша.-Бэҕэһээ куһаҕаннык быһыыламмыт буоллахпына бырастыы гын.-Мин Баанньыскам этэринии, “Чэ-чэ, ни-ни-ни-ни-че-че-го”.Уоллаах кыыс күлүстүлэр.-Арба, массыынабар сигнализация ылбытым ээ, ону туруоран биэриэххит дуо?-Пахай, Баанньыска арыгылаабыта хаһыс да күнэ, өтөрүнэн өйдөммөтө буолуо ээ.-Оо, барахсан, үчүгэй киһи хайаан даҕаны, туох эрэ куһаҕаннаах буолар ээ.-Зато, атын уолаттары билэбин, туруоран биэриэхтэрэ.-Бэрт эбит, сарсын табыллыа дуо?-Табыллар ини, ыйыталаһан баран, эрийиэм. Чэ, пока, күлүскүн ити остуолга уурдум.Гриша кэтэҕин тарбаммахтаан ылла, бэҕэһээ бачча абыраабыт, дьиэтин булларбыт киһитин мээнэ ыытан кэбиһиэ дуо:-Ээ, Маша чэйдээн баран бараар, бэҕэһээ бүөбэйдээбит киһибин мээнэ ыытан кэбиһэрим астыга суох дии.-Чэ, давай, аччыктаатым аҕай,-Маша сөбүлэһэ оҕуста.Иккиэн сып-сап туттан остуолларын тарда оҕустулар.-Гриша соҕотоҕун олороҕун уонна бачча элбэх астааххын? Маша солото суох хабыалыы олорон ыйытта.-Оҕо эрдэхпиттэн дьиэбитигэр халадьыынньыкпыт куруук толору буолар этэ, онон үөрэнэн хаалбыппын быһыылаах,-Гриша, кыыс аһыырын көрө-көрө мичиҥниир.-Аһаан ис Гриша, миигин көрөн олорума,-Маша аччыктаабыта бэрт буолан кыбыстар диэни отой умнубут.-Аһыыбын, аһыыбын.-Хайа, Машаҥ тугу эмэ суруйда дуо, эйэлэһэр санаалаах дуо?-Суох.-Онтон бэйэҥ тоҕо суруйбаккын, кыра оҕолор курдук куттаһа сылдьаҕыт дуу?-Сырыы аайы ааттаһартан хал буоллум, бэйэтэ суруйарын кэтэһиэм.-Эмиэ да сөпкө этэҕиҥ.-Ээ, Маша хата киинэҕэ барабыт дуо?-Ханнык киинэҕэ? Маша соһуйан аһыгар хара сыыста.-Ити Машабын кытта эйэлэһэн баран, киинэҕэ сылдьыахпыт дии санаан, икки билиэт ылбытым. Онтум таах хаалан хаалыа дуо?-Киинэҕэ сылдьыбатаҕым үйэ буолла, барыахха,-Маша бөөлүүн түүн утуйбакка, утуктуу сырыттар даҕаны сөбүлэстэ.-Эн массыынаҕын манна хааллараар, мин массыынабынан барыахха.-Сөп.Маша барахсан, “Лена” киинэ тыйаатырыгар кэлэн киирбиттэрин эрэ өйдүүр. Киинэ саҥаланаатын кытары, сылайбыта, ону эбии тото аһаабыта таайдаҕа, халтаһата ыараан, сыыйа-баайы сабыллан, кытаанах баҕайытык утуйан хаалла. биир кэм ньиргийэр тыаска-ууска кымаардаан да кыһаллыбата. Киинэ бүппүтүгэр Гриша санныга анньыалаан уһугуннарда, уһугуннарда диэн буолуо дуо, туруорда эрэ. Айаннаан Гриша дьиэтигэр кэлиэхтэригэр диэри биирдэ даҕаны уһуктубата.-Маша, кэбис дьиэҕэр сатаан барыа суоххун, миэхэ хонор инигин.-Онтон сыллыы сатаабат буоллаххына хонуом.-Тылбын биэрэбин.-Сөп.Гриша Машаны харытыттан тутан, өйөөбүтэ буолан, дьиэтин айаҕар аҕалла, биирдэрэ утуйа охсор эрэ санаалаах, күлүк курдук турар. Гриша сиэбиттэн күлүүһүн таһааран, аанын арыйаары гыммыта, аана ис өттүттэн хатыылаах буолан биэрдэ. Итэҕэйбэккэ, дьиктиргээн күлүһүн хаста эмэ уган эрийэ сатаата, суох кыаллыбата. Сотору ис өттүттэн күлүс тыаһаата, аан аһыллан кэллэ:-Дорообо, сынок. Сюрприз. -Папа…

irina15-80
эмиэ бутэн хаалла ду

Ньургуьун сибэкки
Аааа сал5ыытын суруйууй

Ыы дьэ
На самом интересном месте…ааа

.
аа ващщее…интригаа

sontyago68
Олус бэт

Урсууна
Ессе

Норм.
Отлично…

Лена
Иккис Маша арааьа абагатын кыыьа быьылаах .Агабын билбэппин диир дии.

SNP
Киинэ курдук кэпсээн наһаа астык

Вау
Буолуо, аҕатын кыыһа буолуон сөп. Уол аҕата отчим дии. Кини мин оҕом диэбэтэҕэ дии. Студент уһун баттахтаах аҕата буолуон сөп, ону кыыс көрдө дии. Таайа олоробут, күүтүөххэйин. Интэриэһинэйэ дьэ кэлэн эрэр… күүтэбит да күүтэбит

Мин
Анараа атаах кыыс агата отчим этэ ээ. Бу кырдьык аны эдьиийэ буолан тахсар дуу? Анала машаны этэбин.

Сулус уола
Түгэн.
Гаврил Иванович уола кыыстаах кэлбитин көрөөт, тута өйдөөтө. Кини киһисиэри-туому тутуһар бөҕө буоллаҕа:-Сөп Гриша, мин ити иллэҥ хоско хайы-сах орон оҥостон, утуйа сытабын. Сарсын кэпсэтиэхпит,-диэт, атаҕын төбөтүгэр эргиллэ биэрдэ уонна хоһугар киирэн, аанын саптан кэбистэ.Гриша табыгаһа суох түгэҥҥэ түбэстэ, хоноһотун хайдах-ханна утутуон толкуйдаата. Хата Маша ону сэрэйэ оҕуста:-Дьыбааны түһэрэн кэбис, мин бу өттүгэр утуйуом, эн кытыыга сытаар,-диэн быһа-бааччы быһаарда.Гриша сөбүлэстэ, ол курдук таҥастаах кэккэлэһэ сытан утуйдулар.Маша, үөрэнэн хаалбычча, сарсыарда эрдэ уһугунна. Кини хаһан даҕаны уһуктан баран, тыыллаҥныы

сытааччыта суох. Тута турда уонна эр дьон туруохтарыгар диэри, эмиэ үөрэнэн хаалбычча, чаанньыгын оргутта, сарсыардааҥҥы аһылыгы остуолга тардан, дьоно турарын кэтэһэн олордо. Бастаан Гриша аҕата хоһуттан тахсан, суунна-тараанна, онтон куукунаҕа киирэн, бэлэм аһы аһаары олордо. Маша обургу соҕус чааскыны талан, үүттээх чэй кутан аҕалла.-Бу дьиэҕэ хаһаайкалаабытын ырааппыт дуу? Мин Гриша аҕатабын, Гаврил Иванович диэн ааттаахпын, көннөрү Гаврил диэтэххинэ өһүргэммэппин, Гаврил Иванвич мээнэ олоруохтааҕар кэпсэтиини саҥалаата.-Ээ, диэ.-Онтон эн аатыҥ-суолуҥ, хантан төрүттээх кыыскыный?-Ээ, мин, көннөрү Маша диэммин.-Ээ, диэ,-Гаврил Иванович Маша саҥарбытын үтүктүбүтүн бэйэтэ даҕаны өйдөөбөккө хаалла,- Онтон төрдүҥ?-Халыматтан төрүттээхпин.-Халыма диэ, дьэ сылдьыбыт аҕай дойдум. Халыма төһө тубуста, туох уларыйыы баарый?-Халымаҕа улахан уларыйыы суох, уруккутун курдук диэххэ сөп.-Туох үөрэхтээх, туох үлэһит кыыскыный? Гаврил Иванович уутугар-хаарыгар киирэн, аны доппуруостаан барда.-Оскуоланы эрэ бүтэрбитим, онтон ураты үөрэҕим суох.-Тыый, онтон Гриша кыыһым үрдүк үөрэхтээх диэбитэ ээ. Ситэ үөрэммэтэҕиҥ дуо ол?-Олох үөрэммэтэҕим.-Онтон уонна хайдах бастыҥ банкаҕа үлэлиигин?-Баанкаҕа үлэлээбэппин ээ, балыыһаҕа үлэлиибин.-Балыыһаҕа үлэлиир диэбитин, банкаҕа үлэлиир диэн истибиппин дуу, хайа үөдэн дуу. Ол балыыһаҕа тугу үлэлиигин?-Санитаркабын.Бу тылы истээт Гаврил Иванович ыстыы олорбут аһыгар хара сыыста. Сирэйэ кубарыйан хаалла, бэрт сымнаҕастык, эйэ дэмнээхтик кэпсэтэ олорбута тута мэлийдэ:-Төрөппүттэриҥ туох үлэһиттэрий? Диэн куолаһын соҥотон, бэрт тымныытык ыйытта.-Ийэм уборщица, онтон аҕ..,-диэн эрдэҕинэ Гриша хостон тахсан кэллэ:-Папа, доппуруостаама эрэ,-диэн быһа түстэ.Гаврил Иванович кынчарыйан кэбистэ, кэпсэтии манан бүттэ. Салгыы саҥата суох аһаатылар. Маша икки эр киһи икки ардыгар олорон, хардары-таары көрөттөөтө, балаһыанньа кытааппытын өйдөөтө:-Гаврил Иванович, эн сыыһа өйдөөтүҥ быһыылаах..,-диэн эрдэҕинэ, түлүпүөн тыаһаата.Гаврил Иванович түлүпүөнүн ылан:-Никиитээ, кэлэн эрэҕиҥ дуо?.. Хайы-сах кэлэн тураҕыҥ дуо? Эчи түргэнин, чэ субу таҕыстым.Гаврил Иванович сып-сап хомунна уонна тахсаары туран уолун ыҥырда:-Гриша, күнүс дьиэҕэр баар буолар инигин?-Баарбын.Аҕата сибигинэйэ былаан:-Дьэ, сэрэн ноко-оо, кэпсэтиэхпит,-диэн, кистии-саба сутуругун күөрэҥнэттэ уонна тахсан барда.Маша, Гриша аҕата маҥан джипка киирэрин, түннүгүнэн көрөн туран:-Аҕаҥ улахан тойон даа? Диэн ыйытта.-Хас эмэ сүүһүнэн ынахтаах, сылгылаах, сибиинньэлээх, онтон да атын хамсыыр-харамайдаах хотон тойоно.-Уой, хотон тойоно муус-маҥан джибынан сылдьар эбит дуу уонна өссө анал суоппардаах.-Ону таһынан банка аайы халыҥ харчылаах,-Гриша күнүс кэпсэтии кытаанах буолуохтааҕын сэрэйэн, аҕатын күлүү-элэк гынна.Сэрэппэккэ кэлэн сиэтэҕиҥ, киниэнэ куруук киһиттэн ураты. Сюрприз оҥоро сылдьыбытыҥ хата бэйэҕэр бэртээхэй сюрприз көрдөрдүм быһыылаах ээ. Гриша күнүс аҕатын кытта хайдах кэпсэтиэхтээҕиҥ толкуйдаабытынан, былааннаабытынан барда.

Дьэ
Кытаат, астык, күүтэбин салгыытын

Света
күүтэбит

Ньургуьун сибэкки
Наьаа да чуей кэпсээн астык гаайы))))))

Сулус уола
Түгэн.
Күндү ааҕааччыларым,бүгүн утуктаан муннубунан осуолу тоҥсуйа олоробун,баһаам элбэҕи суруйбуппун алҕас сотторон кэбистим. Сарсын хайаан даҕаны суруйуом. Бу күннэргэ тиһэҕэр тиэрдиэм диэн мас курдук эрэннэрэбин.

Оо
, куутэбит эрэнэ

Күүтэбит
Наһаа үчүгэй кэпсээн

Сулус уолун фаната-это Я🙌
Урыааасарсын только утуктаайагын

Ньургуьун сибэкки
Урыааа сарсын эрэнэ куутэбит)

тыа уола
Эрэнэ куутэбит

.
ээ ьеп

аа5ааччы
ждууууууууу

Ждем
Ждем

Вау
Ждемс

Кэтэһэбит
Ждем

Мин
Сана дьылы да маннык кэтэһээчим суох…кытаатан суруй

Сулус уолун фаната-это Я🙌
Па, эмиэ утуйаалбыт бьлх

Мин
Оннук быһылаах..кэтэһэ сатаан баран утуйан эрэбин

Сулус уола
Түгэн.
Суол устун икки массыына субуруһан айаннаан иһэр. Маҥан дьүһүннээх эргэ “Жигули”, бастаабыт, бу Маша, онтон кэнниттэн сабыс-саҥа, хара дьүһүннээх “Корона” батыспыт, бу Гриша. Кальвица аатынан уулуссаттан тахсан, хаҥас диэки салайдылар, ГРЭС диэки айаннаатылар. Сотору биир автосервис айаҕар кэлэн тохтоотулар. Маша массыынатыттан таҕыста уонна автосервискэ киирдэ, Гриша бэйэтин массыынатыгар олорон кэтэһэр. Мээнэ олоруохтааҕар Кытайтан сакаастаан ылбыт автосигнализациятын хоруопкатыгар туох суруллубутун, өйдүүр баҕайы киһи курдук, кичэйэн ааҕар. Ол олордоҕуна Маша сервис иһиттэн ойон таҕыста, сирэйэ-хараҕа турбута сүрдээх, туохтан эрэ куттаммыт курдук, массыынатын ааһа көтөн, Гриша диэки сүүрэн эрдэҕинэ, кэнниттэн өлөр итирик туруктаах Баанньыска эккирэтэн таҕыста. Машаны ситэ баттаан ылла уонна хаһыытаппытынан сервискэ соһон киллэрдэ. Гриша, “пахай, туһата суох дьон эбит”, дии санаата, массыынатын собуоттаан, хоҥнуох курдук буолан иһэн, тохтоото, “кэбис, ити кыыһы абааһы дьонугар хаалларан, куотарым астыга суох”, массыынатыттан тахсан сервискэ киирдэ. Дьэ доҕо-оор, айдаан ийэтэ-аҕата манна буола турар эбит. Баанньыска

Машаны уолугуттан ылбыт уонна хаһыыта биир кэм хара үлүгэр:-И-и-и-ити ба-ба-бай уол тэ-тэ-тэллэҕэ буо-буо-буолаары ми-ми-ми-миги-гиттэн куо-куота сылдьа-дьа-ҕыҥ дуо?-Эн итирик буоллаххына мин куттанабын ээ.-То-то-тоҕо?-Биирдэ итирэн баран кырбаабытыҥ батта.-Кы-кы-кырба-баамына, а-а-а-атын уо-уолаттарга и-и-иирэ сылдьаҕыҥ дии,-Баанньыска Гриша киирбитин көрө биэрдэ.-Баанньыска ыыт эрэ Машаны,-Гриша тула өттүн көрдө, хас да киһи массыына оҥорон, үлэлии-хамсыы аҕай сылдьар эбит. Айдааҥҥа олох кыһамматтар, маннык буолуохтааҕын курдук тутталлар-хапталлар.Баанньыска Гришаҕа утары хааман кэллэ уонна тута хабарҕатыттан харбаан ылан истиэнэҕэ ыбылы анньан кэбистэ. Гриша уҥу-хаҥас мөхсө сатаата да мэлийдэ, кыра-хара, эбиитин маадьаҕар да буоллар эчи күүһүн, олох ытарчалыы ылбыт. -Ба-ба-баай-гы-гынан ту-ту-туһанан мин кыыспын бы-бы-былдьаары гы-гы-гына-на-наҕыҥ дуо?Гриша тыына хаайтаран, сирэйэ бүтүннүү кытаран хаалла, нэһиилэ:-Суох,-диэн ыган таһаарда.-Баанньыска бүт эрэ, клиеннарбытын барытын куттаары гынныҥ,эн Машаҕын ким да тыыппат,- хатыҥыр соҕус уол кэлэн, Гришаны абыраатаҕа аатыран, Баанньысканы санныга таптайда. Биирдэрэ эргийэ биэрдэ да, биир тыла суох өрө баһан таһааран, сыҥаахха туттаран кэбистэ. Хатыҥыр уол тута өйүн сүтэрэн, тиэрэ баран түстэ.-Ээ, Баанньыска манна шумнаама эрэ, бэйэҥ сервискэр баран көҥүл көрүлээ,- уолаттар бары тутуспутунан ойон турдулар.Баанньыска элбэхтэригэр соччо кыһаммат:-Чэ-чэ-чэ, кэ-кэ-кэлиҥ, биир-биир ма-ма-манна кэ-кэ-кэчи-чигирэ-тэ-тэ-тэлээн кэ-кэ-кэбиһиэм,-уолаттарга утары хааман киирдэ.Уолаттар куттаналлара өтө көстөр, кэннилэрин диэки чугуруҥнастылар. Баанньыска баҕайы итирдэҕинэ дьэ киһи быһыытын сүтэрэр хара сордоох эбит ээ. Дьону сүгүн үлэлэппэккэ хара сарсыардаттан сордорун сордообут быһыылаах. Гриша, синэ биир диэн баран, сөптөөх соҕус мас сытарын харбаан ылла да, кэнниттэн үөмэн кэлэн, оройго сырбатан саайда. Баанньыска киһи эрэ буоллар дөйөн, умса баран түстэ.-Быата аҕалыҥ, кэлгийэ охсуохха,-Гриша хаһыытаан бытарытта.Уолаттар быа булан, бука бары саба түһэн, кэлгийэн кэбистилэр уонна сынньана таарыйа табаахтыы олорон кэпсэтэллэр:-Ити акаарыны ким ыҥырыахха диэбитэй, эн дуо, Костя? Хатыҥыр уол оҕустарбыт сыҥааҕын имэринэ-имэринэ ыйытар.-Мин, онно тугуй? Костя бэркэ кыыһырбыт көрүҥнээх.-Бэйэбит да оҥоруохпут этэ буоллаҕа.-Ол эн хаһан массыынаҕа сигнализация туруорбуккунуй, хайдах сатыахпыт этэй?-Эмиэ да оннук ээ. Оччоҕуна киһибит өйдөнөрүн кэтэһэр буоллахпыт.-Оннук, онтон ол сигнализациялаах клиеммыт баччааҥҥа диэри кэлэ илик дуо? Хатыҥыр уол Машаттан ыйытта.-Бу кэлэн турабын,-Гриша Машаны быһа түһэн хардарда.-Ээ, позор эбит батта,-хатыҥыр уол күллэ.Костя клиены куоттарымаары:-Ити Баанньыска дьиҥэр сүрдээх сымнаҕас киһи, билигин өйдөнөн туруо, барытын честь по чести оҥорон биэриэхпит. Хата эн массыынаҕын манна киллэрэ тур,-дии оҕуста.Гриша Маша диэки көрдө, Маша тугу даҕаны саҥарбат, кураанаҕынан утары көрөн баран турар. Ол эрээри Гриша тугу эрэ сэрэйдэ, холку бэйэлээхтик:-Билигин киллэриэм,-диэтэ.Массыынатын туттаран баран, Маша “Жигулитынан” айаннаан иһэллэр.-Маша, клиент буларгар сервистэр төһө харчыны төлүүллэр? Гриша мааҕын сэрэйбитин, аһаҕастык ыйытта.-Ону хантан биллиҥ? Маша төптөрү ыйытта.Гриша саҥарбат, кини ити бэрээдэгэ суох сервистэн тахсан баран хаалар санаалаах турбута. Ол туран уолаттар кэпсэтэллэрин истэн, Маша итинник эбии харчыланарын тута сэрэйбитэ, ол иһин Машаны эрэ аһынан, массыынатын хаалларда.Билигин дьэ дьиэтигэр аны аҕатын кытта кытаанах кэпсэтии күүтэр.Гриша дьиэтин таһыгар кэлэн тохтоотулар.-Мин эйигин күүтэбин даа? Маша ыйытта.-Ол тоҕо күүттүҥ?-Онтон массыынаҕыҥ ыла барыахпыт дии.-Чэ, бэйэҥ бил, тугу да гынарыҥ суох дуо ол? Гриша күллэ.-Тугу да гынарым суох, сервис аата сервис. Харчы төлүүр клиены таһар буоллаҕым дии,-Маша эмиэ күлэ хаалла.Сэрэйбит сэрэх, Гриша дьиэтигэр киирбитэ, аҕата тимир тириитин кэтэн, сүүһүн аннынан көрөн олорор эбит.-Гриша, ити тоҕо албынныыгын? Диэн ыйыта тоһуйда.-Ол тугу албыннаабыппыный?-Тугу диэн, түлүпүөнүнэн кэпсэтэрбитигэр кыыһым банкаҕа үлэлиир диэбитиҥ, төрөппүттэрэ улахан үлэһиттэр, кыанар дьон диэбитиҥ. Эбэтэр мин түҥ-таҥ истэр, дьүлэй бүөкээн буолан хаалбыппын дуу.-Тугу даҕаны, кими даҕаны албыннаабатаҕым.-Онтон кыыһын, балыыһаҕа санитаркалыыбын диэтэ буолбат дуо, эбэтэр мин эмиэ сыыһа иһиттим дуу? Ити кыыһы отой ойох ылыма.-Ол тоҕо? Гриша төптөрөһүлүөх санаата киирэн кэллэ.-Тука-аам, киһи тэҥнээҕин булуохтаах. Үөрэҕэ суох, муостаны сиппийэ сылдьар кыыс хайдах эйиэхэ тэҥнээх ойох буолуон сөбүй? Ону мин өйүм хоппот. Эн биһиги баайбытын эбии халыҥатыахтааххын, ааппытын салгыы ааттатыахтааххын, билигиҥҥи олох ирдэбилэ оннук. Быта да суох кыыһы ойох ылан, кумалааҥҥа бараары гынаҕыҥ дуо? -Аҕа-аа, эн сыыһа өйдүүгүн..,-Гриша барытын быһааран кэпсээри гыммытын, аҕата быһа түһэн кэбистэ.-Тугу даҕаны сыыспаппын, мин улууспар ааппын ааттаппыт, балай эмэ көстөр-биллэр, манна диэн киһиргээн эттэххэ ытыктанар киһибин. Ол бэйэм, соҕотохтоотор соҕотох оҕом санитарка кыыһы ойох ылан, сиэтэн аҕаллаҕына дьон-сэргэ туох диэҕэй, ону толкуйдаабытыҥ дуо? Туох төрөппүттээхтэрэ өссө биллибэт, сэрэйдэххэ иһэр-аһыыр, кумалааҥҥа барбыт дьон буолуо ээ.Ити тыллары истэн Гриша кыатана олорбута мэлийдэ, хаһан даҕаны аҕатын утары саҥарбат бэйэтэ, кыыһыран кытара түстэ:-Эн дьону баай-дьадаҥы диэн араарар буолбуккун дуу?-Чахчытын эттэххэ оннук, билигин биһиги олохпутугар баай уонна дьадаҥы диэн баара мөккүөрэ суох. Баай киһи дьон туһугар олорор, олоҕу тупсарар, онтон дьадаҥы киһи бэйэтин айаҕын эрэ ииттэр айдааныгар сылдьар. Ону өйдүөх тустааххын.-Оччотугар истэн абыраҥ, ити кыыс быстар дьадаҥы, куоракка бас билэр дьиэтэ да суох, аҕата суох, онтон ийэтэ туох үлэһитин билбэппин, билэ да сатаабаппын, баҕар буор иһээччи да буолуо. Эн дьону баай-дьадаҥы диэн араар эбит буоллаххына, мин оннук араарар санаам суох. Хайдаҕын да иһин мин кинини таптыыбын, онон бүтэр! Гриша аҕатыттан кэлэйэн, дьиэтин аанын хайа быраҕан тахсан бара турда. Маша массыынатын аанын сүр күүскэ аһа баттаан, киирэн олордо уонна:-Бардыбыт,-диэтэ.-Массыынан оҥоһулла илик ээ,-Маша бэрт холкутук хардарда.-Син-биир бардыбыт мантан.-Мээнэ сүүрбэппин бензин кэмчи ээ, заправкаҕа харчы суох.-Т-фу, дии бар, заправкан харчытын төлүөм.-Сөп, ханна барабыт?-Ыраах, төһө кыалларынан мантан ыраах.-Сөп.Суол устун саҥата суох айаннаан иһэн, Гриша сыыйа-баайы уостан, аҕатыгар кыыһырбытыттан олус диэн кэмсиннэ, кыыһырбычча тугу-тугу лахсыйдым, бу аҥала кыыһы таптыыбын диэтим дуу? Бу иэдээни.

Ооооооонееет
Оооонееет. Ожидание продолжается…

.
ждууунс , ессе биири суруйан биьэрин буоллар?)

Салгыы
Салгыытын күүтэбин

Света
күүтэбин, бүгүн суруйаар дуу

сэргээччи
Ооо дьэ эмиэ битэмиин курдук суруйбутум

Ньургуьун сибэкки
Ждемс

жоска
кэтэьэбин

,,,
Оо, дьэ хаьан салгыыгын

Света
Хаһан суруйаҕын, күүтэбин

Мин
Кытаатан суруй дуу…утуйуллуо этэ..

ВВ
ОЛУС КЭТЭҺЭБИН, СУРУЙ ДУУ

Хаһан суруйаҕын
Кэтэһэбит

кэтэһии
Кэтэһии

Жду
Жду

.
ьуруйууй(

S
Хаьан суруйазын..

Нана
Туох ааттаах кэтэтиннэр.Суруйууй кэтэьэбит ди.

сахааммакыыьа
Тыаза улэ угэнэ,солото суоза буолуо,эрэнэ куутэбит эрэ…..

Цйё
Оппонньа ханна тиийдиц?

тимерлан
Хаьан суруйара буолла, кэтэьэн кэлтэгэй буолан эрэбин

Ангел с небес
Күүтэбиин)))

ххх
Хайаааа суруйан ис..

:))))))))
Киһи биир тыынынан ааҕар дии,наһаа үчүгэй

октябриз
Куутэбит, кытаатан бу киэьэ суруйуур

Сулус уола
Түгэн.
Даркылааҕы быдан ааһа түһэн баран, Маша массыынатын тохтотто:-Чэ, эппитиҥ курдук, дьиэҕиттэн быдан ыраах кэллибит. Мантан ордук ырааппат инибит.-Оннук.-Манна олорон уоскуйа түс. Сэрэйдэххэ аҕаҕын кытта кытаанах кэпсэтии буолбут быһыылаах.-Сөпкө эттиҥ.-Миигиттэн сылтаан даа?-Оннук буолан тахсар.-Баай киһи оҕотун баай ыал кыыһыгар сыбааттыахтаах, оннук буолуохтаах даҕаны,- Маша аҥалата мэлийэн,хайдах эрэ боччумуран хаалбыт курдук саҥарда.Ону Гриша дьиктиргии иһиттэ уонна:-Ол, мин аҕабын кытта кэпсэтиибин эн хантан биллиҥ? диэн ыйытта.-Сэрэйдэҕим дии, мааҕын сарсыарда кэпсэтэ олорон, “санитаркабын”, диэппин кытары сирэйэ кубарыйан хаалбыта, аһыгар хара сыыспыта. Онтон тута бэрт тоҥуйдук кэпсэтэн барбыта. Баай дьон сыһыана оннук буоллаҕа дуу?-Кини олус үтүө киһи.-Баҕар буолуо, оччоҕуна оҕотун туһугар кыһаллара оччо үлүгэр дуу?-Мин дьону баай, дьадаҥы диэн араарбаппын.-Эн баайы үрдүнэн сылдьыбыт, бэлэмҥэ иитиллибит киһи олох кыһалҕатын билбэккин. Биһиги айахпытын эрэ ииттинэр айдааныгар сылдьар дьон, баай дьону көрө-көрө ордургуубут ээ.-Мин аҕам этэринэн, бачча үчүгэй көҥүл үйэҕэ сүрэҕэ суохтар эбэтэр акаарылар эрэ байбаттар үһү.Маша итини истэн олус кыһыйда:-Онтон биһиги син сүрэхтээх курдукпут ээ, күнүстэри-түүннэри үлэлиибит да үлэлиибит уонна тоҕо эрэ олох байбаппыт ээ..,-диэн иһэн Гриши күлэ олорорун көрөн, ситэ саҥарбакка, тохтоон хаалла. Онтон күлэ-күлэ,-ол аата акаарыларбыт что ли?Уоллаах кыыс массыына иһигэр, утарыта көрсөн олорон, саһыгыраччы күлэн тоҕо бардылар.-Сыта-тура толкуйдаан көрдөххө мин аҕам отой сөпкө этэр ээ.Маша күлэрин кыатана сатыы-сатыы:-Кырдьык оннук эбит,-диэтэ.Арый уоскуйа түһэн баран, Гриша:-Маша, бэйэҥ тускунан кэпсээ эрэ, мээнэ олоруохтааҕар,-диэтэ.-Киэҥ тутта кэпсиирим туох да суох.-Онтон, туох баарынан кэпсээ.-Халымаҕа төрөөбүтүм, аҕабын билбэппин, сэрэйдэххэ булумдьу оҕобун быһыылаах. Аҕам туһунан, ийэм хаһан даҕаны кэпсээбэт, оҕо эрдэхпинэ өлбүт үһү, онтон ордук тугу даҕаны билбэппин, билигин кэлэн ыйыталаспаппын даҕаны. Оскуоланы сатаан бүтэрбэтэҕим, ЕГЭ-ны кыайан туттарбатаҕым. Онтон Халымаҕа баар дьиэбитин атыылаабыппыт уонна онуоха-маныаха диэри дьиэ куортамнаан куоракка көһөн кэлбиппит. Квартира ылыахтаах этибит даҕаны албыҥҥа түбэстибит быһыылаах, Ол кэннэ хаһыс да сылбытын ускул-тэскил сылдьабыт.Гриша ыйыппытыттан кыбыстан тугу да саҥарбат, түлүпүөнүн таһааран, хаһыспыта буола олордо.-Аны

эн, бэйэҥ олоҕун туһунан кэпсээ,-Маша ыкта.Гриша тугу кэпсиэй, киһиргээбит курдук, төлөбүрдээх бастыҥ оҕо саадыгар сылдьыбытын, соччо киэҥ билиитэ да суох буоллар, тоҕо эрэ, хайдах эрэ оскуоланы кыһыл көмүс мэдээллээх бүтэрбитин, онтон Университетка үөрэнэ сырыттаҕына, тоҕо эрэ анаан-минээн кинини эрэ учууталлар өрө тардан, бастыҥ үөрэнээччи гыналларын, үөрэҕин бүтэрээт хайдах хамнастаах үлэ булбутун, квартира, массыына ылбытын кэпсии олоруо дуо. Кэпсээтэҕинэ Маша хата күлүү-элэк гынара саарбаҕа суох, баай төрөппүттэрин бэлэмигэр сылдьар бас-баттах барбыт ыама диэҕэ. Дьадаҥы дьон тоҕо эрэ баай дьону куруук үөҕэллэр, уоруйаҕынан ааттыыллар, онтон ордук байар суол суоҕар дылы. Бэйэлэрэ төбөлөрүн үлэлэтэн байа сатаабаттар, хантан көмө кэлэрин эрэ манаан олороллор. Мин ыал буоллахпына, аҕам курдук, оҕом туһугар туохпун да кэлэйбэккэ кыһаллыам, атаҕар туруоруом. Аҕам муспут баайын мин халыҥатыахтаахпын, онтон мин баайбын оҕом эбии халыҥатыахтаах, ол курдук салҕанан бара туруохтаах. Онтон бу Маша күннээҕиннэн эрэ олорор, өйө оннук чычааһа көстөн турар. Эмиэ даҕаны биир Сиргэ олоробут эрээри олоҕу көрүүбүт туһунан, суолбут туһунан.Кэбис, аҕам барахсан сөпкө этэр ээ, киһи бэйэтин тэҥнээҕин булан, олоҕун оҥостуохтаах. Мин хайаан даҕаны бэйэм Машабын кытта эйэлэһиэм, кини биһиги икки тэҥмит, ханыылыыбыт.Гриша саныы олорбут санаатын үрэйэн, Маша түлүпүөнэ тырылаата:-Истэбин.., ээ бэлэм диэ… Клиент баар, аттыбар олорор… Ээ, сөп, билигин тиийиэхпит.-Массыынам хайыы сах бэлэм буолбут дуо? -Бэлэм, чэ бардыбыт,-Маша тоҕо эрэ үөрбүтэ сүрдээх, сэрэйдэххэ харчылана охсоору ыксыыра дуу?Автосервис иннигэр кэлэн тохтоотулар, бу сырыыга Гриша массыынатын ыла охсоору инники түстэ, тиийэн ааны тоҥсуйан либиргэттэ. Аан аһылынна, Баанньыска табааҕын туора уобан баран турар эбит, Гришаны көрөөт кыбыстан хараҕын куоттаран кэбистэ, уолаттарын көхсүлэригэр тиийэн саһа оҕуста. Кини өйдөммүт, киһилии быһыыламмыт, үлэлии-хамсыы аҕай сылдьар, уолаттарыгар тугу эрэ сүбэлэээн кэлэҕэйдиир, ол быыһыгар эмиэ да мөҕүтэлиир. Дьэ кырдьык элбэх билиилээх, сатабыллаах, ытыс үрдүгэр сылдьар киһи быһыылаах. Бу дьон хара сарсыардаттан, хара киэһээҥҥэ диэри тиһигин быспакка үлэлииллэр даҕаны сылайбыттара баара биллибэт, үлэ күнүстэри-түүннэри күөстүү оргуйа турар.Костя утары хааман кэллэ, мааҕын сарсыарда туох да айдаан буолбатаҕын курдук, элэккэй бэйэлээхтик:-Дорооболоруҥ,-диэтэ.-Дорооболоруҥ,-Гриша хардарда.-Дьэ массыынан бэлэм, билигин ханна баҕар куттаммакка хаалларыаххын син,-диэн баран автосигнализациянан хайдах туттуохтааҕын кэпсээн-ипсээн, ымпыктаан-чымпыктаан быһааран биэрдэ.Гриша улаханнык өйдөөбөтө эрээри:-Сөп,-эрэ диэтэ, кини массыынатын ылан, мантан бара охсор эрэ санаалаах.Харчытын таһааран төһөнү көрдөөбүттэрин төлөөтө уонна тахсан иһэн, уолаттар харчыланан үөрбүт сирэйдэрин-харахтарын бэлиэтии көрдө. Бэл диэтэр, клиент булбут Машаҕа өлүүтүн туттардылар. Барахсан үөрүүтүттэн оҕолуу өрүтэ ыстаҥалаан ылла. Төһө харчы тиксибитэ эбитэ буолла? Кинилэр үөрүөхтэрин үөрэллэр, күнү быһа сүүрэн-көтөн, сэттэ көлөһүннэрин саба түһэрэн өлөрбүт харчылара буоллаҕа.Маша Гришаны кэнниттэн батыһан, таһырдьа таҕыста, Гриша массыынатын тохтотон, түннүгүн түһэрдэ:-Истэбин.-Просто покалаһаары гыммытым,-Маша чуҥкуйбут курдук тутунна.-Чэ, пока, махтал,-диэн баран, Гриша айанныы турда.Кини билигин тэҥнээҕин,бэйэтин Машатын, кытта эйэлэһэр эрэ санаалаах. Сарсын үлэ чааһын кэнниттэн хайаан даҕаны киниэхэ бара сылдьыа, тобуктаан да туран, төрүү илик оҕотун ийэтиттэн, бырастыы гын, диэн көрдөһүө. Маша атаах да буоллар, өйдөөх кыыс, кини бырастыы гыныа.Гриша дьиэтигэр киирэн остуолга сытар кумааҕыны ылан көрдө, аҕата сурук суруйбут эбит.“Тукам, бырастыы гын. Туйахпын хатарар үчүгэй киһи үүннүн диэн оҕо эрдэххиттэн кыһаллыбытым оччо. Билигин улахан киһи буоллаҕыҥ, олоххун бэйэҥ оҥостор кыахтааххын, мин орооспотум ордук.” Аҕам барахсан былыргылыы сурук суруйаахтаабыт, диэн аҕатын аһынан ылла уонна аныгы киһи быһыытынан аҕатыгар ватсаптаата:“Аҕа, мин барытын өйдөөтүм. Эн этэриҥ сөп. Ити көрбүт кыыһын мин доҕорум буолбатах. Мин Машам кыахтаах ыал оҕото.“Гриша соҕотоҕун чуҥкуйан олордо, төһө даҕаны бэйэтин Машатын кытта эйэлэһиэх буоллар даҕаны, ити аҥала Маша олох санаатыттан тахсыбат.

S
оссо суруй баьаалыста

Олус үчүгэй кэпсээн
Баһаалыста салгыытын суруйууй бүгүн)

Сулус уола
Түгэн.
Гриша Машата эрийэрин кэтэһэ сатаан баран, тулуйбакка бэйэтэ күн аайы ватсаптыыр, эрийэ сатыыр идэлэннэ, Биирдэрэ мэлигир, саараама хардаран абыраабат, кыһыыта кыһыылаах суруйарын көрөр эрээри соруйан хардарбат, дьэ өһөс кыыс диэтэҕиҥ. Хайыаҕай, эмиэ дьиэтигэр тиийэ сырытта, ол эрээри бу сырыыга аҕата да абыраабата, кыыс хоһун аанын иһиттэн хатанан кэбистэ уонна туох да манньаҕа аһан абыраабата. Туохтан бачча үлүгэр өстүйбүтүн билбит суох. Маша аҕата хос аанын тоҥсуйа сатаан баран, кэлэйдэ быһыылаах:-Чэ,

Гриша, кыыһым санаата көннөҕүнэ биллэриэҕим.-Хайдах гыныахпыт баарай?-Ити хат буолан ордук хоһуу хаппырыыстанар,-диэн Степан Егорович быһаарда.-Оннук ини, чэ мин барыым,- Гриша кэлбитин кэмсинэн, дьиэттэн тахсан бара турда.-Ийэтэ күүлэйдээн кэллэҕинэ кэпсэтиэҕэ,-дии хаалла Степан Егорович.Онтон ыла хас да күн ааста. Күн лаппа кылгаан күһүн үөмэн кэллэ. Гриша уоппускаҕа барар санаата суох этэ даҕаны, тойоно күүһүнэн кэриэтэ дьаһайан кэбистэ. Эр дьон үксэ бултаары-алтаары саас эбэтэр күһүн уоппускаҕа бараары былдьаһар эбит буоллахтарына, Гриша онно сыыҥтаан да кыһаллыбат. Кини бултуур диэни билбэт, онтон дуоһуйуохтааҕар хара тыаны атыҥырыы көрөр. Ол кэриэтин сүүрүүлээх-көтүүлээх, үрдүк тэтимнээх куорат олоҕо быдан ордук. Уоппускаҕа барыаҕыттан тугу да гыммакка дьиэтигэр сытар уонна санаатыгар Машата эрийэрин дуу, суруйарын дуу кэтэспэхтиир. Сотору ийэтэ соҕуруу дойдуларынан күүлэйдээн кэлэр ини, эбэтэр кэлэн иһэн Москваҕа баар дьиэтигэр чаардаан, тардыллара эбитэ дуу. Маша ийэтин соччо иһигэр киллэрбэт эрээри, бу сырыыга кини тиийэн кэлэрин олус диэн кэтэстэ.Биир киэһэ оронугар сытан, буоларын курдук Машатыгар хардата суох хас да суругу суруйда, ол сытан аҥала Машаны санаан кэлэн ымах гынна. Сордоох ханна эрэ тиийээхтээтэ, бэйэ эрэ, дьээбэҕэ суруйуохха, ытырбат ини, дии санаата:“Маша, привет, бу Гришабын.““Ээ,диэ, привет”, бэрт түргэнник харда кэлэ оҕуста.“Тугу гына сылдьаҕыҥ?““Утуйа олоробун.““Тоҕо олорон эрэ утйдуҥ, дежурстваҥ дуо?““Суох, массыынабар олорон эрэ утуйабын.““Ээ, диэ. За рулем утуйума”, Гриша күллэ.“Массыынабар утуйбутум хаһыс даҕаны хонугум.““Ол тоҕо?““Квартирабыт арендата бүппүтэ.“Гриша оронугар олоро биэрдэ, сүрэҕэ күүскэ-күүскэ тэбиэлээтэ, тута эрийэн хачыгыратта:-Алло,-Маша утуктаабыт саҥата иһилиннэ.-Привет, Маша.-Привет, Гриша.-Ол аата дьиэҕититтэн тахсан биэрдигит дуо?-Аһаа.-Онтон ийэҥ?-Ийэм дьүөгэтигэр кыбыллан олорор.-Онтон эн?-Мин пока массыынабар хоно сылдьабын, онтон квартира булуохпут буоллаҕа дии.-Ычча доҕоор, түүн тымныы дии.-Чэ, ни-ни-ни-ни-че-че-го, за то романтично,- Маша Баанньысканы үтүктэн күллэ.-Сип-сибилигин миэхэ кэлэҕиҥ, онон бүтэр! Гриша эр киһилии быһа-бааччы этэн кэбистэ.-Сөп,-Маша сөбүлэһэ оҕуста.Гриша чаанньык оргутуор, ыскааптан матараас таһааран үрдэрэн орон бэлэмниэр диэри Маша хайыы-сах тиийэн кэллэ, дэлби тоҥмут, титигирээбит. Онтун кистии сатаахтыыр даҕаны кыаллыбат. Гриша кыыһыран мөҕө тоһуйда:-Хайдах бачча буолуоххар диэри таһырдьа хоно сылдьаҕыҥ, арай ыалдьан хаал, хайдах буолаҕыҥ? Туох акаары кыыскыный.-Ханна барыахпыный?-Онтон Баанньыска?-Кини сотору-сотору арыгы иһэр, надоел уже.-Онтон миэхэ тоҕо эрийбэтиҥ, син табаарыстыы курдукпут дии,- Гриша “табаарыстыы” диэн тылы алҕас кыбытан кэбистим дуу, дии санаан ылла.Маша мөҕүллүбүт оҕо курдук төбөтүн умса туттан туран:-Онтон.., онтон эн Машалааххын дии.-Машалааххын буолан түһэн. Баран ванналана оҕус, аны ыалдьан таралыйа сытаайаҕыҥ,- Гриша соттор уунан биэрдэ.Кыыс суунан тахсыбытын кэннэ, түүн ортото ааспытын аахсыбакка чэйдээтилэр. Маша иннигэр ууруллубут аһы барытын мотуйан кэбистэ уонна:-Өссө тугу эмэ аһыыбыт дуо? Диэн синигэр киирэн хаалан ыйытта.Гриша халадьыынньыкка туох ас баарынан таһааран, Маша иннигэр тэлгэттэ. Биирдэстэрэ кэпсэтэр солото суох аһыыр да аһыыр. Онтон кип-киэҥ харахтара тиэрэ-маары көрөн, сабыллан бардылар, бэлэмнэммит орону нэһиилэ булан тиийдэ уонна умса түстэ да утуйан хаалла. Гриша эмиэ оронун булан, тэлэбиисэр көрө сыта түстэ. Кини билигин уоппуската ол иһин ханна даҕаны ыксаабат.Сарсыарда уутун ханыар диэри утуйан турда. Маша хоммут хоһун аана аһаҕас турар, Гриша өҥөйөн көрбүтэ оронун чөкө баҕайытык хомунан кэбиспит, бэйэтэ барбыта быдаҥнаабыт быһыылаах, сыта да суох. Ваннай хоско бэйэтин сотторун сааһылаан ыйаабыт, зубной щеткатын, Гриша киэнин кытта кэккэлэччи ыйаабыт, куукунаҕа ас бэлэмнээн, Гриша өлүүтүн хаалларбыт. Тэриэлкэ биир өттүгэр биилкэ сытар, биир өттүгэр быһах сытар уонна Гриша чэй иһэр обургу чааскыта хороллон турар.Чэ, маҥнайгы омуҥҥар бэрт буола сатаан ас тардан, бэлэмниир инигин, кэлин холоон буоларыҥ буолуо, Гриша аһыы олорон, иһигэр күлэ санаата. Ол олордоҕуна ватсап кэллэ, Маша суруйаахтаабыт:“Ити аата мин квартира булуохпар диэри эйиэхэ олоробун даа?“Гриша иһигэр күлэ олорбутун кыатыммакка саҥа таһааран күлэн алларастаата.“Оннук,” диэн хардарда.Иккис күнүгэр сарсыардааҥҥы аһа эмиэ бэлэм, үһүс күнүгэр эмиэ, оннук күн аайы. Ону ааһан Гриша дьиэтэ лаппа ырааһырда, ханан даҕаны быыл сытара көстүбэт буолла, кирдээх таҥаһа уруккутун курдук өрөбүлтэн өрөбүлгэ диэри мунньуллан сыппат.

👏👏👏
Сулус уола, бэртээхэй! Салгыытын кэтэһэбит

тыа уола
Куутэбит

.
ваай

Вау
Ждемс

тимерлан
Интрига кытаатан иьэр, салгыыта тахсыа диэн эрэнэ хаалабыт

Рошелле
Наһаа үчүгэйдик суруйбуккун , киһи аахтар ааҕа олоруох курдук, кытаат кэтэһэбит.

**FRABBIT**

Еребул кун, барытын суруйан бутэн таьаарар инигин 🙏🏻🙏🏻🙏🏻

:))))
Арааһа эдьиийэ быһыылаах…..

Сулус уолун фаната-это Я🙌
Баай Маша арааьыта Гриша своднайа буолуо, анала Маша Степан Егорович огото буолуоиндийский сценарист уьубун оонньоон

Маша
Гриша агата Гаврил диэн ээ.Агам убайа Федор диэбитэ дии.Оттон Маша Федоровна диэн.

Ньургуьун сибэкки
Бугун киэьээ суруйаар дии

Туйаарыма
Утуо киэьээннэн!Наьаа учугэй кэпсээни биир тыынынан аа5ан кээстим дии, олох харахпар киинэ курдук костор, чэпчэки ба5айытык аа5ыллар. Салгыытын кэтэьэ хааллым.

Вау
Суоз дуу? Күүтэбит

УЧК
Оо, суох дии, кытаат

Сэргээччи
Ооо дьэ эмиэ мэлигир

Сулус уола
Түгэн.
Хаар кыыдамныыр, күһүҥҥү халлаан хайы-сах хараҥара оҕуста, ол эрээри таһырдьа сып-сылаас. Гриша үлэтин кэнниттэн маҕаһыыҥҥа сырытта, ас амтаннааҕын талан атыыласта, ол быыһыгар сампааныскайдаах, ыарахан сыаналаах ханньаахтаах. Кини бүгүн төрөөбүт күнэ. Бэйэтин Машата ону билэр эрээри эҕэрдэлээн абыраабата, саатар суруругар харда ыытан быстыбат. Гриша онно соччо кыһаммат буолбута ыраатта, ньоҕойдоһор буоллаҕына, мин даҕаны ньоҕойдоһуом, аны суруйуом суоҕа дии саныыр. Ол эрээри тулуйбакка, күн аайы суруйбута эрэ баар. Бүгүн төрөөбүт күнүгэр баҕар кэлиэ дии санаабыта, мэлийдэ. Саатар ийэтэ омук дойдуларынан күүлэйдээн баран, Москваҕа кэлэн чаардаан хаалла, кыыһын кытта кэпсэтэргэ тоҕо эрэ тиэтэйбэт. Чэ, кыыһырбыттара оччо эбит буоллаҕына сырыттыннар, хата биһиги Машалыын иккиэйэҕин төрөөбүт күммүн бэлиэтиэхпит, диэн Гриша бэйэтин сааратынна.Ас хааламмыт икки толору пакеттаах дьиэтигэр киирэн кэлбитэ, минньигэс да минньигэс ас сыта муннун саба биэрдэ. Маша кэрэ куолаһынан ыллыы-ыллыы куукуна иһинэн-таһынан ас астаан сүүрэ-көтө сылдьар эбит:Долгуйабын, күүтэбин, эрэнэбинЭйигин көрсүөм диэн.Түүл түүһээн көрөн кыталык доҕоруом,Күөх түүлүм сыһыытын тумнума.Хара харахчаан, кэрэ да кыысчаан,Билиэм булларбын харахтаргыттан.Гриша пакеттарын туппутунан аан айаҕар Маша ыллыырын истэн турда. Остуолга ас бөҕө астанан тардыллыбыт, Маша ырыатыгар ылларан, киһи ааны аһан киирбитин олох да истибэккэ, үҥкүүлээн имиллэҥнии-имиллэҥнии, плита иннигэр өссө тугу эрэ буһара турар, онтон Гришаны көрө биэрэн:-Уой кэллиҥ даа? Диэтэ, ыллыырын тохтотто.Гриша остуолга толору тардыллыбыт аһы, онтон пакеттарын көрөн ылла уонна:-Онтон мин акаары билбэккэ ас бөҕө атыылаһан кэллим дии.-Билигиҥҥи үйэҕэ акаары дьон байбаттар, онтон эн баайгын,-Маша аһын булкуйа туран күллэ. Гриша эмиэ күлүстэ:-Өйүм баара көстүбэт. Бачча элбэх аһы ханна гынабыт?-Чэ, ни-ни-ни-ни-че-че-го, ас өһө суох. Барытын сиэхпит,-Маша эмиэ үүт-үкчү Баанньысаны үтүгүннэ.Уоллаах кыыс утарыта көрсөн, остуолларыгар олордулар.-Аспыт эчи элбэҕин, били мээнэ Брежнев төрөөбүт күнүттэн итэҕэһэ суох дии,- Гриша туохтан саҥалаан аһаан барыаҕын билбэккэ, кэтэҕин тарбаммахтаата.-Бэйэ тохтоо,-Маша туран, хоһун диэки сүүрдэ. Онтон обургу бэйэлээх пакеты соһон аҕалан,- бу эйиэхэ төрөөбүт күҥҥүнэн,-диэтэ.Гриша пакеты хаһыста массыына кириэһилэлэрин чехолун көрөн, харахтара быччайда:-Маша, наһаа дорогой подарок ылбыккын дии.-Оннук буолуохтаах, ыарахан күннэрбэр эн миигин олус абыраатыҥ дии.-Ол хайдах, тоҕо ити курдук эттиҥ?-Мин квартира буллум ээ, сарсын дуу, өйүүн дуу көһөбүн.-Ээ, диэ,- Гриша эмиэ кэтэҕин тарбаммахтаата уонна саҥата суох аһаабытынан барда.-Бу бытыылкалар хаппахтанан баран, остуол үрдүгэр хороллон туруохтара дуо, кураанахтанан баран, остуол анныгар төкүнүйэр кэмнэрэ кэллэ дии санаабаккын дуо?-Кырдьык даҕаны,- Гриша сампааныскайы аһан бокалларга кутаттаата:-Гриша, төрөөбүт күҥҥүнэн эҕэрдэ. Сабачча улахан киһи буола улаат уонна..,-диэн саҥалаан, Маша бэрт элбэҕи саҥарда, сотору-сотору көрүдьүөстээн ылла. Гриша сороҕун эрэ өйдөөн истэр, кини билигин атыны саныыр, Машалыын олорор үчүгэй да этэ, барыта бэлэмҥэ сырыттаҕым. Миигин кытта олорорун тухары куруук ону-маны гынан, үлэлээн-хамсаан таҕыста, бу кини хаһан эмэ сылайара, үлэттэн салҕара буолуо дуо, диэххэ айылаах. Ону таһынан дьиэбэр кэллэхпинэ санаа үллэстэр, кэпсэтэр киһи баара бэрт да этэ. Бу кыыһы кытта ирэ-хоро кэпсэтэн-ипсэтэн бардахха, ис-иһигэр киирдэххэ, бэйэ акаары да,аҥала да буолбатах эбит ээ. Хата ону-маны билэрэ, сатыыра миигиннээҕэр быдан ордук. Сорох ардыгар мөҕөрө даҕаны минньигэстик иһиллэргэ дылы. Ол бэйэтэ сарсын баран хаалар дуу, эмиэ чуҥкук олохпор төннөрбөр тиийбиппин.-Гриша-аа,-Маша бокалын утары уунан турар эбит.-Махтал,-Гриша туран, бокалын охсуһуннарда уонна куолайыгар таҥнары тутан кэбистэ.Маша квартира булбут үөрүүтэ оччо эбитэ дуу, эбэтэр Гришаҕа махтаммыта оччо эбитэ дуу? Туран эрэ бокалын сыыйа-баайы иһэн, кураанахтаата уонна көрүдьүөстээн нууччалыы:-Еще наливай,- диэн, бокаалын уунна.Гриша хап-сабар сампааныскай кутта, бэйэтэ ханньаах кутунна уонна:-Чэ,- диэн охсуһуннаран баран эмиэ хантатан кэбистэ.Ол

курдук утарыта көрсөн олорон аһаатылар, сөп буола-буола бокалларын охсуһуннаран арыгыларын иһэллэрин умнубатылар. Сотору Маша кип-киэҥ харахтара кылабачыйан хааллылар, Гриша даҕаны арыгыта төбөтүгэр тахсан, санаата чэпчээтэ, бэркэ диэн сэргэхсийдэ.-Маша, мин эйигин үҥкүүгэ ыҥырабын,-диэн туран кэллэ, илиитин уунна.-Только сыллаабат буоллаххына,-Маша илиитин утары уунна.-Сөп, баай киһи дьадаҥы кыыһы хаһан даҕаны сыллаабат.Уоллаах кыыс илии-илиилэриттэн ылсан, киэҥ-куоҥ Гриша хоһугар киирдилэр. Хос иһин бытаан музыка тыаһа толорор, соҕотох чүмэчи сырдаттарбыан ханнык диэбиттии күлүмнүү умайар. Гриша Машаны синньигэс биилиттэн туппут, кыыс икки ытыһын уол санныгар уурбут. Хос иһэ уу-чуумпу, музыка эрэ тыаһыыр. Музыка холуочуйбут уоллаах кыыс мэйиилэрин эбии иирдэр, Гриша сыыйа-баайы кыыһы бэйэтигэр ыга тардар, онтон олох даҕаны синньигэс биилиттэн ыпсары кууһар, Маша тоҕо эрэ өрөлөһүспэт, төптөрүтүн төбөтүн уол түөһүгэр уурар, икки илиитин тарбахтара бэйэ-бэйэлэрин булсаннар, моонньуттан ыга кууһан кэбиһэр. Онтон уос уостарынан даҕайсаан, оргууй наллаан дьыбаан диэки хаамаллар… Суох, суох бу тапталы таҥнарыы түүнэ буолбатах. Төптөрүтүн бу аптаах түүн.., бу иэйии түүнэ.., бу кистэлэҥ түүнэ. Бу түүнү ким да билиэ суохтаах, бу иэйии бу түүнүнэн бүтүөхтээх, букатын умнуллуохтаах. Истимэн кинилэр ынчыктаһалларын, манааман кинилэр уураһалларын. Тахсыҥ, тахсыҥ, кэбэлийиҥ, мэһэйдээмэҥ! Бу минньигэс түүнү ыскаап түөһүгэр кэчигирэспит былыргы хаартыскалар эрэ көрөн-билэн хааллахтара.

:)))))
Салҕыытын күүтэбит …..

Маша
Па,таннарыы буолбакка тугуй?итириктэр батта.

Ньургуьун сибэкки
Хайдаарэ барыта эрдэттэн биллэр ба5айы да буоллар син биир аа5арга интэриэьинэй)закрученнай гыныан этэ буо очооно наьаа чуей буолуо этэ хотья ба5ар ити аннараа беременнай машатын отчима аннараа маша а5ата буолар дуо_0

Суруйууй
Салгыытын

Tachika
Сюгюн суруйтарын

тыа уола
Ол кун кэннэ туох буолара таайыллыбат таабырын, эрэнэ куутэбит

🌸
Куутэбин

Сулус уола
Түгэн.
Гриша үлэтигэр олордоҕуна түлүпүөнэ тыаһаата, Маша эрийэр эбит.-Да, Маша истэбин.-Гриша мин аллараа вахтаҕа кэлэн турабын, түһэ сылдьыан дуо?-Билигин түһүөм,-Гриша түлүпүөнүн туппутунан, кабинеттан тахсан, лифт диэки сүүрдэ.Аллараа түспүтэ Маша кэтэһэн турар эбит.-Маша привет.-Привет, Гриша. Бу дьиэн күлүһүн аҕаллым, малбын тиэйэн, көһөн эрэбин,-Маша элбэх баҕайы маллаах курдук эттэ.Гриша саҥата суох күлүһүн ылан, сиэбигэр угунна уонна нэһиилэ ыган таһааран:-Сөп,-эрэ диэтэ.-Чэ, пока Гриша,-кыыс эргиллэн, тахсар аан диэки хаама турда.Быдан ырааппытын кэннэ:-Көрсүөххэ диэ.., пока Маша,-диэн муннун анныгар ботугураата уонна дьиэттэн тахсан барыар диэри батыһа көрөн турда.Онтон ыла хас да хонук ааста. Гриша урут дьиэтигэр соҕотох олорон тэһийэр эбит буоллаҕына, билигин киниэхэ олус чуҥкук. Дьиэтигэр барыан даҕаны баҕарбат, куруук сылтах булан үлэтигэр тардыллар идэлэннэ. Өрөбүл күннэри эмиэ сөбүлээбэт буолла, уһаан-кэҥээн киһи тыына-быара хаайтарар. Куорат устун мээнэ хаамыталыыр, соҕотоҕун киинэҕэ сылдьар, ол да абыраабат. Бүгүн өрөбүл. Таһырдьа хойуутук да хойуутук кыстык хаар түһэн, кырса түүтүн ыһар. Гриша түннүгүнэн көрөн олорон, сүрэҕэр ыттарбыттыы Машаны саныыр, суохтуур. Суох, бэйэтин Машатын буолбатах, отой атын Машаны. Биир эрэ түүн кинини абылаата, өйүн-санаатын үлтү ытыйда, бутуйда. Саатар кини тоҕо эрийбэт, саатар сурук суруйбат, диэн санаатын кытары түлүпүөнэ тырылаата.-Алло.-Гриша дорообо, бу Маша ийэтэ эрийэбин. Эн дьиэҕэр баар инигин?-Баарбын.-Тукаам, биһиги эйиэхэ айаннаан иһэбит, оргууй-наллаан кэпсэтиэ этибит,- Маша ийэтин тыла бэркэ диэн мүөттэммит.-Сөп.Сотору тиийэн кэллилэр, ийэтэ, Аграфена Семеновна инникилээбит, Маша кутурук курдук кэнниттэн батыспыт.-Өссө биирдэ дорообо, Гриша,-Аграфена Семеновна күлбүтэ буолан ымаҥныыр.-Дорооболоруҥ, сыгынньахтанан киириҥ.-Маша-аа, эн сыгынньахтанан баран, ити хоско киирэн кэтэһэ түс, биһиги Гришалыын кэпсэтиэхпит,-ийэтэ кыыһын дьаһайда уонна куукунаҕа киирэн, остуол иннигэр турар олоппоско олорунан кэбистэ. Маша бу дьиэҕэ уруккуттан сылдьа үөрүйэх буолан, толлон турбакка, хоско киирэн, тэлэбиисэри холбоото уонна дьыбааҥҥа тиэрэ түһэн, олордо.Гришалаах Аграфена Семеновна утарыта көрсөн чочумча олорбохтоотулар.-Чэй иһэҕиҥ дуо, кофе кутабын дуу,-Гриша суолтатыгар эрэ ыйытта.-Ээ, суох, суох. Гриша иһит эрэ, ити биһиги Машабыт олус хаппырыыс ээ, ол эрээри киһи быһыытынан олус үчүгэй, өйдөөх-төйдөөх кыыс..,-диэн быдан ыраахтан саҥалаан, Гриша билбэтигэр дылы, кэпсээн-ипсээн, хайҕаан-айхаллаан, саахтан сакалаат оҥорон таһаарда уонна тиһэҕэр тиийэн,- кини эйигин олус ахтар, таптыыр ээ уонна бүгүн, аны хаһан даҕаны хаппырыыстыам суоҕа диэн тылын биэрдэ. Онон эйиэхэ эрэнэбит, сиэнчээммитин кэтэһэбит, оннук буолбат дуо Гриша? Диэн түмүктээтэ.-Оннук,- Гриша тохтоон ылла, онтон,- ини,-диэн эбэн биэрдэ.-Чэ оччоҕуна мин барыым дуу, эдэр дьон

бэйэҕит хааларгыт ордук буолуо,- Аграфена Семеновна сып-сап таҥнан, тахсаары туран, хос аанын өҥөйдө,- пока Машенька,- диэтэ уонна харда кэтэспэккэ тахсан барда.Гриша оннуттан хамсаабакка олорор, кини саныыра букатын атын. Маша атын хоско киирэн, урут хаалларбыт халаатын, ыскааптан булан, кэтэн таҕыста, бу халааты атын Маша кэтэ сылдьыбыта, оргууй-оргууйдук чугаһаан кэлэн, Гришаны кэнниттэн кууста уонна:-Мин эйигин наһаа ахтыбытым,-диэтэ, биллэ улааппыт иһинэн ыга сыһынна.Бу халаакка иҥэн хаалбыт атын Маша сытыттан эбитэ дуу, эбэтэр Маша улааппыт иһин даҕайан эбитэ дуу туймаарыйан ылла, бу ис иһигэр кини оҕото үүнэн-сайдан эрдэҕэ:-Мин эмиэ,-диэтэ.Сырыы аайы буоларыныы, кыыһырсан, бачча өр арахса сылдьан баран, көрүөх бэтэрээ өттүгэр эйэлэһэ оҕустахтара ити. Бу түүн кинилэр утуйар ууларын умнан, түүнү быһа кэпсэттилэр, ахтылҕаннарын таһаардылар. Сарсыарда Гриша урут уһугунна, үөрэнэн хаалбычча куукунаны өҥөйдө, кураанах остуолу көрөн соһуйда, ээ атын Маша этэ дуу, дии санаан мичик гынна. Чаанньыгын оргута туруорда, сарсыардааҥҥы аһын астаата, суунна-тараанна уонна хоско киирэн, Машатын уһугуннара сатаата да, биирдэстэрэ хараҕын хайа тардан абыраабата, өҥдөс да гынан көрбөтө. Гриша аанын таһыттан хатаан үлэтигэр барда. Күнүс үлэлии олордоҕуна ватсап кэллэ:“Гриша, эбиэттии кэлэҕиҥ дуо? Мин аччыктаатым аҕай.““Тугу буһардыҥ?““Тугу буһарыахпыный, кэлэн иһэн туохта эмэ атыылаһаар.““Сөп.“Гриша пельмен уонна Маша сөбүлүүр оннук-маннык астарын атыылаһан дьиэтигэр тиийдэ. Тута пельменин буһарбытынан, эбиэтин тардыбытынан барда. Сыыһа-халты хабыалатаат үлэтигэр ойоору туран, морозильниктан тоҥ эт таһааран остуолга уурда уонна:-Киэһэ миин иһэр инибит,-диэтэ.-Ой, наһаа үчүгэй буолуо этэ,-дии хаалла хат Маша пельменин тобоҕолуу олорон.Гриша киэһэ үлэтиттэн кэлбитэ, били күнүс таһаарбыт этэ ирэн, ньалҕарыйан хаалбыт. Хаана сүүрэн аан дойдуну бүтүннүү дьаабылаабыт. Маша сымнаҕас суорҕанынан бүрүнэн, бэртээхэй диэн сериалы көрө сытар. Гриша киирбитигэр хараҕын тэлэбиисэртэн араарбакка сытан:-Кэллиҥ дуо? Эрэ диэн ыйытта. Кини билигин ыалдьыбыт аатыран больничнайга олорор. Сөп буоллаҕа дии, ыалдьыбыт киһи хамсаммакка сытыахтаах, Гриша ньалҕарыйан хаалбыт этин кырбаан, миин буһарда. Ыкса хойут аһаатылар уонна тута утуйардыы оҥоһуннулар. Итинник күн аайы хатыланар, ол быыһыгар Гриша Машатын балыыһаҕа таһар, маҕаһыыннары кэрийэн ас атыылаһарыттан соло булбат. Доҕорум барахсан кырдьык ыалдьа сылдьара буолуо, ол иһин тугу да гыммакка күнү быһа сытаахтыыр, үтүөрдэҕинэ син хамсанар ини, саатар ас астыа, дии санаан күн аайы кэтэһэр. Эбэтэр хат дьахтар суорҕаннаах-тэллэххэ күнү-күннүктээн сытара оруннаах дуу? Гриша ону билбэт.

Ньургуьун сибэкки
Бэт ба5айы салгыытын куутэьит

Салгыытын кэтэһэбит
Кэтэһэбит

Вау
Аахтыбыт салгыытын күүтэбит

Света
күүтэбит

Ангела
оссо ханнык учуой кэпсээннэр баалларый субэлээн эрэ

:)))))
Хат Маша уол кыаҕын ыла кэлбит быһыылаах :)))

Сына Звезды Читающая
Бэрт кэпсээн, күүтэбин

уууу
хаьан сагаланар сериалы

Мама
Кэтэьии бо5о мин

Tachika
Кэтэьэн утуйбакка сылдьабыт

Баһаалыста салгыытын суруй
Кэтэһэбин

🌸
Вау

ждун
кэтэьэбит)))

Сулус уола
Түгэн.
Кыргыттар уонна уолаттар, күндү ааҕааччыларым! Бэҕэһээ ыкса киэһэ суруйбуппун (25.07.17) ким эмэ аахпыта дуо? Бүгүн сарсыарда баар этэ дии. Вау диэн ааҕааччы 23:32 коменнаабыт этэ. Онтон тоҕо эрэ эмискэ сүтэн хаалбыт. Хостоон суруйарбар тиийдим дуу, эбэтэр үгүстэр аахпыт буоллаххытына суруйбатым дуу? Дьиҥэр кэпсээним саамай быһаарыылаах, ааҕааччыны “развязкаҕа " бэлэмниир түгэнэ этэ.

Ааҕааччы
Сулус уола, баһаалыста иккистээн суруйуоҥ дуо? Мин аахпатаҕым, бэҕэһээ киэһэ киирэн көрбүтүм да, пока салгыыта тахса илик этэ, ол иһин Иэйэхситим диэни ааҕа олорбутум. Кэтэһэбин, баһаалыста бу Түгэн кэпсээн салгыытын суруйууй

Марфа
Сулус уола, олус учугэй кэпсээн. Хата бэьээннини успейдаан аахпытым. Салгыытын кэтэьэбит.

irina15-80
Сулус уола, баьаалыста суруй, бэьэ киэьэ маннабытым да суох этэ, арай ити “Вау” эрэ диэн комментарий баар этэ

🌸
Оо

Баара
Ааҕан, ааҕан, дальше суруйаар, жду

Аагааччы
Бука баьаалыста хос суруй дуу, элбэх киьи аахпатах булуолхтаах

Хатылаа
Хатылаа баһаалыста. Мин киэһэ көртүм суох, туун 4 ч. киирэн көртүм суох. Кэтэһэбит.Элбэх киһи аахпатах буолуохтаах.

Настя
Баьалыста хос суруйагын дуо? Бутэьигэ 24.07 тахсыбыта. Хат Маша Гриша дьиэтигэр кэлэр,тугу да гыммакка сытан тахсар. Наьаа учугэй кэпсээн,кэпсээннэргэ бу кэпсээн эрэ болгомтобун тарта

Рошелле
суох олох аахпатаҕым , хатылаа дии баһаалыста

**Августа**

Суруй куутэбит

Августа
хос суруй дии аахпата5ым

ждун
ооо аахпа хаалбыппын дии, ессе суруйа5ын дуо баьаалыста?))

Сулус уолун фаната-это Я🙌
Ааган, Гриша анала Машалыын керсен рестораннаабыттара игин ди

Туйгууна
Баһаалыста иккистээн суруйуон до? Аахпакка хаалбыппыт, наһаа үчүгҥй кэпсээн

тимерлан
Аахпакка хаалбыппыт, бука диэн иккистээн суруйаар эрэ

тыа уола
Аа5ан аа5ан салгыытын эрэнэ куутэбит

25 суох этэ
Бүтэһигин 24/7 аахпытым,ол кэннэ күн аайы кэтэһэбин

УЧК
Баһаалыста иккистээн суруйуон до? Аахпакка хаалбыппыт, наһаа үчүгҥй кэпсээн

Миисэ
Баара да сутэн хаалбыт дии. Рестораннаабыттара. Анала Маша олох тупсан хаалбыт игин этэ.

1k418
ооо аахпакка хаалбыппыт дии
хайдах сүтэн хаалара болой. Хос таһаарыый плииз

оооо
дьэкэтэьэн кэтэьэн кэлтэй буоллум. хайдах сутэн хаалар. эмиэ да утуйбакка мантыкан.

Дии
Мин эмиэ кэтэспитим, киирэн көрбүтүм да суох этэ. Бу Якт сайт админнара хайдах көрбөттөрүй ол сотторон кээһэллэрий!

Самаана
Аахпатагым иккистээн сурууй, эрэнэ куутэ хаалабын🙏🏽🙏🏽🙏🏽

.
хата бэгэьээннинэ успейдаан аахпытым)

Рошелле
аҥала Машалыын көрсөн рестораннаабыттара диэтигит дуу, аахпатаҕым дии ханна бараалбытый??

Кыыс
Баьаалыста иккистээн суруйуон дуо🙏🏻🙏🏻

Спойлер
Хат Маша куну быта ас да астаабакка дьиэъэ сытан тахсар. Гриша дьиэлиэн да баъарбат буолла. Машата хаьан эбиэттии кэлэъин диэбитин мунньахтаахпын,тиийбэппин диэбит,ону Маша сымыйалаама диэбит. Киэьээ мунньах кэнниттэн маъаьыынна ас была киирэн баран анала Машаны корсон ресторанный барбыттара,онтон Маша дьиэтигэр тиийэн телефон тыаьын истибэт буолуохтарыгар дылы хоонньоспуттара. Вот,Онон дальше суруй,автор.

Настя
:)))сеп,инник да буоллун

:)))))
Мин аахпатаҕым

Рошелле
Спойлер , кырдьык да?

Сулус уолун фаната-это Я🙌
Рошелле, кырдьык аьаа

Сибиэтэ
Корейскай сериалга майгыннаттым,

FRABBIT
Ол ресторанна машаны кытта олордохторуна Гриша агатын керер кессуулэьэ сылдьарын

УЧК
Олох страдание буоллум, күүтэбин аҕай салҕыытын, субу субу киирэн көрөбүн. Кытаат суруй

Ааҕааччы
Сулус уолаТүгэн.Кыргыттар уонна уолаттар, күндү ааҕааччыларым! Бэҕэһээ ыкса киэһэ суруйбуппун (25.07.17) ким эмэ аахпыта дуо? Бүгүн сарсыарда баар этэ дии. Вау диэн ааҕааччы 23:32 коменнаабыт этэ. Онтон тоҕо эрэ эмискэ сүтэн хаалбыт. Хостоон суруйарбар тиийдим дуу, эбэтэр үгүстэр аахпыт буоллаххытына суруйбатым дуу? Дьиҥэр кэпсээним саамай быһаарыылаах, ааҕааччыны “развязкаҕа " бэлэмниир түгэнэ этэ.Манна 25.07.17.суруллубут суох,мин сотору2 киирэн көрөбүн,баһаалыста иккистээн суруйаҕын дуо?

Ааҕааччы
Сулус уолаТүгэн.Кыргыттар уонна уолаттар, күндү ааҕааччыларым! Бэҕэһээ ыкса киэһэ суруйбуппун (25.07.17) ким эмэ аахпыта дуо? Бүгүн сарсыарда баар этэ дии. Вау диэн ааҕааччы 23:32 коменнаабыт этэ. Онтон тоҕо эрэ эмискэ сүтэн хаалбыт. Хостоон суруйарбар тиийдим дуу, эбэтэр үгүстэр аахпыт буоллаххытына суруйбатым дуу? Дьиҥэр кэпсээним саамай быһаарыылаах, ааҕааччыны “развязкаҕа " бэлэмниир түгэнэ этэ.Манна 25.07.17.суруллубут суох,мин сотору2 киирэн көрөбүн,баһаалыста иккистээн суруйаҕын дуо?

Ааҕааччы
Сулус уолаТүгэн.Кыргыттар уонна уолаттар, күндү ааҕааччыларым! Бэҕэһээ ыкса киэһэ суруйбуппун (25.07.17) ким эмэ аахпыта дуо? Бүгүн сарсыарда баар этэ дии. Вау диэн ааҕааччы 23:32 коменнаабыт этэ. Онтон тоҕо эрэ эмискэ сүтэн хаалбыт. Хостоон суруйарбар тиийдим дуу, эбэтэр үгүстэр аахпыт буоллаххытына суруйбатым дуу? Дьиҥэр кэпсээним саамай быһаарыылаах, ааҕааччыны “развязкаҕа " бэлэмниир түгэнэ этэ.Манна 25.07.17.суруллубут суох,мин сотору2 киирэн көрөбүн,баһаалыста иккистээн суруйаҕын дуо?

Ааҕааччы
Оо дьэ үстэ ыыппыппын дии

:)))))
Баһаалыста иккистээн ыытыый

SNP
Түгэн.Гриша үлэтигэр олордоҕуна ватсап кэллэ, Машата суруйбут:“Гриша, хаһан эбиэттии кэлэҕиҥ?““Бүгүн кэлбэппин.” Гриша хардаран суруйда.“Тоҕо?““Икки чаастан мунньахтаахпын, хойутуурум сатаммат.““Оо дьэ, соруйан гынаҕыҥ быһыылаах.“Гриша иһигэр кыһыйда, эбиэти бэлэмнээбиккэ дылы, син-биир бэлэм аска тиийбэтим буолуо ээ. Тугу даҕаны хардарбакка түлүпүөнүн арааран кэбистэ уонна бииргэ үлэлиир дьонунаан куруук сылдьар кафеларыгар эбиэттии барыста.Эбиэт кэнниттэн, эппитин курдук, хас эмэ сынньалаҥнаах улахан мунньахха сылдьан ыкса киэһэ бүттэ. Бииргэ үлэлиир дьоно өссө кэнсиэр көрө хааллылар, Гриша Машатын аһата охсоору ыксалынан дьиэтигэр тэбиннэ. Син-биир ас астаабатаҕын сэрэйэн, аара маҕаһыыҥҥа киирэн икки күннээх аһылыгын атыыласта, толору пакетын кыбынан, маҕаһыынтан тахсан эрдэҕинэ, бэркэ билэр куолаһа:-Гриша,-диэтэ.Гриша эргиллэ биэрдэ, норка саҕынньахтаах, бэрт сэнэх норка бэргэһэлээх, бэйэтигэр олус барсардык сөрү-сөп гына сирэйин-хараҕын косметикаламмыт, мааны да мааны кыыс мичээрдээн аҕай турар эбит. Маҥнай утаа билбэккэ:-Дорообо,-диэн

баран, ааһа көтөн иһэн тохтуу биэрдэ,-Маша, эн дуо? Олох билбэтим дии.-Мин дии, привет Гриша,-Маша мичээрдиирин кубулуппат.-Привет Маша.-Ханна эрэ ыксыыгын даа?-Суох, Маша,-Гриша наҕылыйан хаалла.-Оччоҕуна аргыстаһыахха,-Маша тугу эрэ элбэх-элбэҕи кэпсиэн баҕарара өтө көстөр. Төһөтүн да иһин ыйтан ордук, эн-мин дэһэн, дьукаахтаһан олордохторо.-Маша, ситэритин ханнык эмэ рестораҥҥа киирэн, наҕыллык олорон эрэ кэпсэтиэххэ, онтон мин эйигин дьиэҕэр быраҕан биэриэм,-Гриша Маша тута сылдьар эмиэ астаах пакетын ылла уонна абааһы Машата биир киэһэ аһаабатаҕына умса барбат ини, дии санаан ылла.-Чэ, давай,-Маша улгумнук сөбүлэһэ оҕуста.Суол устун айаннаан иһэн,түбэһиэхчэ биир рестораҥҥа тохтоон, киирдилэр. Гриша сонун устан баран, эр киһи быһыытынан Маша саҕынньаҕын устарыгар көмөлөһө туран, зал иһин өҥөйөн көрдө. Киһи аҕыйах эрээри, сабыылаах туһунан залга корпоратив буола турар быһыылаах, онтон дьон саҥата, күлэрэ-үөрэрэ тохтоло суох иһиллэр, музыка ньиргийэр. Онно кыһаллыбакка иллэҥ остуолга тиийэн олордулар, сотору официант кэлэн, бэрт эйэҕэстик:-Тугу заказтыыгыт? Диэн ыйытта.Астарын заказтаатылар уонна утарыта көрсөн олордулар. Бу кылгас кэм иһигэр Маша тосту уларыйбыт, таҥастыын-саптыын, быһыылыын-майгылыын олус тупсубут. Урукку курдук мээнэнэн көрөр аҥалата ханан да суох, боччумнаахтык туттар-хаптар.-Чэ кэпсээ, туох сонун, хайдах олороҕуҥ?Маша кэпсээнин саҥалаан эрдэҕинэ, сабыылаах залтан мааны таҥастаах, орто саастаах эрээри эдэрчэ көрүҥнээх, тупсархай быһыылаах-таһаалаах дьахтар таҕыста, кэнниттэн көстүүмнээх, эмиэ да хаалтыстаах орто холуочук киһи эккирэтэн таҕыста уонна дьахтары кууһан ылан дэлби сыллаата-уураата уонна:-Танечка, гостиницабытыгар тиийэн бэҕэһээҥҥи иэйиилээх түүммүтүн хатылыахха,-диэтэ.-Я не против. Гаврилюшка,ты мой тигр,-диэтэ дьахтар.Иккиэн куустуспутунан Гришалаах диэки сирэйдэринэн эргийэ биэрдилэр. Маша тугу даҕаны сэрэйбэккэ уутугар-хаарыгар киирэн кэпсии олорор, онтон Гриша хараҕа быччайан хаалла, сыҥааҕа аллараа түстэ, туран кэллэ:-Па-па-папа,-диэн нэһиилэ муннун анныгар эрэ ботугураата уонна оннугар “лах” гына олоро түстэ.Гаврил Иванович уолун уун-утары көрөн, бүтүннүү кытаран хаалла, ол эрээри билбэтэҕэ буолан, дьахтарын кууспутунан, ааһа бара турда. Маша Гаврил Ивановиһы көхсүттэн эрэ көрөн хаалла, инньэ гынан билбэтэ быһыылаах.-Гриша, туох буоллуҥ? Диэн ыйытта.-Ээ, суох. Истэбин, Маша кэпсээн ис.-Эппитим курдук, мин ийэм биир киһини кытта сылтан ордук ватсабынан кэпсэппиттэрэ, билсибиттэрэ. Онтон ол киһи көрсүөххэ диэн ыкпыта-хаайбыта. Биһиги туох-ханнык киһи буоларын отой билбэт буоллахпыт, кини даҕаны эппэт этэ, бэйэтин туһунан үрдүнэн-аннынан эрэ кэпсиирэ. Биир күн ийэм, көрсүөххэ, диэн сөбүлэһэн кэбистэ. Арай доҕо-оор, дьиэбит иннигэр хап-хара джип кэлэн тохтоото уонна ийэбэр, “таҕыс”, диэн ватсаптаата. Ол күнтэн ыла биһиги олохпут тосту уларыйбыта. Билигин ийэм ол киһини кытта Москваҕа олорор, онтон мин манна кини дьиэтигэр собус-соҕотоҕун олоробун, кварплататын эрэ төлүүбүн, онон бүтэр. Онтон эн хайдах олордуҥ, Машаҕын кытта эйэлэстиҥ дуо?-Ээ, оннук курдук, билбэппин ээ,-Гриша мааҕын көрбүтүн итэҕэйбэккэ олох аҥала курдук буолан хаалла. Сотору-сотору кэннин хайыһан раздевалка диэки кылатар, аны төннөн кэлиэхтэрэ дии саныыр быһыылаах.Ити курдук, “романтическай ужиннара” түмүктэннэ. Гриша, тоҕус этээстээх саҥа тутуллубут дьиэ иннигэр кэлэн, массыынатын тохтотто. Маша тоҕо эрэ дьиэтигэр тиэтэйбэт, холку бэйэлээхтик Гришаны утары көрөн олорор:-Мин билигин бу дьиэҕэ олоробун.., үһүс этээскэ,-ону-маны мээнэ саҥарда.-Ээ диэ, үһүс этээскэ,-Гриша да холоон киһи буолла.-Баҕар киирэн…-Ээ, кэбис. Баҕар кэлин…-Чэ, кэлин.-Оннук.-Оччоҕуна пока.-Оннук, Маша.Маша массыынаттан тахсан, дьиэтин диэки хаамта, эргиллэн илиитинэн дайбаамахтаата. Онтон Гриша санаата тырытта олорор, кини бу Машаны куруук ахтар-саныыр ээ уонна.., уонна тылыттан матан олорон хааллаҕа. Суох, маннык сатаммат, Гриша массыынатыттан ойон таҕыста:-Маша, Маша! Күүт миигин,- тугу барытын умнан туран, кыыһы кэнниттэн эккирэттэ.Куустуспутунан дьиэҕэ киирэн кэллилэр, уоту уматар диэни умуннулар, сыллаһа-сыллаһа, аара ньылбы сыгынньахтанан, ороҥҥо баран түстүлэр. Баҕар кэннэ кэтинчэ да буоллун.-Мин эйигин олус суохтуубун ээ.-Мин эмиэ эйигин күн аайы ахтабын.Ханна эрэ, аара уһуллан, сиргэ быраҕыллыбыт сон сиэбин иһигэр түлүпүөн биир кэм тыаһыыр, ким эрэ суохтаабыт, ким эрэ сүтэрбит. Ол эрээри ахтыспыт уоллаах кыыс ороннорун тыаһа быыстала суох кыычыгыраан, ити тырылыыр түлүпүөн тыаһын быдан баһыйда.

SNP
Сулус Уола сотторуллан хаалбытын ити баар эбит, мин сохраняйдаммытым

УЧК
SNP, махтал

Ангел с небес
SNP махталаал

Сулус уола
Түгэн.
Биир күн Гриша үлэтигэр олордоҕуна ватсап кэллэ, Маша суруйбут эбит:“Гриша, хаһан эбиэттии кэлэҕиҥ?““Бүгүн кэлбэппин, икки чаастан мунньахтаахпын, хойутуурум сатаммат.” Гриша хардарда.“Оо, дьэ, онтон мин наһаа аччыктаатым дии.““Биир күн кытаатан бэйэҥ бэлэмнэнэн аһаа.““Соруйан

гынаҕыҥ быһыылаах.“Гриша итини ааҕан баран, олус кыһыйда, тугу да хардарбакка түлүпүөнүн арааран кэбистэ. Эбиэти бэлэмнээбит баҕайы киһи курдук, өссө ыҥырбыттаах баҕастаах, дьыбааҥҥар тиэрэ түһэн сытар инигин, дии санаата. Бииргэ үлэлиир дьонунаан ыллык үктээбит, куруук сылдьар кафеларыгар эбиэттии барыста.Эппитин курдук, эбиэт кэнниттэн, хас эмэ сынньалаҥнаах улахан мунньахха сырытта. Өссө трибунаҕа тахсан, мустубут дьон иннигэр тэрилтэтин аатыттан тыл этэр дьолго тигистэ. Ыкса киэһэ мунньах бүттэ, мустубут дьон кэнсиэр көрө хааллылар, онтон өссө астаах-үөллээх малааһын буолар диэн биллэрдилэр. Гриша онно соччо кыһаммата, аччыктаан быстаран олорор Машатыгар тэбиннэ. Дьиэтигэр айаннаан иһэн, ити кыыс син-биир тугу даҕаны астаабакка, айаҕын атан баран, бэлэми дэлбэрийээри кэтэһэн сытара буолуо, дии санаата. Аара тохтоон, ас атыылаһа маҕаһыыҥҥа киирдэ. Буоларын курдук, эмиэ пельмен уонна Маша сөбүлүүр оннук-маннык астарын атыыласта. Харчытын кассаҕа төлөөн, таһырдьа тахсан эрдэҕинэ бэркэ билэр баҕайы куолаһа:-Гриша,-диэтэ.Гриша эргиллэн көрбүтэ, норка саҕынньахтаах, бэрт сэнэх норка бэргэһэлээх, сирэйин-хараҕын бэйэтигэр олус барсар гына сөрү-сөпкө косметикаламмыт мааны да мааны кыыс мичээрдиэҕинэн мичээрдээн аҕай турар эбит. Гриша бу кыыһы дьөлө эрэ көрбөтө, ол үрдүнэн син-биир билбэтэ:-Дорообо,-диэн баран ааһа көтө турда, онтон эмискэ тугу эрэ өйдөөбүттүү, тохтуу түстэ, эргиллэ биэрдэ уонна:-Маша,-диэтэ.Биирдэрэ мичээрдиирин кубулуппакка:-Мин дии, билбэтиҥ что ли?-Олох билбэтим, чуут түҥнэри көтө сыыстым дии. Привет, Маша.-Привет, Гриша.-Хайа, тоҕо биллибэккин, олох сүтэн хааллыҥ?-Мин баарбын ээ. Эн ыксыы сылдьаҕыҥ даа?-Суох,-Гриша дьиэтигэр ыксаабыта уостан, соһуччу налыйан хаалла.-Оччоҕуна аарааҥҥа диэри аргыстаһыахха,-Маша тугу эрэ, элбэх элбэҕи кэпсиэн-ипсиэн баҕарара көстө сылдьар. Төһөтүн да иһин, ол быстах иэйиилээх түүнү аахсыбатахха, ыйтан быдан ордук эн-мин дэһэн, дьукаахтаһан олорбут киһитэ буоллаҕа.-Ситэритин ханнык эмэ рестораҥҥа дуу, кафеҕа дуу киирэн, олорон эрэ наҕыллык сэһэргэһиэххэ. Онтон мин эйигин дьиэҕэр илдьэн быраҕыам,- Гриша харда кэтэспэккэ, Маша тута сылдьар пакетын харбаан ылла.-Сөп, мин ынырыктык аччыктаатым,- Маша өлгөмнүк сөбүлэһэ оҕуста.Суол устун айаннаан иһэннэр, түбэһиэхчэ биир рестораҥҥа тохтоотулар. Раздевалка иннигэр сыгынньахтаннылар. Гриша урут бэйэтэ сыгынньахтанна, онтон эр киһи быһыытынан, Маша саҕынньаҕын устарыгар көмөлөһө туран, зал иһин өҥөйөн көрдө, онно чуумпу, киһи олус аҕыйах. Арай түгэх диэки, сабыылаах анал зал иһигэр корпоратив буола турар быһыылаах. Онно дьон саҥата толору, сотору-сотору тэһэ баран күлсэн алларастыыллар, музыка тыаһаан ньиргийэр, күлүктэриттэн көрдөххө тугу эрэ оонньууллар, үҥкүүлүүллэр. Гришалаах Маша залга киирэн, түгэх диэки иллэҥ остуол булан, олордулар. Сотору официант тиийэн кэллэ, бэрт элэккэйдик уу-сахалыы:-Тугу сакаастыыгыт? Диэн ыйытта.Гришалаах астарын сакаастаан баран, кэтэһэн олороллор.-Чэ, Маша ыһа-тоҕо кэпсээ. Хайдах олордуҥ, туох уларыйыы баарый?-Гриша-аа, мин сонунум, эйиэхэ кэпсиирим наһаа элбэх..,-диэн Маша уһун кэпсээнин саҥалаан эрдэҕинэ…Сабыылаах зал иһиттэн ыга тута сылдьар былаачыйалаах, сүүнэ улахан көмүс ытарҕалаах, бэркэ кичэйэн оҥоһуллубут бүрүчүөскэлээх, орто саастаах эрээри, сааһыгар холооно суох эдэрчэ көрүҥнээх, мааны да мааны дьахтар тахсан кэллэ. Кэнниттэн, эмиэ да көстүүмнээх, эмиэ да хаалтыстаах, араа-бараа саастаах, орто холуочук киһи батыһан таҕыста уонна дьахтары ыга кууһан ылан:-Уу-чу-гу-чук,-дии-дии сыллаабытынан-уураабытынан барда. Дьахтара саараама утарыласпат , хата төптөрүтүн ыга сыстан биэрэр уонна:-Ух, ты Гаврюша. Ух, ты мой тигренок,-диир.-Танечка, гостиницабытыгар барыахха, бэҕэһээҥҥи волшебнай түүммүтүн хатылыахха.-Я не против,-диир дьахтар уонна куустуспутунан Гриша диэки сирэйдэринэн эргиллэ биэрэллэр.Гриша көрбүтүн итэҕэйбэккэ харахтара тэһэ барыахча быччайан хааллылар, сыҥааҕа муҥутуур аллараа түстэ, туран кэллэ уонна муннун анныгар нэһиилэ ботугураан саҥа таһаарда:Па-па-па-папа???Гаврил Иванович уолун илэ көрөн, бүтүннүү кытар гына түстэ, ол эрээр билбэтэҕэ буолан, өрө хантас гынна уонна дьахтарын кытта куустуспутунан, раздевалка диэки, Гриша аттынан ааһа бара турда. Гриша айаҕын аппытынан, олоҕор “лах” гына олоро биэрдэ. Маша көхсүтүнэн олорбут буолан Гаврил Ивановиһы билбэтэ, көрбөтө даҕаны.-Гриша, туох буоллуҥ, тоҕо турдуҥ? Диэн ыйытта.-Ээ, ити, ити бэйэм. Эн кэпсээн ис, истэбин ээ, истэбин,- аҕатын илэ көрбүтүн итэҕэйбэккэ отой бутулунна, аҥала бэтэрээтинэн буолан ылла. Ол эрээри, баҕар төннөн кэлиэхтэрэ, диэн, Маша кэпсиирин истибитэ буола-буола, сотору-сотору раздевалка диэки хайыһан кылатар. Маша олох сэрэйбэт, уутугар-хаарыгар киирэн, официант аҕалбыт аһын аһыы-аһыы кэпсиир да кэпсиир:-Ийэм сылтан ордук кэм устата биир киһилиин ватсабынан суруйсубута, билсибитэ. Биир үтүө күн, ол киһи “илэ көрсүөххэ” диэн сурук ыытан саайда. Мин ийэм барахсан долгуйуу бөҕө, хаста да аккаас биэрдэ. Эрэйдээхтэр билээхтээбэт буоллахпыт дии туох-ханнык киһитин. Ол киһи даҕаны бэйэтин туһунан сүгүн кэпсээбэт этэ, ыйыттахпытына үрдүнэн-аннынан суруйбахтаат, атыҥҥа халытан кэбиһэр этэ. Ол да буоллар биир күн ийэм көрсөргө сөбүлэстэ, сотору соҕус хап-хара джип түннүкпүт анныгар кэлэн тохтоото уонна быһа-бааччы:-Таҕыс,- диэн эрийдэ.Ол күнтэн ыла биһиги олохпут тосту уларыйбыта. Билигин ийэм ол киһитинээн Москваҕа олорор, онтон мин манна кини квартиратыгар собус-соҕотоҕун олоробун, кварплататын эрэ төлүүбүн. Чэ, ити курдук. Аны эн кэпсээ.Гриша билигин даҕаны өйүкү-төйүкү олорор:-Ээ,-диэтэ.-Аны эн кэпсээ диибин. Машаҕын кытта эйэлэстиҥ дуо?-Ээ диэ, ээ оннук курдук. Таах даҕаны билбэппин ээ.Ити курдук “романтическа ужиннара” түмүктэннэ. Куорат киинигэр турар, сабыс-саҥа тоҕус этээстээх дьиэ айаҕар кэлэн, Гриша массыынатын тохтотто. Магнитолаттан сахалыы ырыа кутуллар, Маша тоҕо эрэ дьиэтигэр барарга тиэтэйбэт, ырыа истэ олорор. Мээнэ олоруохтааҕар диэбиккэ дылы:-Мин, мин бу дьиэҕэ олоробун, аана ити турар, үһүс этээс,- диэн тугу эрэ лэбийдэ.-Ээ,диэ, аана ити турар,-Гриша даҕаны ордубата.-Баҕар.., баҕар кии-ккиирэн..,-диэн эрдэҕинэ Гриша быһа түстэ:-Баҕар диэ.., кэбис-кэбис. Кэлин, хаһан эмэ.-Ээ, кэлин диэ.-Оннук,оннук кэлин.-Чэ, оччоҕуна пока Гриша.-Оннук Маша, оннук.Маша массыынаттан тахсан дьиэтин диэки барда, онтон тохтуу түһэн, илиитинэн далбаамахтаата. -Оннук, оннуга ордук,-Гриша ботугуруу-ботугуруу дөйөн олорор. Кин Машаны олус ахтар ээ,күн аайы саныыр, ол бэйэтэ бүгүн туох буолла? Гриша,ээ чэ, синэ-биир, диэн баран массыынатыттан ойон таҕыста:-Маша, Маша, күүт миигин.Уоллаах кыыс куустуспутунан, сыллаһа-сыллаһа квартира иһигэр көтөн киирдилэр, уоту уматар диэни тосту умуннулар. Аара ньылбы сыгынньахтана-сыгынньахтана, ороҥҥо тиийэн оҕуннулар. Сүрэхтэрэ биир кэм битигириир,өрүтэ тыыналлара үксүүр, ахтылҕаны таһаарар түүн үүннэҕэ. Аара уһуллан муостаҕа быраҕыллыбыт сон сиэбин иһигэр түлүпүөн тырылыыр, ким эрэ кими эрэ сүтэрдэҕэ, ким эрэ кими эрэ күүтэн эрдэҕэ. Ол эрээри омуннаах иэйии төлөнүгэр орон кыычыгырыыр тыаһа, ити түлүпүөн тырылыырын быдан баһыйда.

Вау
Уой олох саҥа көрдүм дии. Ыыппыт эбиккит. Салгыытын күүтэбит

мин
бугун оссо суруйагыт ду?

мин
эрдэ аахпыттарга тоска ди

Ааҕааччы
Сулус уола, баһаалыста салгыытын суруйууй

Сулус уола
Түгэн.
Оо, көрбөккөбүн, иккистээн суруйа олордоҕум үһүө. Кэбис, утуйа бардым, аҥала буолан эрэбин быһыылаах. Сарсын хайаан даҕаны салгыытын суруйуом. SNP, улахан махтал эйиэхэ.

Мичийэ
Сулус уола, наһаа астык кэпсээн

.
одьэ хата киьини куллэрдэ анала буолан эрэбин бьлаах ден наьаа учугэйдик суруйагын))

Клавдия
Сулус уола,кэпсээҥҥэр махтал,өссө салгыытын кэтэһэбит. Наһаа үчүгэйдик суруйаҕын. Ситиһиини айар үлэҕэр түүн аайы ааҕабын.

марианна
Еще да суруйар талаанын сайда турдун

Мичийэ
Сулус уола, салгыытын хаһан таһаараҕыный, жду

мин
кууутэбииит

Августа
Куутэбиит суруйаар сеп

Мама
Мин эмиэ кэтэьэн бо5о

Мама
Мин эмиэ кэтэьэн бо5о

тыа уола
Дьэ оттуу сылдьан ардахха баттатан олоруу буолла,СУЛУС УОЛА сал5ыы суруйарын буоллар махтал дьыала буолуо этэ

сахакыц
Уудьэ, наьаа элбэх суруллубут диэн уербутум баара…

клавдия
Күүтэбиит. Солото суох бһх

Сулус уолун фаната-это Я🙌
Суурбэччэтэ керебун бьлх омуна суох куннэ, салгыытын суруйбута буолаарай диэн

мин
суруйаргын куутэбит

Эр киьи
Хайа то5о суруйбаккын? Салгыытын куутэбит

Эр киьи
Молодец, индийскэй киинэ олох отдыхает

Ааҕааччы
Суруйууй

мин
дьэ кэтэьии бого

Ангел с небес
Суруйа олороро буолуоСотору тахсар ини.

Мама
Сотору-сотору бэрэбиэркэлээн ыйар тарбахпар мозоль тахсаары гынна

Ыыыы
Суох дууу, куну быьа манаатым бэллэйэ2

aldina
Олох наьаа учугэй кэпсээн!!! Куутэбииит!!! Баьаалыста сурууй!!!

Мичийээнэ.
Баһаалыста салҕыытын суруй кэтэһэбит

Сулус уола
Түгэн.
Гриша сарсыарда хойутаан уһугунна:-Оо, үлэбэр хойутаабыппын.Бэҕэһээ муостаҕа быраҕыллыбыт таҥастарын биир-биир булан таҥынна. Маша бүгүн өрөбүлэ, ол иһин ханна да ыксаабакка, суорҕанынан бүрүнэн, Гриша таҥнарын көрөн турар. Гриша таһырдьа тахсаары туран, Машаны кууһан ылла уонна омуннаахтык да омуннаахтык ыга кууһан, сыллаан ылла. Бу сырыыга бэрт эрэллээхтик:-Көрсүөххэ диэри Маша,-диэтэ.-Көрсүөххэ диэри Гриша,-Маша уол моонньугар ыйаастан турар уонна олох ыытыан баҕарбат.-Мин эйигин олус ахтыам,-Гриша тахсан барда.-Мин эмиэ,-дии хаалла Маша.Кыстык хаар түспүтэ быдаҥнаата, сир-дойду бүтүннүү үрүҥ хаарынан бүрүллэн сытар. Ол эрээри таһырдьа сып-сылаас. Гриша массыынатын собуоттаата уонна ирэрин кэтэһэ таарыйа түлүпүөнүн таһааран, ким эрийбитин, тугу суруйбуттарын көрдө.

Аҕата суруйбут:“Сыыһа бэрдэрбиппин өйдүүбүн. Маамаҕа тугу да этимэ, эрэнэбин.“Гриша бэйэтэ бу түүн холоон быһыыламмытын санаата уонна аҕатыгар:“Өйдүүбүн.” Диэн хардарда.“Я перед тобой в долгу.” Аҕата нууччалаата.Машата сурук бөҕө ыыппыт, ээ бу кыыс туох аанньаны суруйуой, диэн ааһа баран иһэн, биир сурукка хараҕа хатанна.“Ханна сылдьаҕыҥ, тоҕо телефоҥҥун ылбаккыный? Биһиги бэҕэһээ мамочкалыын ас бөҕө астаан баран,эйигин кэтэспиппит аҕай. Мамам киэһэ хойуккааҥҥа диэри кэтэһэ сатаабыта, почти түүн дьиэтигэр барбыта”.“Бэҕэһээ мунньах кэнниттэн банкет буолбута, улаханнык холуочуйбутум, ол иһин табаарыстарбын кытта гостиницаҕа хоно хаалбытым.” Албыннаан кубулутта.“Биллэриэҥ этэ, халтайга кэтэһэн олорбуппут.““Ийэҥ ол тоҕо миигин кэтэстэй, туох наадалааҕый?” Гриша бэрт тоҥуйдук ыйытта.“Эйигин кытта кэпсэтиэн баҕарар.““Тугу кэпсэтэр?““Бүгүн киэһэ папа, мама иккиэн кэлэллэр, үлэлээн бүттүн да кэлээр. Тугу кэпсэтиэхтэрин баҕаралларын онно билиэҥ.“Гриша үлэтигэр олорон, Машаны ахтан таҕыста, наһаа үчүгэй кыыһы хайдах хара маҥнайгыттан билбэтэхпиний. Ээ, арба Баанньыскалаах этэ дуу. Ол киһи көммүтэ эбитэ дуу, арыгылаан иирэ сылдьара дуу. Чэ, ол мин дьыалам буолбатах. Киэһэ буолла, халлаан хараҥарда, Гриша дьиэтигэр барыан олох баҕарбат, ол эрээри бүгүн кэмигэр тиийдэҕинэ сатанар.Дьиэтигэр киирбитэ, Маша ийэтэ, аҕата кэлэн олороллор эбит. Өссө ас астаан тардыбыттар, эбиитин сыаналаах күндү арыгы хороллон турар.-Чэ, тука-аам, Гриша киир сыгынньахтан, биһиги эйигин кэтэһэн олоробут,-Аграфена Семеновна Гриша иннигэр-кэннигэр түстэ.Степан Егорович сыҥаах баттанан, тэлэбиисэр көрө олорор, Гриша киирбитигэр ымыр да гынан көрбөтө. Кини баҕас кутурук маһа буолан, күлүк курдук ойоҕун эрэ батыһа сырыттаҕа. Бары тардыллыбыт остуолга кэлэн олордулар, Аграфена Семеновна бэйэтинэн үрүүмкэлэргэ арыгы кутаттаата уонна:-Гриша уонна Маша, биһиги төрөппүттэр эһиги дьоллоох буоларгыт туһугар олус диэн кыһаллабыт. Мин кыыһым, Машенька, эн оҕоҕун илдьэ сылдьар, баара суоҕа аны үс ыйтан кыра ордугунан сиэммитин көрөр дьоллонуохпут. Ол эрээри баччааҥҥа диэри ойох таҕыс, ыал буолуохха, диэн этии киллэрэ илик эбиккин. Биһиги, оҕонньордоох эмээхсин кэтэһэ сатаан баран кэтэхпит кэлтэйдэ,-Аграфена Семеновна бэйэтэ эрэ күлбүтэ буолан алларастаата уонна салгыы саҥарда,- дьэ ол иһин биһиги процеһы арый түргэтэтэргэ сананныбыт. Оҕолорум барахсаттар бэйэ бэйэҕитин олус күүскэ таптаһаргыт сирэйгитигэр-харахххытыгар ойуулана сылдьар, ону хайдах да мэлдьэһэр кыаххыт суоҕа көстөн турар. Онон Гриша, биһиги эн төрөппүттэргин кытты кистэлэҥ кэпсэтии ыыппыппыт балай эмэ буолла. Ийэлээх аҕаҕын олус сөбүлээтибит, кинилэр даҕаны биһигини сирбэтилэр быһыылаах,-эмиэ айаҕын ытыһынан сапта-сапта,күлэн алларастаата, онтон көхсүн этиттэ уонна,- хайа уонна устудьуон эрдэххититтэн билсэр дьон бэйэ-бэйэҕитин ымпыгар-чымпыгар диэри үөрэтистэххит дии. Ыал буолан, бииргэ олорор кэмҥит кэллэ ини дии саныыбын. Онон Гриша, Машенькабын ойох ылабын диэн, сөбүлэҥ тылгын иһиттэрбит, биһиги кырдьаҕастар олус үөрүө этибит. Манна диэн эттэххэ аҕаҥ, Гаврил Иванович, хайыы сах куоракка кэлэн сылдьар, үлэтинэн сүүрэ-көтө сылдьар буолуохтаах, сотору иллэҥсийиэм диэн эрэрэ. Онтон ийэҥ бу күннэргэ кэлиэхтээх, оччоҕуна аймахтар диэн темаҕа билсиһии вечеринкатын тэрийэргэ биһиги бэлэммит.Гриша дьон хараҕын утары көрбөт, төбөтүн умса туттан олорор, кини кыбыстар, олус кыбыстар. Ол эрээри бэҕэһээ буолбут түүнү хайдах даҕаны олоҕуттан кырыйан ылан быраҕар, букатын умнан кэбиһэр кыаҕа суох, буолбут буоллаҕа. Онтон бу аттыгар олорор Машаны өссө устудьуоннуу сылдьан таптаабыта, кинилиин ыал буолан, оҕо төрөтөн, дьоллоохтук да дьоллоохтук бу Орто дойдуга олорор ыра санаалааҕа. Баҕар кини тугу да сатаабатын, баҕар ыал атаах оҕото буоллун, олох хайаан даҕаны үөрэтиэ, кыһалҕа тирээтэҕинэ барыны бары сатыаҕа. Мин даҕаны холооммун эбээт, эр киһи аата саатар тоһоҕону сатаан саайбаппын. Бу күнтэн ыла олохпун оҥостуохха, ыал буолар туһунан саныахха.Гриша маҥнай Машатын харахтарын, бырастыы гын, диэбиттии утары көрдө, онтон мээчик тэҥэ төкүнүйбүт иһин көрөн, итиннэ мин оҕом баар, диэн киэн туттубуттуу төбөтүн өрө көтөхтө. -Аграфена Семеновна сөрү-сөпкө этэҕиҥ. Кырдьык да баччааҥҥа диэри ыал буолар туһунан тыл быктарбакка сылдьыбыппын. Ону бырастыы гыныҥ. Машабын төрөппүттэрбин кытта билиһиннэрэ илик эбиппин, аҕам куоракка сотору-сотору кэлэр эбээт, билиһиннэрэр түгэн баар этэ даҕаны, ол туһунан эмиэ толкуйдаабатахпын. Ийэлээх аҕам сөбүлэһэн кэлэр буоллахтарына, кинилэр тылларыттан тахсыбаппын, уруу билсиһиитин биэчэрин тэрийэрбит саамай сөп.Ити күнтэн ыла икки ыалынан Гриша ийэтэ кэлэрин кэтэһии буолла, онтон Гаврил Иванович хайаларыгар да ол тухары биллибэтэ, куруук солото суох аатырар. Ханна сылдьарын айбыт таҥара бэйэтэ эрэ билэн эрдэҕэ. Онтон Гриша олоҕун оҥостуон, ыал буолуон төһө даҕаны баҕардар өйө-санаата бутуллар. Кини отой абылаппыт курдук, анараа Машаны олус ахтар, саныыр. Бэйэтин Машатын кытта хоонньоһо сытан, атыҥыраан, сүгүн утуйбат идэлэннэ. Биир киэһэ үлэтин кэнниттэн дьиэтигэр айаннаан иһэн, суол кытыытыгар тахсан тохтоото. Хараҕын быһа симэн, уруулугар умса түһэн олорбохтоото. Сүрэх икки, өй икки мөккүөрэ сорун сордоото. Ама бу таптал дуо? Суох таптал буолуон хайдах да сатаммат. Оччоҕуна тоҕо сүрэҕим олус күүскэ мөхсөрүй, өйбүн-төйбүн бутуйарый? Ону кини эрэ билэн эрдэҕэ, кини эрэ бу кутаалыы оргуйар, туга биллибэт тугу эрэ уоскутар кыахтаах. Гриша тулуйбата, уруулун салайа тутан, тоҕус этээстээх сабыс-саҥа дьиэ диэки айаннаата.Киирэн кэллэ:-Мин эйигин наһаа аҕынным,-диэтэ, ыга кууста.-Мин эмиэ,-диэтэ кыыс, атаҕын төбөтүгэр туран, уол моонньугар ыйанна.

Сулус уолун фаната-это Я🙌
👍🤓

УЧК
Махтал, бэртээхэй. Салҕыы кэтэһэр буоллахпыт, Гриша хайдах быһаарынара буолла?

Мичийээнэ.
тугунан түмүктэнэрэ буолуой, хайаларын талара буолуой, өй этэрин истэр буолла бһлх курдук да? Бу кэпсээн дьиҥнээх олоххо буолбута да?

Йани
Үчүгэй да кэпсээн.суруйан ис.күүтэбин.хас киэһэ аайы киирэн ааҕабын.кытаат.маладьыас.

😊
Мин маннай таптаабыт о5олоох кыыспын кытта олорон керуем этэ буолуо, уонна иккис кыыспын умна сатыам этэ. Ба5ар о5о тереете5унэ таптал сана кууьунэн умайан куедьуйуе этэ дии. Сатаммата5ына кэлин да арахсыахха сеп буолла5а, студенныы сылдьыахтарыттан билсибит киьи хайатын кыыьа хат буолуор диэри быьаарыммакка сылдьыбытай?

Мичийээнэ.
, хат буолбут Машата сүрэҕэ суох, куһаҕан майгылаах, атаах, була сатаан мээнэ кыраттан кыыһырар, өһүргэс игн баи бытта. Инник сыһыантан таптала да өлөр ини. Кыра Машата үчүөй, боростуой майгылаах, добрай, үлэһит, барытын сатыыр хаһаайка игн дии, инник кыыс уол ыарахан түгэнигэр быраҕыа суоҕа, көрөөр

.
мин эмиэ Гриша эбитим буоллар сурэх этэрин талыам этэ.

:)))))
Хат Маша наһаа ыарахан майгылаах ди, уолу буорту гыныыһы,атааҕа, өһүргэһэ,бүтэһик кырасаабысса курдук сананар эбит,мин эр киһи эбитим буоллар итинник кыыһы кытта чугасыһа сатыам суох этэ, оҕолорум ийэлэригэр арыый сымнаҕас соҕус, аламаҕай майгылаах кыыһы талыам этэ,баайдар замашкаларыгар майгыныы сатыыры буолбакка. Уол эмиэ мөлтөх эр киһи бһлх.

Мичийээнэ.
Якт.ру туох эрэ буолан ылла бһлх

Вау
Дии. Вайфайым эмиэ баран хаалла

Эбээ
Биһиги саҕана кыахтаах ыал оҕото кыахтааҕы талар этэ, арай аныгы буолан иккис Машатын талар ини. Кэтэһэбит түмүгүн.

Клавдия
Салҕыытын кэтэһэбит.

пахай
салгыыта хаьан кэлэрэ болла

УЧК
Хаһан ситэриллэрэ эбитэ буолла, кытаат, суруй

:)))))
Салҕыыта тахса илик эбит дии…

Клавдия
Кэтэһии бөҕөбүүн,кытаат суруйан ис,конечно солоҥ да суох буолуо да… кэтэһэбин. Кинигэ тахсара буоллар.

Сулус уола
Түгэн.
Икки этээстээх, ат эккирэтэр киэҥ-куоҥ дьиэҕэ сыбаайбаттан итэҕэһэ суох улахан малааһын буола турар. Толору астаах остуол тула дьон бөҕө мустан, аһаан-сиэн ырааппыт, кэпсэтии-ипсэтии үксээбит. Ханнык эрэ ресторантан наймыламмыт, муус-маҥан ырбаахылаах официант кыргыттар ас арааһын таһан төптөрү-таары сүүрэллэр-көтөллөр. Гаврил Иванович уонна Степан Егорович кэккэлэһэ олорбуттар, дьиэ кэргэн аҕа баһылыктара буоллахтара. Гаврил Иванович айаҕа хам буолбакка тугу эрэ кэпсээн имитэр, ол быыһыгар туох да буруйа суох курдук туттан-хаптан, ойоҕун иннигэр-кэннигэр түһэн, талбыт аһын баһан-кутан биэрэр. Бу киһи соторутааҕыта аҕай атын дьахтары кытта көрсүүлэһэн көрүлээбит диэххэ сатаммат курдук албыннаһар. Онно холоотоххо Степан Егорович саҥата суох олорор, дьон кэпсэтэрин истэр эрэ. Бу икки өттүттэн аймахтар билсиһэр киэһэлэрэ буола турар. Остуол биир муннугар Маша соҕотоҕун хороллон олорор. Кини дьон сирэйин кыбыстан таба көрбөт, ол оннугар сотору-сотору түлүпүөнүн хасыһан, тугу эрэ суруйар. Онтон кытара кыыһыран, сылайбыта аатыран, хоһугар киирэн аанын хатанан кэбистэ. Онтон Гриша тоҕо суоҕуй, кини ханна бардай, тоҕо кэлбэтэ?Лермонтов аатынан уулусса устун хара дьүһүннээх “Премио” массыына айаннаан иһэр. Уҥа диэки салайан, Комсомольскай площадка тиийэн тохтоото. Массыына иһигэр икки киһи күлүгэ көстөр, бу Гриша уонна Маша, иккиэн саҥата суох утарыта көрсөн, олороллор.Мааҕын Гриша үлэтигэр омук сириттэн кэлбит делегацияны арыаллыы сырыттаҕына аҕата эрийбитэ:-Гриша, босхолоҥнун дуо? Биһиги бука бары мустан, эйигин эрэ кэтэһэн олоробут.-Суох. Билигин өссө мунньахтыыр үһүбүт.-Чэ, бүттүн да кэлээр.-Эһиги миигинэ суох саҥалаан, бүттүм да тиийиэм. Сотору-сотору эрийэн аралдьытымаҥ, манна

тойоттор кыыһыраллар.-Оннук, оччоҕуна биһиги эйигинэ суох саҥалаатыбыт, бириэмэ ыраатта.-Сөп.Онтон аны Машата суруйан субуруппута: “Дрянь, соруйан гынаҕыҥ, ону мин билбэт үһүбүн дуо?““Үлэбэр олоробун, барар кыаҕым суох.““Сволочь ты, эйиэнэ барыта төптөрү.“Гриша хардарбатаҕа. Онтон Маша кыыһырбыта уостубатаҕа:“Кэлбэтэххинэ мин олох да эйиэхэ ойох тахсыам суоҕа. Ты не мужик, а ***.“Маша талбытынан үөҕэрин тулуйбакка Гриша иһэ буһа олорбута, ол да буоллар тугу да хардарбатаҕа.“Тоҕо саҥарбаккын, идиот. Деребаска любовницаҕын миигиттэн ордорон, бэрт киһи киниэхэ бараары олороҕун что ли?“Гриша тулуйарын ааһан:“Пошла ты на…” Диэн кэбиспитэ.Маша түлүпүөнэ итинэн арахсан хаалбыта, Гриша даҕаны эрийэ сатаабатаҕа. Үлэтин кэнниттэн бэрт уһуннук массыынатын уруулун тоҥсуйа олорбута, малааһыҥҥа барыах санаата букатын уостан хаалбыта. Уоскуйа түһэн баран, түлүпүөнүн ылан эрийбитэ:-Привет, Маша.-Привет, Гриша.-Просто эрийдим.-Ээ, диэ.-Күүлэйдии барабыт.-Барыахха.Ол бэйэлэрэ бу парка иннигэр кэлэн, утарыта көрсөн олордохторо. Маша саннын уол санныгар уурда уонна икки илиитинэн хонноҕуттан ылла.-Гриша, санаарҕаама. Хайдах гыныахпыт баарай?-Маша, мин кэлин кэмҥэ дууһам тырыттар, биир бэйэм икки аҥыы хайдыах курдукпун.-Барытын өйдүүбүн, Гриша. Мин эмиэ оннук турукка сылдьабын, хайдаҕын да иһин Баанньыскабын олус суохтуубун, ахтабын, ол быыһыгар арыгылыырын, айдаарарын абааһы көрөбүн. Арыгы ипэккэ сырыттаҕына наһаа үчүгэй киһи ээ. Онтон..,-Маша ситэ саҥарбакка тохтоон хаалла.-Онтон тугуй? Гриша ыйытта.-Онтон.., онтон эйигин кытта билсиэхпиттэн бэйэм да билбэппинэн туох эрэ уларыйда. Эн аттыбар суох буоллаххына тоҕо эрэ олус чуҥкук.Гриша Машаны кууһан ылла:-Таптал буолуо дуо?-Таптал быһыылаах, Гриша. Гриша өссө ыга кууһан истиҥник уураан ылла:-Маша, гостиницаҕа баран, хонобут?-Чэ.Гостиницаҕа тиийэн биир миэстэлээх нүөмэр ыллылар уонна ырааппакка гостиница рестораныгар аһыы киирдилэр. Аһыы олорон, Маша аан диэки көрдө уонна тута хараҕа бэрт дьиктитик быччайан хаалла, ол курдук таалан олордо.-Туох буоллуҥ, Маша?Маша саҥарар кыаҕа суох. Гриша кэннин хайыһан көрбүтэ, арай доҕо-оор, аҕата илэ бэйэтинэн бу кэлэн турар эбит. Уоллаах аҕа уун утары көрүстүлэр, иккиэн тыымматтар даҕаны. Онтон аҕата арый холкутуйда уонна:-Кыыскын атааран баран, манна кэлээр эрэ, кэпсэтиэхпит,-диэн төһө кыалларынан сымнаҕастык эттэ.Гриша Машаны нүөмэригэр атаарда уонна төннөн кэллэ, аҕата кэтэһэн олорор. Туох диэн кэпсэтиини саҥалыан билбэккэ мунаахсыйара өтө көстөр. Олорбохтуу түһэн баран:-Эдэр киһи булкуллааччы, элбэхтик сыыстарааччы. Ол эрээри олоххун оҥостор туһунан толкуйдуур кэмиҥ кэллэ дии санаабаккыҥ дуо?-Аҕа-аа, олохпун оҥостор туһунан толкуйдуур кэмим кэлбитин өйдүүбүн. Ол эрээри, мин.., мин ити кыыһы таптыыбын, ону хайдах да гынар кыаҕым суох. Билигин бу диэн эттэххэ дууһам икки аҥыы тырыттар, хайдах гыныахпын бэйэм даҕаны билбэппин.-Тука-аам, мин куруук кырдьаҕас буолбатах этим. Бэйэм кэммэр, эдэр сылдьан булкуллубутум үгүс буоллаҕа дии. Ол эрээри олох тапталынан муҥурдаммат, таптал хаһан эрэ, ханнык эрэ кэрчиккэ тиийэн син-биир уостуо, онтон олох салҕанан барыа. Таптал уостар кэмигэр..,-диэн эрдэҕинэ Гриша быһа түстэ:-Эн мин турукпун өйдөөбөккүн, мин тапталым уостуох быһыыта биллибэт. Төптөрүтүн күн тура-тура күүһүрэн иһэр курдук.-Билэбин тука-аам, билэбин. Эн маҥнайгы тапталын уостубут дии санаабаккын дуо?-Ол дьиҥнээх таптал буолбатах этэ. Мин билигин саҥа биллим дьиҥнээх тапталы.-Аны тапталбыт дьиҥнээх-сымыйа диэҥҥэ арахсар буолбут дуу?-Аҕа-аа, эн маҥнай бэйэҕиҥ көрүҥ, онтон миигин үөрэт. Эһиги кэмҥит ааспыта, ол эрээри эн өйдөммүт быһыын суох эбит. Рестораҥҥа көрөн баран, олус кэлэйбитим, кыбыстыбытым.-Мин аньыым-харам отой суох диэбэппин, ол эрээри эн тускар кыһаллан, атаххар туруоран, син олоҕу олорбут киһи буоллаҕым. Хамнастаах үлэ, дьиэ-уот, массыына ылан биэрдим. Оччотугар мантан ыла, олоххун бэйэҥ оҥоһуҥ, диэн баран, тиэрэ эргийэн кэбиһэбин дуо? Мин санаабар оннук кыаллыбата буолуо ээ.-Хааччыйбыккар махтанабын, ол эрээри онон сирэй-харах анньыма. Мантан ыла бэйэм олохпун оҥосторбор көҥүллээ, мин туспар кыһаллыма.-Эн этэргинэн буоллун. Ол эрээри ити хаарыан үчүгэй кыыһы куоттардыҥ быһыылаах.-Атааҕа, хаппырыыһа бэрт, ону тулуйарбын аастым.-Атаах да,хаппырыыс да дьахтар оҕолонноҕуна, кыһалҕа тирээтэҕинэ син көнөөччү, тулуйа түһүөххэ эрэ наада.-Аҕа-аа, эн биһиги өйдөһүө суохпут, манан кэпсэтиибитин түмүктүөххэ,-Гриша аҕатыгар илиитин уунна,-эйэ дэмнээхтик арахсыахха,-диэтэ уонна тахсан бара турда. Гаврил Иванович уолун кэнниттэн көрөн олордо уонна бэйэтин эдэр сааһын санаан ылла. Красноярскай куоракка үөрэнэ сылдьан, маҥнай биир кыыһы таптаабыта, чуут-чаат ойох ыла сыыспыта. Онто хата үөрэҕин кыайбакка быраҕан, баран абыраабыта. Онтон тута атын кыыска иирбитэ, сүрэҕэр эмиэ таптал уота кутаалыы умайбыта. Ол таптал умулла илигинэ аны нуучча кыыһыгар хараҕа хатаммыта. Бу тухары Дьокуускай куоракка устудьуоннуу сылдьар күндү доҕоро ис сүрэҕиттэн таптаан, ахтан кэтэһэрэ. Гаврил Иванович атын куоракка үөрэнэ сылдьан, баҕатын ханнарыар диэри туора күүлэйдээтэр даҕаны, үөрэҕин бүтэрэн, дойдутугар эргиллэн кэлэн,Гриша ийэтин, Вера Семеновнаны ойох ылбыта. Билигин байан-тайан кимнээҕэр да дьоллоохтук, ордуктук олороллор. Кыргыттар хайдахтарын билбэппин, онтон уол өттүн ылан көрдөххө, сааһын тухары биир эрэ кыыһы кытта хоонньоспут уол бу Орто дойдуга чопчу суоҕа буолуо ээ. Мин Гришам акаары буолбатах, кини билигин талар кэмэ. Хайаан да бэйэтигэр сөптөөх кыыһы булан олоҕун оҥостуо, диэн Гаврил Иванович бэйэтин сааратта.-Мужчина, ресторан закрывается.Аттыгар официант кэлэн турар эбит.

Мичийээнэ.
Сулус уола, махтал! Наһаа үчүгэй кэпсээн кэтэһэбит салҕыытын

Сулус уола
Түгэн.
“Маша САННЫН уол санныгар уурда уонна икки илиитинэн хонноҕуттан ылла”, диэн этиини, “Маша ТӨБӨТҮН уол санныгар уурда уонна икки илиитинэн хоҥноҕуҥ АННЫТТАН ылла”, диэн ааҕыҥ.

Туйгууна
Наһаа үчүгэй, салҕыытын олус кэтэһэбит

УЧК
Эмиэ кэтэһии

:)))))
Биир тыынынан ааҕан кэбистим дии..

мама
аа бутэн хаалла олох субуруччу аа5ан кээстим, салгыытын олус элбэ5и суруйуо диэн эрэнэ куутэбин

Вау
кэпсээммит салгыытын эрэнэ күүтэбит

Йани
Оодьээээ,эмиэ бүтэн хаалла диии…чэ мантан киэһэ суруйаар..махтал,сулуска

Саха
Хаьан суруйан уердэрэ болла

клавдия
Мантан киэһээ баар буолуо дуо?Кэтэһии манаһыы

Па
Саатар өрөбүлгэ суруйуо дуу дии санаабытым, бэчээл. Суруй эриээ

Мичийээнэ.
Сулус уола, кэпсээн салҕыытын хаһан таһаараҕын?

Йани
Неужто утуйда буолуо да?(((ааҕааччыларгын умнума)))суруйан ис,кэтэһэбит долгуйа

Ждун
Хайааааааааа, аата эмп курдук суруйдагай🤢

.
хайа доо(( суруйбатах бттаа:с

тыа уола
Ау ха4ан суруйа5ын

Мичийэ
Салҕыыта хаһан тахсарый?

УЧК
Сулус уола, тоҕо сүттүҥ? Салгыы суруйарыҥ буоллар, кэтэһэртэн куһаҕан суох, күҥҥэ хаста эмэ өҥөйөбүн

:)))))
Ханна сүтэн хаалла???………Кэтэһии бөҕөтө дии

мин
дальше туох буолбутун, кими ойох ылбытын бэйэгит айын бэйэгит толкуйдаан баран аккааьын биэрдэ бьлах

Клавдия
ОНУ МАНЫ САҤАРЫМАҤ ЭЭ,СОЛОТО СУОХ БҺХ ДИИ,СУРУЙУО.

Ааҕааччы
Тоҕо суруйбата болой?хата хойукку таптал бэҕэһээҥҥинэн түмүктэннэ

Оо
Олох да суох диОҕо Сааска, Хойукку таптал бүттэ. Махтал кинилэргэ. Эрэнэ күүтэбит

Сулус уола
Түгэн.
Саас. Халлаан лаппа сылыйан, күн биллэ уһаан дьон-сэргэ сүргэтэ көтөҕүллүбүт. Гришалаах Маша бииргэ олорбуттара хайы-сах икки ый буолан эрэр. Киэһэ аайы ыга куустуспутунан утуйаллар, сарсыарда ахсын сылласпытынан уһукталлар. Билигин кинилэр саҕа дьоллоох дьон бу Орто дойдуга суоҕун тэҥэ. Тапталлара күн-түүн күүһүрдэр күүһүрэн иһэр, хаһан да буоллун, ханна да буоллун куруук куустуспутунан, сиэттиспитинэн бииргэ сылдьаллар. Маша ийэтэ, Елена Федоровна, саҥа билсибит киһитин кытта загсаланан, ыал тэҥинэн олороллор. Кинилэр Дьокуускайга кэлбиттэрэ икки ый буолла. Елена Федоровна Гришаны олус сөбүлүүр, олох төрөппүт оҕотун курдук сыһыаннаһар, мээнэ тылласпатын, оп-тоннооҕун иһин ытыктыыр. Уоллаах кыыс сотору-сотору Маша ийэтигэр тиийэн ыалдьыттыыллар, хоноллор-өрүүллэр.Быһатын эттэххэ эн-мин дэһэн, эйэ-дэмнээхтик олороллор. Гришалаах Маша бу саас эмиэ загсаланан туһунан ыал аатыран, бур-бур буруо таһааран олохторун оҥосторго бэлэмнэнэллэр.Онтон биир Маша? Кини билигин кыыс оҕолоох. Оҕотун көрөн, дьиэтигэр олорор. Били Гриша аҕата эппитин курдук, оҕолонон баран, киһи билбэт гына өйдүүн-санаалыын, туттардыын-хаптардыын тосту уларыйан хаалбыт. Билигин кыраттан сылтаан уруккутун курдук кытара кыыһырбат, тэһэ баран быдьыр тылынан үөхсүбэт. Быычыкаайык кыһыл оҕотун олус таптыыр, куруук сыллыы-ууруу сылдьар, кимнээҕэр да бастыҥ ийэ дэтиэх кэриҥнээх. Гриша эмиэ оҕотуттан тиэрэ эргийэн кэбиспэтэҕэ, сөп буола-буола кэһиилээх, илии тутуурдаах-өттүк харалаах кэлэн, көрсөн барар. Кыһытыаҕын иннигэр, атырдьах маһыныы араҕысталлар даҕаны, Маша оҕотун аҕатын үөрэ-көтө көрсөр. Оҕото бүгүн хайдах хамсаммытын, тугу гыммытын ис-иһиттэн иэйэн туран,ыһа-тоҕо кэпсиир. Гриша бүгүн эмиэ Машалаахха сылдьан, оҕотун көрсөн, санаата көтөҕүллэн, дьиэтигэр тиийэн кэллэ. Массыынатыттан тахсаат да көрбүтэ, подъеһын айаҕар Баанньыска кэлэн олорор эбит. Хайыа баарай, хайдаҕын да иһин дьиэтигэр киирдэҕинэ сатанар, абааһы уола хабарҕабыттан харбаабат ини, дии санаата, утары хааман кэллэ:-Дорообо, Баанньыска.-До-до-до-дорообо да буо-буо-буоллун,-Баанньыска, айаҕыттан арыгы сыта аҥылыйдар да, бэрт тирэхтээхтик туран кэллэ.Гриша куттанан кэннинэн тэйдэ:-Туохха кэллиҥ, миигин кэтэһэҕиҥ дуо?-Э-э-э-эйигин буо-буо-буол-ба-ба-бакка, ки-ки-кими буо-буо-буолуой. О-о-о-олор ма-ма-ма-манна, кэ-кэ-кэпсэ-тиэ-тиэх-хэ.Гриша куттаммыта ааһан, Баанньыска аттыгар кэлэн олордо:-Ол тугу кэпсэтэбитий?-Ту-ту-тугу буо-буо-буолан, Ма-Машаны кэ-кэ-кэпсэ-тэ-тэ-тэбит. Ку-ку-куттаныма

до-до-доҕор, кы-кы-кырбыам суо-суоҕа.-Куттаммаппын.-Ми-мин э-э-э-эйи-ги-гин о-о-о-олох ө-ө-ө-өлөрөр са-са-сана-на-лаах э-э-э-этим, о-о-о-онтон то-то-толкуй-да-да-дабытым.-Ол тугу толкуйдаабыккыный?-Ми-ми-мин ки-ки-кини-ни-ни о-о-олус күүс-күүс-күүскэ та-та-таптыы-бы-бын ээ, ол э-э-э-эрээри ха-ха-хайдах да дьо-дьо-дьоллуур кыа-кыаҕым суох э-э-э-эбит. О-о-о-онон э-э-эһи-ги-ги олохху-ту-ту-тугар мэ-мэмэһэйдэспэт и-и-инибин. А-а-а-атаҕастыан да-да-даҕаны, ха-ха-хабар-ҕа-ҕаҕын ха-ха-хайа тар-тардан кэ-кэ-кэби-биһиэм.-Сөп,-Гриша турда.Баанньыска эмиэ турда уонна илиитин уунна:-Э-э-эппиппин ө-ө-өй-дө-дө-дөтүҥ и-и-ини. Гриша Баанньыска илиитин ыга тутан туран:-Өйдөөтүм,-диэтэ уонна эргиллэн дьиэтигэр киирэн эрдэҕинэ, Баанньыска санныттан тарта:-Ээ, кы-кы-кыра со-со-соҕус ха-ха-харчы-чы-чылааххын дуо? Диэтэ.Гриша биэс мөһөөҕү сиэбиттэн таһааран туттаран кэбистэ, оччо элбэх харчыны көрөн, Баанньыска сирэйэ-хараҕа сырдыы түстэ.Гриша дьиэтигэр киирэн, тапталлаах Машатын кууһан сыллаан ылла, минньигэстик да минньигэстик буһарыллыбыт бэлэм аһы аһаата. Үлэлээн-хамсаан, сылайан кэлбит эр киһиэхэ онтон ордук туох дьол баар буолуон сөбүй? Баанньысканы кытта көрсүбүтүн кэпсээбэтэ, ону Маша билбэтэ быдан ордук.Бүгүн Гришалаах Машаҕа бэлиэ күн, кинилэр загсаланаллар. Суох, кинилэр сүүһүнэн киһилээх улахан сыбаайба тэрийбэттэр. Бэркэ диэтэр чугас хаан-уруу аймахтара, эн-мин дэспит доҕотторо эрэ, киэҥ-куоҥ Маша ийэтин аах дьиэлэригэр мунньустан бэлиэтиэхтэрэ. Елена Федоровна киһитэ малааһын тэрийэргэ тута сөбүлэһэн, дьиэтин туран биэрбитэ. Төһөтүн да иһин Машаны сөбүлээн, оҕотун курдук саныыр буоллаҕа.Гриша ийэтэ бу бэлиэ түгэҥҥэ оҥостон кэлбитэ хас да күн буолла. Елена Федоровна дьиэтигэр хоно-өрүү сытан, малааһын аһын астаһар түбүккэ-табыкка сылдьар. Ийэлэр барахсаттар уопсай тыл булса охсон, уруккуттан билсэр курдук бодоруспуттар. Сарсыарда эрдэттэн ас астыы сылдьан Маша ийэтэ ыйытар:-Вера, онтон эн эриҥ хаһан кэлэр?-Бүгүн Москваттан көтөн кэлиэхтээх.-Уһуннук командировкаҕа сылдьыбыт эбит. Регистрацияны баттаһа кэлэрэ дуу?-Мин ааҕарбынан кыл-мүлчү баттаһа кэлиэхтээх.-Оннук эрэ буоллаҕына сатанар, оҕотун бэлиэ күнүгэр хойутаабат ини? Маша ийэтэ саараҥныыр.-Кэмигэр кэлиэ диэн эрэнэрбитигэр эрэ тиийэбит,-Вера Семеновна эрэх-турах.Күнүс үс чаас иннинэ, сыбаайбалыы киэргэтиллибит икки массыына кэлэн подъезд иннигэр тохтуур. Уоллаах кыыс хоннох-хоннохторуттан ылсан, дьиэттэн тахсан кэлэллэр. Маша, сиргэ соһулла сылдьар “шикарнай” былаачыйа кэппэтэр даҕаны, бэйэтигэр олус барсар, сөрү-сөп былаачыйалаах, уол судургу соҕус хара көстүүмнээх. Төһөтүн да иһин биир түгэн көрүһүннэрэн, олохторун тосту уларыппыт дьон “бүөмнээн” ыал буолан эрдэхтэрэ. Кинилэргэ Аан дойдуну аймыыр улахан малааһын тэрийэр сатаммат да ини. Ол да буоллар уоллаах кыыс ис-истэриттэн ол түгэҥҥэ махтаналлар, сүрэхтэрэ үөрүүнэн туолар. Ону хайдах даҕаны саба тутан кистиир кыахтара суох. ЗАГС дьиэтигэр киирэн кэллилэр, кинилэри арыаллыыр дьон бэрт аҕыйах, кыыс ийэтэ уонна “аҕата” диэххэ дуу, ону кытта чугас дьүөгэтэ. Уол өттүттэн бастыҥ доҕоро уонна ийэтэ эрэ. Атын ыалдьыттар анаммыт кэмҥэ малааһын остуолугар эрэ кэлиэхтээхтэр.Вера Семеновна сотору-сотору чаһытын көрөр, эрэ кэлэ илигиттэн олус долгуйар. Түлүпүөнүн ылан эрийэ сатыыр даҕаны мэлигир, харда саараама иһиллибэт. Хос аана аһылынна, эдэр киһи өҥөйөн:-Егоровы,-диэн биллэрдэ.Гришалаах Маша хоннох хоннохторуттан ылсан, хоско киирдилэр, кэлсибит дьон кинилэри батыстылар. Хос иһин Мендельсон марша толорбот, сырса сылдьан хаартыскаҕа да түһэрбэттэр, бэл диэтэр сибэкки сыта суох. Ол эрээри кыыстаах уол сүрэхтэрэ тэбис-тэҥҥэ долгуйа тэбэрэ бэйэтэ туһунан музыка буолан иһиллэр, кинилэр мичээрдэрэ хос иһин сүүс төгүл сырдатар, таптал иэйиитинэн толорор. Билигин кинилэр туһунан ыал аатын сүктүлэр, хайаан даҕаны дьоллоох буолуохпут диэн икки эдэр сүрэх эрэнэр. Гриша аҕата хойутаабыта бу үөрүүлээх түгэҥҥэ умнулунна. Регистрация кэнниттэн дьиэлэригэр кэлбиттэрэ, хаалбыт дьон, отучча киһиэхэ анаммыт остуолу тардан, бэлэмнээбиттэрэ ырааппыт. Сотору ыҥырыллыбыт дьон мунньустан остуол тула олордулар, эдэрдэри уруйдаабытынан-айхаллаабытынан бардылар. Кэмниэ кэнэҕэс Вера Семеновна түлүпүөнэ тырылаата, Гаврил Иванович эрийэрин мустубут дьон бука бары сэрэйдилэр.-Хаһыс этээскэ бааргытый, хаһыс квартираный? Диэн ыйытар.-Оо, хата кэллиҥ дуу, үһүс этээс, биэс уон аҕыс квартира,-Вера Семеновна, эрэ кэлбит үөрүүтүттэн ойон турда.Сотору аан звонога лыҥкынаата, дьиэлээх хаһаайка, Маша ийэтэ, ааны аһа барда.

Мин
Уаай,аны Гаврил Иванович Машаны кыыһа буолуо

Аяр
Мин, эмиэ оннук санаатым

Ыыаа
На самом интересном места…..бу түүн утуйбат буоллум

:)))))
Уыйдыы! Наһаа долгутуулаах түгэн дии!

тыа уола
Сал5ыытын куутэбит

Августа
Саамай интереснай момена кэллэ

УЧК
Сулус уола, махтал. Салҕыытын долгуйа күүтэр буоллахпыт дии

Сулус уола
Түгэн.
Дьиэ аанын тэлэччи аһан, Гаврил Иванович ырбайбытынан киирэн кэллэ, өссө обургу соҕус суулаах кэһии тутуурдаах. Ааны аһан баран, таалан турар дьахтар диэки хайыһан көрбөккө, киэҥ-куоҥ хоско аһыы олорор дьону өҥөйдө:-Ыаллар дорооболоруҥ,-диэтэ уонна сонун

устуохча буолан эрдэҕинэ, аттыгар таалан,хараҕын киниттэн араарбакка быччаччы көрөн турар дьахтар омуннаах бэйэлээхтик хаста даҕаны өрүтэ уһуутаата:-Һуу, һуу, һуу,- уонна сүһүөхтэрэ уйбакка умса баран түһэн эрдэҕинэ Гаврил Иванович тутан ылла.-Хайа, бу дьахтар туох буолла? Оргууй аҕай муостаҕа сытыаран кэбистэ.Күлсэ-салса аһаан имитэ олорбут дьон чуумпуран хааллылар, омуннаах өттө көрүдүөргэ ойон таҕыстылар уонна тута муостаҕа сытар Маша ийэтин көтөҕөн, хоско киллэрэн ороҥҥо сытыардылар. Дьахталлар чааскыга уу кутан аҕала оҕустулар, иһэрдэ сатаатылар даҕаны, биирдэстэрэ айаҕын да атар кыаҕа суох сытынан кэбистэ. Гаврил Иванович буруйдаах курдук туттан, сыгынньахтаммака эрэ хоско батыһан киирдэ. Ороҥҥо сытар дьахтары дьэ онно өйдөөн көрбүтэ доҕо-оор, кини эбит. Хоп-хойуу уһун суһуоҕа кылгаабыт, кылап-кылап көрбүт уһун кыламаннаах кип-киэҥ харахтара кыараабыт, синньигэс бэйэтэ балай эмэ соҥообут. Ити кини-Лена. Хоско Маша киирэн кэллэ, кэнниттэн Гриша батыһан киирдэ. Гаврил Иванович Машаны уонна Гришаны чинчийэн эрэрдии хардары таары көрөттөөтө, дьэ буолар да эбит, тоҕо баҕас үкчүлэрэй. Көрсүү оҕото көрбүтүнэн төрүүр, диэн маны этэн эрдэхтэрэ. Мэйиитэ эргийдэ, хараҕын быһа симэн, муус-маҥан ыскаап таһыгар турар, муус маҥан кириэһилэҕэ “лах” гына олоро биэрдэ. Чыпчылыйыах бэтэрээ өттүгэр хараҕын иннигэр эдэр сааһа бу баардыы элэҥнээн ааста.Красноярскай куоракка институт иккис куурсугар үөрэнэ сырыттаҕына, үгэс быһыытынан саас ыһыах ыспыттара. Красноярскайга уонна чугас куораттарга үөрэнэр саха ыччата бүтүннүү мустубута, Дьокуускайтан тиийэ кэлбиттэрэ. Эр бэртэрэ кылыйсан, куобахтаан, хапсаҕайдаан холоспуттара. Ганя онно кыттыбат, кини спортан тэйиччи соҕус киһи, бэрт былдьаһары соччо сөбүлээбэт. Хата ол оннугар кыргыттары кылатартан соло булбат, мүөттээх тыллары кыбытан, кыргыттар сүрэхтэрин уулларары дьэ кини киһи эдэр эрдэҕиттэн сатыыр. Эрдэттэн бэлиэтии көрбүт кыыһын кытта оһуокайдыы сылдьан билсибитэ. Кыыс оһуокай этэрин сэҥээрэн истибитэ уонна хайҕыыртан соло булбатаҕа:-Олус үчүгэй, нарын куоластаах кыыскын.-Махтал,-диэбитэ кыыс.-Эн миигин кытта билистэргин, кэрэ куоласкын хал буолбакка сааһым тухары истэ сылдьыа эбиппин. Мин аатым Ганя, онтон истэн үөрүөхпүн, эн аатыҥ?-Лена,-диэбитэ кыыс олус симиктик.Ити киэһэ Ганя Ленаттан арахпатаҕа, биир кэм иннигэр-кэннигэр түһэн, бэрт буола сатаабыта. Түүннэри бииргэ үҥкүүлээбиттэрэ, сарын-сарыннарыттан өйөһөн, уот иннигэр олорон ыллаабыттара-туойбуттара, оннук олорбутунан, нухарыйан да ылбыттара. Сарсыарда күн тахсыыта аргыстаһан уопсайдарыгар барбыттара. Ганя саҥа билсибит кыыһын хоһун ааныгар диэри атааран эрэ баран, бэйэтин уопсайыгар төннүбүтэ. Сарсыҥҥы күнүгэр тута киинэҕэ ыҥырбыта, киинэ кэнниттэн угаайылаан хоһугар илдьэ кэлбитэ. Бииргэ олорор уолаттара кэпсэтии быһыытынан, хонор сирдэрин эрдэттэн булан, хоһу туран биэрбиттэрэ. Бүттэҕэ ол, ити түүн уоллаах кыыс хоонньоспуттара. Онтон ыла сотору-сотору көрсөр буолбуттара. Лена барахсан Ганяны ис сүрэҕиттэн таптаабыта, онтон Ганя туох санаалааҕын бэйэтэ эрэ билэн эрдэҕэ. Сайыҥҥы каникул кэнниттэн Лена Красноярскайга тиийбитэ, тапталга иирэ сылдьан, саас сатаан туттарбатах экзаменнарын туттартаабыта. Үөрэх кэмэ саҥаламмыта, Лена тапталлааҕа тиийэн кэлэн, ыга да ыга кууһарын күн-түүн кэтэспитэ. Кини кэтэһэрэ оруннаах, күндү доҕоругар үчүгэй да үчүгэй сонуннаах, Ганя ол сонуну иһиттэр төһө эрэ үөрээхтиир. Бэйэ, Лена билигин соҕотох буолбатах, таптыыр уолуттан быычыкаайык киһичээни иһигэр илдьэ сылдьар. Кыыс кэтэһэ сатаан баран, үөрэҕин кэнниттэн, бэйэтэ Ганяҕа тиийэн кэлбитэ.Ганя ханна эрэ бараары оҥосто сылдьыбыта, сиэркилэ иннигэр туран, баттаҕын кичэйэн-кичэйэн тараанар. Лена хоско киирээтин кытары, кэпсэтии кытаанах буолуохтааҕын сэрэйэн, бииргэ олорор уолаттара тахсан биэрбиттэрэ. Иккиэйэҕин хаалан баран Лена:-Привет, Ганя,- диэбитэ.Уол бэрт тоҥуйдук:-Привет,-диэн хардарбыта.-Мин эйигин наһаа аҕынным,-диэбитэ кыыс.-Ээ-э,- диэбитэ уол, аанньа ахтыбатах курдук.-Мин наһаа үчүгэй сонуннаах кэллим.-Ол туох үчүгэйдээх сонунуй?-Мин эйигиттэн оҕо кэтэһэбин.Гриша тараана турбут тарааҕын мүлчү тутан кэбиспитэ, кыыска ыган кэлбитэ:-Мин оҕом буоларын хантан билэбин? -Хайдах билиэҥ суоҕай? Лена төптөрү ыйыппыта.-Биһиги маҥнай хоонньоһорбутугар эн кыыс буолбатах этиҥ,-Ганя куолаһа кытааппыта.Лена тугу даҕаны хардарар кыаҕа суох туран хаалбыта, хараҕыттан уу баһыллан тахсыбыта. Ол кэмҥэ ааны тоҥсуйбуттара:-Ганечка, ты готов,-диэн кыыс саҥата иһиллибитэ.Салгыы кэпсэтэр туһата суоҕун Лена өйдөөбүтэ, эргиллэ биэрбитэ уонна аан айаҕар Ганяны кэтэһэн турар кыыһы түҥнэри көтө сыыһан, тахсан бара турбута. Кыбыстыыта бэрдиттэн кимиэхэ да эппэккэ, үөрэҕин быраҕан, дойдутугар төннүбүтэ.Ол күнтэн ыла Гаврил Иванович Ленаны биирдэ даҕаны көрсө илик. Оҕоломмутун хантан билиэ баарай. Көрсөн да диэхтээн, баҕар хаһан эрэ, ханна эрэ көрсөн ааспыт да буоллаҕына билбэтэҕэ чуолкай. Кини киһи эдэр сааһыгар хас эмэ уонунан кыыһы кытта хоонньосто ини, хоонньоспото ини, барыларын өйдүү сылдьыбата саарбаҕа суох.Суһал көмө кэлэн, Елена Федоровнаны носилкаҕа сытыаран, илдьэ бардылар. Ыҥырыллыбыт ыалдьыттар, малааһын саҕаныа суоҕун сэрэйдилэр, сыыйа-баайы биир-биир тарҕаһан хааллылар. Дьиэ иһэ чуумпурда, чуҥкуйда. Гаврил Иванович турар кыаҕа суох, хараҕын быһа симэн олорор. Гришалаах Маша оргууй сэрэнэн сонун уһуллулар, икки өттүттэн өйөөн, Елена Федоровна сыппыт оронугар сытыардылар уонна тахсан эрдэхтэринэ, аҕалара тохтотто:-Оҕоло-оор, тохтоон эрэ. Мин эһиэхэ тугу эрэ этэрдээхпин,-диэн нэһиилэ ыган таһаарда. Кини хайаан даҕаны кэпсиэхтээх, кини кэпсээбэтэҕинэ ким кэпсиэй.

Сулус уола
Түгэн.
P.S. Түүн ортото уоллаах кыыс сүүс-сүүстэриттэн өйөһөн олороллор. Маша ытыыр да ытыыр, Гриша тулуйбата, эмиэ тэбис-тэҥҥэ ытаһан барда. Оннук сааскы күн тахсыар диэри ытаһа олордулар. Гриша хараҕын уутун туора сотто-сотто эдьиийин уоскута сатыыр, биирдэстэрэ тохтуур санаата суох, төптөрүтүн өрө бара-бара ытыыр. Кинилэри билигин сааратар туһата суох. Төрөппүттэрэ оҥорбут аньыылара-харалара кинилэргэ тиийбитэ буолуо дуо? Бу түгэҥҥэ төрөппүттэри буруйдуур сөп дуо? Хаарыан тапталлара халтайга хааллаҕа, эбэтэр салҕанар кыахтаах дуу..?

Туйгууна
Наһаа үчүгэй кэпсээн, манан бүттэ дуо? Барыта ыйытыынан бүппүтэ соччото суох курдук.

Мичийэ
Пахай

Сулус уола
Түгэн.
Бу олоххо буолбут икки түгэни холбоон, уустаабыта-ураҥнаабыта буола сатаан, кэпсээн суруйдум.Маҥнайгы түгэнэ.Билиҥҥи кэмҥэ буолбута. Светофорга тохтообут сабыс-саҥа джибы “Волга” массыына кэнниттэн кэлэн анньар. Джибтан оройдорунан көрбүт убайдыы-быраатты уолаттар тута ойон тахсан, “Волга” массыына иһигэр олорор ып-ырыган ачыкылаах уолга саба түһэллэр, уоллара куттанан массыынатын ааннарын ыга хатанан кэбиһэр уонна туох да манньаҕа тахсыбат. Ол олорон милииссийэни, ГАИ-ны ыҥырар. Милииссийэлэр, ГАИ-лар кэлбиттэрин кэннэ дөкүмүөннэһии саҥаланар. Ол туран уолаттар кэпсэтэллэр:-Хайа доҕо-оор, эн эмиэ Егоров диэн эбиккин дуу?-Егоровпын.-Аҕан аата эмиэ биһиэнин курдук, Романович эбит дуу?-Романович.-Бэйэ эрэ, биһиги аҕабыт маҥнайгы кэргэнэ Роза диэн ааттаах үһү сураҕа. Эн ийэҥ буолаарай?Ырыган уол ачыкытын өрө анньына-анньына:-Роза,- диэн хардарар.Онтон кэпсэтэн-билсэн барбыттара олох да, саамай улахан убайдара буолан хаалар.Саҥалаах-иҥэлээх, киппэ көрүҥнээх уол этэр:-Мин, аҕабыт иккис ойоҕуттан оҕотобун, эмиэ аҕам курдук Рома диэн ааттаахпын.Эмиэ киппэ эрээри, арый да кыра уҥуохтаах уол саҥа билсибит убайыгар илиитин уунар:-Кеша диэммин, аҕабыт көрсүүтүттэн төрөөбүт киһибин, ол да буоллар аҕабын билинэбин, ытыктыыбын.-Биһиги Кешалыын былырыын эрэ билсибиппит, эмиэ бу курдук отой алҕас. Онтон ыла убай-быраат дэһэн куруук бииргэ сылдьабыт.-Оччоҕуна билигин бары булустубут ини, “полный комплект” буоллубут ини,-улахан убайдара бырааттарыттан ыйытар.-Дьэ, ким билэр,-дэһэллэр бырааттара.Бу уолаттар аҕаларын бэркэ билэр киһим этэ. Эдэр сылдьан дьахтар чааһыгар алдьархайдаах киһи этэ.Иккис түгэнэ.Сэттэ уонус сыллардаахха буолбута. Уоллаах кыыс Красноярскай куоракка үөрэнэ сылдьан билсэллэр, доҕордоһоллор, онтон биллэн турар таптаһаллар. Үөрэхтэрин бүтэрэр сылларыгар Красноярскай куоракка загсаланаллар, устудьуонуу сыбаайба тэрийэн, эр-ойох аатыран, уол дойдутугар тиийэн кэлэллэр. Аны манна, сүүһүнэн киһилээх, сүүнэ улахан сыбаайба тэрийэн, уол дьоно үөрэ-көтө көрсөллөр. Кыыс ийэтэ барахсан, сөмөлүөт көппөккө, хоту дойдутугар хаайтаран хаалар, сыбаайбаҕа сылдьыбат. Аныгыскы күнүгэр эрэ көтөн кэлэр. Туох буолуой, хата биһирэми баттаһа кэллим дии санаахтаабыта буолуо. Ол күн уол аҕата аллараа күөлгэ ииппит илимин көрөн, солуурга тобус-толору соболоох дьиэтигэр баран иһэн, аара суолга уолун кийиитин уонна кийиитин ийэтин көрсө түһэр. Уол:- Ити мин аҕам иһэр,-диэн аҕатын диэки ыйа-ыйа ,ойоҕун ийэтигэр кэпсиир.Дьахтар эр киһини көрөөт, өрө сарылыы түһэр, өйүн сүтэрэн кэбиһэр, кыыһын аҕата буоларын тута биллэҕэ. Уол аҕата эмиэ тута билэр, мэйиитэ эргийэн турбут сиригэр сууллан хаалар. Уол аҕата ол кэннэ өрүттүбэтэҕэ, босхоҥ буолан хаалбыта, онтон сотору өлөөхтөөбүтэ.Уоллаах кыыс арахсыбатахтара, саастарын тухары бииргэ олорбуттара, оннук олохторун моҥообуттара. Бэйэлэрэ оҕоломмотохторо, ол оннугар утуу-субуу үс оҕону ылан ииппиттэрэ. Оҕолоро ааттарын ааттатар дьон буола улааппыттара. Билигин улахан уоллара соҕуруу олорор, кыыстара кыраныысса таһыгар олохсуйбута быдаҥнаата, кыра уоллара ханна тиийбитин билбэппин.

Сулус уола
Түгэн.
Күндү ааҕааччыларым, манан кэпсээним бүтэр. Аныгыскы кэпсээннэрбэр көрсүөххэ диэри.

Сулус уолун фаната-это Я🙌
печальнай да багайы, ол эрэн инник тугэн баар беге буоллага ди, онноогор мин олохпор инниккэ майгынныыр тугэн баара

:)))))
Наһаа киһи дууһатын иһигэр киирэр кэпсээн дии, олоххо маннык буолуталыыр түгэннэр бааллар буоллаҕа. Кыыстаах уолу аһынным аҕай…

:)))))
Сулус уолугар махтанабын,киэһэлэрбин туох

эрэ сыаллаах,тугу эрэ кэтэһиилээх атаарбыппар,ол бу кэпсээни кэтэһии киэһэлэрэ этэ.

Мин
Сулус уола,кэпсээҥҥэр махтал,өссө да кэпсээннэргин күүтэбин

.
наьаа учугэй кэпсээн ))

аа5ааччы1111
махтал олус интэриэьинэй кэпсээннин иьин)))

leya
махтал

Михаил
Олус учугэйдик ис дууьа5ын ууран туран айбыккын, бар5а махтал! Чэгиэн буол!

Маша
Дорооболорун, манна киирбэтэх ырааппыт). Сулус уола, быыс булан кэпсээннин бутэрбиккэр улахан Махтал. Биир тыынынан аа5ан бутэрдим, астынным, дуоьуйдум (киинэ курдук ойуулаан кердум)). Наьаа учугэй кэпсээн. Махтал!

Сулустартан ордук Звиздец
сылы быьа намайданан син писанинатын бутэрбит эбит
Аа5а сатаан баран бырахпытым ыраатта, бу писаканы

Киппэ керуннээх уол
Доо, Сулус уола то5о биЬиги туспутунан суруйдун? Киппэ сутурукпунан хараххыттан сулустарын кетуехтэригэр диэри саайыам! Шутка, наьаа учугэй, дьин олоххо сепсеьер кэпсээн эбит. Короче, кыыстыын хоонньоьуох иннинэ кимин-тугун билэн баран хоонньоьуохха наада эбит))

Бытык
Сахалар аҕыйахпыт бэт. Бары ырааҕынан чугаһынан син биир аймахтыы буолан тахсабыт.

Ньургун
Учугэй кэпсээн хомойуох иьин маннык буолар дьэ мин олохпор буолбута балтыбым кытта сылдьыбытым агабыт биир этэ кэлин билпиппит хата ыал буола иликпитинэ дьоммут билсиьэ кэлэн баран онтон икки аныы бардахпыт дии студент кэммитигэр билсиьэн сылдьыбыппыт мин армиятан кэлэн баран уерэххэ киирбитим балтым оскуоланы бутэрэн баран онно да этээччилэр табаарыстарбыт эьиги бэйэ бэйэгитигэр наьаа майгыннаьагыт диэн биьиги онно эрэ наадыйбат этибит таптал беге буола сылдьан онтон дьэ чуолкайа биллэн ытаьан арахсыбыппыт иэдээн да этэ ыарахан да этэ агабыт эдэригэр эмиэ куоракка уерэнэ сылдьан багайы куьаган киьи мин ийэбин албыннаан ого онорон бырахпыт этэ ийэм тыа кыыьа теттеру уерэгин быраган дьиэтигэр барбыт этэ кэлин атын киьиэхэ кэргэн тахсыбыта оннук дьиннээх агабым билбэккэ улааппытым сепке этэллэр керсуу огото агатын курдук диэн мин агам копията этим балтым агатын наьаа себулуур киэн туьтар агай этэ билсэ сылдьан агатын учугэйин кэпсээн тахсааччы агата кэлин москва кеспут этэ тапталлаах кыыьа ыал буоларын иьин дьонун кытта билсэ кэлэн абыраммыта ийэм эмиэ тулуйбатага сурэгэ ыалдьан охтон туспутэ эмтэнэн арыый ама буолбута агабыт буолуохсут тойон киьи санаран иьэн кини да буоллар тугу да санарбатага ийэм онно санарбыта билигин да кулгаахпар баар того туох иьин миигин эн эдэр сааспыттан булан кырдьан сааспар кытта булан сордоотун мин олохпун алдьаппытын аны огом ологун алдьаттын ессе элбэги да санарбыта истэргэ ыарахан да этэ мин бастаан ейдеебегум маннык хайдах олоххо буолуон себуй диэн. Агабыт кыыьын илдьэ москва куоппуттара билигин олох билсиспэппин сурэх бааьа буолан сылдьар кимиэхэ да кэпсээпэппит ийэбиттэн урут агабым ыйыттахпына елбутэ диэччи ол елбут агабыт кэлэн олохпун аймаан барбыта. Маны табаарыстарбыт да билбэтэхтэрэ сыбаайба кэтэьэ сатаабыттара эмискэ кыыьым сутэн хаалбытын дьиктиргээбиттэрэ кэлин умнан барбыттара мин уерэхпин нэьиилэ тулуйан бутэрбитим хаста да быраган барыахпын багарабым тыага ыал буолан олоробум куоракка барыахпым олох багарбаппым ону санаан кэлэбим