сулус_суьума - 12 ноября 2016 01:14

Эмиэ кыһын. Таһырдьа тымныы, курус. Өрүү буоларын курдук остуолбар тэтэрээт бэрэбиэркэлээбитэ буолан, умса түһэн олоробун. Ийэм иһит сууйар тыаһа иһиллэр. Кыраан сүүрэр уута тохтоон, мин диэки хааман кэллэ:
-Алина, хаһааҥҥа диэри оскуола-дьиэ… Тулаҕын көрүүй, бииргэ үөрэммит оҕолорун, дьүөгэлэрин ыаллар… Кинилэр ийэлэрэ сиэн биэбэйдииллэр. Онтон мин?! Биир кыыспын көрө олоробун, аннара дойдуга барыахпар диэри сиэн көрдөрүмээри гыннын…-эппиэт күүтэрдии тура түһээт хоһун диэки хаамта. Таптал кэлбэтин мин хайыахпыный, эбэтэр соҕотох ийэбин аһынаммын, түбэһиэх ыал буолан ийэбин сордуубун дуу? Ийэм барахсан эрдэ огдообо хаалан, аҕабын кэриэстээн ыал буолбатаҕа. Эбээм барахсан тыыннааҕар ийэбин “ыал буол, кыыскын киһи-хара” гын диэн төһөлөөх этэр этэй. Суох, ийэм аҕабын кэриэстээн, наар кини хаартыскатынан олох олорон, кэпсэтэн кэлбиппит. Курус киэһээлэргэ олорон, ийэм төбөбүттэн имэрийэн-" Алина, аҕан курдук киэҥ көҕүстээх, амарах, дьон биһирэбилин ылар киһини булаар"-диирэ. Ол курдук үөрэхпин бүтэрэн, үлэһит буоллум. Билинэбин, сааһым уу сүүрүгүнүү инним хоту баран иһэр… Хайыыр да кыах суох, олохпун оскуолабар аныыр буоллум быһыылаах, хас биирдии үөрэнээччим ситиһиититтэн үөрэбин, дьоллонобун. Кинилэр маҥнайгы тапталга тардыһалларын көрөн, бэйэм оскуолатааҕы сылларбын саныыбын. Мин эмиэ оскуолаҕа сылдьан, таптал кутаа уотугар умайа сылдьыбытым. Оҕо саас эбэтэр маҥнайгы таптал эбитэ дуу, бу тэтэрээт бэрэбиэркэлээн, сылаҋан санааларым кый ыраах көттүлэр. Оргууй туран, ороммун булан,харахпын оргууй симэбин. Оччоҕо кини көстөр… Мин үлэбэр сөбүлүү көрөр, маҥхайан эрэр баттахтаах физика учуутала…

Таксим кэлэн, мин үлэлиир сирбэр айаннаатым. Сүрэхпин аймаабыт доҕорум баар сиригэр. Эмиэ тоҕо доҕоруом, миигин абылаан кэбистин… Николай Егорович холостуой, боччумнаах, үлэһит киһи. Элбэх кыыс кинини көрдөҕүнэ долгуйар, убаастыыллар. Ол курдук миэхэ эмиэ түөспэр таптал уота күөдьүйдэ. Кинини саатар кыратык көрөн аһарбыт киһи диэн үлэбэр тиэстэбин. Миигин кытта үлэлиир Эльвира эмиэ Николайы сөбүлүү көрөр. Биһиги Эльвиралыын биир уопсайга олоробут. Иккиэн бииргэ ананан үлэлии кэлбиппин, онон дьүөгэлиилэрбит. Уһун киэһэлэргэ олорон, биһиги кистэлэҥнэрбитин бииргэ үллэстэбит. Тоҕо таптал сүҥкэн күүстээҕий? Киһи дьолугар дуу соругар дуу кэлэрий, балары олорон ырытабыт. Николай кими ордорорун, туох былааннааҕын бу диэн билбэппит. Эльвира кэпсииринэн, кинини көрдөҕүнэ долгуйар үһү. Чэ, билбэтим бириэмэ көрдөрөн иһиэҕэ. Ол хап-хара харахтары көрдөхпүнэ, мин эмиэ бэйэбин умнабын, ааппын да умнан этиэ суох курдукпун.-Алина, мин наар кэпсиибин дии, кими сөбүлүү көрөрбүн. Эн эмиэ кими эрэ сөбүлүүрүн буолуо дии. Холобур мин Николайы кытта ыкса билсиһэн холбоһуохпун баҕарабын. Онтон эн?-дьүөгэм ыйытар. Маны истэн чэйбэр чачайа сыстым.-ээ, суох. Өйүм-санаам үлэ. Сыалым ол эрэ, тапталынан иирэр соло суох.-күлбүтэ буолабын. Харахпын куоттаран, чэй куттубута буолабын.-Тугу эрэ кистиигин быһыылаах, көрөбүн ээ, психолог киһибин-Эльвира мичээрдээн кэбиһэр.Саҥа күн, сандаарар сарсыарда. Сып-сап туран, бүгүн кими көрөрбүн саныы-саныы сып-сап хомунан үлэбэр ойобун. Саҥа күҥҥэ үктэнэн, туох эрэ кэрэ түгэн буолуоҕуттан долгуйабын, үөрэбин…

Учительскайга оргууй үктэнэн киирэбин. Сэрэйбитим курдук кини олорор. Боростуой баҕайытык эттим быһыылаах… Сир үрдүгэр саамай сөбүлүүр, көрдөхпүнэ долгуйан тэтэрэр, биир тылы кыайан таһаарбат буолар мин доҕорум, коллегам. Имэрийэ көрөн баран, дорооболосто. Мин бу түгэҥҥэ иккиэн буолбуппуппутуттан кыбыстыах санаам кэллэ. Саатар оҕо эрдэхпиттэн симик бөҕөбүн. Онтон бэйэм да кыһыйабын. “Дорообо” диэтим да, саатар куолаһым кэһиэҕирэн хаалбыт хайа наадалаахха. Сымыйанан расписание көрбүтэ буолан турдум. -Алина Семеновна субботаҕа кэнсиэргэ кыттаҕын дуо? Үҥкүү туруорар үһүбүт учууталлар-хап-харанан кэннибиттэн көрөн олорорун курдаттыы сэрэйэбин. Саҥа эппиэттээх буолан истэхпинэ, Эльвира ойон киирдэ. Бүттүбүт. Сытыы-хотуу кыыс саҥаран-иҥэрэн аттыгар тиийэн олорон кутан-симэн барда. Туораттан иһиллии турар киһи курдук сананным. -Туох диэтин, кэнсиэр диэ? Арба эйиигинниин үҥкүүлүөм этэ-кыыһым олох да кэһэттэ. Мин күнүүлүөх да курдук буоллум. Сҕуох, инник кыайан үҥкүүлүөх игин диэбэт киһибин. “Мһм"диэт чаһыбын көрбүтэ буолаат, тахсан бардым.Чэ, олордуннар. Уруокпун ыыппыта буолабын. Тест толорор бириэмэлэригэр түннүгү көрөн олоробун.

Эн утары кэлэн, илиибиттэн ылаҕын. Бу түгэҥҥэ эн биһикки эрэ иккиэбит, бытаан муузукаҕа уйдаран үҥкүүлүүбүт. Уун-утары көрөр харахтарын миигин курдаттыы көрөр курдуктар. Долгуйан хаалан харахпын куоттарабын. Үөрэбин мин бу түгэҥҥэ иккиэн бииргэ буоларбытыттан. Бу түгэн хаһан да бүппэтигэр ис сүрэхпиттэн баҕардым. Ол да буоллар, хайыахпыный будильник тыаһа барытын күдэҥҥэ

көтүттэ. Уһуктан хаалан, харахпын симэн, бу хартыынаны өссө төннөрөөрү сыта түстүм. Үөрэбин мин саатар түүлбэр киирэн көрсөн ылбыппытыттан… Бүгүн Эльвира төрөөбүт күнэ. Онон суббота буолан, дьиэбитигэр ас астанабыт. Ыҥырыылаах ыалдьыттар быыстарыгар Николай ыҥырыллыбыт. Маны истэн киэһэ хайдах оҥосторбун, тугу кэтэрбин саныы-саныы бэрэски суулуубун. Бу санааларга уйдаран, олох атын эйгэҕэ турабын.-Алина, маарыҥҥаттан ыҥырабын дии, наушниктаах дуу диэбитим, суох эбит дии-кыыһым соһуйбут аҕай.-Ээ олох да истибэппин.-Мин маны кэттэхпинэ, Николай бэлиэтии көрүө дуу?-кыыһым кыһыл былааччыйаны эргитэр. Эльвира отут биэстээх, миигиттэн уонча сыл аҕа. Кыыһым ини кэттэҕинэ тупсууһу аҕай.-Наһаа үчүгэйгин. Төрөөбүт күннээххэ болҕомто барыта ууруллуохтаах-диибин. Киэһэ этиллибит чааска ыалдьыттар, коллегаларбыт кэлитэлээн бардылар. Санаабар аан тыаһаата да өндөҥнүү олрробун. Кини киирэн кэлиэ диэммин… “Үтүө киэһээнэн!” диэн Николай дьэ киирэн кэллэ. Санаабар кырыаран киирбитэ өссө тупсубут курдук. Эльвира утары тиийэн, көрсөн подарогын тутта. Туораттан көрөн олордум. Төрөөбүт күннээх диэн бэйэбин уоскутунабын. Остуолга олоруу буолла. Николай кэлэн, аттыбар олордо. -Алдьархай үчүгэй остуолу тэрийбиккит дии, онтон эн төрөөбүт күнүн хаһан?-кэпсэтиини саҕалыыр. -Миэнэ саас, ыраах-диибин. Ол курдук тиийбэт астарбын ылан, биэртэлии олордо. Эльвира күнүүлээн киирэн барда быһыылаах, ону баран аҕал, ону араар диирэ элбээтэ. Төрөөбүт күннээҕи эҕэрдэлээн тыл этиитэ буолла. Николай эмиэ испэт киһи эбит. Ону көрөн, өссө убаастаатым. Туран, коллегабын эҕэрдэлиибин, убаастыыбын диэтэ. Ол аата таах бииргэ үлэлиир эрэ курдук көрөрө дуу? Эльвира кэпсииринэн табаарыстыыбыт, наар внимание уурар диэбитэ. Табаарыстыы сыһыантан тапталга көһүөххэ сөп диэн кэпсээн турардаах. Киэһэ буолан, ыалдьыттарбыт тарҕаһан бардылар. Николай олоро түһэн баран, бэрткэ олордубут, ыҥырбыккар махтал диэтэ. Бараары гыммытын сэрэйдим. Тохтоомо бу түгэн, уостума диэхпин баҕардым да… Николай таҥнан бүттэ. -Алина, тахсан күүлэни хатыыгын?-диэтэ. Мин тугу иһиттим диэн тураары олордум. Эльвирам маны истэн, “арба биир дьүөгэм бүгүн сатаан кэлбэтэҕэ, онно бара сылдьыам, Николайдыын аргыстаһар эбиппин” диэтэ. Таҥнан бүтэ оҕуста. Иккиэннэрин тахсан атааран, ааммын хатанным. Түннүгүнэн көрөн турабын. Эльвира Николайы хонноҕуттан ылбыт. Ыйдаҥа уотугар иккиэн киирэн сүттүлэр. Үөһээ тыынаат, остуол хомуйан бардым.

Бу күнтэн ыла Николайы өссө чугастык саныыр буоллум. Олохпор наһаа да күүпиэхпин баҕарарым… Биирдэ планеркаҕа кылааһын оҕолорун журналын ильдэ кэл диэн ватсаптаабыта. Ол кыра түгэнтэн саҕалаан суруйсар буолбуппут. Уһун киэһэлэргэ сытан, суруйсарбыт. Мин кини суруйбатаҕына, күүтэр этим. Ол курдук ылларбытым. Күнүһүн туох да буолбатаҕын курдук дорооболоһорбут, мичээрдэһэн кэбиһэрбит. Ол мичээр өрүү мин сүрэхпэр иҥэн хаалара, күнү быһа онон кынаттанан күнүм биллибэккэ ааһара. Биһиги суруйсарбытын ким да билбэтэ.Биир сарсыарда телефоммун ватсаппын аспытынан хаалларан баран, хоспор киирэн өр соҕус флешкабын көрдөннүм. Дьэ булан тахсыбытым, Эльвира телефоммун тутан турара. Миигин көрөөт, остуолга уураат тахсан баарта. Ол кэннэ аанньа кэпсэппэт буолбута. Туораттан дьон да бииргэ олорор эрээри аргыстаспаккыт да? диэн ыйытара элбээбитэ. Дьэ, бу кэннэ сурах бөҕө тилийэ көппүтэ. Арааһы барытын оҥорон көрөллөрө. Саастаах киһини кытта доҕордоһор диэн сурах бэйэбэр кэлбитэ. Ыллым да, эппэккэ каникулга дойдулаан хааллым. Син дьоммор сынньанан, аралдьыйан арыый уоскуйдум. Бастаан эрэ суруйар этэ Николай. Кэлин тоҕо эрэ тохтообута. Таптал буолуо дуу, быстах иэйии дуу диэн толкуйдуурум элбээбитэ. Ол гынан баран сүрэх күүскэ тэбэрин мин оонньуу курдук ылымматаҕым…Үлэ күнэ буолан, мин уопсайбар айаннаан кэлбитим. Эльвирам тоҕо эрэ сынньана барбатах этэ. Санаата көнөн кэпсэтэн киирэн барбыта. Ол олорон эттэ:-Алина, мин Николайдыын бииргэбит. Эн өссө да эдэргин. Бэйэҕэр сөптөөҕү көрсүөн буоллаҕа. Онон оннук. Николай манна эйиигин ыйыта кэлэн баран, миэхэ хаалбыта. Ол күнтэн бииргэбит.-диэтэ. Мин күөмэйбэр хомуок кэлэн бүөлээтэ. Тугу да эппиэттээбэккэ утуйа бардым. Ама, кырдьык дуо диэн сыттым. Ол күн түүлбэр түһээн көрбүтүм, кэннин хайыспакка бара турбутун. Хаһыытаан ыҥыраары гынан баран, буолбут буоллаҕа диэн бэйэбин уоскутуммутум.Ол кэннэ Николай миигин харахпын таба көрбөт буолбута. Уопсайбытыгар кэлбэт этэ. Онон туох буолбутун, мин эппиэт ылбатаҕым. Ыам ыйыгар мин заявление суруйан барарга санаммытым. Эльвирам күһүн холбоһон, уопсайбыттан тахсабын диэбитэ. Мин онно наадыйбатаҕым. Сыбаайбаҕа баҕар сатаан кэлиэм суоҕа диэбитим. Баҕара да суох үктэнэр санаам суоҕа. Мин барытын туттаран, уопсайбын букатын сабан айаннаабытым.Төһө да ыараханын иһин син сэргэхсийбитим. Биир үтүө

күн куоракка кэннинэн турар киһини көрөн, мин сүрэҕим күүскэ тэппитэ. Кини этэ! Эргиллэн миигин булан көрбүтэ. Тоҕо эрэ утары кэлэн кэпсэппитэ. Чугас кафеҕа олорон, дьэ кэпсэттибит. Суруйсан баран, миигин көрсө кэлбитин, Эльвира эрийэ тутан ылбыт эбит. Миигин манна эдэр уоллуун сылдьар, эйиигин мээнэ кэпсэтэр, эдэр кыыска киирэн биэримэ диэбит. Онно итэҕэйэн киирэн биэрбит. Миигин бүтэн барбыппын истэн, соһуйбут, тоҕо бу эдэр уолу хаалларда диэн. Онтон кэлин кэлэн өйдөөбүт.-Чэ, барытын кэпсэттибит. Үчүгэйдик олорун, мин үлэ булан бараары сылдьабын. Быраһаай-диэтим. Ол онно көрбүтүм кини ахтыбыт харахтарын… Ол кэмтэн сыл ааста. Билигин биһиги бииргэбит. Биир дьиэҕэ олорон, оскуолабытыгар үлэлиибит. Сотору табылыннаҕына, эбиллээри сылдьабыт. Тапталбыт уота өссө күүһүрбүтэ. Эльвира эмиэ ыал буолбута. Биһиги аттыбытыгар олороллор. Үөрэ-көтө ыалдьыттаһабыт. Биһиги дьоллоохпут!

А
Оодьэ

физик
долгуйдум дии…

Stas83
эх эбэм оскуоланы бутэриэхпиттэн хаьан ойохтого5ун нохоо диирэ))) этэннэ 24 сааспар ыал буолан хос сиэн корон баран антах дойдуулаабыта

бисер
Мин эйигин эйдуубун, улэнэн эрэ олорума, олох кэрэтин билиэхтээххин, саатар о5олон для себя. Аналлааа5ын киирэн кэлэрин кэтэhимэ, бэйэн активнай буол, ийэн сепке этэр.

хаххан3
Оскуола оҕолоро эн оҕолоруҥ буолбатах,бэйэҥ оҕолоно оҕус.

сылгыьыт_уол
Мунура суох фантазиялаах кыыскын ди

ахсым_айан_аргыстаах
+100500,like

сулус_суьума
ахсым_айан_аргыстаах, спасибо

BlackEagle
Бэккэ суруйар кыыс эбит, ис санаата учугэй бьлх. Вегас иннигэр охсуьар кыргыттар курдук буолуо дуо. Салгыытын кэтэьэбин

сулус_суьума
Ча5ыл_, сылайыы барда

никон
сулус_суьума, ол да буоллар туманна сууламмыт кэмнэртэн дор5ооннор кэлэллэр, дууhаны тууйаллар,,,,, кэм кэминэн,,,,, а5ан билэр,,,,,

Ча5ыл_
Бүгүн элбэх кэпсээннэргин аахтым, оҕолуу үчүгэй ыраас санаалаах кэпсээннэр. Киһи сынньанар)

Элигиэт
Сулус суьума сулуьур.ОЛОХхо эрэллээх.ол бигэ тирэхтээх.Эрэлин эстибэтин.

umeles
сулус_суьума, ити айа5ын ду кырдьык ду? Мин эмиэ учууталлыы сылдьыбыта итинник курдук тугэннэр бааллар этэ.

Эмиэ эдэр учууталбын
Ээ,кэпсээн суруйаҕын ди,дьиҥнээх олоххо баара буолуо эрээри,кинигэ…

umeles
Дессе оскуола карпаративын накалларын суруй ээ. Наар сарсыарда кунус эрэ буотах буо учууталлыы киэьээнни туунну оло5ун эмиэ суруй э.

сулус_суьума
umeles, туох да накал суоҕа түүҥҥү олох буолан

миитэрэй_кыыьа
привет, ждем продолжения

сулус_суьума
Телефонум бырахтарбыта өр бэчээттэппэт. Уларыттахпа.

umeles
Телефонна ырааста бырахсыаххайын

идилика
Софрон Данилов ‘‘Сүрэх тэбэрин тухары’’ санатта. Үчүгэй баҕайы

сулус_суьума
идилика, махтал

Ча5ыл_
идилика, Аласов уобараһа, тоҕо?

идилика
Туох диэн ыйыта5ын Ча5ыл?

vitalya86
Кылгас да буоллар, бэт баайы кэпсээни аахтым, бар5а махтал Алина