Главная / Кэпсээннэр / Кыыс оҕо чиэһэ — кини киэн туттуута дуо?
Добавить комментарий
Эдэр кыысчаан (Кэпсэтиигэ ыҥырабыт)
Билиҥҥи кэмҥэ, олохпут уларыйан, урукку сыаннастар, принциптэр эмиэ атын буоллулар. Эдэр ыччат олоҕу көрүүтэ олох хаамыытын кытта эмиэ уларыйан иһэр. Сиэр-майгы сатарыйар буоллаҕына, ыччат аан бастакынан ону ылынар. Ол курдук, арыгылааһын, табахтааһын, наркомания куһаҕан быһыылаах күннээҕи олох ыар көстүүтэ буола кубулуйдулар. Мантан сиэттэрэн, кыыс оҕо чиэһэ, кини ырааһа оруоллаах буоларын дуу, уонна чуолаан, уол аймахха болҕомтоҕо ылылларын дуу, суоҕун ырыҥалыы сатаатыбыт. Олох сайдыыта балысхан. Билиҥҥи кэм сайдыылаах кыргыттара, уолаттара: “Аата, итинник көстөн турар боппуруоска тоҕо төбөлөрүн сыстахтарай? Предрассудки! Итини ырыта да барыллыбат! “—Диэхтэрин сөп. Оттон кинилэр төрөппүттэрин санаалара атын буолуо. Ханнык баҕарар киһи, ордук сибэкки курдук кэрэ-нарын кыыс оҕо, бэйэтин үйэтигэр итинник боппуруоһу кытта ыы-муннунан “харсыһа” түһэр. Ханнык эмит быһаарыныыны ылыныан наада. Аан дойду үрдүнэн, Россияҕа даҕаны, эт-хаан өттүнэн ситээт да, оҕолор 14-15 саастарыттан половой олоҕунан олорон бараллара кистэл буолбатах. Оттон биһиэхэ, 18 саастан ыла, харыстанан туран, көҥүллүк половой олоҕунан олоруохха сөп дуо? Уруккуттан иҥэн хаалбыт санаа баарынан, хайаан даҕаны кыыс эргэ тахсыар диэри чиэһин харыстыахтаах, оттон уол хайдах баҕарар күүлэйдиирэ көҥүл. Ити өйдөбүлү кытта, билиҥҥи эдэр көлүөнэ, эһиги, сөбүлэһэҕит дуо? Онон, куоракка саҥа кэлбит 1-2 курс студеннарыттан бу сытыы ыйытыыга аһаҕастык хоруйдуулларыгар көрдөстүбүт.
Ыйытыыларбыт манныктар: —Эһиги санааҕытыгар, кыыс чиэһэ кини киэн туттуута буолар дуу, эбэтэр, төттөрүтүн, кини итэҕэһэ дуу? Эйиэхэ ол төһө оруолу оонньууруй? Ааҕааччыларга туох түмүк санаалааххыный?
Миша: — Мин санаабар, кыыс чиэһэ — кини киэн туттуута. Девственниица кыргыттары убаастыыбын. Олохпор аҕыйах оннук кыргыттары көрсүбүтүм. Ол гынан баран, миэхэ кыыс бэйэтинэн сөбүлэһэн утуйар буоллаҕына, туох буолуой, үчүгэй. Оттон кэргэммин төһө да таптаабытым иһин, кыыс буолбатах буоллаҕына, убаастаабаппын. Син биир туох эрэ куһаҕан черта курдук буолар. Билиҥҥи үйэҕэ ыраас кыргыттар олус аҕыйаатылар, ону баҕас бэйэбинэн билэбин…
Киниэхэ утары тылы этэр Коля: — Оттон мин санаабар, киэн туттуута буолбатах. Хас биирдии кыыс утуйуохтаах, олох минньигэһин билиэхтээх, sex диэни боруобалыахтаах. Мин кэргэним кыыс буолбатах да буоллаҕына: син биир убаастыам, таптыам этэ, тоҕо диэтэххэ, мин бэйэм эмиэ девственник буолбатах буоллаҕым дии, ол иһин миэхэ оруолу оонньообот. Чиэһинэйдик эттэххэ, миигин кытта утуйбут кыргыттар оннук буолбатах этилэр, ол эрээри мин хаһан да сырса сылдьан девственницалары эрэ “бултаспат” этим. Баҕар, ол кэнниттэн олохторо алдьаныа дии. Уол барыта мин курдук санаабат ээ…
Маннык диэн санаа эмиэ баар. К. Диэн уол: — Биллэн турар, киэн туттуулара буолар буо. Бэйэм биир да кыыстыын утуйа иликпин. Ол мин эмиэ киэн туттуум буолар. Кыргыттар, уолаттар даҕаны, боруобалыахха эрэ диэн утуйа сатаамаҥ, дьиҥнээхтик өй-санаа, эт-хаан өттүнэн ситэргитин, уонна дьиҥнээх тапталгытын кэтэһиҥ!
Влад уонна Слава: —Биһиэхэ син биир. Аһаҕастык эттэххэ, кылгас олохпутугар биир да девственницаны көрсө иликпит. Оннук кыыстыын утуйбут киһи диэн кичэл санаалаахпыт. Ол кыыс кэргэммит эбитэ буоллар бэрт буолуо этэ. Кыргыттарга туһаайан этиэхпитин баҕарабыт: акаарытыйымаҥ! Хас уол “баҕарбытын” аайы сөбүлэһэн, утуйан иһимэҥ! Төһө элбэх уоллуун утуйаҕын да, эн аатыҥ алдьанар, эйигин куһаҕаннык саҥараллар. Кэрэ куолар! Уолаттары кытта тэҥнэһэ сатаан, ааккытын түһэн биэримэҥ, киртитимэҥ!
Оттон кыргыттар итиннэ туох санаалаах эбиттэрий? Лилия:
—Мин санаабар, киэн туттуута буолбатах. Мин бэйэм эрэ туспар олоробун, атын дьон туһугар буолбатах. Санаатахпына утуйабын уонна кимниин баҕарар. Бэйэм астынар буоллахпына, тоҕо утуйуо суохтаахпыный? Тоҕо айылҕабын утаран, туттуна сылдьыахтаахпыный? Мин бэйэбин “баачабын” дии санаммаппын. Мин бииртэн сөҕөбүн: уолаттар тоҕо хас да уолу кытта утуйбут кыыһы “баача” дииллэрий? Оттон бэйэлэрэ төһө баҕарар күүлэйдииллэр эрээри! Тоҕо кыргыттары эрэ? ! .
Алена: — Ол мин киэн туттуум буолар. Хас биирдии кыыс бэйэтин убаастыыр, сыаналыыр буоллаҕына — таптыыр эрэ уолун кытта утуйуохтаах. Оччоҕо эрэ дьол диэни билиэҕэ. Таптыыр уола, ол эбэтэр таптыыр кэргэнэ. Кини кэргэнигэр бэлэҕэ буолар дии саныыбын. Билигин девственница ынырык аҕыйах, ол наһаа хомолтолоох… Кыргыттар, бэйэҕитин убаастаммаккыт дуо? ..
Яна: — Мин билигин кырыллыбытынан кыыс оҕо буолбатахпын. Кэргэннээхпин, оҕолоохпун. Кыыспын кэргэним ылбыта. Ону кэмсиммэппин. Кыыс оҕо киэн туттуута ол буолар. Онон кыргыттарга анаан этиэм этэ: мэнээх ол-бу сыста сатаабыт, туһана сатаабыт уолаттар тылларын итэҕэйэн, киирэн биэримэҥ. Кинилэр эһиги тускутунан санаабаттар, бэйэлэрин күннээҕи баҕаларын толороллор. Бэйэҕит кэмсиниэххит.
Дьэ ити курдук эдэр ыччат араас-араас аһаҕас санааларын иһиттибит. Туох диэн түмүгү оҥоруохха сөбүй? Уолаттар да, кыргыттар да эппиэттэрэ: ордук кыыс оҕо киэн туттуута буолар, чиэһин харыстыахтаах диэн өйдөбүлү биэрэллэр. Ол эбэтэр ыксаабакка, тапталгытын көрсөн, дьиҥнээх дьол диэн тугун билэ сатыырга сүбэлииллэр. Атын өттүттэн ылан көрдөххө, олох диэн, ордук эдэр саас күндү күннэрэ биирдэ бэриллэллэр…
Оттон эһиги туох санаалааххытый? “Тэтим” диэн бэлиэтээн, редакцияҕа суруйуҥ, күүтүөхпүт.
Мэлдьи эһигини кытта: PANDA уонна VITAminkA
Эдэр саас хаһыаттан №16 (25.04.2001)
Билиҥҥи кэмҥэ, олохпут уларыйан, урукку сыаннастар, принциптэр эмиэ атын буоллулар. Эдэр ыччат олоҕу көрүүтэ олох хаамыытын кытта эмиэ уларыйан иһэр. Сиэр-майгы сатарыйар буоллаҕына, ыччат аан бастакынан ону ылынар. Ол курдук, арыгылааһын, табахтааһын, наркомания куһаҕан быһыылаах күннээҕи олох ыар көстүүтэ буола кубулуйдулар.
Мантан сиэттэрэн, кыыс оҕо чиэһэ, кини ырааһа оруоллаах буоларын дуу, уонна чуолаан, уол аймахха болҕомтоҕо ылылларын дуу, суоҕун ырыҥалыы сатаатыбыт.
Олох сайдыыта балысхан. Билиҥҥи кэм сайдыылаах кыргыттара, уолаттара: “Аата, итинник көстөн турар боппуруоска тоҕо төбөлөрүн сыстахтарай? Предрассудки! Итини ырыта да барыллыбат! “—Диэхтэрин сөп. Оттон кинилэр төрөппүттэрин санаалара атын буолуо. Ханнык баҕарар киһи, ордук сибэкки курдук кэрэ-нарын кыыс оҕо, бэйэтин үйэтигэр итинник боппуруоһу кытта ыы-муннунан “харсыһа” түһэр. Ханнык эмит быһаарыныыны ылыныан наада. Аан дойду үрдүнэн, Россияҕа даҕаны, эт-хаан өттүнэн ситээт да, оҕолор 14-15 саастарыттан половой олоҕунан олорон бараллара кистэл буолбатах. Оттон биһиэхэ, 18 саастан ыла, харыстанан туран, көҥүллүк половой олоҕунан олоруохха сөп дуо? Уруккуттан иҥэн хаалбыт санаа баарынан, хайаан даҕаны кыыс эргэ тахсыар диэри чиэһин харыстыахтаах, оттон уол хайдах баҕарар күүлэйдиирэ көҥүл. Ити өйдөбүлү кытта, билиҥҥи эдэр көлүөнэ, эһиги, сөбүлэһэҕит дуо?
Онон, куоракка саҥа кэлбит 1-2 курс студеннарыттан бу сытыы ыйытыыга аһаҕастык хоруйдуулларыгар көрдөстүбүт.
Ыйытыыларбыт манныктар:
—Эһиги санааҕытыгар, кыыс чиэһэ кини киэн туттуута буолар дуу, эбэтэр, төттөрүтүн, кини итэҕэһэ дуу? Эйиэхэ ол төһө оруолу оонньууруй? Ааҕааччыларга туох түмүк санаалааххыный?
Миша:
— Мин санаабар, кыыс чиэһэ — кини киэн туттуута. Девственниица кыргыттары убаастыыбын. Олохпор аҕыйах оннук кыргыттары көрсүбүтүм. Ол гынан баран, миэхэ кыыс бэйэтинэн сөбүлэһэн утуйар буоллаҕына, туох буолуой, үчүгэй. Оттон кэргэммин төһө да таптаабытым иһин, кыыс буолбатах буоллаҕына, убаастаабаппын. Син биир туох эрэ куһаҕан черта курдук буолар. Билиҥҥи үйэҕэ ыраас кыргыттар олус аҕыйаатылар, ону баҕас бэйэбинэн билэбин…
Киниэхэ утары тылы этэр Коля:
— Оттон мин санаабар, киэн туттуута буолбатах. Хас биирдии кыыс утуйуохтаах, олох минньигэһин билиэхтээх, sex диэни боруобалыахтаах. Мин кэргэним кыыс буолбатах да буоллаҕына: син биир убаастыам, таптыам этэ, тоҕо диэтэххэ, мин бэйэм эмиэ девственник буолбатах буоллаҕым дии, ол иһин миэхэ оруолу оонньообот. Чиэһинэйдик эттэххэ, миигин кытта утуйбут кыргыттар оннук буолбатах этилэр, ол эрээри мин хаһан да сырса сылдьан девственницалары эрэ “бултаспат” этим. Баҕар, ол кэнниттэн олохторо алдьаныа дии. Уол барыта мин курдук санаабат ээ…
Маннык диэн санаа эмиэ баар. К. Диэн уол:
— Биллэн турар, киэн туттуулара буолар буо. Бэйэм биир да кыыстыын утуйа иликпин. Ол мин эмиэ киэн туттуум буолар. Кыргыттар, уолаттар даҕаны, боруобалыахха эрэ диэн утуйа сатаамаҥ, дьиҥнээхтик өй-санаа, эт-хаан өттүнэн ситэргитин, уонна дьиҥнээх тапталгытын кэтэһиҥ!
Влад уонна Слава:
—Биһиэхэ син биир. Аһаҕастык эттэххэ, кылгас олохпутугар биир да девственницаны көрсө иликпит. Оннук кыыстыын утуйбут киһи диэн кичэл санаалаахпыт. Ол кыыс кэргэммит эбитэ буоллар бэрт буолуо этэ. Кыргыттарга туһаайан этиэхпитин баҕарабыт: акаарытыйымаҥ! Хас уол “баҕарбытын” аайы сөбүлэһэн, утуйан иһимэҥ! Төһө элбэх уоллуун утуйаҕын да, эн аатыҥ алдьанар, эйигин куһаҕаннык саҥараллар. Кэрэ куолар! Уолаттары кытта тэҥнэһэ сатаан, ааккытын түһэн биэримэҥ, киртитимэҥ!
Оттон кыргыттар итиннэ туох санаалаах эбиттэрий?
Лилия:
—Мин санаабар, киэн туттуута буолбатах. Мин бэйэм эрэ туспар олоробун, атын дьон туһугар буолбатах. Санаатахпына утуйабын уонна кимниин баҕарар. Бэйэм астынар буоллахпына, тоҕо утуйуо суохтаахпыный? Тоҕо айылҕабын утаран, туттуна сылдьыахтаахпыный? Мин бэйэбин “баачабын” дии санаммаппын. Мин бииртэн сөҕөбүн: уолаттар тоҕо хас да уолу кытта утуйбут кыыһы “баача” дииллэрий? Оттон бэйэлэрэ төһө баҕарар күүлэйдииллэр эрээри! Тоҕо кыргыттары эрэ? ! .
Алена:
— Ол мин киэн туттуум буолар. Хас биирдии кыыс бэйэтин убаастыыр, сыаналыыр буоллаҕына — таптыыр эрэ уолун кытта утуйуохтаах. Оччоҕо эрэ дьол диэни билиэҕэ. Таптыыр уола, ол эбэтэр таптыыр кэргэнэ. Кини кэргэнигэр бэлэҕэ буолар дии саныыбын. Билигин девственница ынырык аҕыйах, ол наһаа хомолтолоох… Кыргыттар, бэйэҕитин убаастаммаккыт дуо? ..
Яна:
— Мин билигин кырыллыбытынан кыыс оҕо буолбатахпын. Кэргэннээхпин, оҕолоохпун. Кыыспын кэргэним ылбыта. Ону кэмсиммэппин. Кыыс оҕо киэн туттуута ол буолар. Онон кыргыттарга анаан этиэм этэ: мэнээх ол-бу сыста сатаабыт, туһана сатаабыт уолаттар тылларын итэҕэйэн, киирэн биэримэҥ. Кинилэр эһиги тускутунан санаабаттар, бэйэлэрин күннээҕи баҕаларын толороллор. Бэйэҕит кэмсиниэххит.
Дьэ ити курдук эдэр ыччат араас-араас аһаҕас санааларын иһиттибит. Туох диэн түмүгү оҥоруохха сөбүй? Уолаттар да, кыргыттар да эппиэттэрэ: ордук кыыс оҕо киэн туттуута буолар, чиэһин харыстыахтаах диэн өйдөбүлү биэрэллэр. Ол эбэтэр ыксаабакка, тапталгытын көрсөн, дьиҥнээх дьол диэн тугун билэ сатыырга сүбэлииллэр. Атын өттүттэн ылан көрдөххө, олох диэн, ордук эдэр саас күндү күннэрэ биирдэ бэриллэллэр…
Оттон эһиги туох санаалааххытый? “Тэтим” диэн бэлиэтээн, редакцияҕа суруйуҥ, күүтүөхпүт.
Мэлдьи эһигини кытта: PANDA уонна VITAminkA
Эдэр саас хаһыаттан №16 (25.04.2001)