Главная / Хоһооннор / Сааскы үөрүү
Добавить комментарий
Дохсун-дуолан долгун курдук Yөpүү үллэр мин дууһабар, Күнтэн күнүн өссө ордук Күн-дьыл үүнэр мин тулабар.
Сыһыыларга сырыы аайы Күөх саас эбэр дьиктилэри, Томтор аайы, толоон аайы Toҕop-ыһар кинилэри.
Сирим устун сиккиэр тыалым Сэгэлдьийэ сиэлэр-хаамар, Кэрэ тылы, кэскил тылын Сибэккигэ этэн aahap.
Долгуйан дуу, дьоллонон дуу Сибэккилэр тэтэрсэллэр — Саастыын кэлбит дьоһун дьолу Сыыһа-халты түспэтэллэр!
Сайа охсор сааскы тыаллыы Санаам миэнэ кынаттанар, Сайылыкка көспүт ыаллыы Саҥам миэнэ алгыстанар:
Хас биир быгар күөх салааттан Уйгу быйаҥ ото ситтэр, Сырдык ыраас кыым санааттан Сүрэх эрэ күүскэ тэптэр!
Хас биир киһи oлoҕугap Тустаах суолун чопчу буллар, Билэр-билбэт дьонноругар Күнтэн күнүн күндү буоллар!
Хас биир oҕo, аанын аһаат, Аралыйар күнү көрдөр, Тэлгэһэтин бастаан таптаат, Тэлэһийдэр, ыраах көттөр!
Үүнэр күнүм өрөгөйө Өрө күүрэр мин дууһабар! Oҕo сааһым күөрэгэйэ Ыллыыр-туойар тулабар!
Укажите e-mail или номер телефона для связи:
Опишите причину жалобы:
Дохсун-дуолан долгун курдук
Yөpүү үллэр мин дууһабар,
Күнтэн күнүн өссө ордук
Күн-дьыл үүнэр мин тулабар.
Сыһыыларга сырыы аайы
Күөх саас эбэр дьиктилэри,
Томтор аайы, толоон аайы
Toҕop-ыһар кинилэри.
Сирим устун сиккиэр тыалым
Сэгэлдьийэ сиэлэр-хаамар,
Кэрэ тылы, кэскил тылын
Сибэккигэ этэн aahap.
Долгуйан дуу, дьоллонон дуу
Сибэккилэр тэтэрсэллэр —
Саастыын кэлбит дьоһун дьолу
Сыыһа-халты түспэтэллэр!
Сайа охсор сааскы тыаллыы
Санаам миэнэ кынаттанар,
Сайылыкка көспүт ыаллыы
Саҥам миэнэ алгыстанар:
Хас биир быгар күөх салааттан
Уйгу быйаҥ ото ситтэр,
Сырдык ыраас кыым санааттан
Сүрэх эрэ күүскэ тэптэр!
Хас биир киһи oлoҕугap
Тустаах суолун чопчу буллар,
Билэр-билбэт дьонноругар
Күнтэн күнүн күндү буоллар!
Хас биир oҕo, аанын аһаат,
Аралыйар күнү көрдөр,
Тэлгэһэтин бастаан таптаат,
Тэлэһийдэр, ыраах көттөр!
Үүнэр күнүм өрөгөйө
Өрө күүрэр мин дууһабар!
Oҕo сааһым күөрэгэйэ
Ыллыыр-туойар тулабар!