Содержание

• Саҥа бобуу туохтан харыстыырый
• Бобуу хайдах үлэлиирий
• Бобууну хайдах холбуубут
• Бобууну хайдах араарабыт

Россия Банкатын статистикатынан, 2024 сылга албынначчылар дьон счеттарыттан 27,5 млрд солкуобайы хаһаайыттарын көңүлэ суох ылбыттар. Бу суумаҕа телефон нөҥүө албынначчыларга бэйэлэрэ “куттала суох счекка” көһөрбүт харчылара киирбэт.

Дьон харчытын харыстыырга, кулун тутар 1 күнүттэн саҥа сокуон күүһүгэр киирдэ, ол курдук кредит ылары бэйэҕэ бобууну туруорар кыах баар буолла.

Саҥа бобуу туохтан харыстыырый

Бобуу кулун тутар 1 күнүттэн кэнники ылар потребительскай кредиттэргэ эрэ дьайар. Харыстабыл көмөлөһүө, өскөтүн албынначчылар киһи данныйдарын туһанан кредит ылары холонор эбэтэр телефон нөҥүө албынначчылар “куттала суох” счекка харчы көһөрөргө кредит ылары көҕүлээтэхтэринэ.

Бобуу маннык кредиттэргэ дьайбат:

▶ автокредит
▶ ипотека
▶ судаарыстыба өйөбүллээх үөрэх кредитэ

Бу кредиттэри хас да мүнүтэнэн оформляйдаабаттар, манна дьиэ, квартира эбэтэр массыына туһунан, залог туһунан уонна атын информация наада.

Бобуу урут ылбыт кредитнэй карталарга эбэтэр овердрафт өҥөтүгэр эмиэ дьайбат. Бобуу дебетовай карталарга уонна банк атын счеттарыгар сыһыана суох, албынначчылар эбэтэр туһанааччы бэйэтэ оҥорор көһөрүүлэри хааччахтаабат.

Бобуу хайдах үлэлиирий

Туһанааччы сайабылыанньаны биэрдэҕинэ, бобуу туһунан информация кини кредитнэй историятыгар киирэр. Банктар уонна атын финансовай тэрилтэлэр кредит биэриэн иннинэ историяны бэрэбиэркэлиэхтээхтэр.

Бобуу баар буоллаҕына, кредитор потенциальнай ылааччыга кредит биэрэриттэн аккаастыахтаах.

Өскөтүн бобууну учуоттаабакка кредит биэрдэхтэринэ, ылааччыттан харчыны төнүннэрэри ирдээбэттэр. Сокуон дьайыытын Госдумаҕа итинник быһаараллар.

Гражданин бобуу баар кэмигэр түһэрсибит кредитнэй договор эбээһинэстэрин толоруо суохтаах

Бобууну туруорары уонна устары хаһыс баҕарар төгүл оҥоруохха сөп. Туруорбут бобуу туһанааччы уһулуор диэри бүтүн кэмҥэ дьайар. Өҥө босхо, Госуслугаҕа эбэтэр МФЦ-га холбуохха сөп.

Туруорбут бобуу 22:00 диэри сайабылыанньаны биэрдэххэ ол күн, оттон хойут биэрдэххэ сарсыныгар күүһүгэр киирэр.

Бобууну хайдах холбуубут

МФЦ киэнэ барыта өйдөнөр. ИНН, паспорт ылабыт уонна чугастааҕы отделениеҕа барабыт. Өскөтүн дьиэттэн Госуслуга сыһыарыытынан оҥоруоххутун баҕарар буоллаххытына, маны оҥоруҥ:

1. Госуслуганы саҥардыҥ эбэтэр браузердааҕы веб-версияны туһаныҥ.

2. Сыһыарыыга Услуги вкладкаҕа көһүҥ.

3. Штрафы Налоги диэн салааны арыйыҥ. – Установление запрета на получение кредита.

4. Өҥө туһунан информацияны ааҕыҥ, Начать диэни баттааҥ уонна паспорт данныйдарын уонна ИНН бэрэбиэркэлээ.

5. Бобуу көрүҥүн талыҥ:

▶ Полный – бары займ көрүҥнэригэр уонна тэрилтэлэргэ дьайыа.

▶ Частичный – займ көрүҥнэрин уонна тэрилтэлэри талыахха сөп. Холобур, банктарга сөп, оттон микрокредитнай тэрилтэлэргэ – суох эбэтэр төттөрү.

6. Бобуу дьайар эйгэтин талыҥ:

▶ На дистанционную – онлайн кредит ылар табыллыбат, оттон тус бэйэтинэн кэлэн – сөп.

▶ На очную и дистанционную – толору бобуу.

7. Подтвердить диэни баттааҥ уонна өҥө холбоммутун туһунан биллэрии кэлиэр диэри кэтэһиҥ.

Бобууну хайдах араарабыт

Бобууну эмиэ Госуслугаҕа эбэтэр МФЦ-га араарыахха сөп. Хааччахтааһыны икки суукканан эрэ устуохтара. Бу албынначчылар телефон нөҥүө итини оҥорорго күһэйбэтиннэр диэн көмүскэл курдук.

Болҕойуҥ! Госуслуга нөҥүө бобууну устарга УНЭП – «Госключ» мобильнай сыһыарыыттан ылбыт күүһүрдүллүбүт квалификацията суох электроннай илии баттааһына эбэтэр УКЭП – күүһүрдүллүбүт квалификациялаах электроннай илии баттааһына наада буолуо. Маннык илии баттааһынын ылыахха наада буолар эбэтэр МФЦ-га бобууну устуохха сөп.

Бобуу араарыллыбытын кэннэ, займ ылыахха сөп уонна инникигэ бобууну хат холбуохха сөп.

Кырдьаҕас аймахтаргытыгар инструкцияны ыытыҥ эбэтэр бэйэҕит бу туһалаах опцияны холбооҥ, куһаҕан дьонтон харыстаныҥ.