Главная / Кэпсээннэр / Туох аньыыбар маннык буолла?
Добавить комментарий
Биир сыл тастыҥ хаан уруу бырааппын аhынаммын бэйэбэр олордубутум, үлэлээн харчы оҥостуо диэн. Кини эhэтэ уонна мин аҕам бииргэ төрөөбүттэр.
Дьэ ити курдук үлэ булан үлэлээн барда. Мин үлэ булбутугар үөрүү бөҕөтө. Киниттэн харчы да көрдөөбөт этим, бэйэтигэр оҥостуннун диэн.
Чэ, ити курдук олордубут. Кыыhым убайынаан эйэлээх баҕайытык сыhыаннаhаллар. Мин көрдөхпүнэ убайа балтыгар наhаа кыhаллар.
Арай биир үтүө күн кийиитим этэр: “Уулусса устун подружкалаhан аҕай хаама сылдьаллар”, – диэн. Ону мин убайа диэн улаханнык аахайбатым. “Ама оннук буолуо дуу”, – диэн ону-маны толкуй бөҕөҕө түстүм. “Ээ, чэ бээ, хайдах, тугу эмиэ толкуйдаан эрэбиний?” – диэн санаабар бэйэбин уоскутуннум.
Арай биирдэ кыыhым бырааппынаан этистилэр быhыылаах, кыыhым иhигэр тугу эрэ ботугуруу-ботугуруу таhырдьа ыстанан таҕыста. Мин соhуйдум аҕай. Аны кэнниттэн быраатым эккирэтэн таҕыста. “Хайа, бу туох ааттаах сырыстыгыт, туох буоллугут?!” – диэн кыыhырдым. Онно тохтоотулар.
Дьэ хараҕым ынырыгын да баалла сылдьыбыт эби-ит! Биир үтүө күн барыта ыгыллан таҕыста. Быраатым да диэхтээн, балтын отой да ойох оҥосто сылдьар эбит… Бу саатын-суутун! Дьэ киhи сирэйэ саатар… 30-тан тахсыбыт дьээдьэ буолан баран. Кыыhым да баар, иккиэн билэ-билэ итинник саакка-суукка киллэрдилэр. Өссө оҕо түhэттэрбиттэр, дьэ улахан аньыыны оҥорбуттар.
Эбиитин булан-булан кыыhым бастакы киhитэ, кырыллыбытынан кыыспын кэбилээтэ… Кыыhым миэнэ уол диэҥҥэ наадыйбат этэ, дискотекаларга да барбат. Күүлэйдээбэт даҕаны. “Ийээ, бастакы тапталым ээ”, – диир. “Аньыы даҕаны, ону-маны саҥарыма”, – диибин.
Өссө дьонум отой даҕаны ыал буолаары оҥосто сылдьар эбиттэр. Улахан айдаанынан араартаабытым. Кыыспар туох баарынан өйдөтөн-быhааран, син өйдөөтө.
Билигин ол баҕайы сааппакка ардыгар өссө миэхэ эрийэр, ханна баарый дии-дии. Сааппакка кыыспар эрийэр үһү, хата кэпсэппэтэх. Билигин нүөмэрин уларыппыта.
Ол баҕайы миигиттэн сааппакка ыйыта олордоҕо. Буруйум диэн таах-сибиэ олордон, таах-сибиэ аhынан… Бэйэбин буруйданабын. Этэргэ дылы, ийэ буруйа диэн итини эттэхтэрэ: кыыhын көрбөккө, аймаҕын аhынан кыыhын олоҕун алдьатта диэн. Сөпкө да этэллэрэ буолуо…
Саха дьахтара.
tuymaada 14 апреля, 2026
Укажите e-mail или номер телефона для связи:
Опишите причину жалобы:
Аудиота:
🎵 Туох аньыыбар маннык буолла? — Кэпсиэ
Биир сыл тастыҥ хаан уруу бырааппын аhынаммын бэйэбэр олордубутум, үлэлээн харчы оҥостуо диэн. Кини эhэтэ уонна мин аҕам бииргэ төрөөбүттэр.
Дьэ ити курдук үлэ булан үлэлээн барда. Мин үлэ булбутугар үөрүү бөҕөтө. Киниттэн харчы да көрдөөбөт этим, бэйэтигэр оҥостуннун диэн.
Чэ, ити курдук олордубут. Кыыhым убайынаан эйэлээх баҕайытык сыhыаннаhаллар. Мин көрдөхпүнэ убайа балтыгар наhаа кыhаллар.
Арай биир үтүө күн кийиитим этэр: “Уулусса устун подружкалаhан аҕай хаама сылдьаллар”, – диэн. Ону мин убайа диэн улаханнык аахайбатым. “Ама оннук буолуо дуу”, – диэн ону-маны толкуй бөҕөҕө түстүм. “Ээ, чэ бээ, хайдах, тугу эмиэ толкуйдаан эрэбиний?” – диэн санаабар бэйэбин уоскутуннум.
Арай биирдэ кыыhым бырааппынаан этистилэр быhыылаах, кыыhым иhигэр тугу эрэ ботугуруу-ботугуруу таhырдьа ыстанан таҕыста. Мин соhуйдум аҕай. Аны кэнниттэн быраатым эккирэтэн таҕыста. “Хайа, бу туох ааттаах сырыстыгыт, туох буоллугут?!” – диэн кыыhырдым. Онно тохтоотулар.
Дьэ хараҕым ынырыгын да баалла сылдьыбыт эби-ит! Биир үтүө күн барыта ыгыллан таҕыста. Быраатым да диэхтээн, балтын отой да ойох оҥосто сылдьар эбит… Бу саатын-суутун! Дьэ киhи сирэйэ саатар… 30-тан тахсыбыт дьээдьэ буолан баран. Кыыhым да баар, иккиэн билэ-билэ итинник саакка-суукка киллэрдилэр. Өссө оҕо түhэттэрбиттэр, дьэ улахан аньыыны оҥорбуттар.
Эбиитин булан-булан кыыhым бастакы киhитэ, кырыллыбытынан кыыспын кэбилээтэ… Кыыhым миэнэ уол диэҥҥэ наадыйбат этэ, дискотекаларга да барбат. Күүлэйдээбэт даҕаны. “Ийээ, бастакы тапталым ээ”, – диир. “Аньыы даҕаны, ону-маны саҥарыма”, – диибин.
Өссө дьонум отой даҕаны ыал буолаары оҥосто сылдьар эбиттэр. Улахан айдаанынан араартаабытым. Кыыспар туох баарынан өйдөтөн-быhааран, син өйдөөтө.
Билигин ол баҕайы сааппакка ардыгар өссө миэхэ эрийэр, ханна баарый дии-дии. Сааппакка кыыспар эрийэр үһү, хата кэпсэппэтэх. Билигин нүөмэрин уларыппыта.
Ол баҕайы миигиттэн сааппакка ыйыта олордоҕо. Буруйум диэн таах-сибиэ олордон, таах-сибиэ аhынан… Бэйэбин буруйданабын. Этэргэ дылы, ийэ буруйа диэн итини эттэхтэрэ: кыыhын көрбөккө, аймаҕын аhынан кыыhын олоҕун алдьатта диэн. Сөпкө да этэллэрэ буолуо…
Саха дьахтара.
tuymaada 14 апреля, 2026
🎵 Туох аньыыбар маннык буолла? - Ааҕар Татыйык