Эдэр Саас №39 (29.09.1999)

Атырдьах ыйын 4 күнүгэр тахсыбыт “Сүрэх кистэлэҥэ” рубрикаҕа “Оҕолооҕум буруй дуо? ” — Диэн А. Суруйбутун ааҕан баран, бэйэм санаабын үллэстэргэ быһаарынным. Бу тахсыбыт сурук олус диэн дириҥ ис хоһоонноох, кырдьык да киһи барыта даҕаны сүрэҕэ долгуйар гына кэпсэммит. Билиҥҥи маннык тыйыс олоххо икки өттүбүтүгэр түһүү-тахсыы наһаа элбээбит кэмэ. Ол да буоллар олохпутун бэйэбит чочуйан олоро сатыахтаах этибит.
Бэйэм ыал аҕата буолабын, икки тулаайах оҕолоохпун. Ол иһин А. -іА туох баар кыахпынан сүбэ-ама буола сатыам этэ. Бу кэпсэммит олоххор кырдьык да, оҕо буруйа суох уонна эйиэхэ мэһэйи үөскэппэт. Сокуоннай кэргэниҥ да, ити билсибит табаарыстарыҥ да улаханнык сыыспыттар. Бу кинилэр олоҕу үчүгэйдик билбэттэрин көрдөрөр. Ол оҕолоох буоллум да, олоҕум бүтэр диэмэ.
Мин санаабар А. Олус кэрэ, нарын, холку киһи быһыылаах. Билиҥҥи үйэҕэ киэҥи толкуйдуур, оҕотун туһугар ыалдьара уонна олоххо дьиҥ-чахчы тардыһара көстөр. Иккиһинэн ыллахха, А. Саха ыала чэгиэн-чэбдик буоларыгар, оҕо-аймах тулаайах хаалбатыгар баҕарар. Онтон бу эр бэртэрэ кинини буорга-сыыска тэпсибиттэрэ сүрүн. Бу оҕону буруйдуу, киэр хайыһа сатааһыннара киһини дьиксиннэрэр. Мин санаабар урут туох буолбутун барытын умнуохха наада. Уонна саҥалыы сиэринэн олоххо тардыһыахха, бэйэ бодону туттунуохха, үлэҕэ күүскэ турунуохха, оҕону бэйэҕиттэн үгүстүк араарымыахха наада. Оччоҕо сыыйа бу ыарахан санаалар сүтэн иһиэхтэрэ. Онтон кэлин олох бэйэтэ көрдөрөн иһиэ буоллаҕа. Оргууйдук, ыксаабакка толкуйдаан, тутан-хабан көрүөххэ наада. Хаһан эмэ бэйэтэ тиийэн кэлиэ дии.
Мин А. -іА баҕарыам этэ, сырдык-кэрэ тапталы, күн сиригэр кэрэни, үлүгэр үрдүк ситиһиилэри. Оҕоҕор ийэ иэйии сылаас тапталы уонна иккиэҥҥитигэр дьолу, доруобуйаны.

Сүбэ киһитэ.
Уус-Алдан.