Дьэ мин аатым, Ньукулай, билигин эһээбин, хата хайдах ойох ылбытым туһунан ахтан ааһыым кылгастык.
Отучча сааспар дылы ойох суох, оту маһы тардыалыыр сааһым…
эр киһи буолан син ситтэҕим дии, ойох көрдүүбүн да бары тумна сылдьаллар…
буруйум диэн, буоккачаан, табаарыс. Көрүстүм да оройун алларан ааһабын уонна бэйэм түҥ- таҥ түһүү буолабын, сороҕор ыал олбуорун айаҕар да хонон турарым баар буолар…
чэ бээ наһаа халыйаары гынным кылгатыахха, биирдэ дьэ холостуой уолаттары мунньан, дурууска, диэн ааттаан сыантырга таҥкынатан илтилэр уончабыт…
кулуубка тиийбиппит дьэ доҕоор киһи лыык курдук, үҥкүү бөҕөтө. Айаннаан кэлбит дьону чэйдэттилэр, остуол мааны сухой уонна буоккачаан…
мин, тэп, гынарыы бөҕөтөө, утаппыт ынах курдук…
сотору үҥкүүгэ таһаардылар, мин харса суоҕум киирэ сылдьар. Биир мааны дьахтары үҥкүүгэ ыҥырдым, Натааһабын,, диэтэ.
Дьэ түөс бөҕөтө, хап–хара уһун соһуоҕа субуллар, кыламан иэдээн иэҕиллэн, мап маҥан тииһээ…
дьэ биир этиинэн уол оҕото таба тайанным быһыылаах.
Кэпсэтии–ипсэтии бөҕөтөө, син уһуннук куустуһан үҥкүүлээтибит. Ыгыта куустуһуу, сыстыһыы көҕүйэн да бардым, ону билбит курдук дьахтарым,, миэхэ баран ыалдьыттаа,, диэн ыҥырда, мин уөрэн өрө көтө түстүм…
дьиэтэ чугас эбит, арай дьахтарым уотун аспакка эрэ хоһугар ааста, мин дьыбааҥҥа олорон син кэтэстим да тахсыбата…
ээ чэ синэ биир дии санаан хос аанын аспытым аһаҕас, дьахтарым ороҥҥо тиэрэ түһэн сытар, мин түргэн үлүгэрдик таҥаспын ньылбы тэбээт, дьахтарым хоойугар, чып, гынным…
суорҕаны арыйан кууһан түөһүн убахтаары гыммытым туох да суох кураанах эмиий…
соһуйан илиибин төттөрү тартым уонна арай өйдөөн көртүм мап-маҥан баттахтаах эмээхсин сытар, тиис–кыламан суох,
мин хаһыыра түһэн баран таҥаспын харбаат таһырдьа ыстанным, кутталбыттан баттаҕым турарга дылы гынна, сап–салыбырас буоллум ыксалынан таҥнара кулууб диэкки сүүрдүм.
Хата дьоммун баттастым, массыынаҕа олорон тугу да саҥарбаппын, сүрэҕим хайда сыстаҕа үһү. Уолаттар күлсүү бөҕөлөр, кими кытта билсибиттэрин кэпсэтэллэр, мин суох.
Онтон ыла арыгыбын дуостал бырахтым, үрүүмкэни ыллахпына эмээхсин муустааҕынан көрөн баран сытара көстөн кэлэр, оччоҕо салыбырыы түһэбин.
Ол курдук бэйэм соҕотоҕун түөрэҥэлии сырыттым, ойох,, диэн тылы иһиттим да уунан ыстарбыт курдук буола түһэбин. Ол курдук сүрэҕим саллыбыт. Үлэ бөҕөтө, хайҕаныы харса суох буолла, аны испэт буолан суопардыыбын. Хата балтым, дьонум үөрүү бөҕөлөр испэт буолбуппуттан.
Ол курдук икки сыл ааһа оҕуста, билсэ сатыыр кыыс–дьахтар элбээтэ, урут сиргэнэн тумнар бэйэлэрэ аны тылланан тураллар. Мин кыһыыбар

баттахтарыгар түһүөхпүн баҕарабын.
Арай биир күн балтым, миигин сыантырга илдьэ бар, диэн турда.
Хайыахпыный бардыбыт,, ханна сылдьаҕын,, диэбиппэр били мин куоппут дьиэбин ыйда, олох сүрэҕим тохтуурга дылы гынна, киириэххэ куттаныма, диэт олох күүһүнэн соһон киллэрдэ.
Арай киирбиппит били мин үҥкүүлээбит Натааһам көрүстэ, миигин көрөөт мүчүк гынар…
кыргыттар сырай сырайдарын көрсөөт күлүү бөҕөлөр. Мин тугу да өйдөөбөтүм, миигин сиэтэн хоско илтилэр, арай ороҥҥо били эмээхсин мээнэннэн көрөн баран сытар эбит,
пахоой онтукам өйдөөн көртүм чуучула эбит, бэйэбиттэн бэйэм бэркиһээн күлэн тоҕо бардым…
чуучуланы хоонньоһо сатаабыппын, сүрүүн…
билигин Натааһалыын холбоһон оҕо–сиэн бөҕөтө.
Чуучула баар, оҕолор, ыйыталлар эбээтэн, кэнники сиэннэр.
Ээ ити эһээ дьоло, диир эбээлэрэ уонна күлэн мыттыйар.

Сүөдэр. Арыылаах.