Тохсунньубут дьэ бүтэн
Тымныытынан тыынара
Тохтуур кэмэ чугаһыыр
Арыый үөһэ тыыннартыыр

Күммүт үөһэ күөрэйэн
Кини эмиэ үөрбүттүү
Көрөр күҥҥэ уһуннык
Сырдык кэмин уһатан

Оччоҕуна мин эмиэ
Олоотуурум дьэ элбиир
Онно манна хаамыахпын
Олуһун баҕаран кэлэбин

Хайа диэки хаамыахха
Кими, тугу көрүөххэ
Санааларбар мунаммын
Саарыы түһэн ылабын

Соҕотоҕун чуҥкуйан
Олорбоппун отойун
Орох тэппит суоллардаах
Ыаллар бааллар миэхэҕэ

Ыалга аһыы тиийбэппин
Сонун, нуомас үллэстэ
Сэһэргэһэ түһээри
Ааспыт суолу ахтыһа

Аралдьыйа таарыйа
Атастарбын ахтабын
Ааннарын тардан көрөбүн
Тоҥсуйабын кыратык

Дөрүн кэтэһэ түһээтин
Төннөр суолбун тутабын
Арыт оннук эмиэ баар буолар
Төлөрүйбэт хатыыртан
Төннө туруу баар буолар

Сорох дьэ үөрэ көрсүө
Сонуннары үллэстии
Үүттээх чэйи кытары
Үөрэ көтө кэпсэтии

Дьону кытары алтыһан
Дуоһуйа тыынар,кэпсэтэр
Салгын курдук наадалаах
Буолар эбит ардыгар

Сол эрэн ардыгар
Бааллар эбээт хатыырдаах
Күнүстэри күлүүстээх
Олбуор кытары олуурдаах
Отой сылдьыбат ыалларым

Тыа ыала үгүһэ
Тастан сылдьар ыалдьыкка
Элэккэйэ эйэҕэһэ
Үөрдэр эбээт ыалдьыты

Киирбит киһи көрдүү киирбэт
Баҕар иттэн ааһыа киирбиччэ
Салгын курдук наадалаах
Сонун нуомас үллэстиэ

Саха ыала сайаҕас
Тыа ыала ыалдьытысах
Уруккуттан уруумсах
Буолар эбит былыргыттан