Быстах кэлэн ааһар дьолу,
кэтэһэбит көрдьүүбүт,
Эрэл санаа кыымын саҕан,
эрэллээхтик күүтэбит.

Күнүн аайы,сылын аайы көрдьөһөбүт үҥэбит,
Айах тутан,аһы кээһэн
тылбытынан алҕыыбыт.

Бара сатаан омук сылын,
үтүктүбүтэ буолабыт,
Эҥин араас үөннэри,
айхаллыыбыт уруйдуубут .

Барар сирбит баҕана үүтэ,
кэлэр суолбут кэлии үүтэ,
Муна - тэнэ сылдьабыт,
дьолу көрдөөн сүпсүгүрэбит.

ДЬӨГҮӨР. ТААТТА .

Оҕо сааһым таптала,умнуллубат
өлбөөдүйбэт кэрчигэ,
Ааспат эбит билигин да,өйтөн
сүппэт ахтылҕан.

Сатаан кыайан эппэккэ,сүрэх
иэйиитин тиэппэккэ,
Таба көрдөр ханнык диэн,
баттаҕыттан соһуулаах.

Ааһан иһэн дьээбэлээн,харах
далыгар киирээри,
Үтүрүйэн - хатыйан,куһаҕан Уол
аатыран таптаппыкка холонуу.

Оҥорон көрөн таптааһын,сурук
суруйан долгуйуу,
Табаарыстыы буолуохха,
доҕордоһон хаамсыахха.

Кэлэр этэ хардата,кып- кыһыл
көннөрүү,
Икки сыана дэндэйэр,
кыбыһыннара кытара.

Утуйбатах уһун түүн,сүрэх
тэбэр эппэҥниир,
Билбэт иэйии кууһара,
таайтарыылаах таабырын.

ДЬӨГҮӨР .ТААТТА .

Ойон - тэбэн дыгыйан,холоруктуу
эргийэн,
Үҥкүү - битии битийэн,
эрчимнээхтии хамсанан.

Бу хайа бэйэллээх,имигэстэй
Далбарай,
Кыайыы - хотуу аргыстаах,
Полиналыыр Победа.

Устар ууну сомоҕолоон,суруйара
эриэкэс,
Тута хоһуйар хоһооно,хотоҕостуу
субуллар.

Тутта - хапта сылдьара,
элэгэлдьийэ олорор,
Мээнэ харах таба туппат,
чаҕылҕанныы сырыылаах.

Кини кимий дэһэбит,Кыайыы
эбээт дэһэллэр,
Сананыма киниэхэ,аара суолга
хаалаахтыан.

Көрбүт киһи чугастан,илии иминэн
имэрийэн,
Тылын ууһун баайыттан,бэрис да
диэхтиэҕим.

ДЬӨГҮӨР .ТААТТА .

Саас ылан истэҕин аайытын,
күммүт ааһар түргэнник,
Өрө көтөн тахсыахча,киирэн хаалар саҕахха.

Тоҕо күммүт кылгаата,ойон тахсаат төннөрүй,
Кэммит кытта ыксаата,тэтимирэ
тиэтэйдэ.

Тохсус ыйбыт ааһа оҕуста,
олунньубут тиийэн кэллэ,
Оҕус муоһа кылааннырда,
туллаҥнаата сахсайда .

Хонон турдах аайытын,күүммүт
уота сылаанньыйыа,
Бэлиэтиэҕэ ириэриэ,чопчуларын
кылбачыта ыйыаҕа.

Көтөр сүүрэр кэлиэҕэ,уйа туттан
айманыа,
Сирбит кытта көҕөрүө,чээчигинэн
киэргэниэ.

Дьылбыт бүтүө,сааспыт элбиэ
чаҥчыктарбыт маҥхайыа,
Кэннибит уһуо -иннибит кылгыа,
олох түмүгэ чугаһыа.

ДЬӨГҮӨР ТААТТА