Кэпсээ

Тэмтэрийбит

Главная / Кэпсээ / Тэмтэрийбит

Добавить комментарий

К
Кэпсээ Подтвержденный 201
18.11.2024 08:24
8,728 0

Альтернативное описание изображения темы
Автор: проба 27 ноября 2012 01:54

    Папата Машаны көтөҕөн ылан восход матасыкыл бааҕыгар олордон кэбистэ. Стартерын биирдэ уктээн собуоттаата уонна бэйэтэ олордо, онтон мамата олоруста уонна дэриэбинэ устун хатааһылыы бардылар быһыыта. Маша бу оҕо сааһын биир тугэнин тоҕо эрэ өйдөөн хаалбыт, дьиҥинэн иккитин да туола илик этэ ити кэмҥэ, арааһа дьол диэн кини кыра киһи санаатыгар бу буоллаҕа: дьоллоох ийэ, аҕа, матасыкыл бааҕа уонна кини. . .
Онтон кыра бырааттанна. Тоҕо эрэ эбээлээхтэригэр сылдьаллара элбээтэ, папатын көрбөтөҕө ыраатта. Ыйыппытыгар аҕан куоракка улэлии барда детилэр. Аҕыннар да онно сөпсөһөн сырытта. Онтон аны кырачаан балтыланна. Үс сыры сыллатааҕы оҕолор тэбис тэҥҥэ улаатан истилэр. Ийэлэрэ оҕолорун туһугар, дьон сиэринэн сылдьалларыгар күһэллэрэ.

    Арай биир утуе кун дьиэлэрин иһигэр оонньуу сырыттахтарына мамалара киирэн кэллэ уонна сонун иһиттэн сиргэ тугу эрэ текунутэн кэбистэ. Маша: - „Уаай, ыт оҕото! Миэхэ да, миэхэ да? Ким диэн ааттыыбыт? ”- Игин диэн аймана тустэ. Ыттарын тутан ылан имэрийии томоруйуу, аһатыы- сиэтии буолла, Маша эппитинэн Доҕор ден ааттаатылар. Кыыспыт мантан инньэ наар Доҕорун кытта бадьыыстаһар буолла. Ыппыт эмиэ Машаны кэнниттэн батыһа сылдьара.

    Ити кэмнэргэ клубка эдэр специалист кыыс улэлии кэлбитин ийэтэ бэйэтигэр олордо ылла. Кыыс аата Варя. Кини манан, синньигэс, кыһыннары уон сантиметр шпилька хобулугуктаах, тох эрэ муру моднай сонноох, кыһыл саһыл кулгааҕа сох бэргэһэлээх. Оҕолорго сыһыана да учугэй этэ. Ол курдук олордулар. Этэннэ кыһыны туораатылар.
Сайын арай папаҕытыгар куулэйдии барабыт диэн буолла. Уеруу кетуу мунура сох. Ийэлэрэ ус оҕону соспутунан дьоллоох Дьокуускай куоракка киирэн эдьиийин аахха тустулэр. Куорат дьоно дьиэтэ мааны беҕе. Итини тыытыман, манна олорун, иннэ олоруман, маны сиэ, ини сиэмэ, инник сиэмэ беҕе буоллулар. Маша тыына быара хаайтаран, дьиэтин аҕынна игин. Онтон ол ыалларга биир кыыс баарын кытта таһырдьа площадкаһа оонньуу таҕыстылар. Хачыаллаатылар скакалкалаатылар, онтон дьиэҕэ тептеру киирээри подъезд деки хаамтылар. Арай подъезд иннигэр сурдээх бехчеҕер эмээхсин турар эбит. Маша санаатыгар инник бехчеҕер дьэгэ бааба эрэ буолуон син курдуга. Толлон турда, кыыһа да куттанна быһылаах: “Давай ити эмээхсин барарын кэтэһэн баран киирэбит да? Э давай мин эйиэхэ Ленины кердеребун да? “- Диэбитигэр биһи киһибит уерэ кете себулэстэ уонна сиэттиһэн баран уулусса диэки хаама турдулар. Площадь Ленина тиийэн памятнигы керен баран турдулар, Маша эһээ Ленин маннык эбиккин дуу диэн тула хаама сылдьан одууласта. Онтон дьиэлиэххэ дьоммут кыыһырыахтара диэн теттеру бардылар. Бардылар да дьиэлэрин сатаан булбатылар, арай туран барыта биир баһайы дьиэлэр. Ол курдук куорат килбэйэр киинигэр мунан хааллылар.

    Ол курдук муна тэнэ сырыттылар дьиэлэри кэрийэ кэрийэ. Биһи дьиэбит ди санаабыттара атын буолан иһэр атын буолан иһэр. Маша ытаабатаҕын ытаата аны хаһан да ийэтин, дьонун керуе керсуе сох курдуга. Кыыһа Катюша уоскута сатыыр, ытаан буппэтэххинэ бу окко сытан утуйуохпут, ити сиргэ сытан хонуохпун диэн куттуур. Маша уоскуйбут курдук буолан иһэн эмиэ санаан кэлэ кэлэ иэрийэ сыһыар диэри хараҕын уутунан суунна. Ол курдук теһе ер хаампыттара буолла, биитэр биир сиргэ эргийэ сылдьыбыттара эбитэ дуу, арай биир дьиэҕэ чугаһаабыттарыгар кирилиэһинэн ийэтэ кыратын кетехпутунэн суурэн туһэн иһэр эбит. Ийэтин кэнниттэн эдьиийэ кэргэнин кытта суурэн кэллилэр. Тугу эрэ этэллэр, меҕеллер. Маша ийэтин ыксаабыт сирэйин керен ессе куускэ ытаата. Бары уоскутар аакка тустулэр. Дьиэҕэ киллэрэн иитэр уерэтэр улэ ыытан Катюшаны кыратык таһыйан табырҕаттылар. Ити курдук айманан сайманан хоннулар.
Сарсыныгар эрдэ туран автовокзалга тиийэн билет ылан ханнык эрэ автобуска олорон айаннаатылар аҕаларын улэтигэр. Син ер айаннаан тиийдилэр. Ханна эрэ киирдилэр. Дьоннор бары милиция формалаахтар. Маша папам милицияҕа улэлиир эбит дии санаата. Ийэтэ тох эрэ кумааҕы беҕетун толордо, онтон биир милиция тетенька миигин батыһын диэн сирдээн коридорунан иттэ. Барыта тимир аан, решетка. Хас ааны аастахтарын аайы тастарыттан хатааһын тыаһа халыр гынарын Маша дьиктиргии иһиттэ, тоҕо даҕаны таспытыттан хатыылларый дии санаата. Чэ оннук хааман тох эрэ хоско кэллилэр. Орон остуол олоппостор. Буттэ уонна тох да суох. Сотору

соҕус атын дьээдьэ папаларын сирдээн аҕалла. Керсуһуу айманыы буолла, оҕолор папаларын керен уердулэр кеттулэр. Ийэлэрэ аһылык бэлэмнээн аһаатылар игин. Чэ инник хас да кун хоннулар. Атын хосторго эмиэ дьоннор бааллар этэ. Оҕолор да бааллара, олору кытары оонньоон керулээн да биэрдилэр.

    Оннук курдук папаларыгар куулэйдээн баран дьиэлэригэр теттеру кэллилэр. Кун дьыл ааһан истэ. Биирдэ эмит ийэлэрэ бэйэтэ баран кэлэр этэ аҕаларыгар. Машалаах ол бириэмэҕэ били кинилэргэ олорор специалист кыыһы Варяны кытта хаалаллара. Варя хата бэркэ керер этэ, аһатан сиэтэн, таныннаран детсадка илдьэттиир, ас астыыр, хаһан да мехпет, минньигэс да атылаһан кундулуурэ.
Маша детсаттан кэллэ эрэ ытын кытта оонньуура. Хата Доҕоро сурдээх сымнаҕас ыт буолбута, лаппа улааппыта.
Ол курдук кун дьыл ааһан Маша оскуолаҕа барар кэмэ кэлбитэ. Долгуйуу игин беҕе. Манан куруһубалаах фартуктаах, манжеттаах школьнай формаланан, портфель сугэн ийэтин кытта сиэттиспитинэн оскуола диэки хаампыттара. Маша санаатыгар кинини атын сана, быдан интэриэһинэй олох куутэрэ.
Оскуолаҕа уерэнэрин олус себулээтэ. Ол тухары Доҕоро тэбис тэннэ батыһа сылдьар. Оскуолаҕа диэри атаарар, уерэнэн бутэрин кирилиэскэ сытан кэтэһэр этэ. Уроктар кэннэ тэннэ дьиэлииллэрэ. Кыһын хаар туспутун кэннэ муоста тымныытын иһин ду хайдах ду, оскуолаларын туннугэр диэри хаары курдьэн кэбистилэр. Ону эгэ эрэ диэбит курдук Доҕор ол курдьуккэ тахсан кылааһы туннугунэн енейен баран сыттаҕа уһу. Буоларын курдук оҕолор онно аралдьыйаллара элбээтэ. Учутала Машаны ыккын уур диэтэ. Тахсан уурэ сатаата да, биирбит уерэн кутуруга туулла сыста, барар аат суох. Сарсын ыта суох кэлээр диэтэ учутала. Ол иһин дьиэҕэ хаалларан баран уерэнэ барар буолла. Онтуката уһун куну быһа олорбот буоллаҕа дьи дьиэҕэ, симбиир кэлэ турар уонна улэтин курдук курдьук урдугэр тахсан олорунан кэбиһэр. Эбэтэр дьиэҕэ хааллыбат баҕаттан сарсыарда эрдэ оскуола диэки баран хаалар уонна ыраахтан кыра хаһаайката иһэрин кердеҕунэ оскуола диэкиттэн суурэн бекунуйэн кэлэрэ. Онон курдьуккэ олороругар оҕолор да учуутал да уерэнэн хааллылар.

    Маша, эппитим курдук, уерэнэрин себулээтэ. Ааҕарга начаас уерэннэ, библиотекаҕа суруйтарда. Кылааһыгар староста игин буолла. Чэ инник уерэнээхтии сырытта. Биир уерэх сыла биллибэккэ ааста. Сайынны каникул буолла. Оҕо оҕо курдук сайыны оонньоон керулээн, сетуелээн, ол бу кыра быракаас да онорон атаарда. Куһун буолан иккис кылааска киирдэ. Ийэлэрэ ыарытыйан балыаһаҕа киирдэ. Онон Машалаах Варяны кытта олордулар. Варя барахсан кулууп улэһитэ буоллаҕа дьи онон киэһээнни мероприятие, киинэ игин буолар буоллаҕына ус оҕону соһон эбээлээхтэригэр аҕалан хааллартаан баран кулуубугар барара, эрдэ улэлээн буттэҕинэ теттеру илдьэ барара, сороҕор оҕолор дьонноругар хоно хаалаллара. Биирдэ эмит улахан дьон сеансын киинэ кердерер сиртэн керерге, олох айдаарбат буоллаххытына диэн усулуобуйалаах кенуллээн илдьэ барара. Кыра балта онно наар подведи гынан то ыллыыр, то айдаарар, то ытыыр. Кырата да бэрт буоллаҕа дьи, тэһийбэтэ игин буолуо, онон кини уксугэр эбээлээҕэр хаалара.

    Арай биир киэһэ Варялара эмиэ уһуеннэрин эбээлээхтэригэр аҕалан хааллартаан баран кулуубугар барда. Оҕолор хоско оонньуу сырыттылар, эмискэ ааны тонсуйдулар уонна ким эрэ киирэн кэллэ. “Дорооболорун! " Диэн улахан сана иһилиннэ. Эбээтэ керен баран: “Баһах! Хата бу кэллэ! “- Диэн емурэ тустэ. Айманыы буолла. Маша ким кэллэҕэй диэн енейен кербутэ бэйэлээх бэйэтин папата турар эбит. Маша кыбыстан тугэх хоско суурэн хаалла. Оронно киирэн олордоҕуна эдьиийэ киирэн папаҕар барыахха диэн ынырбытын ытыы сыһа сыһа суох диэн тебетун быһа илгиһиннэ. Папатын ахтыбыта бэрт буолан атыныраан дуу, хайаан ду сенен олордо. Онтон эбээтэ кэлэн хостон сиэтэн таһаарбыта балта уже кетехтерен олорон тугу эрэ кэпсии аҕай олорор эбит. Быраата аттыгар туран эмиэ оонньуур массыынатын кердерер игин. “Машенька, кэл манна” диэн баран папата кетеҕен ылла, сыллаата. Маша папатын кууһан баран дьэ син уоскуйда.

    Эбээлэрэ чэй бэлэмнээн айаннаан кэлбит киһини аһатта- сиэттэ. Остуолга олорон сонун нуобас уллэстиитэ буолла. Онтон папаларын кытта дьиэлиир буоллулар. Таннан таҕыстылар, куһунну киэһэ хараната сурдээх. Оннук чэ ону маны кэпсэтэ кэпсэтэ дьиэлэригэр кэллилэр. Ол туун да, аныгыс да кунугэр Варялара кэлбэтэ. Аҕалара кэһиитин сыалай биир чемодан яблоко аҕалбыт этэ. Сарсыныгар ону

аймахтарын кэрийэ сылдьан уллэрдилэр, бэристилэр. Балтыта кырата бэрт буолан кетехтете суктэрэ сырытта аҕатыгар, ону Маша тоҕо эрэ дэлби кунуулээтэ.
Онтон, хас кун ааспыта эбитэ буолла, мамалара балыаһаттан кэллэ. Дэлби ырбыт этэ, Маша ийэтин керен сатаан хараҕын уутун туттуммата, туалетка суурэн тиийэн хатанан олорон дэлби ытаата. Уонна дьэ бары бииргэ буоллубут диэн уоскуйбуттуу ере тыынан баран ийэлээх аҕатыгар суурдэ.

    Оҕолор ийэлээх аҕалара иккиэн баалларыттан уеруу кетуу беҕе. Ордук Маша дьоллонно. Быраата уонна балта папаларын соччо кербетех, ейдеебет буоланнар наһаа чугаһаабаттар. Онтон Маша папа оҕото.
Оннук хас да хонук ааста. Арай биир киэһэ Варялара киирэн кэллэ. Маша киниэхэ хостон утары тахсан кэлэн баран: “Эн манна хайыы кэллин? Биһи папабыт мамабыт кэлбиттэрэ. Бар! “- Диэбитин кулгааҕа эрэ истэн хаалла. Дьинэ Маша инник этиэн баҕарбатаҕа. Итинник быһыыламмытын уонна Варя хомойбут харахтарын билигиннээннэ диэри умна уонна бэйэтин бырастыы гына илик. Ол кунтэн ыла Варяны кербетеҕе. Варя ыалга кеспутэ онтон олох да атын дэриэбинэҕэ кеһен барбыта.

    Бары бииргэ буолуохтарыттан ыла этэннэ ыал ыал курдук олорон бардылар. Маша уерэнэр, кыралар детсадка сылдьаллар, ийэлэрэ улэлиир, аҕалара бултуур, сылгы иитиитинэн игин дьарыктанар. Биирдэ Машаны папата оскуолаттан ыла кэллэ. Атынан. Кетеҕен ылан ат урдугэр олордон кэбистэ уонна сиэтэн барда. Маша сурэҕэ айаҕынан тахса сыста кутталыттан, аппыт иэҕэннээн туһэн, суулларан туһэриэх курдук. Кыыс олох хам тутуһан баран олордо, дьиэлэригэр чугаһаабыттарыгар дьэ ьуу диэх курдук гынан истэҕинэ арай дьиэтин ааһа бара турдулар. Баран аты уулатан кэлиэххэ диэтэ папата. Куелгэ тиийэн баран ата ойбонно тенкейен уулаан барбытыгар Маша букатын билигин бу сылгы моонньунан сырылаан ойбонно умсар буоллум диэн бэлэм олордо. Кутталыттан саната да тахсыбат. Киниэхэ холоотоххо быраата атынан бэккэ кетутэр, кыракый диэбэккин. Ону биирдэ Маша быраатыгар миигин аты мииннэргэ уерэт диэбитигэр, биирбит, чэ кэл санныбар олор диэн олоппостоно олоппостоно эдьиийин санныгар олордубута уонна хоһу биир гына хаамыталаабыта. Маша сууллуом диэн куттанан хаһыы ыһыы беҕе буолбута. Быраата: “Инник хаһытаатаххына ат соһуйан маннык гынар”- дии дии аны ыстаналаан барбыта. Маша ессе буусса хаһытаабыта уонна иккиэн дьыбаанна охтон туһэн баран кулэ кулэ сыппыттара. Маша ойбон таһыгар ат урдугэр олорон лучше быраатым санныгар олорбутум ордук эбит дии санаабыта. Дьиэтигэр тиийэн аттан туһэн баран атаҕын билбэт буола сылайбыт этэ. Ити кэннэ акка олох чугаһаабат буолбута.
Аҕата биирдэ хантан эрэ ыт оҕолорун аҕалбыта, булчут ыттар уһу сураҕа. Онтон Маша Доҕорун олох сэнээрбэт, туора тутар этэ. Доҕор онно эрэ наадыйбат, киниэхэ главнайа Машата баар да буттэҕэ дьи. Арай биирдэ Доҕор сутэн хаалла. Маша тахса тахса ыныран керер мэлисээй, ханна да суох. Онтон сарсыныгар ду ейуунугэр ду папата Доҕор тириитин аҕалла. Андаатраһыттарга мэһэйдээбитин елерен кээспиттэр диэтэ. Маша турбут сирэ таннары эргийбиккэ дылы буолла, хайдах, кини Доҕорун, тоҕо, туох иһин? ! Тебетун иһэ барыта боппуруос, биир кэм куугунаан олорор. Итэҕэйиэ суоҕун субу кини иннигэр аҕыйах эрэ хонуктааҕыта мэниктии сылдьыбыт Доҕорун тириитэ сытара. Иирбит курдук буолла, тириини кууһан олорон имэрийэ имэрийэ уһун уһуннук ытаата. Онтон аҕата ыт тириитин ылан дьиэ урдугэр таһааран крыша аннынааҕы верандаҕа тиирэн кэбистэ. Маша барахсан хаһан ол тириини онтон ылыахтарыгар диэри дьонуттан кистээн хас кун аайы тахсан имэрийэ имэрийэ ытыыра. Ити Маша оҕо сааһын биир саамай улаханнык хомойбут тугэнэ этэ.

    Ити буолбут тубэлтэ кэннэ Маша ытын аһыйан кун аайы ытыыра. Аҕата элбэх ыттааҕа, инник булчут, маннык булчут диэбит курдук реклама беҕе. Ол эрэн ол ыттартан ким да киниэхэ дьиннээх доҕор буолбатаҕа. Уерэнэ олорон сотору сотору туннугу манаһара, арай Доҕор тиийэн кэлиэ диэбиттии.
Кун дьыл ааһан Маша бэһис кылаас буолла. Кылааһын оҕолорун кытта бары учугэй сыһыаннаахтар этэ да арай биирдэ туохтан эрэ этиһии таҕыста. Ол этиһии быыһыгар однокласснига “ЭН ПАПАН ХААЙЫЫЛААХ” диэн хаһыытаата. Ону истэн Маша атаҕа сири билбэт буолла, хараҕа харанаран ылла. Ама, кини папата, хайдах хаайыылаах буолуой? ! ! Дьиэтигэр хайдах тиийбитин ейдеебете даҕаны уонна дьиэ урдугэр тахсан

ийэтэ хаһан да бу сумканы тыытааххыный диэбит кулуустээх кыракый чемоданы тоҕо тардан арыйа баттаата.

    Чемоданы арыйа баттаабыта барыта тобус толору сурук буолла. Маша олорон эрэн биирдии биирдии саһарбыт лиистэри ылан ааҕан барда. Ийэтэ аҕатын кытта суруйсубут суруктара эбит. Аҕыйах суругу ааҕаат, однокласснига тугу да айан эппэтэҕин ейдеете. Кини аҕата хаайыылаах эбит. Ол аата ийэлэрэ кинилэри соспутунан хаайыыга баран аҕаларын керсен кэлэр эбит. Оо, Маша абардаҕын, кыыһырдаҕын, кэлэйдэҕин! Ити кэмнэ диэри дьинэ кини аҕатын эр киһи идеалын курдук керер этэ. Ол барыта биирдэ суох буолла. Ийэтин аһынна олорон эрэн. Онтон чэ буолар буоллаҕа диэн дьиэтигэр тустэ уонна туох да буолбатаҕын курдук тута сырытта.
Ити сыл ийэтэ ессе биир быраат бэлэхтээтэ. Дьол беҕе бары. Куһаҕан барыта умнуллан да барда. Ол эрэн кылгас эрэ кэмнэ дьоллоох этилэр. Кыра кыралаан аҕалара арыгыны иһэр буолла. Иьэн баран дьон сиэринэн утуйан хаалар игин суох буоллаҕа дьи, айдаарар игин буолла. Бастаан утаа кыратык, оҕолору игин уһугуннарбат гына хоһугар сытан ийэлэригэр ону маны лахсыйар этэ. Хата куһаҕан учугэйдээх диэбиккэ дылы, ургуччу хас да хонук арыгылаабат этэ, биир кун иһэн баран ус кун елеттерер этэ, уута, ууттэ, мууста дии дии сытааччы. Онтон кэлин о лбу табаарыстара игин кэллэхтэринэ арыгылаан баран акаарылар курдук охсуһар этиһэр буоллулар, оҕолор бааллар игин диэн тохтоон да бэрт! Ити кэмтэн дьоллоох оҕо саас буппутэ, барыта арыгыттан, папалара ханна эмит бардаҕына ейдеех эрэ кэлэрэ буоллар диэн танараттан кердеһеллере.
Биирдэ эмиэ итирэн кэлэн баран ийэтин кытта этистилэр, ийэтэ тахсан баран хаалла. Маша маматын кэнниттэн эккирэтэн таҕыста, киһитэ куел диэки суурэн эрэр эбит. Эккирэтэ сатаата да сиппэтэ. Теттеру дьиэтигэр ытыы ытыы кэлэн аны балтын игин уоскута сатаата. Онтон эдьиийин (маматын бииргэ тереебут балтын) ынырда. Эдьиийдэрэ кэлэн туох буоллугут диэн ыйытта, ону Маша : «Мама куел диэки баран баран кэлбэтэ диэн» ытыы ытыы кэпсээтэ. Эдьиийдэрэ оҕолору уоскутан баран ийэлэрин кердуу барда. Сотору соҕус буолан баран кэллилэр. Мамата ытаабыт аҕай быһылаах, хараҕа дэлби испит. Хантан кэллин диэн Маша ыйыппытыгар, ээ, ойуурга баран уоскуйан кэллим диэхтээтэ.
Чэ, оннук кыһын буолла, биир киэһэ аҕалара эмиэ иһэн кэлэн баран ууртэлээн ыытта дьиэттэн. Ийэлэрэ туерт оҕотун таныннаран баран ытыы ытыы эбээлээхтэригэр барда. Дьэ иэдээн хартыына, арай эбээлэрэ ааны арыйбыта, кыыһа уонна сиэннэрэ бары ытаабыт сирэйдээх тураллар. Ессе эбиискэ буолан аҕалара буолуохсут тиийэн кэллэ уонна эбээлэригэр : «Дьоннун букатынныы аҕаллым, сатаан олоруо суохпут» диэн баран тахсан барда. Хас да хонук эбээлээхтэригэр олордулар. Аҕалара кэлэн айдааран илдьэ бара сатаата. Ийэлэрэ эппит тыла биир : Арыгыгын эмтэт! ! ! Инньэ гынан эмтэттэ, кэлэн кеһерен ылан барда. Ити курдук наһаа элбэхтэ буолла. Маша аҕатыгар кэлэйдэр кэлэйэн истэ. Кыра быраата номнуо уже детсад игин киһитэ буолла. Балта, улахан быраата уонна Маша оскуолаҕа уерэнэн эмиэ ырааттылар. Эрэй мун анардаах олордулар инник гынан.
Биир кун аҕалара туун хойут кэлэн ийэлэригэр айдаарда хос иһигэр киирэн. Ер соҕус этистилэр, онтон охсуһар тыас иһиллибитигэр Маша хоско суурэн киирбитэ, аҕата ийэтин муомахтыы сытар эбит. Кыыс ытыы ытыы аҕатын кехсугэ саайталаата, тохтото сатаата, аҕата кыыһын анньан туһэрдэ. Маша куускэ баҕайы сиргэ олоро тустэ уонна марылаччы ытаан барда. Бу уйэҕэ ийэтиттэн да аҕатыттан да тарбаҕынан да таарылла илик этэ. Дэлби кэлэйдэ, аҕатын абааһы да керде. Оронугар баран ытыы сыттаҕына аҕата кэлэн бырастыы кердеһе сатаата, мин хаайыылаахпын игин диэн билиннэ игин. Машаны ити тухары билбэт дии саныы сылдьыбыт быһылаах. Чэ, ону маны этэн тыынан баран дьиэттэн тахсан барда. Ити туун дьиэтигэр хоммото. Сарсыарда эрдэ Маша маматын кытта куерчэх сии олордохторуна киирэн кэллэ уонна дьыбаанна баран сытан эрэ : «Барын! ! ! »- Диэтэ. Ийэтэ, ол букатынныы барабыт да диэбитин. Букатынныы да барын диэтэ. Ийэтэ хомойбут харахтарынан Маша диэки керен олорон: «Хайыыбыт, Маша, эн быһаар, баччаанна диэри аҕаҕытын кытта эһиги эрэ тускутугар олоро сатаатым, аҕата суох буолбатыннар диэн», - диэтэ. Маша: «Барыахха», -

диэтэ. Улахан тугу да хомуммакка, тахсан эмиэ эбээлээхтэрин диэки бардылар. Онно тиийэн олордулар. Ийэтэ Машаҕа элбэҕи кэпсээтэ, бу тухары илиитин кетеҕе илик этэ теһе да истэр, аны билигин кэлэн уже бара турар буолуо игин диэтэ. Уонна Машаны саамай кэлэппит сонун диэн Маша ытын, Доҕору аҕата бэйэтэ елеттербут уһу, туохха да наадата суох, дьону урбэт да хайаабат да ыт диэн. Оо, Маша ини истэн баран аҕата буолуохсут киһиттэн букатыннаахтык кэлэйдэ. Сэрэйэр этэ ол иһин тоҕо эрэ оннук диэн, ол эрэн наһаа папам инник гыммата ини диэн бэйэтэ бэйэтин сэмэлэнээччи.
Дьиэ буллулар, сууйдулар тараатылар уонна ол дьиэҕэ эбээлээхтэриттэн кестулэр. Аҕалара кэлэн хаста да эйэлэһэ сатаата. Арай туран кини санаатыгар дьоно ыт курдук кини барын диэтэҕин аайы бараллар, кэлин диэтэҕин аайы кэлэн иһиэхтээхтэр быһылаах. Учугэйинэн да кэпсэтэ сатаата, айдааран да илдьэ бара сатаата. Маша били илии кетеҕуулээх туун кэннэ ийэтин аҕатын кытта биир да мунуутэ соҕотохтуу хаалларыан баҕарбат. Наар кэтии маныы сылдьар. Оскуолаҕа сырыттахпына кэлэн айдаарыа диэн сугун да уерэммэт буолла. Уроктар кэннэ дьиэтигэр суурэн кэлэр.
Оннук куттал баттал быыһыгар олордулар, аҕалара инник ускул тэскил сылдьан дьыалаланан эмиэ хаайыы киһитэ буолла. Ити кэннэ эрэ хаалбыт оҕо саас кэмэ син бэттэх кэллэ. Папабыт итирик кэлэн эмиэ айдаарыа, уехсуе диэн санаата суох олордулар. Онтон хаайыыттан тахсар кэмэ кэлбитэ. Буоларын курдук буулаабыт суолунан дьонугар тэмтээкэйдээн кэллэҕэ уһу. Биллэ кырдьыбыт, холлубут этэ. Оҕолор буоллаҕына бары улаатан, кыралара оскуола, улахаттар бары студеннар, сана дьылга дьиэлэригэр сынньана диэн кэлбиттэрин аҕалара атыннык сынньатаары бу мэлэйэн олорор эбит. Улааппыт дьон быһыытынан куустээх кэпсэтии буолла. Кыра сылдьан сатаан эппэтэх тылларын, санааларын барытын тоҕо кутан кэбистилэр. Уонна мас таас курдук бу дьиэҕэ суолу умун диэн буолла. Киһи эрэ буоллар ейдеете быһылаах, Машаны сууһуттэн сыллаан ылан баран тахсан барда.
Бэйэтэ себулуур тылынан эттэххэ БУКАТЫННЫЫ. . .