Ирина Семеновна Тимофеева - Воронеж куорат милииссийэтин старшай сэлиэдэбэтилэ. Ирина Семеновна өтөрдөөҕүтэ 37 сааһын туолбута. Номнуо капитан сыбаанньалааҕа. Ол да буоллар кэнники кэмҥэ улахан дьыалалар кэлбэт буоллулар. Күнү күннээх учаастакка олорорго уопуттаах сэлиэдэбэтил сылайда. Биирдэ биир үтүө күн, начаалынньыга бэйэтин кабинетыгар ыҥырбыта. Ирина Семеновна “Саҥа дьыала киирбит буолаарай” дии-дии начаалынньыгын кабинетыгар кэллэ. Ааны тоҥсуйаат:

• Виктор Иванович, киириэххэ сөп? - диэн ыйытта
• Киир, Тимофеева - диэн саҥа иһилиннэ
  Ирина Семеновна аргыый аҕай киирээт, начаалынньыгын таһыгар устуулга олордо.
• Дьэ, Тимофеева. Биһиэхэ ыарахан дьыала киирдэ. Бэҕэһээ киэһэ , бэйэтин дьиэтигэр дьокутаат Ерофеев өлө сытарын булбуттар. Быһаҕынан хабарҕатын тоҕо быспыттар.
• Ерофеев диэн мэр быыбарыгар кыттар этэ буолбат дуо?
• Сөпкө эттиҥ. Ерофеев быыбарга кыттар этэ , уонна бастаан иһэрэ, билигин кини тахсыбытыгар, Антипин бастаата. Кинини бастакыннан допуруостаар. Чэ, дьыаланы эйиэхэ биэрэбин - диэт Виктор Иванович сиэйпэтиттэн суон папканы хостоот Ирина Семеновна уунна. Ирина Семеновна, дьыаланы ылаат аргыый аҕай кабинеттан тахсан барда.

    Ирина Семеновна детдом иитиллээччитэ. Кыра саастааҕар төрөппүттэрэ суол саахалыгар түбэһэн күн сириттэн барбыттара. Чугас аймаҕа суоҕа. Оскуолаҕа үөрэҕэр орто этэ. Саамай сөбүлүүр уруога математика уонна НВП. Оскуоланы бүтэрээт бастаан педагогическай үнүстүүккэ киирбитэ онтон, икки сыл буолаат институтун быраҕаат, милииссийэ үөрэҕэр туттарсыбыта. Ирина Семеновна мындыр өйүнэн бэрт ыарахан дьыалалары арыйара. Ол иһин начаалыстыбатыгар тарбахха баттанар үлэһит. Доҕотторо Ирина Семеновна усхатык Ира дииллэр. Ира бэйэтэ даҕаны инньэ диэн ыҥыралларын сөбүлүүр. Ира номнуо ипотекатын төлөөн , бэйэтэ үс хостоох кыбартыыралааҕа. Уонна куорат иһигэр айанныырыгар кыракый Китайтан ылбыт массыыналаах. Ира сарсыардаттан киэһээҥҥи диэри үлэтигэр сылдьар буолан, бэйэтигэр бириэмэтэ тиийбэтэ. Элбэх эр киһи кыраһыабай дьахтары кытта көрсүһэ сатаабыттара да буоллар, Ира үлэтигэр сылдьар буолан букатын солото суоҕа. Ол иһин билигин үс хостоох кыбартыыратыгар соҕотох олорор.

Ирина Семеновна учаастактан тахсаат сонно Антипиҥҥа айанныырга сананна. Массыынатыгар олороот, наадалаах аадыраһыгар айаннаата. Аадыраһыгар тиийээт, сөптөөх ааҥҥа кэлэн баран тоҥсуйда. Сотору буолаат ааны биир эр киһи арыйда

• Дорооболоруҥ, капитан полиции , Тихонова Ирина Семеновна. Антипин А.В манна олорор да?
• Мин буолабын. Антипин Александр Витальевич буолабын. Миэхэ туохха наадыйдыгыт
• Александр Витальевич, кэпсэтии баар. Киириэхпин сөп?
• Аа, киириҥ. Миигиттэн тугу наадыйдыгыт. Мин сокуону кэспэтээм - дии-дии Антипин кириэһилэтигэр кэлэн олордо
• Александр Витальевич, бэҕэһээ киэһэ эһиги ханна баар этигитий?
• Тохтуу түһүҥ эрэ… Администрацияҕа эбит. Онно быыбарга кыттааччылар мунньахтара буолбута. Ол кэннэ сонно дьиэлээбитим. Подьезка камера баар онно көрөөрүҥ.
• Ол мунньаххытыгар Ерофеев Павел Петрович баар этэ дуо?
• Ерофеев суох этэ. Баара буоллар өйдүөм этэ. Ыйытыыгыт бүттэ?
• Махтал, эппиэттээбиккитигэр, мин төлөпүөнүм нүөмэрэ бу баар тугу эрэ өйдөөтөххүтүнэ эрийээриҥ - диэт Ирина Семеновна остуолга визиткатын ууран баран, тахсан барда.

Таһырдьа тахсаат, Ирина Семеновна салҕыы кими допуруостуурун толкуйдаата. Ерофеев кэргэнэ да оҕото да суоҕа. Дьыала муннукка баран иһэр, ол да буоллар Ирина Семеновна тохтуур санаата суоҕа

    Ирина Семеновна уһуннук толкуйдаабакка , Ерофеев сэкиритээрин кытта кэпсэтиэн баҕарда. Такси тутаат куорат администрациятыгар айаннаата. Администрацияҕа дьон сэргэ элбэх этэ. Бары ханна эрэ төттөрү таары хаамаллар, киирэллэр. Ирина Семеновна хараҕар сонно “Ерофеев П.П” диэн табличкалаах аан быраҕылынна. Кабинекка чугаһаан истэҕинэ эмискэ аан аһылла түстэ. Иһиттэн эдэр бэйэлээх кыыс тахсаат, Ирина Семеновна көрөөт:

• Уой! - дии түстэ.
• Дорооболоруҥ, капитан полиции Тимофеева. Эһиги Ерофеевы билэҕит дуо?
• Павлигы дуо? Билэн буолубуна. Мин кини сэкиритээрэбин. Туохха наадыйдыгыт. Эрдэ этэбин Павел Петрович бэҕэһээҥҥиттэн ыла кэлэ илик.
• Гражданин Ерофеев Павел Петрович бэҕэһээ бэйэтин кыбартыыратыгар өлө сытарын булбуттара. Баһаалыста кини туһунан кэпсии түһүөххүт дуо? Кими кытта иирсэрин , кими кытта чугас сибээстээх этэй?
• Хайдах…. Бэҕэһээ аҕай үлэлээн бүтээт дьиэбэр диэри атаарбыта дии…
• Баһаалыста, мин ыйытыыбар эппиэттиэххит дуо?
• Аа, Павел олус үчүгэй киһи этэ. Иккиэн бэйэ-бэйэбитин таптыыр этибит. Икки ыйынан ЗАГСаланыахтаах этибит. Үлэтигэр даҕаны, кими
  да кытта этиспэт этэ. Арай нэдиэлэ анараа өттүгэр биир эр киһини кытта бэйэтин кабинетыгар улахан бэйэлээхтик ыһытаһар этилэр. Ол киһи :“Барытыгар эппиэттиэҥ” диэбитин өйдөөн хаалбытым.
• Ол эр киһи өссө манна кэлэ сылдьыбыта дуо?
• Арааһа суох быһылаах.
• Онтон Павел Петрович кабинетыгар камера баар дуо?
• Суох. Ол иннинэ ким эрэ түүн киирэн алдьатан кэбиспит этэ. Коридор камератын кытта.
• Дьэ ол куһаҕан. Ээ арба ааккыт ким диэний? Билсиспэтэх эбиппит…
• Пелагея Романовна Карпова диэммин.
• Мин Ирина Семеновна диэммин. Өссө тугу эрэ өйдөөтөххүтүнэ миэхэ эрийээриҥ - диэт Ирина Семеновна визиткатын ууран баран тахсан барда.
• Ээ,тохтоон! Ити Павелга кэлэ сылдьыбыт эр киһини охранник Славик билэрэ буолуо. Кини дьуһуурустубата этэ
• Сөп махтал - диэт Ирина Семеновна тахсан барда.
  Дьуһуурунай хоһугар киирээт, Ирина “Святослав” диэн бейджиктаах эр киһини көрөн баран:
• Дорооболоруҥ, капитан полиции Тимофеева. Баһаалыста, мин ыйытыыбар эппиэттиэххит дуо?
• Туох ыйытыыларыгар. Үлэлии олоробун
• Бэҕэһээ киэһэ, бэйэтин кыбартыыратыгар , Ерофеев Павел Петрович өлө сытарын булбуттара. Ол иннинэ киниэхэ биир эр киһи кэлэ сылдьыбыт үһү. Миэхэ камера видеота наада.
• Ээ, өйдөөтүм быһыылаах. Тохтуу түһүҥ эрэ - диэт охранник көмпүүтэригэр тугу эрэ хаһан баран:
• Бу баар видео. Ити киһи өссө миигиттэн Ерофеев кабинетын ыйыппыта.
• Баһаалыста, бу флешкаҕа быраҕыххыт дуо?
• Сөп - диэт охранник флешканы ылаат , видеоны быраҕан баран :
• Мэ, бырахтым. Ыйытан бүттүгүт дуо?
• Махтал - диэт Ирина Семеновна суумкатыгар флешкатын уктан баран тахсан барда.
  Киэһэ дьиэтигэр тиийэн, сымнаҕас дьыбааныгар олороот, ноутбугар видеоны көрдө. Биллибэт эр киһи сирэйин чугаһатаат, төлөпүөнүгэр хаартыскаҕа түһэрэн баран, криминалистка ыытта.
• Алло, Сёма, көрдүҥ ыыппыт хаартыскабын? Ити киһи туһунан туох эрэ информация наада. Аатын биллэхпитинэ үчүгэй буолуо этэ
• Ира, куттаныма, буллахпына ыытыам
• Сарсын сарсыарда тиийдэхпинэ кэпсээр ду?
• Сөп.
  Нөҥүө күнүгэр, сарсыарда Ирина Семеновна уруккутунааҕар эрдэ тураат, үлэтигэр барда. Халлаан кыра тыаллаҕа, самыырдыы турара. Ирина Семеновна зонтигын хостоот, өссө түргэнник хааман истэ. Милииссийэ учаастагар тиийээт, сонно криминалист Семен хоһугар барда.
• Үтүө сарсыарданнан.
• Привет , Ира. Бүгүн эрдэ да кэллиҥ. Өссө ким да кэлэ илик. Мин бу дьуһуурустубабар олоробун. Кэл олор, билигин бэҕэһээҥҥи киһиҥ туһунан кэпсиэм.
• Буолуҥ да?
• Булан буолубуна. Брандт Леонид Николаевич, 50 саастаах. Кэргэнэ суох, биир уоллаах. Кыахтаах бизнесмен, икки собуот хаһаайына, хас куорат ахсын маҕаһыыннардаах. Ерофеевы кытта дэлби аайдаарсыбыттар эбит. Икки ый анараа өттүгэр, Леонид Николаевич уола, Артур Брандт, итирик туруктаах биир кырдьаҕас эмээхсини массыынанан түҥнэри көппүт. Ол эмээхсин, Ерофеев ийэтэ эбит. Суут буолбут, Ерофеев үчүгэй адвокаттары булан, Брандты хайыыга ыытаары гыммыт, ол да буоллар, Леонид Брандт хайдах эрэ гынан уолун “отмазкалаппыт”. Артур Брандт массыынаны ыытар быраабын сыл аҥаарыгар быспыттар, онтон эмээхсин буолла бэйэтэ киирэн биэрбит диэн буолбут. Ерофеев буолла хотторбутуттан хомойбут, онтон ыла Брандты кытта улаханнык этиспиттэр.
• Ити Брандт төлөпүөнүн нүөмэрэ уонна дьиэтээҕи аадырыһа баар дуо?
• Тохтуу түс эрэ , билигин смс ыытыам.
• Кэллэ, Сёма. Мин бардым, Брандты допуруостуу
• Наһаа эрдэ буолбатах дуо?
• Буоллун. Иккиэннэрин хабыам. Хойутаатахпына онно манна айаннаан хаалыахтара
• Чэ , этэҥҥэ

    Ирина Семеновна, Леонид Николаевич дьиэтигэр тиийэн, ааны тоҥсуйда. Өр буолбакка нөҥүө өттүттэн:

• Ким кэллэ - диэн иһилиннэ
• Дорооболоруҥ, капитан полиции Тимофеева. Леонид Николаевич Брандт да?
• Туохха кэллигит? - диэт Леонид Николаевич ааны аста
• Леонид Николаевич, мин эһигиттэн ыйытыахтаахпыт тугу эрэ
• Чэ, киириҥ. Дьиэ иһигэр кэпсэтиэххэ - диэт Леонид Николаевич куукунатын диэки хаама турда. Ирина Семеновна кыбартыыраҕа киирээт сонно , дьиэ ырааһын уонна баайын сөхтө.
• Чэ, кэлиҥ ыйытыҥ
• Леонид Николаевич, эһиги Ерофеев диэн киһини билэр этигит дуо?
• Ол ыты билэн буолубуна
• Хайаан киһини
  ыт диигит?
• Тоҕо диэтэр, ити “киһигит” ыттан уратыта суох.
• Ерофеев икки хонуктааҕыта бэйэтин кыбартыыратыгар өлө сытарын булбуттара. Ону эһиги туох дии саныыгыт?
• Сатана, кэһэйбитэ буолуо.
• Леонид Николаевич, Ерофеевы өлөрөр кэмнэригэр эһиги ханна баар этигит
• Офиспар. Наада буоллаҕына сүүстэн тахса киһи инньэ диэ
• Леонид Николаевич, уолгут ханна баарый? Мин кинини кытта кэпсэтиэм этэ
• Итиннэ хоско , утуйа сытар. Билигин уһугуннаран даҕаны, туһа суох буолуо. Өтөр аҕай кэлбитэ итирик уонна дьэ утуйда. Чэ баһаалыста барыҥ ду, мин үлэбэр ыксыыбын.
• Сөп - диэт Ирина Семеновна саҥарбакка визиткатын ууран баран тахсан барда.

Ирина Семеновна салҕыы тугу гынарын билибинэ сырытта. Дьыала муннукка кэлэрэ чугаһаан истэ. Үлэлиир сиригэр олорон, дьыаланы хат хат аахта. Эмискэ биир “зацепканы” булла. Ерофеевы булалларын саҕана илиитигэр төлөпүөнү тутан сытар диэн эбит, онтон патологоанатом көрөрүгэр төлөпүөнэ суох диэн суруйбут. Төлөпүөн ханна эрэ сүтэн хаалбыт. Ирина Семеновна ол туһунан начаалынньыгар этиэн баҕарда

• Виктор Иванович, Ерофеев төлөпүөнэ ханнаный?
• Ханнык төлөпүөнэ, туга да суох этэ
• Манна протоколга төлөпүөнү тутан сытар диэн этэ. Онтон аҕалалларыгар төлөпүөн суох - диэн Ирина Семеновна этэ түһээтин кытта, Виктор Иванович төлөпүөнэ тыаһыы түстэ
• Алло , мин. Туох нааданый…. Өйдөөтүм билигин ыытыам - диэт Виктор Иванович төлөпүөнүн ууран баран:
• Тимофеева, Антипины өлөрбүттэр. Бэйэтин кыбартыыратыгар, төбөтүгэр ытан өлөрбүттэр. Бар түргэнник. Аадыраһы билэр инигин?
• Билэбин - диэт Ирина Семеновна кабинеттан тахсаат сонно Антипин кыбартыыратыгар айаннаата. Подъезд таһыгар дьон бөҕө мустубут.
• Дорооболоруҥ, капитан полиции Тимофеева. Т
  Хайдах өлбүтүй? - диэн Ирина Семеновна милииссийэ үлэһиттэрэ кэлээт эттэ
• Дорообо. Антипин өлүгүн кэргэнэ булбут. Ол турар. Эксперт эппитинэн, сонно өлбүт. Ким эрэ ааны тоҥсуйбут, ону баран аспытыгар, сонно төбөтүгэр бэстилиэтинэн ыппыттар. Арааһа ТТ быһылаах.
• Сөп. Оччоҕо мин кэргэнин ыйытыам - диэт Ирина Семеновна муннукка турар дьахтарга чугаһаата.
• Дорооболоруҥ, капитан полиции Тимофеева. Аҕыйах ыйытыыбар эппиэттиэххит дуо?
• Саша туһунан ыйытар буоллаххытына тугу да этэрим суох. Кинини Михайлов охраннига өлөрбүт быһыылаах. Кирилиэһинэн тахсан иһэн ол киһини сирэй сирэйгэ көрсө түспүтүн. Наһаа ыксаабыт көрүҥнээх этэ.
• Михайлов диэн кимий?
• Саша урукку доҕоро. Эдэрдэригэр арахсыбат доҕордуу этилэр. Михайлов эмиэ быыбарга кыттар. Аата Аркадий Аркадьевич диэн.
• Онтон эһиги ааккыт?
• Антипина Ангелина Ивановна.
• Мэ, бу визиткам. Тугу эрэ биллэхпинэ эрийиэм - диэт Ирина Семеновна тахсан барда.
  Уулуссаҕа тахсаат, Ирина Семеновна криминалист Сёмаҕа эрийээт, Михайлов туһунан информацияны буларга көрдөстө. Семен өр көһүппэтэ, сотору кэминэн Ирина Семеновна Михайлов туһунан барытын билэрэ. Аркадий Михайлов урут хайыыга киирэ сылдьыбыт, 90 саҕана бандьыыттаабыт киһи эбит. Хос аата “Армих”.

    Ирина Семеновна Михайловы кытта илэ көрсүөн баҕарда. Төлөпүөнүнэн Михайлов кафеҕа кэлиэм диэбитигэр, Ирина Семеновна онно күүтэн олордо. Сотору буолаат, Михайлов кэллэ. Кэнниттэн охранниктара сырсан сылдьаллар.

• Дорообо, Ирина Семеновна. Туохха ыҥырдыҥ
• Дорообо, Аркадий Аркадьевич. Баһаалыста олоруҥ.
• Дьэ, эт туохха ыҥырбыккын. Мин ыксыыбын
• Бүгүн Антипин Александр Витальевичы бэйэтин кыбартыыратыгар өлө сытарын булбуттара. Бэстилиэтинэн төбөтүгэр ытан өлөрбүттэр. Кэргэнэ , эһиги охранниккыт өлөрбүтэ диэбитэ
• Эс, хайдах оннук буолуой, мин дьонум куруук миигин кытта. Кими да ыыппатаам. Албынныыр буолуо ол дьахтар. Чэ бириэмэ бөҕөтүн бараттым , мин бардым. Аныгыскыга ордердаах эрэ ыҥыраарыҥ - диэн баран Михайлов тураат баран хаалла.
  Ирина Семеновна олорон хаалла. Эмискэ ол олордоҕуна төлөпүөнэ тырылыы түстэ. Пелагея эрийэр эбит.
• Алло, Пелагея. Тугу эмит өйдөөтүгүт дуо?
• Алло, Ирина Семеновна. Биир наһаа сүрдээх түгэни өйдөөтүм. Төлөпүөнүнэн кэпсиир кыаҕым суох, ол иһин кафеҕа көрсүһүөххэ администрация таһыгар
• Сотору тиийиэм - диэт Ирина Семеновна арахсан хаалла.
  Пелагея, түргэн үлүгэрдик сонун уонна суумкатын ылаат, администрацияттан таҕыста. Парковка устун хааман истэҕинэ, эмискэ кырыыттан биир үп үрүҥ внедорожник массыына айаннаан тахсаат, эмискэ сүүрдэн кэлэн Пелагеяны үлтү көттө.
  Массыына тохтообокко даҕаны сүүрдэ турда.

Ирина Семеновна Пелагея эппит сиригэр кэлэн, чаастан ордук күүттэ. Төттөрү учаастакка бараары гыммытыгар, эмискэ төлөпүөнүгэр эрийдилэр:

• Алло, Тимофеева истэбин
• Тимофеева, ханна бааргыный - диэн төлөпүөн нөҥүө өттүгэр тойонун куолаһа иһилиннэ
• Кафе таһыгар. Администрация кырыытыгар
• Үчүгэй эбит. Администрацияҕа бар. Ерофеев секретарын Пелагеяны массыына үлтү көппүт
• Тыыннаах дуо?
• Суох…
• Ерофеевы кытта сибээстээх быһылаах , Пелагеяны өлөрбүттэрэ. Чаас анараа өттүгэр миэхэ эрийэ сылдьыбыта, тугу эрэ өйдөөбүт этэ. Баҕар онтон буолуо
• Чэ, мин эйиэхэ эрэнэбин

Ирина Семеновна администрацияҕа тиийээт, ким тугу көрбүтүн ыйытта. Үлэһиттэр бары тугу да көрбөтөхпүт дэһэллэрэ. Ирина Семеновна үлэтин күнэ бүтээт дьиэлээри гынан истэҕинэ, тойоно эрийдэ:

• Алло, Тимофеева, ханна бааргыный?
• Виктор Иванович, дьиэлээри гынным. Үлэм күнэ бүттэ
• Дьиэлээмэ хайаама. Кэл түргэнник учаастакка. Карпованы, Антипины, Ерофеевы өлөрбүт киһини туттубут
• Ким эбитий
• Леонид Николаевич Брандт. Массыынатын нүөмэринэн буллубут.
• Сөп билигин тиийиэм.
  Чаас аҥаарынан Ирина Семеновна Леонид Николаевичы допуруостуу олороро.
• Леонид Николаевич, буруйгутун барытын кэпсээн оччоҕо бэйэҕитигэр үчүгэй буолуо. Сроккут аҕыйах тахсыа
• Чэ. Оннук баҕарар буоллаххына, кэпсиэм. Мин, Антипин Саша, уонна Ерофеев Паша оҕо эрдэхпититтэн доҕордуубут. Ол күн Паша биһигини дьиэтигэр ыҥырбыта. Кыратык быыбарга кыайаары гыммытын бэлиэтээбиппит. Киһибит түргэнник итирбитэ уонна мээлэ мээлэ ону маны саҥаран барбыта. Саша ону сөбүлээбэтэҕэ, уонна тылгын тутун диэбитэ. Ерофеев ону истээт букатын уордайа түспүтэ уонна остуолга турар бутыылканы ылан баран тоҕо саайаат , Антипин диэки барбыта. Иккиэн охсуһан барбыттара, мин Антипины Ерофеев өлөрөн эрэрин көрөн турбутум онтон остуолтан быһаҕы ылаат, Ерофеев хабарҕатын быспытым. Ол кэннэ Антипины кытта остуолу хомуйан кэбиспиппит уонна дьиэлээбиппит. Аҕыйах хонугунан Антипин эрийэр уонна суобаһым оонньоон кыайан утуппат диэбитэ. Ону милииссийэҕэ эттэҕинэ миигин тутуохтара диэн куттанан, саамай бэриниилээх киһибин ыытан Антипины өлөртөрбүтүм. Антипин өлүөн иннинэ Пелагеяҕа эрийэ сылдьыбыт уонна Ерофеевы хайдах өлөрбүппүтүн кэпсээн биэрбит ол иһин ол дьахтары эмиэ өлөрөргө тиийбитим.
• Леонид Николаевич, эһиги үс киһини өлөрдүм диэн кэмсиммэккин дуо?
• Наадалаах эбитэ буоллар өссө элбэх киһини өлөрүөм этэ.

Ити курдук, Воронеж куорат милииссийэтин старшай сэлиэдэбэтилэ Ирина Семеновна буруйдааҕы тутан дьыаланы саппыта.

Бүттэ
Халыма