Аудиота:

Варя сэттэлээх уолунаан куоракка иккиэйэх олороллор. Уола Гена улаатан, оскуола киһитэ буолла. Уолун ситиһиилэриттэн наһаа үөрэр да, бииртэн хараастар. Сэттэлээх Гена аҕам ханна баарый? диэн кэлин ыйытара наһаа элбээтэ. Варя уолун аттыгар олорон, өйүттэн оҥорон кэпсиир: “Аҕан ыраах атын дойдуга командировкаҕа сылдьар. Бэрт сотору тиийэн кэлиэҕэ. Кини сюрпризтары сөбүлүүр, биир сарсыарда турбутун, кухняҕа олорор буолуоҕа. Дьэ, оччоҕо иккиэн балыктыаххыт, самолет көтүтүөххүт. Көрөөр, соһуччу кэлиэҕэ”. Оччоҕо кырачаан Геночка аҕатын түүлүгэр көрөөрү, түргэнник утуйан хаалар… Варя эрэ билэр, бу оҥорон көрөр киһитэ кинилэри билиммэт. Кыыс беременнай буолтун билэн, быраҕан барбыта.Уолун утутан баран, Варя элбэҕи сытан саныыр. Кырдьык да кэлин үлэ-дьиэ буолан хаалбыт. Бэйэтин эрэ туһунан санаабакка, уолун эрэ иннигэр олох олорор. Генатын оскуолаҕа илдьэр, үлэтигэр сылдьар, күн онон бүтэр. Дьиҥэр кини да эдэр ээ, таптал диэни билиэн баҕарар. Толору дьиэ кэргэни ким билиэн баҕарбат буолуой? Варяны эккирэтээччилэр да бааллар, ол гынан баран тоҕо эрэ санаата буолбат. Маннык олоххо үөрэнэн хаалбыт эбэтэр саҥа уларыйыыттан куттанара дуу… Онтон куорат биир уһугар Ньургун кэргэнинээн Сардааналыын олороллор. Икки сыл эйэ дэмнээхтик олорон кэллилэр да, Сардаана оҕолонуон баҕарбат. Ньургун онтон наһаа кыһыйар. Саастара да сотору ыраатыа дии. Кырачаан киһини кытта бадьыыстаһар бэрт бөҕө буоллаҕа дии. Саатар биир уолу оҕолонуохха диир да, кэргэнэ олох суохтан атыны эппэт. Сардаана этэринэн “Дьиэбит биир хостоох, кыараҕас. Наар үлэлээн, оҕо көрсүөн суоҕа. Аны фигурам алдьаныа. Бастаан бэйэбит туспутугар олоруох” диир. Ньургун сөбүлээбэтэр да, хайдах гыныай? Дьиҥэр доҕотторо, бииргэ үлэлиир дьоно оҕо-уруу бөҕө. Өрөбүллэргэ оҕолорун күүлэйдэтэллэр. Иһигэр төһө да ымсыырдар, таска таһаарбат. Ийэтэ да төһөлөөх сиэн кэтэһэ сатаабытай… Бастаан утаа аһаҕастык этэр этэ, ону Сардаана саба саҥаран кэлин уолугар эрэ этэрэ. Хантан, сиэн диэни бу диэн харахтаабакка аннараа дойдуга барбыта…Өрөбүллэр үүнэннэн бүгүн Ньургун дойдутугар сынньана, кустуу тахсарга тэриннэ. Малын хомунан, такситыгар эрийдэ. Киэһэ 8 чаастан хомуйуох буолла. Сардаана журнал көрө сытар. Ньургун киниэхэ кыра хос арендалаан, таҥас- сап атыылыыр. Бэйэтэ туруо да, атыыһыт тутар. Ол да буоллар Сардаана дьиэҕэ ас астаабат, солото суох аатыран иһэр. Киэһэ такси кэлэн, таҕыс диэн эрийдэ. Ньургун малын сүгэн, быраһаайдаһан барда. Сардаана олоро түһээт, телефон үрдүгэр түстэ. Кылгас кэпсэтии кэнниттэн сиэркилэ иннигэр олорон, оҥостубутунан

барда. Ньургуннаах өр соҕус куорат устун сылдьан, дьон хомуйдулар. Дьэ, куораттан тахсан иһэн массыыналара умуллан алдьанан хаалла. Дьон суоппар оҥосторун балачча күүтэн олордулар. Ол да буоллар улаханнык алдьанан, барбат буоллулар. Ньургун суолга тахсан, такси тутаат төттөрү дьиэтигэр төнүннэ. Маарыын Сардаанаттан ватсап туппута. “Мин утуйдум. Спокойной ночи” диэбит этэ. Онон аны уһугуннаран кэбиһиэм диэн, эрийбэккэ барда.Тиийээт, бэйэтин күлүүһүнэн аһаат, кухняҕа ааста.

Киирэн уу иһээт, хоско сэрэнэн үөмэн киирдэ. Кэргэнэ Сардаана дьиэтигэр суоҕа. “Тыый, утуйдум диэн тугу эппитэй? Кырдьык да таҥаһа игин ыһыллыбыт, ханна бачча ыксаан бардаҕай?” дии санаат телефоннаата. Сардааната олох да арааран кэбиспит. Кэтэһэ сатаан, телевизор көрбүтэ буола олордо. Нуктаан ылбыт быһыылаах, халлаан сырдаабыт. Тас аан сабыллар тыаһыттан туран кэллэ. Көрүдүөргэ тахсыбыта, Сардааната лаппа холуочук биир киһилиин киирэн, уураһа тураллар. Сардаана! диэн Ньургун хаһыытаан тоҕо барда. Кэргэнэ эрин көрөөт, хараҕа улаатан хаалла. “Бу таах атаартардым мин” диэтэ. Ньургун ол киһини саҕатыттан ылан, подъездка анньан кэбистэ. Сардаанатын баттаҕыттан соһоору гынан баран, хаһан да илиитин көтөхпөтөх буолан тохтоото. “Бар,киирэн тымныы уунан суун! Өйдөөххөр кэпсэтиэхпит!” диэн баран, ваннаҕа анньан кэбистэ. Сардаана ытаан сыҥсыйара иһиллэр. Сыбыс сымыҋанан! дии дии Ньургун уоскуйбата. Сиэркилэ иннигэр сытар кэргэнин телефонун ылан хаһан барда. Итэҕэйэн хаспат этэ. Бу бүгүн дьэ саарбахтаата. Тыый, билиҥҥи киһини кытта суруйсубута, сылдьыспыттара ырааппыт эбит. Смайлик бөҕө.

Киһи кыһыйыах рестораннаан баран, былаан быһыытынан бу дьиэҕэ хонуохтаахтар эбит. Ньургун ааҕаат, сап салыбырас буолла. Бу сыллар тухары албыннаабыт, көрсүүлээх, тэбиспит диэн тыллар төбөтүгэр эргийдилэр. Сонун харбаата да, уулуссаҕа ойон таҕыста. Барга тиийэн испэт бэйэтэ дэлби арыгылаата. Биллэрдик итирдэ. Байааттаҥнаан тахсан, массыына тута сатаата. Биир ист кэлэн тохтоото. Ньургун тугу да саҥарбакка киирэн олорунан кэбистэ. “Хайа, ханна бараҕын?” диэн ыйытыыттан суоппары дьэ өйдөөн көрдө. Нарын баҕайы саха кыыһа эбит. Ньургун кыбыһыннар да, хайыай, " ханна баҕар барабын, автовокзал да диэки илдьэн бырах. Хонор сирим суох" диэтэ. Кыыс соһуйбуттуу көрдө. " Мин Варя диэммин". " Ньургуммун" бэйэ Олоро түһээт, дьэ аһаҕастык кэпсэтэн бардылар. “Кэргэним Сардаана көрсүүлээҕин илэ харахпынан көрөн баран, телефонун хаһан дьиҥнээҕин биллим. Ол иһин онтон бу төннүбэттии тахсан бардым” диэн Ньургун саҕалаата. Варя истэн олорон баран,

кини сэттэлээх Геночка диэн уоллааҕын, онтуката наар аҕатын ыйыталаһарын харааста кэпсээтэ. Суох аҕатын Варя киирэн кэлиэҕэ, командировкаҕа сылдьар диэн оҥорон кэпсиирин эттэ. " дьиҥэр аҕата ханна баарын да билбэппин, студенныы сылдьан оҕо күүтэрбин б*****, куоппута" диэн Варя өрө тыынна. " Ньургун, чаас ырааппыт. Бу кыратык киэһэтин таксилааччыбын. Хата уруккаттан олох билсэр дьон курдукпут дии. Бүгүн биһиэхэ хон. Саалаҕа орон оҥоруом, хайдах аһаҕас халлаан анныгар хаалларан кэбиьиэхпиний?" Онон Ньургун сөбүлэһэригэр эрэ тиийдэ. Сарсыарда уһуктубута, төбөтө ыбыс ыарахан. Аан быыһынан уһуктубутун билэн Варя өҥөйдө. “Үтүө сарсыарданан, Ньургун!” диэт уол таҥаһын уунна. Ньургун таҥаһын бэҕэһээ сууйан, өтүүктээн кэбиспит. Сардааната автомат стирээлнэйинэн сууйаары аҕыс айдаан буолааччы. Эгэ өтүүктүө да, суох буоллаҕа дии. Туран, кухняҕа ааста. Варя минньигэс сыттаах блиныта бэлэм буолбут. Наһаа да үчүгэй кыргыттар бааллар эбит дии санаат, Ньургун бэйэтиттэн кыбыһынна. “Оо, маамам албыннаабатах, кырдьык аҕам кэлбиит! Аны хаһан да командировкаҕа барбаккын!” диэт Геночка сүүрэн кэлэн Ньургуну кууһа түстэ. " Суох Гена, барытын быһаарыам" диэн истэҕинэ, Ньургун:“Аны барыам суоҕа!“диэт уолчааны кууһан турда… Сардаана эригэр эрийбэтэҕэ бэһис күнэ. Куттаан барбыта да, сырыттын диир этэ. Санаатыгар ол Захарым атаарбытыттан кыыһыран баарта диир. Көрсүүлэһэрбин билбэт буолуохтаах. Захардыын билсибиттэрэ ыраатта. Ньургун суоҕар дьиэтигэр аҕалааччы. Захар көрүҥнээх, кыыс бөҕө сырсар уола. Сардаананы сөбүлүүр курдук да, барытын умнан миэхэ кэл дии илик. Баҕар ыҥырарара буоллар, кыыс толкуйданыа этэ. Ол да буоллар Ньургунунаан эн мин дэсиһэн кэллэхтэрэ. Иккиэн үлэлээн бу квартираны ылыммыттара. Онон Сардаананы уулуссаҕа үүрүө да суоҕа. Этэргэ дылы оҕолоро эрэ суох. Дьиҥэр Ньургуна оҕомсох бөҕө. Куруутун ымсыырар оҕолорун күүлэйдэтэ сылдьар дьоҥҥо. Сардаана туох баарынан харыстанан оҕо үөскээбэтэ. Ньургун куттаан бүтэн кэллэҕинэ, толкуҋданыахпыт дии санаата. Ол санааларга уйдаран сыттаҕына, дьүөгэтиттэн ватсап кэллэ. Арыйан көрөөт, Сардаана айаҕын атта. Кини Ньургуна хайа эрэ чүөчэлиин ортолоругар оҕо сиэтэн пааркаҕа сылдьаллар. Итэҕэйбэккэ хараҕын хаста хаста көрдө. Чахчы кини кэргэнэ. “Көр да маны, атаарыы аайы кыыһырар уонна бэйэтэ оҕо оҥорон ырааппыт! Икки дьиэ кэргэннээх олорбут эбит дии! Ол иһин дойдулаатым дии дии барббакка интикэтиттэн кэлэр буоллаҕа дии!” туох баар күнүүлээбит санаата барыта тахсан, Сардаана чааскытын тоҕо быраҕан кэбистэ. “Алее, Света бу ханна сылдьалларын

эн ттүһэрдин?” “Алее, привет Сардаана. Пааркаҕа сылдьаллара. Уоллара паапа диирэ Ньургуну. Онон мин эрэ көрсүүлээхпин дии сылдьыбытын, оҕонньорун олох да ыраатыннарбыт. Билигин дьэ интикэтигэр барара буолуо”. “Светаа, иннэ диэмэ! Төннөрүллүө буо, ити дьахтары көрөн да туран миэхэ тэҥнээри гынаҕын дуо? Мин ордук кыраһыабайбын! Сүбэ биэриэхтээҕэр барара буолуо дии олороҕун да?!” Сардаана телефонун ууран кэбистэ. Дьэ, кэлэн эрин таптыырын билэн, ытаан киирэн барда. Ватсабаа тыаһаата. Светата суруйбут: “Сардаана, ити кыыс били ааспыт ыйга сылдьыбыт саломмутугар баара дии. Били мин баттахпын кырааскалаабыта?

Кини дии точно!” Сардаана хаартысканы өссө биирдэ арыйан көрөөт, аа оннук эбит, бара сылдьыллыа дии санаата. Телефонун ылан Ньургуҥҥа эрийдэ. Телефону Геночка ылла. “Алее, ким истэрий бу?"-Сардаана ыйытта сэрэйдэр да. " мин Генабын. Паапам сууна кииртэ. Эн кимҥиний?” “Мин тетябын. Мааман онтон?” " маамам үлэтин күнэ”. Маннык кыра кэпсэтии кэннэ Сардаана өссө буорайда. Оҕо уруккаттан билэн, паапа диир эбит. Өссө олорго сууна сылдьар. Көһөн барбыт эбит дии, малын да ыбакка! Олорон толкуйдуу түһээт, Сардаана иһигэр таҥас уктан, беременнай курдук оҥоһунна. Ыксал бөҕөнөн таҥнаат, салоҥҥа ыстанна. Тиийэн аргыыйдык көрөн турда, дриҥник тыынаат ааны арыйан киирдэ. “Здравствуйте, ыҥырыахха можно?” диэн Варяны таска ыҥыран таһаарда. " -Эн тоҕо киһи эрин иирдэн ыллын? Уруккаттан билсэҕит да? Өссө оҕо төрөтөн биэрбит эбиккин дии, мин иннибинэ?” -суох саҥа билсибиппит ээ. Эйиигин кэпсээбитэ… -Мин кини сокуоннай кэргэнэ Сардаанабын. Мин киниттэн оҕо күүтэбин. Бэркэ диэн билэр этэ. Короче бэйэн курдук, бу оҕону аҕата суох иитэр санаам суох. Хайдаҕын бэйэн билэн олордоҕун дии! Онон күн бүгүн үүр дьиэтигэр. Туораттан кыттыһыма биһиги олохпутугар! Пока!-таһырдьа тахсаат, һуу диэтэ. Бу кэпсэтии кэнниттэн Варя бэйэтин сыыһалаах курдук сананна. “Таах сибиэ олохпор киллэрэн, чугаһатан! Уолум паапа дии сылдьар, аны кэлэн туох диэн быһаарабын? Бэйэм аны ынырык күүскэ таптаатым! Оҕолоноору сылдьабыт диэбэт этэ. Көр да маны, таах биһигинэн оонньоон баран, бараары гыммыт дии! Соҕотох оҕону иитэр хайдаҕын билэбин. Төттөрү ыытыам дьиэтигэр”-Варя дьиэтин диэки хаама турда. Тиийбитэ, Ньургун үлэтиттэн кэлэ илик эбит. Варя Ньургун хаалларбыт сонун пакеттаан подъездка таһааран уурда. Ийэтигэр эрийэн бүгүн Генаны оскуолаттан эн ыл диэтэ. Киэһэ Ньургун кэлэн, ааны звоноктаата. Варя кэлэн глазогунан көрбүтэ, барахсана сибэккилээх. Ол да буоллар киллэрбэт санаалаах. -Ньургун, биһигинэн оонньоон бүт! Кэргэҥҥэр төнүн,

аны бу аадырыһы умун! -Варя, туох буоллун? Генаны эбээтэ ылан барбыт. Эн тоҕо эмискэ кыыһырдын? -Гена игин диэмэ, эн оҕон буолбатах! Бар дьиэҕэр! Сүт мантан!-Варя саҥа бастакытын Ньургуҥҥа хаһыытаата. -сөп чэ бардым… Генаны уонна эйиигин таптыыбын… быраһаай! Атаҕын тыаһа аантан тэҋэн барда. Варя аан таһыгар олорон, өргө диэри ытаата. Киэһэ Сардаана журнал ааҕа сытта. Ааны звоноктаатылар. Сүүрэн тиийэн арыйбыта Ньургун кэлбит. -хайа, кэлэр күннээх эбиккин дии! Аҕыннахпыын!-Сардаана кууһан сыстан турда. -бар, эрэ тэй! Мин малбын ыла кэллим. Дьиэ снимайдаатым, көһөбүн. Мин эйиигин таптаабаппын дьэ өйдөөтүм. Мантан иннэ билэргинэн олор. Маҕаһыыҥҥын салай, квартираны хаалларабын. Уонна мин олохпор орооһума! Заявление суруйуоҕум. -тугум иһин миигин быраҕаҕын? Атын дьахтарга бэйэн иирэ сылдьар эбиккин буотта! Билбэтэ буолуо диигин да?! -Эн оннукка тиэртин. Дьаабыламматаҕын буоллар маннык олох буолуо суохтаах этэ! Миигин үүрдэ Варя, ол гынан баран төннөрдөхпө сатанар. Тапталы мин кинини кытта биллим. Ньургун хомунан бүтээт, күлүүһүн осстуолга ууран, тахсан барда. Сардаана барыта бүппүтүн билэн, эккирэтэ барбата… Варя уолунаан Ньургуну суохтууллар аҕай. Истэригэр киирэн кэлиий диэн күүтэллэр. Суох, Ньургун биллибэт. Бүгүн Варя арыый да хойутаан уолун ыла барда. Тиийбитэ Ньургун ылан куустуһан тураллар эбит. -Маамаа, паапам биһиэхэ олоро кэлиэн баҕарар. Кини биһигини таптыыр. Көҥүллүүгүн?-кыра Гена дьолломмут аҕай. -Баран сыырга оонньоо, биһиги кэпсэтиэхпит-диэтэ Варя. Бу туран ахтыспыт сүрэхтэр элбэҕи сипсистилэр. Олох да Сардаана оҕо күүппэт эбит. Ньургун заявление биэрбитин истэн Варя үөрдэ аҕай. Туран куустуһаат, үһүөн дьиэлэрин диэки хаамтылар. Киирэн кэлиий… Кэтэспит күндү киһилэрэ олохторун сырдатан, киирэн кэллэ.:)
Бүттэ.