Главная / Кэпсээннэр / Эсэһит Төмтө
Добавить комментарий
(Ат бөҕөлөр, кус быhыйдар)
Былыр Аллан өрүс тардыытын диэки үс бууттан ордугу кыайан көтөхпөт эрээри, олус сылбырҕа, түргэн хамсаныылаах, эр санаалаах ааттаах булчут киһи олорбут. Кини аар тайҕа аарыма кырдьаҕаһын, эһэни бултуурун бэрт кыра сааһыттан саҕалаабыт. Ол иһин дьон кинини Эсэһит Төмтө диэн ааттыыллар эбит.
Арай биир сайын ынах хомуйа сылдьар уолчааны ойууртан ойон тахсыбыт эһэ, оонньоотоҕо буолуо, кууһа түспүт. Төмтө былыргы оҕо сиэринэн быһыччатын куруук уктасылдьар, онтукайын булукунайа түһээт эһэ айаҕар туруору саайан кэбиспит. Кыыл хатанүлүгэрдик часкыйаат тыаҕа ыстаммыт. Хас да хонон баран эһэ ырааппакка өлө сытарынбулбуттар. Итинтэн ыла оҕо эһэни бултаһар идэлэммит. Үксүгэр уоһунан иитиллэр бинтиэпкэнэн уонна быһаҕынан өлөрөр. Маны таһынан бэйэтэ анал албастаах эбит. Синньигэс тииккэ быаны баайан баран эһэ ыстанан кэлэр кэмигэр быатыттан тутуһан тиит нөҥүө өртүгэр иэҕиллэн түһэр уонна быһаҕынан эһэ иһин тоҕо тардар. Ити курдук үйэтин тухары бултаан сууһарбыт эһэтин ахсаана сүүс буолуоҕун биир тиийбэтэх. Былыргы дьон өлөллөрүгэр үйэлэригэр туох анньыыны оҥорбуттарын этэр үгэстээхтэрэ. Эсэһит Төмтө икки суол анньыыга турбутун кэпсээбит. Биирин: “Эһэ арҕаҕыттан үрүҥ көмүс курдаах тоҥус өлүгүн булан баран киһилии уҥуох туппатаҕым, “. Иккиһин: “Өрүс кытыытыгар сүдү бухатыыр көрүҥнээх киһи аһыы олороругар түбэстим. Сирэйин-хараҕын олоруута да сүрдээх тыйыс. Иккиэн туох да саҥата суох чэйдээн бүтэн, киһим биэрэккэ турар оҥочотугар киирэн иһэн кыратык бытааран баран төттөрү мин диэки эргиллибитигэр мин, тоҕо эбитэ буолла, сүүһүн хаба ортото буолаарай диэн баран ытан хабылыннардым. Киһим: “Манна күнүм туолар оҥоруум буоллаҕа, тута имэрийэн кэбиспэтэхабаккам! “- Диэн хаһыытыы-хаһыытыы утары сүүрдэ. Мин саабын ииттэ охсоот сүрэҕин туһулаат ыппыппар охтон түстэ. Аҥардас мөхсүүтүн салгыныгар миигин өлөрүөх быһыылааҕа. Оҥочотун балын, сэбин-сэбиргэлин тиийэн көрбүтүм, кырдьык, Сибиир улуу ороспуойа быһыылаах эбит этэ, “- диэн кэпсээн дууһатын чэпчэппит үһү.
Николай Копырин, сэрии, үлэ ветерена. Дьокуускай к. 2001 сыл
Укажите e-mail или номер телефона для связи:
Опишите причину жалобы:
Аудиота:
🎵 Эсэһит Төмтө — Кэпсиэ
(Ат бөҕөлөр, кус быhыйдар)
Былыр Аллан өрүс тардыытын диэки үс бууттан ордугу кыайан көтөхпөт эрээри, олус сылбырҕа, түргэн хамсаныылаах, эр санаалаах ааттаах булчут киһи олорбут. Кини аар тайҕа аарыма кырдьаҕаһын, эһэни бултуурун бэрт кыра сааһыттан саҕалаабыт. Ол иһин дьон кинини Эсэһит Төмтө диэн ааттыыллар эбит.
Арай биир сайын ынах хомуйа сылдьар уолчааны ойууртан ойон тахсыбыт эһэ, оонньоотоҕо буолуо, кууһа түспүт. Төмтө былыргы оҕо сиэринэн быһыччатын куруук уктасылдьар, онтукайын булукунайа түһээт эһэ айаҕар туруору саайан кэбиспит. Кыыл хатанүлүгэрдик часкыйаат тыаҕа ыстаммыт. Хас да хонон баран эһэ ырааппакка өлө сытарынбулбуттар. Итинтэн ыла оҕо эһэни бултаһар идэлэммит. Үксүгэр уоһунан иитиллэр бинтиэпкэнэн уонна быһаҕынан өлөрөр. Маны таһынан бэйэтэ анал албастаах эбит. Синньигэс тииккэ быаны баайан баран эһэ ыстанан кэлэр кэмигэр быатыттан тутуһан тиит нөҥүө өртүгэр иэҕиллэн түһэр уонна быһаҕынан эһэ иһин тоҕо тардар. Ити курдук үйэтин тухары бултаан сууһарбыт эһэтин ахсаана сүүс буолуоҕун биир тиийбэтэх.
Былыргы дьон өлөллөрүгэр үйэлэригэр туох анньыыны оҥорбуттарын этэр үгэстээхтэрэ. Эсэһит Төмтө икки суол анньыыга турбутун кэпсээбит. Биирин: “Эһэ арҕаҕыттан үрүҥ көмүс курдаах тоҥус өлүгүн булан баран киһилии уҥуох туппатаҕым, “. Иккиһин: “Өрүс кытыытыгар сүдү бухатыыр көрүҥнээх киһи аһыы олороругар түбэстим. Сирэйин-хараҕын олоруута да сүрдээх тыйыс. Иккиэн туох да саҥата суох чэйдээн бүтэн, киһим биэрэккэ турар оҥочотугар киирэн иһэн кыратык бытааран баран төттөрү мин диэки эргиллибитигэр мин, тоҕо эбитэ буолла, сүүһүн хаба ортото буолаарай диэн баран ытан хабылыннардым. Киһим: “Манна күнүм туолар оҥоруум буоллаҕа, тута имэрийэн кэбиспэтэхабаккам! “- Диэн хаһыытыы-хаһыытыы утары сүүрдэ. Мин саабын ииттэ охсоот сүрэҕин туһулаат ыппыппар охтон түстэ. Аҥардас мөхсүүтүн салгыныгар миигин өлөрүөх быһыылааҕа. Оҥочотун балын, сэбин-сэбиргэлин тиийэн көрбүтүм, кырдьык, Сибиир улуу ороспуойа быһыылаах эбит этэ, “- диэн кэпсээн дууһатын чэпчэппит үһү.
Николай Копырин, сэрии, үлэ ветерена.
Дьокуускай к. 2001 сыл