Главная / Кэпсээ / Эйэ дэмнээхтик, дьоллоохтук олоруох
Добавить комментарий
(Тус санаа)
Бу сиргэ, аламай маҥан күн анныгэр киһи олох олороору айыллар. Онон хас биирдии киһи дьоллоохтук олорорго дьулуһуохтаах, ол туһугар элбэх сыраны ууруохтаах. Сиргэ түспүт сэрэбиэйинэн саха киһитэ алаһа дьиэни тэринэн, бур-бур буруо таһааран, үс саханы үөскэтиэхтээх, түөрт саханы төрүттүөхтээх. Төһө кыалларынан кэлин кэмсиммэт курдук, общество, дьон туһугар элбэх сыраны биэрэн туран олоро сатыахтаах.
Ханнык баҕарар норуокка ыччата - кини кэскилэ. Ыччат баар буолан омук сайдар, инникигэ эрэллэнэр. Ол эрэн сорох ыччат олоххо сыһыана түктэри буолла, кини күннээҕи дьалаана суох дьарыга элбэх киһи уйулҕатын хамсатар, толкуйга түһэрэр. Эбиитин кэлиҥҥи кэмҥэ республика ыччатын наркомания курдук ыар содуллаахдьаллык буулаата. Аны бу дьаллык симэлийиэхтээҕэр, хата, өссө сытыйан, күүскэ тарҕанна. Наркотигынан үлүһүйүүбүт төрүтүнэн биһиги ыарахан олохпут, дойдубут экономиката таҥнары барыыта, политическай балаһыанньа буолуон сөп. Оттон эмиэ биир иэдээннээх содуллаах дьаллыгынан аһыы утахха, табахха умсугуйуу буолар. Маны мин ыччат иллэҥ бириэмэтин сатаан таба туһамматыттан тахсар диибин. Хас биирдии киһи, сүнньүнэн ыччат сөбүлүүр, интэриэһиргиир дьарыктаах буоллаҕына, ыар дьаллыктарга ылларыыта, өйүн сүүйтэриитэ уҕарыйыа этэ. Холобурга атын омуктары ылан көрүөххэ. Истэргит, билэргит-көрөргүт да курдук, кинилэр биһиги курдук ыбылы итириэхтэригэр диэри испэттэр. Ол курдук культураларын таһыма үрдүк. Онон омук дьонун үтүө өттүн үтүктэн көрүөҕүҥ. Баҕар, туох эмит тахсыа, олохпут тупсуо. Биһиги да омуктартан туох итэҕэстээхпитий? Билэргит курдук, биһиги олус дьалхааннаах олоххо олоробут. Ити кыра омуктарга кутталлаах. Айдааннаах олох дьалхааныгар норуот күннээҕинэн эрэ баран хаалыан, ырааҕы-киэҥи толкуйдаабат буолуон сатаммат. Онон куппутун-сүрбүтүн чөлүгэр түһэриниэхпитин, санаабытын сааһыланыахпытын наада. Чөл олох иһин бары бүттүүн охсуһуохха, өбүгэлэрбит сиэрдэрин-туомнарын ылыныахха, төрүт үгэстэрбитин сөргүтүөххэ диэн ыччаты ыҥырабын. Биирдэ кэлэн ааһар олохпутугар тоҕо эйэ-дэмнээхтик, дьоллоохтук олоруо суохтаахпытый?!
Аня Кириллина, СГУ журналистикаҕа салаатын I курсун студена. 2001 сыл
Укажите e-mail или номер телефона для связи:
Опишите причину жалобы:
(Тус санаа)
Бу сиргэ, аламай маҥан күн анныгэр киһи олох олороору айыллар. Онон хас биирдии киһи дьоллоохтук олорорго дьулуһуохтаах, ол туһугар элбэх сыраны ууруохтаах.
Сиргэ түспүт сэрэбиэйинэн саха киһитэ алаһа дьиэни тэринэн, бур-бур буруо таһааран, үс саханы үөскэтиэхтээх, түөрт саханы төрүттүөхтээх. Төһө кыалларынан кэлин кэмсиммэт курдук, общество, дьон туһугар элбэх сыраны биэрэн туран олоро сатыахтаах.
Ханнык баҕарар норуокка ыччата - кини кэскилэ. Ыччат баар буолан омук сайдар, инникигэ эрэллэнэр. Ол эрэн сорох ыччат олоххо сыһыана түктэри буолла, кини күннээҕи дьалаана суох дьарыга элбэх киһи уйулҕатын хамсатар, толкуйга түһэрэр.
Эбиитин кэлиҥҥи кэмҥэ республика ыччатын наркомания курдук ыар содуллаахдьаллык буулаата. Аны бу дьаллык симэлийиэхтээҕэр, хата, өссө сытыйан, күүскэ тарҕанна. Наркотигынан үлүһүйүүбүт төрүтүнэн биһиги ыарахан олохпут, дойдубут экономиката таҥнары барыыта, политическай балаһыанньа буолуон сөп.
Оттон эмиэ биир иэдээннээх содуллаах дьаллыгынан аһыы утахха, табахха умсугуйуу буолар. Маны мин ыччат иллэҥ бириэмэтин сатаан таба туһамматыттан тахсар диибин. Хас биирдии киһи, сүнньүнэн ыччат сөбүлүүр, интэриэһиргиир дьарыктаах буоллаҕына, ыар дьаллыктарга ылларыыта, өйүн сүүйтэриитэ уҕарыйыа этэ.
Холобурга атын омуктары ылан көрүөххэ. Истэргит, билэргит-көрөргүт да курдук, кинилэр биһиги курдук ыбылы итириэхтэригэр диэри испэттэр. Ол курдук культураларын таһыма үрдүк. Онон омук дьонун үтүө өттүн үтүктэн көрүөҕүҥ. Баҕар, туох эмит тахсыа, олохпут тупсуо. Биһиги да омуктартан туох итэҕэстээхпитий?
Билэргит курдук, биһиги олус дьалхааннаах олоххо олоробут. Ити кыра омуктарга кутталлаах. Айдааннаах олох дьалхааныгар норуот күннээҕинэн эрэ баран хаалыан, ырааҕы-киэҥи толкуйдаабат буолуон сатаммат. Онон куппутун-сүрбүтүн чөлүгэр түһэриниэхпитин, санаабытын сааһыланыахпытын наада. Чөл олох иһин бары бүттүүн охсуһуохха, өбүгэлэрбит сиэрдэрин-туомнарын ылыныахха, төрүт үгэстэрбитин сөргүтүөххэ диэн ыччаты ыҥырабын. Биирдэ кэлэн ааһар олохпутугар тоҕо эйэ-дэмнээхтик, дьоллоохтук олоруо суохтаахпытый?!
Аня Кириллина,
СГУ журналистикаҕа салаатын I курсун студена.
2001 сыл